Fat Kee Seafood Restaurant

今日離開市區去咗西貢😄唞啖氣之餘，感受吓郊區嘅寧靜，喺西貢市區出發去埋布袋澳，嗰度嘅景色好靚，難得入到嚟漁村一定要食埋海鮮先走👍🏻推介發記海鮮酒家。佢哋有個魚缸放住一系列新鮮生猛海鮮，可以自己出去慢慢揀，部份座位係半露天，可以睇住靚靚嘅海景一路食海鮮🐟🦐問咗哥哥仔今日有咩靚野，佢推介咗墨魚刺身俾我哋🤤原來係墨魚兩食，除咗有墨魚刺身仲可以揀椒鹽/黑椒墨魚🦑墨魚刺身每一片厚薄大小一樣，每一片晶瑩剔透好鮮味！椒鹽魷魚外脆內軟，配上海鮮醋超級好食。豉椒炒蟶子蟶子炒葉之後會縮水，但係師傅煮完仲係好大隻👍🏻咬落去爽口鮮甜，配菜有紅椒青椒仲有少少腸粉整體好惹味！椒鹽瀨尿蝦布袋澳最出名就係瀨尿蝦叫咗一隻試吓，真心好大隻，原條剝殼之後啖啖肉！底部配有炸蒜同埋生菜，混合之後同瀨尿蝦肉一齊食。雞柳西蘭花呢碟真係好抵，超級超級大碟，而且雞柳係好大件好足料，西蘭花爽口！用嚟配白飯一級正。發記海鮮酒家 (西貢)西貢清水灣布袋澳碼頭7A號舖…Read More

由於有個手足就黎結婚，所以一齊食左個晚餐慶祝暨傾準備婚禮事宜，所以去左間平日靜靜地嘅酒家食好西。個環境就係大牌檔黎嘅，但就係海邊，可以出去吹海風，雖然凍但好舒服。蒸扇貝，好身鮮，啲元貝肉好滑又好有彈性，完全無蒸過龍。不過蒜蓉就鹹左啲，粉絲太碎，唔多好。豉汁炒蜆，啲蜆無砂，處理得好好。蜆肉鮮甜，豉汁唔太鹹，好好食，送啤酒一流。豉汁炒蟶子，鮮甜彈口，炒得好好，無過老好易咬。都係送酒一流。墨魚兩食。個身就做刺身，啲腳就炸。其身刺身係無味，但啲墨魚有咬口，好爽彈，好食過好多日本餐廳，因為新鮮啊嘛。炸墨魚呢，因為食左幾輪正野佢先出場，唔評論，對佢唔公平。仲叫左啲油菜同炒飯，好普通。…Read More