Yuan Is Here (North Street)

這家餐廳同樣由台灣人主理，以台灣夜市的食物為主打，餐廳更連續5年獲得米芝蓮推介！這次我們光顧的是位於西環的分店，距離港鐵堅尼地城站大約1分鐘步程，位置方便。我們當天是在週末中午時間光顧，不需要等候便可以直接進餐廳。剛進入餐廳便馬上被裡面的裝潢吸引，餐廳設計得很像台灣夜市，坐在餐廳用餐便更有台灣風味。這次我選擇了「三杯雞飯」（$46），男朋友則選擇了「阿元魯肉飯」（$49），如果選擇飯、麵或小吃， 更可以加$12加配指定8種飲料。「三杯雞飯」的雞肉調味讓雞味更突出，加上很香的醬油味，帶點微辣的味道，非常美味！「阿元魯肉飯」的魯肉是使用半肥瘦的豬肉，魯肉的醬汁很香，味道與一般的台灣餐廳有點不同，同樣美味。我們另外點了「塩酥雞」（$47），塩酥雞的份量很多，雞肉很香脆，不油膩，而且即使炸過仍然成功保留肉汁，雞肉很美味。三種菜色都美味，而且成功還原台灣的味道，難怪多年都獲得米芝蓮推介，這家是我在香港暫時最喜歡的台灣餐廳！…Read More

阿元來了係一間米芝蓮推薦既台灣菜。佢喺由一位台灣人開，好多食材都係由台灣直送，好地道，而店舖裡面裝飾好古早味，最鍾意啲入面好似夜市檔攤咁嘅擺設。💜塩酥雞$44（🌕🌕🌕🌗/5）外皮炸到香脆唔會好硬，而且腌得好入味，仲保持到肉汁！雞嘅數量比預期中多，但係食多幾件就會覺得喊左少少。💜魯肉飯（細）$38（🌕🌕🌕🌕/5）肉粒肥瘦適中，食魯飯一定要有少少肥肉先會香，面層鋪住滿滿魯肉汁，正宗台灣口味，令人懷念😌🍴整體食評：✅令你置身於台灣夜市嘅感覺✅味道正宗❌不過食物份量偏小❌冇套餐，如果想要加啲飲品，就需要單獨點❌加埋飲品，午餐隨時過百元📍阿元來了 (北街) (西環)西環堅尼地城北街31號地舖…Read More

去多謝高登先之前先搵野食上次黎食嚐囍已經見到呢頭仲有間米芝蓮餐廳就係比必登推介既阿元來了雖然觀塘果間就近好多但我就一直都想黎呢邊有獎既呢間十二點零黎到仲未洗排隊直入門口有個小賣部幾得意外面睇以為地方好大但入到黎先見到佢地檯唔多算係分隔都幾開不過我地坐呢個貼牆二人位都算係搭檯位台灣店餐牌都係大同小異不過阿元來了就係無做牛肉麵同蛋餅之前去過果間阿元菜市場係有牛肉麵既但都已經執左了飲品係一樣有一整頁跟餐加十一蚊先有杯野飲要左茉莉綠茶珍珠再加三蚊杯就唔算太大味道正常阿元滷肉飯有半隻滷蛋同青菜肥肉好入味份量都舖滿左個碗面雖然話九份飽係同阿元來了一樣食譜但我覺得呢度係好食d爆蛋雞肉飯所謂既爆蛋只係荷包蛋完全無佢爆蛋感雞絲一樣都多無吃什麼果碗咁乾既但都唔算係好食鹽酥雞同飯一樣價但炸得非常香脆香口唔會好厚粉好油同淋件數都多絕對唔會好似阿木咁狗流流試左幾次就知道台灣菜真係唔好叫雞肉飯直接叫滷肉飯加鹽酥雞或者雞排好過最後係蚵仔煎醬汁好似比較少蚵仔亦都唔多但都好多膠質食物上檯速度幾快幾分鐘內就已經埋滿成張檯但鹽酥雞同蚵仔煎都feel到係即整熱辣辣既埋單176平均90蚊位價位同九份飽差唔多抵食過吃什麼少少不過人地開係中環服務正常都唔洗講國語都落到單衛生一般叫做有台式風味不過位同位雖然距離遠但座位都係偏窄咁雖然話九份飽係抄阿元來了但都feel到佢地係有些少變化既唔會同阿元來了一模一樣好似鹽酥雞同蚵仔煎上檯既方式都唔一樣不過裝修黎講就真係做到好似我自己私心就當然會推阿元來了起碼係黃店丫嘛下次都係試番觀塘果間始終真係比較近堅尼地城實在係太遠…Read More

