Sour and Spicy Noodle (Yue Xiu Plaza)

好耐冇食過傷心酸辣粉🙈今日經過越秀廣場👀見到呢度有間新開張嘅分店😍更可以優惠價享用四選一特色放題✨當然係要滿足下自己嘅慾望😈🔸涼拌茄子（$25）相當有誠意的一碟BB辣涼拌茄子🍆蒜蓉味濃郁撲鼻😽茄子切成幼條狀🔪軟腍惹味易入口👍🏻味蕾瞬間被征服😋🔸地獄雞翼 （$32）即叫即製嘅惹味餐前小食💥雞皮香酥薄脆🐔雞肉多汁入味☺️表層仲鋪滿辣椒粉同孜然粉🌶辛辣指數爆燈💡鍾意食辣嘅朋友可以挑戰下🔥🔸2小時任飲任食放題👨🏻成人（$108/位）👦🏻小童（$78/位）➰全日供應➰無限追加精選配料➰汽水啤酒任飲🐠酸菜烤魚主食可選雞煲🐓烤魚🐟肉骨茶煲🍲或胡椒豬肚雞煲🥘唔食得辣嘅可以試試酸菜烤魚💫份量十足🤟🏻巴沙魚早已稍微煎炸過😻令魚皮增添香脆風味🥳冇骨魚肉嫩滑肥美👏🏻湯底鹹酸度適中🥣含酸菜👉🏻大豆芽🌱蒜頭🧄芫荽等惹味配料😌令人一試難忘💋除咗以上配料💁🏻‍♀️餐廳設有自助區俾食客揀選各種肉類🍖海鮮🦐丸類🍡蔬菜🥬麵食🍜配搭招牌紅薯粉🌟吸收湯底精華🙌🏻飲品要推介維他新出嘅有氣檸檬茶🍋消暑解渴💦呢個價錢可以食到咁豐富嘅一餐💰絕對係值回票價✅…Read More

麻辣愛好者注意⚠️如果想流淚時，只要倒立，眼淚就不會流出來如果覺得傷心時，去吃傷心酸辣粉，那種麻辣的口感你也能吃到，沒有什麼再值得你傷心🥲相信傷心酸辣粉大家就一定聽過，不過未必一定到過餐廳～餐單上有多款適合想『傷心』的朋友，它的麻辣是帶有後勁的，一入口還未覺得辣，到中段，辣味才漸漸地加強和湧岀🤯（小妹不吃辣，聽友人分享的評語）除了酸辣粉外，還很照顧不想『傷心』的朋友，餐廳還有很多不同款式的食物，如鹽焗手絲雞，胡椒豬肚雞煲等最有趣的是餐廳（新蒲崗）竟有放題供應，一百元左右可以有兩小時任食，有興趣的朋友可以查詢一下🤣是次點單：✮ 鹽焗手絲雞✮ 紅油黑木耳✮ 地獄雞翼✮ 涼拌茄子✮ 豬骨湯晶絲薯粉✮ 傷心酸辣粉十分推薦的是地獄雞翼，✅它雖然是油炸，卻不油膩，內裡肉質仍保持嫩滑，即使放置一段長時間，仍能保持香脆，而家辣度是一放進口便會立即流眼水的程度，辣魔王必吃之選另外最特色之一便是晶絲薯粉，看起來晶透，吃起來Q彈，也是令人十分深刻！🤤🤤想『傷心』的朋友必到之選！而且CP值也很高呢！消費:$205左右(2人)CP值:✮ ✮ ✮ ✮ ✮ 交通:✮ ✮ ✮ ✮環境:✮ ✮ ✮食物:✮ ✮ ✮ ✮——————————————————————————————。…Read More

