漫花燈火 OMG (Closed)

38婦女節撞正Sunday透氣日，帶埋小朋友光顧下港女cafe😆漫花燈火 OMG HK 位於大角咀絲麗酒店內，由於酒店裝修中，外圍圍板有條小通道搭lift上去，lift門一開眼前一亮🤩 一排萬花筒般的鏡頓時少女心爆發，餐廳入面佈置完全只有兩個字形容- #勁靚，天花吊著不同顏色的花，用的餐具都是色彩鮮艷幾何圖案，然後枱面還有一支萬花筒真係睇得又玩得！話明港女餐廳，所有椅都係粉紅色是常識吧！連bb們坐的都係粉紅色㗎！餐廳衛生程度不錯，店員表示bb椅響我地到達前已用火酒消毒過，令人好放心👍🏻抵讚！另外，所有人入坐前亦須先量體溫！以為是打卡餐廳，食物一定麻麻？咁又錯嘞！我地點了幾樣嘢，質素都是👍🏻💕的，甜品更是驚喜之作！😋🌟香煎日本帶子配黑松露忌廉意粉 兩個bb食唔停口，夠埋juicy，意粉軟硬度ok，歲半bb食都冇問題，帶子夠鮮味，松露味亦冇比忌廉搶左，係唔錯！可惜嚟唔切影相已比爸爸們食咗😖其實我們還點了意大利飯及特色飲品，但由於爸爸們覺得太好味已一早食先冇等相機😰，不過我敢說也是水準之作！PS: 店內只有兩張bb椅，如果想帶bb來，記得記得要先訂位呀！…Read More

呢間餐廳真係靚得過分一出𨋢，未見reception 先見到一條閃令令既不規則鏡面隧道，已經好想停低影相咪住！行入少少 總會有驚喜室內裝修超級colorful 未食心情都已經加唔少分數每張枱上仲有支萬花筒如果透過萬花筒影相 就可以DIY人頭wallpaper等上菜時 絕對唔會覺得無聊士多啤梨三重奏。$88每樣材料都分開上首先將士多啤梨吉入奶泡底然後將士多啤梨奶放心倒晒入個洞奶泡不斷升高又唔會流出黎 好似梳乎厘咁治癒😍最後就可以開始裝飾喇製成品。士多啤梨奶(左)。富士山(右)睇得 玩得 仲好好味法國慢煮鵪鶉腿配牛油炒乾菌。$168在森林和原野。$158開啟潘朵拉盒子。$168外殼係糖膠 要敲碎喔而餐廳服務都唔錯 侍應會頻密加水 留意客人有冇需要 每道菜式都會稍稍介紹好怕去到一啲餐廳 叫極都冇人理縱觀各方面都係上佳 只係份量有啲少啦…Read More

今晚同閨蜜去超靚花花世界，環境係吸引我地來的原因之一，其次是可自調又靚的特飲，仲有華麗高貴的美食同森林系的甜品。入餐廳前已經好多打卡位，有粉紅羽毛牆、萬花筒般的鏡面世界。餐廳內處處都是驚喜，太好拍了，粉紅色櫈、黃金色餐具、彩色花花圖案碟……心情特別開心愉快，因為餐廳服務貼心又有禮，有講解飲品沖法，又介紹菜式。每張枱都有個萬花筒，等上菜時，一直在玩又拍照，完全不會悶，店員也會留意上菜進度，最後上甜品也不會等太耐，過程流暢。連抬頭也驚喜，一整遍的彩色小花串裝飾，美的一直在望，環境的確非常吸引，值得再來。富士山的雲端 - 藍橙雲尼拿牛奶 $82又靚又好玩的特飲，粉藍色太迷人，不論外形或是顏色都好吸引，可以瘋狂拍照，又可以親自落手沖調。利用飲管放入飲品中間位置，倒入粉藍色牛奶，最後用櫻花裝飾及彩糖幫飲品扮靚一下。完成啦，非常粉色系列的特飲，櫻花加上富士山的杯形，好夢幻呀！味道甜甜，好滑好香雲尼拿味，牛奶奶泡都綿密。士多啤梨三重奏 $88呢款係粉紅色的士多啤梨特飲，同樣是拍照及滿足自調飲品的我們。呢款多了粒士多啤梨，所以唔需飲管幫手，先放士多啤梨在中間位置，再按落杯中，就可以倒入士多啤梨牛奶。邊倒邊興奮，因為豐厚密密的奶泡浮緊上來，很可愛吧！很好玩吧！最後加上裝飾就完成，士多啤梨味好強烈，好有果香，而且牛奶內見到打成蓉的果肉，材料十足，口感細滑香純。黃金蟹肉配黑橄欖醬意大利粉 $188黃金色的蟹肉加上高貴的金箔，好閃亮好華麗。蟹肉份量頗多，絲絲蟹肉口感細膩。意粉煮得剛剛好，保留咬口又不過腍，用黑橄欖醬炒香意粉，口應潤澤味道更豐富，配料用雜菌及露筍仔，鮮嫩爽脆，整個意粉都輕盈不膩又美味。在森林和原野 $158甜品也超級靚，用抹茶蛋糕來做草原，質感同顏色都好近似，味道有濃郁的茶甘，唔會過甜，蛋糕很鬆軟有彈性，而且帶濕潤，口感顏色味道都很好。圓柱形的雪糕蛋糕由咖啡製成，有淡淡咖啡味，質感幼滑，入口即溶，配抹茶蛋糕食好夾，中間是雲尼拿味蛋糕片。周圍仲有可愛裝飾，有小甲蟲、蘑菇、軟糖小白花、石頭般的脆糖、藍莓生果……感覺在森林和原野中品嚐甜品。…Read More