女朋友話想食阿元來了😚 做男朋友緊係要識做啦！😜 老老實實，我覺得阿元來了都真係係香港數一數二最正宗嘅台灣菜，佢碗魯肉飯真係無得輸！ 😍😍.難得女朋友話食呢間，我緊係舉腳贊成啦！.星期六晚行完街七點來，一岀地鐵站就見到一大班人係間舖前面等緊，都知心知不妙，因為呢間無得book緊，只可以係門口禁飛。一禁完張飛，oh no！要等成廿張枱！😢😢 不過為左食到果碗魯肉飯！等都係值得嘅！ .V..阿元來了係繁忙時間就每張枱限時45分鐘，所以雖然廿張枱，但最後等左45分鐘都入得喇！我地一早係門口已經劃好曬想食嘅野，一入去坐低就係到等食！.入到去聽住d台灣音樂，店員亦都會同你講國語！真係唔講以為自己身處係台灣！嗚嗚！到底幾時先有得飛去台灣！.上餐速度非常快，坐低兩三分鐘就有野食喇！唔等咁多，即刻開餐！.阿元魯肉飯 ($43) 🤤🤤🤤🤤🤤大大碗，見到都留曬口水！🤤將碗飯撈好曬，再大大啖啪落口！嘩！係幸福嘅味道呀🤤🤤🤤🤤 呢碗飯，我諗我地日日食都絕對係無問題！.蚵仔大腸麵線 ($40) 🤤🤤🤤🤤🤤呢碗大腸麵線超！足！料！ 大腸同蚵仔🦪都絕無揸流攤！仲記得我每次去台北嘅西門町都一定會買阿宗麵線食！呢碗麵線真係可以幫我頂下癮！.塩酥雞 ($37) 🤤🤤🤤🤤熱辣辣嘅塩酥雞！非常香口！不過美中不足就係叫做d雞唔太juicy啦🤪.爆濃起司蛋餅($30) 🤤🤤🤤🤤呢個蛋餅又係必食！佢個辣醬先係靈魂！點埋來食真係將成個蛋餅提升左幾個層次！.花蓮炸香豆腐 (期間限定) ($40) 🤤🤤🤤🤤🤤呢個期間限定嘅炸豆腐又係無得輸！佢令我諗返係係台灣夜市食果d臭豆腐！ 呢到嘅炸豆腐熱辣辣重要有汁同keep到豆腐嘅嫩滑！如果個醬再辣d同多d就好喇！.食完成餐飽到傻😋😋😋 真係超滿足！如果大家要止一止台灣癮，阿元來了絕對可以幫到你！！！…Read More

❀這個月頭某天到了西環附近閒逛，想起那裡有間評價不錯的台灣餐廳，裝修頗有夜市風味，亦是良心店家💛，便去吃了個午餐。當天是週末，兩三點左右到步，等了十分鐘左右才獲安排進店。建議等候的時候可先拿點餐紙點餐📝，一進店便可遞給店員下單。咸點和甜點都很好吃，口味偏正宗，加上裝修超用心，簡直能當自己去了台灣旅行☺️.◇炸蛋黃芋頭卷◇$35即叫即炸，炸衣金黃香口，非常邪惡🔥內餡是綿密而微甜的芋泥，濃厚香滑之極致蛋黃分散在餡料和外皮當中，咸香味和芋泥是絕配💜這份小食真的味道不俗，有驚喜✅但一人一塊好了，比較容易膩哦～.◇阿元魯肉飯◇$43食台灣菜當然必點魯肉飯🍚看到它魯肉偏肥，油光誘人☺️肉質軟腍，肥膏部份感覺有膠質，會有點黏口飯和肉的比例剛好，飯不會過濕👍🏻但口味偏重，幸好有白菜🥬和醃蘿蔔幫忙解解膩.◇蚵仔大腸麵線◇$40香港不是每間台灣餐廳都有麵線提供所以看到點餐紙上有它就決心要點！蚵仔大腸的配搭本來就很台，再加上芫荽真的不得了濃稠鮮味的湯汁沾附在幼細的麵線上🍜入口的瞬間，那是久違了台灣街頭風味☺️.◇塩酥雞◇$37中規中矩，份量和味道都比較一般覺得它肉質有點乾，而且調味鹹了些.◇九份芋圓（冷）◇$32這個是值得推薦的😋不像別處吃到的芋圓一樣以料多吸引人它糖水和料比例各半，比較貼近台灣當地夜市風味冷的芋圓是直接加冰🧊，所以非常清爽冰涼～芋圓地瓜圓和仙草都各有甘味，口感Q彈作為一餐的收結，它是個不錯的選擇😌.❀我認為這餐最有驚喜的是炸蛋黃芋頭卷，雖然只有三小塊看似不大划算，但真的值得一試🥰䌓忙時間會有用餐時限⌛️，但上菜速度極快，不會吃得很趕。座位有點逼夾，而且椅子有點窄，所以夜市風情是滿分，卻不宜久坐。味道正宗，𝐶𝑃值也高，推薦給很想念台灣夜市風味的大家～.⭐ 推薦程度: 8.5/10⇨味道: 9/10⇨環境: 8/10⇨性價比: 8.5/10…Read More