傷心酸辣粉係我以前既中學回憶，有一排會成日食三哥同傷心酸辣粉，因為我好鍾意食辣，兩種辣係完全唔同，不過傷心酸辣粉分店無咁多，唔係想食就食到，但對鍾意食辣既我係抗拒唔到，有次同女朋友傾起酸辣粉就想再食。原來新蒲崗新開左分店，原本諗住食酸辣粉或者二人套餐，不過去到見到有烤魚同有放題，仲要每位$108就食到，太吸引所以就試左。餐廳可能係新開，環境幾乾淨，燈光足夠，夠闊落，冷氣唔算好勁好凍不過唔會太熱，而且有好多野食餐牌係牆上，仲有新既小食。特別一提呢間分店會播住啲我中學時聽既廣東話歌，好有TASTE，好似麥浚龍、陳奕迅等。-🥘 2小時任食任飲放題 💰108/位 原來傷心酸辣粉有放題食，而且有四款選擇，有雞煲、烤魚(酸辣/麻辣)、肉骨茶煲同胡椒豬肚煲，價錢原價係$128每位，不過因為新蒲崗係新店所以有特價$108，全日供應，最少要兩個人，限時兩個鐘，如果係雞煲人數多啲會大份啲，食完仲可以攞個爐或者煲打邊爐任食任飲，非常抵食。款款都好吸引，不過呢間食辣既餐廳，緊係要揀啲辣嘅嘢嚟食，最後揀咗烤魚。喺嘢飲雪櫃隔離係醬料自助區，有基本嘅豉油、辣椒、芫荽、蔥、蒜蓉，火鍋豉油味道偏鹹。特別一提唔係間間分店都有放題，新蒲崗、元朗、天水圍、砵蘭街、北角、深水埗、粉嶺分店先有，無放題就可能要單點烤魚、雞煲，而且間間價錢都會有小小唔同。-1️⃣ 重慶香辣烤魚 小辣（👅: 8/10）一上枱嗰時已經聞到好香嘅味道，湯底夠紅色非常吸引，色香味俱全佢已經做到前面兩樣。爐方面佢係用一個方型鍋爐，至於條魚佢哋係用巴沙魚，魚係成條上，值得一讚嘅係條魚煎過嚟，煎過嘅魚肉就唔會四散，不過一開始食嗰時肉質會比較硬少少，只要煮耐啲煮到腍身啲就會好好食，魚肉食落新鮮，夠大條啖啖肉，肉質細膩滑口，魚皮煎過所以好香，我食到最尾都食唔到一條骨，不過朋友就食到有一條好細嘅骨，其實烤魚只要唔食到骨都已經冇咩好挑剔，$100絕對唔會期望佢會比條龍躉。湯底有大辣、中辣、小辣、BB辣同唔辣，叫咗小辣，因為記得佢嘅酸辣粉都幾辣下，所以唔敢叫咁辣，但食落其實唔算好辣，鹹味適中，鹹香味同香辣味都食到，魚唔算好入味，建議唔好開太大火，因為就好易煮到冇晒湯要加水，第一次無水個時個湯會好濃，鹹辣味特別出，但其實我前後加咗三、四次水，但個湯依然都好夠味。佢爐入邊嘅配料好豐富，有芫茜、洋蔥、辣椒、大豆芽、金菇，大豆芽會係哂底，一開始食唔到，洋蔥煮耐左好入味好腍好好食。兩個人食呢個烤魚岩岩好，見佢6-10人先會有多一個烤魚或者叫其他款，我覺得3個或者以上可能會唔夠分條魚。-2️⃣ 自助火鍋料（👅: 7.5/10）打邊爐嘅食材本身冇乜期望，因為百幾蚊我會覺得同沙角邨質素差唔多，唔會期望食材好新鮮而且好好食，食物種類大概有廿幾款任食配料。肉類方面有肥牛同豬肉，肥牛食落會比較鞋同埋韌，反而豬肉好食過牛肉，唔韌係幾腍身，我諗係五花腩，肉仲有雞件、豬紅，不過我就冇攞嚟試。丸類方面就正常，有時會食到雪藏味，有墨魚丸、龍蝦丸，要揀最好食可能係牛丸，應該係潮式牛丸，食落會有肉汁。當晚覺得最好食嘅火鍋料，係有芝士嘅餸，有一個係芝士魚腐，encore得最多次，入邊嘅芝士夠多夠熱，魚腐食落夠腍，另外仲有芝士年糕食落都唔錯，不過呢啲芝士類煮完都係勁熱，食要小心啲。有一個好似係魚片頭，食落入邊有餡但唔知食緊啲咩，個樣會同魚腐好似不過細舊啲。菜類有芋頭、唐生菜、芫荽、雲耳等，但因為食麻辣湯我就冇攞到菜食。魚皮餃比較細舊，肉唔算多。豆卜係切開一舊舊串上，不過煮完食落都係比較硬身。另外仲有燒賣、廚師腸、芝士腸、雞髀菇、蟹柳，正常水準。麵類係最吸引，有最招牌嘅紅薯粉，係幼身薯粉，食落比起其他餸更入味，好索湯，吸收哂烤魚湯既精華，不過提醒一下一定要煮耐啲，煮到透明係唔夠，如果煮得唔夠食落係明顯同平時食唔夠煙韌，係會好腍身，但煮到夠耐就會夠煙韌好好食。另外仲有寬粉、拉麵。整體來講火鍋材料都好足夠，唔會話俾人攞晒，Refill得夠快。-3️⃣ 飲品 （👅: 7.5/10）飲品都係自助式，出邊會有雪櫃寫住放題飲品，有正常嘅款式選擇，有柑桔、巨峰提子、道地綠茶、烏龍茶、百香果、鹹柑桔、雪梨海底椰同汽水，呢個價錢任飲來講已經唔錯。-4️⃣ 辣子粟米 💰28（👅: 8.5/10）呢個係餐牌新推出既開胃小食，店員有推介比我。賣相好特別，粟米係切開一條條曲起，炸到好似魷魚鬚咁。佢係新鮮粟米，唔係罐頭粟米粒，食落鹹中帶甜，不過略嫌椒鹽落得有啲多，所以鹹味會比較重。叫咗小辣食落少少辣，唔算真係好辣不過好開胃，粟米會比辣椒粉同香料包圍着，食落係好食既辣味，好香口，鍾意食辣嘅一定會好鍾意。要挑剔嘅就係粟米係連埋條芯，所以要自己咬返啲粟米出嚟，唔知直接將去變成粟米粒會唔會更好。-5️⃣ 地獄雞翼  💰32（👅: 8/10）雞翼都係即叫即炸，所以上枱食個時係熱辣辣，雖然叫左小辣但係食起嚟係幾辣下，唔食得辣嘅人可能要叫BB辣。雞翼咬落去會有小小肉汁，肉質算嫩滑，比起個烤魚佢仲要再辣啲。-🌟價錢來講真係冇嘢可以挑剔，$100仲可以打到邊爐嘅地方香港唔係好多，我會諗到沙角邨，但沙角邨位置太過偏僻，而且佢只會得一啲好似李錦記既湯包打邊爐，但呢度會有四種選擇，非常抵食。打邊爐食物種類足夠多，水準就正常，芝士類既野食出色，肉類豬肉幾好食，最後唔小得薯粉。除左放題，餐廳都貼潮流，有香港人好鍾意既麻辣雞煲、酸菜魚、水煮牛，如果唔想食咁HEAVY，都有吸引既小食、酸辣粉同二人餐，價錢平民，性價比高，下次會再黎食，同女朋友試佢個胡椒豬肚煲。…Read More