早前在網上看到這間餐廳非常靚，係影相打卡的好去處，朋友都好有興趣想去，所以就訂定枱，跟朋友黎影下相傾下計!餐廳位於酒店的一樓，一出電梯已經見到有很多鏡子，餐廳門口位置就是像萬花筒一樣，而且色彩繽紛，十分漂亮!而餐廳內也有多個影相位，色彩繽紛，座位都算幾多而且寬敞!每張枱上也有一個萬花筒，利用萬花筒看餐廳環境真的很美!餐牌上有多款食物可選擇，而且餐牌上也有溫馨提示，提醒各位在餐廳影相位置不要停留太耐，要給予其他客人影相的機會!而用餐時間是2小時，都好足夠!椰菜花西蘭花薯仔沙律配自家製咸蛋黃醬，起初以為真係一盤沙律咁，但原來係用上法包做底，面頭加上沙律，主要食到薯仔和西蘭花較多，味道帶有少少咸蛋黃的味道，沙律上面再加上了辣椒絲，令沙律更加香口!法包拼沙律大概有6份，除了有這幾份多士外，碟的中央還有配上沙律醋的沙律菜，開胃又惹味!法國慢煮鵪鶉腿配牛油炒野菌，鵪鶉腿非常香口，好有香草的味道，鵪鶉肉嫩滑多汁。野菌也好香牛油味，是一個非常惹味的小食!黑魚籽配麵包蟹意大利飯，意大利飯真的放於麵包蟹殼中，意大利飯本身有菌類拌入，拌入蟹肉和黑魚籽後特別味道剛剛好，好有口感!黎到這裡當然要試試他們的甜品!在森林和原野，這款甜品賣相真係好似森林的草原，草地的位置用上抹茶味戚風蛋糕，抹茶味很香濃!而整到好似樹木的甜品其實是提拉米蘇味的cream，中間有雲尼拿味的cream，而cream本身是凍身的，所以口感就像食緊雪糕一樣，而且唔會甜，非常美味呢!草原和樹木上面還有裝飾用甲蟲和蘑菇糖霜，十分精緻!手搖咖啡，這杯手搖咖啡可揀有糖或無糖，朋友揀選了無糖，有好香濃的咖啡味，先飲到少少的酸味，然後再飲到咖啡的味道!關你賓治，呢杯雜果賓治好足料，飲品內有很多生果粒，紅蘋果、青蘋果、橙，而味道跟平時飲的fruit punch味道差不多，不過飲品都幾大杯，酸酸地幾解膩!呢間餐廳真係好適合女仔黎影相打卡，而且食物都好靚又好食，下次再同其他朋友黎試下其他菜式先!…Read More