一直唔明點解其他國家啲嘢食嚟到香港就變到咁貴🌝🖕🏽因為武肺嘅關係，會幫你度體溫不過見我哋多人都幫我哋移走中間嗰塊板🙈有45分鐘嘅用餐時間學生有九折🥰我哋有4個人都好快送到嚟！温度都夠熱，唔會係凍冰冰▫️魯肉飯 （$32）細細碗，但都夠飽飯嘅軟硬程度適中有塊黃蘿蔔中和下肥膩😂肥瘦肉平均（肥肉多少少）有唔少汁，食緊嗰陣唔會覺得好乾feel到足料▫️塩酥雞（$37）好酥脆同埋好香啲肉都好嫩，唔會好乾好juicyyyy😚擺咗一陣都未凍同硬😋不過有一兩舊有少少我覺得奇怪嘅味🤨（雪藏味？）▫️酥炸魷魚（$39）好脆同埋份量算多🥰每一舊都好大舊4個人分都夠食一上到枱擺我前面真係超香😼賣相都好靚😂如果大家去唔到旅行，又好掛住去台灣，不妨可以試吓去呢啲小店吖！呢度嘅裝飾同埋裝修都好有特色！好適合打卡！🥰店員有講國語，好有台灣味😂味道：4.1/5價錢：3.5/5回頭率：4/5環境：4/5服務：3.8/5推薦程度：3.9/5———————————————————📍阿元來了西環堅尼地城北街31號地舖觀塘鴻圖道28號地下後座…Read More

老闆就是阿元，來了香港就是阿元來了！(台灣腔使用中)堅持台灣感覺、台灣風味好味抵食既阿元來了，靠住自己既家傳台灣食物秘方，主賣魯肉飯、鹽酥雞、麵線、蛋餅、刈包等等，入到去就好似花左一個鐘暫遊台灣舒緩一下對台灣既思念爆蛋雞肉飯，賣相實在好吸引，爆蛋都好吸晴雞肉味道好，但肉質相當較嚡，食慣雞胸既朋友會感覺較好，雖然係咁但雞肉加埋醃雪菜加埋爆蛋配飯，仍然係好滿足好正既配個鹽酥雞，一籃細細粒，係「一口」既安排，外脆內軟腍，雞肉都幾好味唔厚粉所以細粒都好肉，唔會太咸可以連續食好多粒，香料味都濃到咗萬眾期待既秘製魯肉飯魯肉都算幾多下，食晒飯都仲有，醬汁古早味濃，亦好有自己獨特既風味台灣魯肉飯就真正每一檔都會有啲唔同，阿元既魯肉飯係正既加個台灣腸，正宗連生蒜片上，未試過連生蒜食既朋友記住要試，食過你就知唔係咁食根本食唔晒台灣腸既風味，相當正既台灣味道最後以百香果紅茶作結，正正常常唔會太甜阿元來了會咁出名確實有佢既原因既，好味而價錢合理，台式裝修、台灣人招待、台灣食物味道，淨食個感覺都抵返晒#聽句歡迎光臨都特別順耳#食台味道不止台食物…Read More

