Shu Restaurant

自荃灣開通左條搭通天地線既天橋之後, 去荃灣行街既意欲真係大大提升今次咁岩行完荃灣西附近果幾個商場, 梗係去附近亨和街一帶搵食啦~因為好多車位既關係,呢度有好多唔同既餐廳,每間都店仔細細,但應該更能夠食到廚師既真功夫友人偏好打邊爐,二話不說就衝左入呢間新開既火鍋店~睇個名都知呢度招牌菜應該同辣有關~有重慶麻辣鍋同青花椒麻辣鍋, 唔食辣既朋友都唔洗驚,有清潤既水果鍋~我極力遊說之下,友人都堅持要食豬骨鍋醬料其實唔太多選擇, 不過如果大家想要辣醬,可以叫店員提供麻辣醬~好香~其實我地點左唔係好多配料: 枝竹, 魷魚, 魚皮, 水餃, 滑雞, 生菜, 墨魚滑個人推介魚皮, 好薄身好香脆, 另外滑雞份量都好足土魷比預期坊間質素高, 唔會好勁哥士的既感覺~生菜擺盤都好企理水餃大大粒,蝦肉彈牙, 可惜分量比較少枝竹同墨魚滑就中規中矩~雖然冇點到水果湯底, 不過偷聽到其他食客大讚~~雖然用任食既價錢食到相對地少款式既配料, 不過呢度環境舒適, 慢慢食傾下計又係另一番滋味~…Read More

9月1開學大日子梗系要同男朋友賀一賀佢啦！始終放左咁耐假，悶左咁耐！決定黎挑戰下辣度火鍋餐廳！我地入到餐廳，唔算好多人，又有得座四人枱，好舒服喔！夠曬位俾我地擺野！！！安置好一切之後，個侍應攞左啲醬料過黎，我地極度老實不客氣咁筆啲蒜，太愛蒜了！我地揀左重慶麻辣湯底，之後揀左蝦雲吞，脆肉鲩，肥牛，芝士丸，烏冬，金菇，墨魚滑，菜等等材料。最愛嘅梗系脆肉鲩，肥牛同墨魚滑！我中意食魚，所以脆肉鲩必點！而且佢好有咬口！而肥牛應該系所有人打邊爐必揀嫁啦！呢度啲肥牛真係好正！我覺得真係好高質！而墨魚滑都係我嘅最愛，所以唔可以唔揀！而且我同男朋友都好中意玩筆啲墨魚滑落去個湯底個下！好搞笑啊！其他，好似芝士丸啊，蝦雲吞啊，烏冬啊，金菇啊個啲就正正常常啦！我覺得都ok嘅！另外，個湯底系真系又麻又辣嫁，唔系講笑。我食到變孖潤腸，俾男朋友系咁笑！下次都想試下個水果湯底！好似幾清新埋單四百零蚊，ok啦！其實仲有其他野食嘅，但我地冇帶咁多錢出黎，因為仲有加一，驚唔夠錢haha！…Read More

同男朋友已經宅左係屋企幾個星期，今日我地終於行出家門。我地揀左行荃灣，荃灣老老豆豆真係幾多大商場。又有千色店又有南豐中心，有貴有平。行行下已經行到老遠，見餓拿拿聲食飯先。係荃灣西既呢間辣度，裝修好新淨，見6點鐘無咩人，我地就入去打返個邊腦。歡黎到辣度～打晒燈咁，食火鍋黎講叫做好有feel，睇得出係裝潢設計方面有花心思。環境舒服空間又夠。一望過去就有條大辣招，幾吸睛。其實呢度唔止係食火鍋既，平日同星期六日都有提供晚餐。另外我覺得比較特別既係呢到汁既配料竟然有芫茜、生蒜蓉同麻油，有D似大陸風格既火鍋。唔講咁多我地打邊腦最緊要食肉。我地無叫最貴既牛，但呢牒美國肥牛片一樣咁靚架。價錢公道$68。 食落口唔算太滑，勝在有口感，同牛味足。菜類叫左娃娃菜 $28，唔好睇佢細細碗，份量我諗四個人都夠。不過我就食菜量多所以最後都係清晒既。辣度非常用心，每一條菜都唔無老左同梅左。墨魚滑果真要比個LIKE佢。其實係街市隨便買包墨魚滑都要35蚊。但呢度都只係$48，價公好合理。可樂是必須的。餐廳叫辣度，就算我唔叫辣湯底都要有返D辣野既。呢個辣椒油唔叫得上好勁，不過對於唔食得太辣既人黎講可以過下口引。最重要既湯底係濃湯豬骨鍋。材料足，大件大大既豬骨。正 餐牌呢到食野兩個人賣單都係400蚊左右。叫既野唔多但量夠。非常好呀…Read More

我平時都幾鐘意食辣野，今日試呢間真係好堅！堅辣！坐低就見到枱底下面有個籃可以用黎擺放隨身物品，呢個設計唔錯點完野食後就開始調較自己喜歡既醬料啦～雖然選擇唔算好多，但勝在材料夠新鮮。配料有：蔥、芫茜、生蒜蓉、豉油同麻油青麻辣花椒鍋 $78呢個鍋我揀左一隻辣椒，不過都好辣！湯底一黎到已經聞到麻辣既味道，湯底好多大蒜、辣椒籽同其他香料等。一路滾就越食越辣，但細心既店員見我食唔到都有問洗唔洗幫我撈走面頭層辣油，貼心服務抵讚。墨魚滑 $48呢度既墨魚滑做得幾好，打得滑身之餘仲咬到一粒粒墨魚肉，口感唔錯～生根 $28生根呢啲索汁既野係必點既！烚軟左之後索曬所有辣湯精華，放入口爆汁果吓真係超爽南瓜片 $26我開頭以為南瓜要等比較耐，但原後切薄片後好快煮淋，食材品質OK，咬落有少少似薯仔粉粉地果種感覺～雪花肥牛片 $98肥牛脂肪分佈均勻，入口鬆化，雖然湯底麻辣但都食得出牛肉既香味。刀削麵 $22刀削麵不過不失，入口煙韌彈牙，同埋都幾掛湯~唐生菜 $28夠新鮮同大大棵，生菜都無咩野可以挑剔啦 XD餐牌…Read More