近期勁受歡迎, 一間超適合男男女女打卡的 夢幻餐廳:: 漫花燈火OMG (我認, 我都係比佢既環境吸引而黎既 ... XD) 唔講咁多, 睇相先啦 : ) 勁鐘意呢個鏡面位 ~ 可惜我地黎個陣 已經有人坐左喇 每一個方向, 每一個角落 都係打卡位~ 唔好漏左天花板呀~ 入到餐廳 記得要抬頭望下 呢一片七彩顏色既乾花花海 一出lift 原來已經踏入左 萬花筒既世界架喇 行入幾步 先會見到接待位置架 ~ 係我見過 最夢幻 最得意既入口啊~ 餐廳雖然唔算好大, 但係座位都算幾闊落啊食物款式 主要分為:: 前菜,小食,主食同pasta (仲有甜品) 款式唔算多, 價錢都略貴 ~ 呢度既餐具都勁靚啊~~ 杯 , 碟, 刀叉羹都好靚每枱都有枝萬花筒架 ~~ 媽媽即刻重拾童真 xd 香煎日本帶子配黑松露忌廉意大利粉 $168 幾欣賞佢既醬汁濃度, 拿捏得幾適中 ! 第一次食松露忌廉 係可以唔覺滯, 做到香而不膩 而且條條意粉 都有掛到醬汁, 煮得幾平均 意粉口感方面, 因為店家係用傳統意大利煮法, 食落會比平時食到既偏硬少少 但無想像中咁硬 ... 係絕對可以接受到, 對我黎講什至覺得岩岩好 帶子有三件, 不過不失 法國慢煮鵪鶉腿配牛油炒野菌 $168 有配上辣椒絲 唔食辣既撥開就可以了 鵪鶉腿雖然係細細隻, 但係啖啖肉~ 而且幾鐘意佢既調味 惹味得黎又幾適中.. 唔會過濃, 令人食得舒服 : > 因為係慢煮既關係, 肉質都特別嫩滑!! 底下係炒雜菌, 索左鵪鶉腿既香味, 更加好食因為覺得呢度既item都幾貴, 所以我地無叫到飲品 T___T 想試多d呢度既食物多d~ (p.s. 呢度有低消每人$100, 其實一定達得到放心) 因為有兩款甜品都好想試.. 我同媽媽豁左出去XD 兩個人叫兩款甜品XDD 開啟潘朵拉盒子 $168 (限量供應) 糖衣都用dd力先打得爛, 質感真係好似唯美既玻璃 望到呢d樣 自動覺得會過甜... 但一試 竟然又唔係真係太甜喎 ! 不過就偏硬身既~ 鐘意食硬糖既朋友 應該會好鐘意 入面件撻好大件, 兩個人食都好飽 好彩佢係Raspberry口味~ 酸酸甜甜 唔會膩 在森林和原野 $158 抹茶chiffon味道唔算突出... 但切成碎件 模仿青苔, 中間仲夾雜住好多花形, 形珠形同菇形既糖同朱古力 ... 好靚, 好有心思啊!! (邊食邊有尋寶感覺) 但重點竟然係隔離個件 tiramisu雪糕 口感超級幼滑!! 仲有陣陣咖啡香氣, 絕對係一件好正既大人甜品 話說呢度係有限用餐時間架, 一個半鐘, 不過放心 一定食得切~ 因為呢度上菜速度都幾高~! 我諗大部分食客 係呢度用得最多時間既都係影相打卡XDD 雖然價錢偏貴, 但係同朋友/家人/另一半黎食野同影相, 又真係會幾開心 : )…Read More

一開電梯門，已經俾啲萬花筒震懾住，影相真係超靚啊！荔枝樹上的彩虹 ($68)即係荔枝爆爆珠梳打，荔枝味好濃，一倒晒啲爆珠入去再攪拌，效果非常靚！士多啤梨三重奏 ($88)先將士多啤梨加入用奶打成嘅泡沫，用不鏽鋼飲管㩒到最底，啲泡沫就會不斷上升但又唔漏出嚟，中間就會有條通道咁，再加入鮮奶及粒粒細珠，非常有心思嘅設計！法式大頭蝦占米多 ($228)蝦汁及大頭蝦膏，口感creamy，加上占米多一齊食對比強烈好夾！慢煮穀飼180日安格斯牛肩甲 ($328)因為係慢煮嘅關係，肉色呈粉紅，口感唔韌，肉味濃郁而且夠juicy在森林和原野 ($158)賣相超靚，以碎綠茶蛋糕作為綠色草地，上面有細細粒嘅小蘑菇，好得意！綠茶蛋糕都非常濕潤，食食吓都真係想order一件食！潘多拉的盒子 ($168)用半圓形鮮藍色糖膠笠住紅莓撻，用小木槌輕輕敲碎糖膠，趣味十足。撻裡面嘅紅莓醬非常充足，徘徊在似酸又甜之間，好味！食品設計及餐廳裝飾都非常有心思，店員年輕有活力有笑容又friendly，食得盡興！…Read More