一直久聞阿元來了這間餐廳，但一直未有機會嘗試，這天去到西營盤，因為熱愛台灣美食，便終於有機會一試這間餐廳。一到步，所有店員都說著一口台灣腔的國語，感覺親切熱情。等了15分鐘左右，便有座位，進去坐下後，點餐的餐紙都用上台灣一般餐廳的點餐方式，再看看四周的裝潢，這一切細節都看出餐廳的用心，十分地道，令人真的猶如置身在台灣。餐單上，一般台灣日常會吃到的東西，基本上大部份都用，台灣啤酒也有，光是看到這個餐單，已令人十分興奮～ 與其說想來這裡吃美食，不如就來這裡是吃一場體驗，一場幾可亂真的台灣之旅～基於對台灣美食的念念不忘，不用 10 分鐘，已熟手地點了數樣東西，真的十分興奮！有炸花枝丸、台灣香腸、塩酥雞、刈包、肉燥青菜、𩵚魠魚焿、肉鬆起司蛋餅。當中特別難忘的，其實是花枝丸、刈包和香腸，有一貫的台灣夜市風味，刈包尤其好吃！其他東西如𩵚魠魚焿、塩酥雞就還好，個人覺得塩酥雞還是真正台灣吃到的比較好味，這裡的塩酥雞感覺炸得不夠香脆，味道較淡。另外肉鬆起司蛋餅Size 和份量很大，比平時台灣的蛋餅更大，吃進口十分飽滿，也算不錯的，只是覺得蛋皮和內裡涵的配搭，還是不及真正在台灣吃的蛋餅，醬汁也不夠台灣平時吃到的好味，不過整體來說還是很有誠意～總括來說，這店算是誠意之作，真的令人錯覺以為身處在台灣，而在食物方面，似乎整體味道跟在台灣吃到的比起上來，這裡較為偏淡，我還是比較喜歡平時在台灣吃的味道，較為香口～…Read More

小編係香港食過好多台灣菜，但呢間位於堅尼地城既阿元來了，無論環境，食物，同埋職員既服務，都令我仿如置身於台灣的夜市當中。 今日我同何生兩個人黎到呢到食晚飯，餐廳門口有一部取號機，大家記得拎飛，如果唔係就企係出面白等架啦。 我地等左大概5分鐘，就有得入去食啦。 等個陣都不忘睇下門口既裝潢， 其實都幾有復古同懷舊既味道。 入到去坐，我竟然唔係第一時間睇menu, 宜係影下餐廳既設計。 其實你地都會睇得出，餐廳好比心機整到好似好有台灣夜市既感覺，尤其係d檔口仔，上面餐牌，下面就係員工整野食。除此之外，仲有d懷舊既錄音盒陳列，舊式玩具，煙草陳列等，好復古。到睇餐牌lah, 餐牌食物同飲品既款式都幾多。除左提供推介食物，仲會寫住邊d係台灣直送既食物，而且仲會推出新既菜式。 終於黎到食評時候了～ 飯麵方面： 1. [蚵仔大腸麵線 $40] 好味指數: 7/10 蚵仔大大粒，味道鮮甜。 大腸則略為不夠入味，有點比麵線搶左個味道， 至於麵線的湯底好特別，酸酸甜甜的，麵線吸收哂d湯汁，淋淋地幾好食。2. [魯肉飯 $29] 好味指數: 8/10呢個飯真係幾出色 細細碗 但魯肉卻滿滿睇相係咪覺得好邪惡呢？ 其實食落又唔係話真係好肥膩，而且愈食就食唔停口咁。當職員送上菜時，香味即刻撲鼻。小食方面，3. ［塩酥雞 $35］ 好味指數：8/10 塩酥雞炸得好紅紅的，唔知係咪炸得太轟轟烈烈，定係佢既特色？ 不過佢既香酥味都幾濃，雞嫩嫩的，而且都幾多舊下。蛋餅方面， 4****. [起司肉鬆蛋餅 $30] 好味指數:9.5/10 呢個蛋餅真係要推介！台灣人最中意食蛋餅做早餐。佢地既蛋餅薄薄的 夾住起司同肉鬆，再加上上面少少既醬汁， 同埋比佢d辣椒汁。 哇，一啖食入口，真係好香好好食，台灣感覺翻哂黎。 甜品方面，5. ［九份芋圓 $30］ 好味指數： 6.5/10呢個芋圓雖然都幾大份，但係芋圓味道唔夠重。 口感煙韌，但係冇乜芋香，蕃薯香。 仲有珍珠，薏米等 都幾甜香。 飲品方面，6. [冬瓜珍珠 $23] 好味指數:7/10 可能加左珍珠，感覺上甜左少少，蓋左原本冬瓜茶既味道。但係其實珍珠有咬感，都幾好食，冬瓜茶都清甜的。 送上是次的帳單，兩人平均消費$93。 最後補充，#待應大多都用普通話同客人溝通，態度都幾好。 #我見有好多人係出面等堂食/外賣，但都好快有得入黎坐。 #會再光顧…Read More

