對上一次食到土耳其甜點，大概是中學時候教英文的Ms Mak特意訂來送給我們的。那是一小片正正方方，上面佈滿開心果碎，再灑上玫瑰花瓣添香的小甜點。老實說，對於中東地區的甜品，我蠻有興趣。先前到中環Souvla吃過的Baklava及其他甜點讓我停不了口「 旺角，土耳其，想到的只有開業數年既我愛伊斯坦堡。經過行人專用區一帶，不時會見到佢地既易拉架，另外都收過傳單。除了色彩繽紛，賣相十分吸引的各式軟糖之外，當然不能漏數其私房菜。只係聽講次次淨會招待十幾個客，難訂位又驚佢好貴。加上好多朋友聽到都話冇興趣，搞到好似被逼去咁，所以最後都係無疾而終。今次友人提議去吃土耳其菜，我當然舉腳贊成！ 一開門，咦？同上網睇個門面完全唔同既？店內佈置比較家常，沒有富有中東特色的琉璃餐桌，更有兩隻大貓懶洋洋地歇息中。上網查查，原來我地去既係10樓既貓衣櫃。 「喂！你玩野？我唔想掂到動物囉！」「……」 閱畢此店唯一的評文，霖迪寫的，知道係同樓上13樓係姊妹店。唔使多講，即刻問店方可唔可以俾我地上去食，因為真係親親動物呢項活動負興趣。可能見我黑哂面？好彩話可以開下俾我地（好孩子不要學）。咁都好啲……此地我不久留了…… 土耳其軟糖其實是將澱粉加糖製成，有時會加入果仁、玫瑰水或果汁添味。最常見既果汁味就係香橙、檸檬及紅石榴，果仁就有開心果、榛子及核桃。呢度既軟糖係少甜的，配合番本地人口味。因為當地原版係甜到好似成包糖咁食，唔係個個外地人都接受到。軟糖除左堂食，當然可以外帶賣走，價錢依種類而定，送禮也合用。土耳其軟糖（果仁） $58 軟糖分普通及果仁版本。因為個人比較喜歡果仁，那就先說這邊吧！ 原味不太特別，因為冇特別調過味。食起黎好似麻糬，香軟稔身，充滿彈性且帶嚼勁。重點是黏糯，卻又唔係完全痴牙漿口既感覺。加上果仁坐陣，也就沒那麼甜膩。 紅石榴果仁軟糖沒有太重石榴酸味，只有極淡薄的清甜。主要甜味都來自表面用作防黏的糖粉，有點蓋味了。建議食之前抖一抖軟糖，灑減少許糖粉更易吃出真味。裏頭夾著果仁碎，微脆，果仁香反勝果香。 開心果味不論是賣相、味道或是質感，均是最合我心意的。滿滿的開心果碎下得夠大方，不是一大顆軟糖卻只有不足指甲大小的孤寒版。入口一嚼就已經是滿口果仁香氣，甜味沒有搶過。而且原本黏身的軟糖在此是少了黏感，多加了果仁微吸濕氣後的咬口。土耳其咖啡 $45 吃罷果仁軟糖，論甜度我是沒問題的，輕鬆應付。只是也想要些飲品清清味蕾，順順喉嚨。飲到咖啡既話，我又點會唔整番杯呢？ 只見店主拿出一包咖啡粉，上面寫著Türk kahvesi Turkish Coffee。將咖啡粉徐徐倒進一個小銅壺之中，加水這件事不用多提吧。咖啡壺置於氣爐上，邊煮邊用匙攬拌。煮好後倒進一小杯內，奉桌。 份量真的不多，就如平日Espresso shot。咖啡香氣算是清雅，不會過份濃烈，入口只帶苦，不澀不嗆不酸，略帶稠身。輕輕呷一口，再吃軟糖，中和其甜味，長食長有。 基本上能喝的只有一半多些少，飲到最尾，就是一大堆的咖啡粉渣。根據當地文化，咖啡渣是可以用作占卜的。只需將咖啡渣倒出，放涼後觀察其形。不過今次我地就冇玩到呢樣啦，占卜服務好像頗貴，也就罷了。土耳其軟糖 $48 剛才食過果仁版本，而家就說說普通版。 玫瑰軟糖大概是最受歡迎最多人熟悉的一款。電影Narnia中有提到吸引力大得可以用來誘惑人心的就是這個。入口果然是濃濃的玫瑰薰香，香氣突出又自然。沒有被糖氣及甜味喧賓奪主，減甜的版本更是讓人想一口接一口。 香橙及檸檬味則是平平無奇，同平時食到既果味軟糖相約。唯一有別的就只有稔黏如糯米糍的質感吧？講真如果要食，我就一定會揀果仁版以及玫瑰軟糖！ 店外張貼了不少廣告及剪輯等，稍有雜亂感。最先吸引我眼球的就是「土耳其美食體驗團」，旅行啊大佬！以前睇過唔少去中東既旅遊節目真係好正點！不過去一次平極有限，幾窮遊都要捱機票錢。若果將來有機會去，我一定會想走透透:^D！！！！！ 離開的時候店主講左幾句廣東話，講到服務予人感覺就真係幾親切和善既。其實佢係同香港人結婚後移居，離開家鄉要闖出新天固然不易，在香港就更難。佢地餐廳食物既價錢還可以的，我指午餐。晚餐、私房菜及軟糖就似乎頗高消費，並非容易大量售出賺錢。希望佢地可以繼續加油啦，有特色既事物係香港實情真係唔多，越開越大路啦………Read More
我食多一粒,嗯,係太甜,食埋第三粒就口渴啦.或者外國人真係食好濃o既o野.環境:好細,但仍坐得舒服,因為枱同凳o既高度同空間充足,而且就算老闆炸一口餃子都冇油煙充斥.總結:呢一餐9個人食勉強食得飽,但我冇諗到老闆娘幫我諗菜色時好似冇預到9個人食.味道係3.55分