早前係ig到見到朋友post相，覺得呢間的裝修好特別，好夢幻，而食物都唔錯咁。所以特登去試下。玄關位的牆同天花都係不規則的鏡子砌成，反照出地塊七彩的顏色，整個畫面色彩繽紛，真係好似走入左萬花筒咁連餐碟同水杯都咁繽紛奪目，睇見都覺得心情愉快👍Menu都有幾多選擇，之前食過的朋友推薦pasta,所以點了香煎日本帶子配黑松露忌廉意大利粉，另再加小食西班牙辣肉腸白酒忌廉煮藍青口同埋甜品在森林和原野。西班牙辣肉腸白酒忌廉煮藍青口上枱已聞到香噴噴的忌廉香味藍青口雖然唔係好大隻，但肉質鮮甜飽滿，帶有海水的鹹香，配上洋蔥味重的白酒忌廉汁，真係食唔停口而食到膩時亦可以食片鹹香的辣肉腸解膩。香煎日本帶子配黑松露忌廉意大利粉有三隻中size的帶子，肉質幾嫩滑彈牙同juicy。我幾鍾意意大利粉的質地，因為佢地用左傳統的煮法，所以麵質煙韌彈牙，好有口感。而呢個忌廉汁比藍青口的少了濃烈的洋蔥味，多了淡淡的黑松露香，食極都唔會膩。在森林和原野甜品係最期待的一環😚呢款甜品的plating真係好有心思，砌出樹木和草地，可愛到唔捨得食😆樹木其實係咖啡味的semifreddo,咖啡味好香濃，texture好creamy好滑，味道有啲似tiramisu。而草地就係切成粒狀的抹茶蛋糕堆砌而成.蛋糕柔軟而有彈性兼有淡淡的抹茶香，唔錯…Read More

從網上得知這裏有間非常特別的主題餐廳，所以下班後與友人來這裏試試特色美食。未踏進餐廳門口，已知其主題—萬花筒。留意桌上顏色鮮明的餐碟、多角的餐匙、不同顏色的透明水杯和萬花筒，光是一桌上的東西已看到主題，更不用說五顏六色、多角鏡子的佈置。 先上一個前菜椰菜花西蘭花薯仔沙律配自家製咸蛋黃醬($128)，六件約三人份量。底層是脆麵包，盛着綿軟的椰菜花西蘭花碎粒和薯仔粒。加入咸蛋黃醬後，三種碎粒黏在一起，令整體帶點咸香。再以辣椒絲裝飾，店員細心提醒我們頂層是辣椒絲，如不吃辣就可把其放在一旁。一口吃掉脆包上的一大束辣椒絲，原來比平時的最少辣還少辣。盤中心是非常新鮮的沙律菜，酸甜爽脆。小食OMG啡菇二重奏($108)，是芝士焗蟹肉大啡菇和芝士焗肉醬大啡菇。芝士鋪滿整個啡菇，肉醬香濃而滑，令底層較乾身的大啡菇變得惹味。蟹肉份量十分多，每一口都有滿滿的蟹肉，讓人十分滿足。黑魚籽配麵包蟹意大利飯($238)，意大利飯混和着大量蟹肉，與頂層爽而多汁的黑魚籽和金箔攪拌，高級食材齊集於一飯裏，如吃黃金。意大利飯粒並無想像中生硬，非常適合香港人的口味。在這裏，飲品也是一個主角。士多啤梨三重奏($88)，奏起三種口感，先是泡沫的棉滑，繼而士多啤梨牛奶的濃香，最後是底層士多啤梨的酸甜。泡沫層停留在杯頂沒有傾倒，較富士山的雲端好喝和新奇。富士山的雲端 – 藍橙雲呢拿牛奶($82)，雲呢拿味牛奶，把藍色的牛奶倒進泡沫裏，迅即變成一座富士山。最後是甜品在森林和原野($158)，這座甜品塔讓我想起聖馬利諾共和國的塔，聳立在一片綠樹叢中。在一片鬆軟的綠茶戚風蛋糕中，吃了兩粒可愛小磨菇糖餅和眾多小花粒，為這萬花筒世界留下甜蜜的句號。…Read More