年尾辦年貨去左上環，所以傍晚就順便去埋K Town的阿元來了試下🤗之前已經聽過唔少人話好食，不過平時真係少機會去觀塘或K Town，所以今日終於有機會黎😍我都怕好多人要等好耐，好彩我地6點幾去到，攞左飛都係等左唔駛10分鐘。而且門口有地方坐低，又可以自行攞定張餐紙點定野食，都幾方便。我地揀好食物就叫號叫到我地啦!入到去見到設計幾得意，擺設放左好多懷舊的玩具🤹‍♀cassette帶🎧，配上新的裝修，多影相位又坐得放心。當然枱與枱之間就一定迫迫地，而且遇上要搭枱就會更迫，但都預左黎食快餐係咁。難得咁細間店都有洗手間，而且都乾淨，入面仲有張賣檳榔的美女🧜‍♀poster，成間舖都要做足100%台味畀你😂男友想來都係為左食魯肉飯🍚，所以就叫左個阿元魯肉飯。阿元魯肉飯比魯肉飯貴10蚊，原來係多隻鹵水蛋🥚，同埋大碗D，所以就睇你想食大份定細份。我地兩份食，所以叫大的就剛好😋佢既魯肉🐷真係好淋，個汁唔太多甜剛剛好🤓。飯身係珍珠米得黎都比較硬身，真係有D夜市既粗糙感👍🏼蚵仔大腸麵線🍜都係另一樣必點既野食! 個湯偏清，我本人就覺得始終阿宗個個香D; 不過佢好在麵線質感好食，蚵仔好新鮮好甜，而且個大腸鹵得好好食! 超香又超淋，而且好大塊!😋😋除左叫飯叫麵線，都仲左幾樣小食既︰塩酥雞🍗炸得好香口而唔油，最鍾意佢唔會太咸! 男友最愛係台灣香腸🐷佢話加一片蒜食真係人間極品…哈! 咁佢呢份腸就真係好多蒜片，不過可惜香腸切得太薄了，我覺得有D影響左口感! 切片都起碼要有返D厚度啊…😆😅起司蛋餅🧀🥚都做得好好食，佢個蛋同餅痴得好好，唔會太厚又唔會太薄，加埋熱芝士🧀🧀，好食就係咁簡單! 本來想試下肉鬆起司，可惜今日既menu冇呢樣，所以就叫返原味就算了，果然都冇令人失望。食物果然好食，有台灣夜市風味水準👍🏼都高，好欣賞佢有幾架好似夜市既車仔做左個廚房位，而且出菜速度都好快，收碟又快，難得佢真係請好多台灣人來做店員，講台灣口音的國語，最重要係幾忙都好臉上都好精神有笑容，值得一讚! 好似快閃左一轉台北咁，唔錯。…Read More

其待已久既亞元來了, 今晚終於可一試. 其實每次經過西營盤分店都想一試, 但可惜每次都大排長龍, 所以沒有一次成功品嚐...今天我 18:35pm 就去到堅尼地城分站, 等了兩分鐘就可以入坐了.如果你地唔想排隊, 就盡量19:00pm 前到喇!!可能是新開業的原因, 所以 menu 上的食品很多都暫停. 但員工告訴我,他們會定期轉餐單, 保持顧客新鮮感.今日叫左兩柸飲品 (珍珠奶茶, 鳳梨綠茶),  新竹貢丸湯, 塩酥雞, 焢肉飯 和 台南擔仔米粉.飲品方面 - 我非常滿意, 因為糖和冰的份量可以可以好細緻選擇, 走糖 (0), 微糖 (3), 半糖 (5), 少糖 (8). 奶茶很香, 不過珍珠就偏硬新竹貢丸湯 - 本人就覺得一般, 不是必食推介塩酥雞 - 味道可以, 但偏油了一點焢肉飯 - 焢肉飯跟魯肉飯分別是多了兩件五花腩肉. 本人誠意推介, 因為五花腩肉超入味, 入口即溶, 正!!!台南擔仔米粉 - 湯底比較清淡,  岩曬健康既一群. 不過我就鍾意加少少辣椒油, perfect match... 推介!總括來說, 我覺得這家餐廳是可以再去的. 雖然今天廚房好像有點應接不下(可能新開業的關係), 有漏單情況, 但員工態度非常友善及馬上跟進.值得一讚!!…Read More