Coffee on the Sand

去馬灣探訪朋友新居，佢就帶咗我哋去附近村屋嘅隱世小店食土耳其菜🤩 家庭式佈置，加上有貓店長，簡直係打咭之選😻 第一次食土耳其餐，本身亦冇咩認識，結果好有驚喜🤗☕️#土耳其咖啡：聽講係喺啲熱沙上面煮嘅咖啡。細細杯，味道好濃郁，幾好飲；仲有一杯可以refill。唔記得搞勻，個底有好多好似沙嘅咖啡粉，所以最後濃到refill完都要再加水😹 送嘅一粒糖對我嚟講就冇乜特別🫡🫡🐔#土耳其烤雞飯：好好食嘅烤雞😋 我哋叫咗1/2隻雞，舊雞都幾多肉，醃得幾好味🤤 加埋啲醬料食就一流～～🥗#土耳其全日早餐：係一盤大沙律+幾盤小食（目測同味道似係：芝士、豆泥、蘿蔔蓉+蜜糖醬）+腸仔炒蛋（？）+烤餅嘅組合。將所有嘢夾晒落舊烤餅度，再好似食韓式烤肉咁隊落口，感覺好正同好好食🤭🥐#伊斯坦漢堡：轉咗牛角包，味道都唔錯，可以一試。🍨#土耳其開心果酥餅：無論係雪糕定係酥餅，都係好甜🥲🙈後尾先發覺原來唔記得叫雞肉烤餅😹😹😹 好彩份量都算大份，大家都夠食😆…查看更多

🌉難得放假入嚟馬灣，當然想試吓啲特色小店，所以就lunch嚟咗呢間以土耳其傳統熱沙咖啡做招牌嘅餐廳/cafe~~一入到去已經覺得內部裝修好靚好有氣氛🇹🇷～～畫咗伊斯坦堡風景嘅黑板壁畫、色彩斑斕嘅玻璃燈、加埋啲傳統花紋枱布，好似真係去咗土耳其咁！😍馬灣本身少人又唔係太多遊客，所以平日嚟唔算太多人，所以唔使等位而且坐到兩三個鐘，不過舖面唔算太大，得幾張枱，weekend就唔敢肯定啦🤓講返嘢食先，餐牌上都幾多選擇，除咗土耳其/中東菜嘅正餐，仲有唔少嘅飲品同甜品🍯（食完正餐飲完嘢都冇肚食甜品嚕）而且為咗cater返日常馬灣居民，舖頭都有賣返啲港式飯麵或者西式set lunch/dinner，不過我就當然試返啲特色嘢啦😬🫶🏻土耳其特色餃子 Turkish Manti 🥟（$178）一款細細粒、皮偏厚嘅牛肉餃子🤘🏻牛肉係好重香料味，口感似肉碎但味道似kebab🍢有少少辣椒碎同橄欖油🫒，但因為撈埋個解辣解膩嘅酸甜Yogurt汁所以食落唔太辣反而覺得幾有層次同幾開胃🤩！不過留意返呢碟主要都係碳水、唔太多肉所以都幾飽肚！阿美尼亞羊架 Armenia Lamb Rack🍖 （$188）羊架用唔少香料醃過，唔羶👍🏻面有少少芝士焗出來有少少芝士味+焦香！另外有個類似salsa嘅醬可以點少少等放入口感覺fresh啲冇咁乾～～（羊架可以配飯/中東包）土耳其咖啡 Turkish Coffee☕️ (跟餐+$30)舖頭招牌嘅用熱沙圍住咖啡壼加熱嘅土耳其咖啡，味道算係易入口唔係特別苦～～不過如果唔喜歡飲齋啡嘅要留意一下佢係唔預你加奶而係配一粒土耳其軟糖咁飲，想加奶嘅要同返侍應講聲🥛同埋要留意佢啲咖啡渣係仲喺壺底，要畀少少時間佢沉底🤍味道：💫💫💫.5/5 …查看更多

偶然機會之下，發現可以親身體驗熱沙上煮的咖啡 ☕ 👉土耳其咖啡👈 ， 決定為熱沙走訪馬灣 😋。 我地係第一組客人到店，所以讓我地自行選擇用膳之位置， 最後選擇了戶外之後花園用膳 (雖然天氣比較凍)。中午時間好快已滿座，食物和飲品之味道相當味美，食飽飽後返入室內體驗熱沙咖啡，剛好煮咖啡前的一張枱離座。開始啦....用心聆聽如何沖調一杯土耳其咖啡，接下來就是我的 show time ，看著熱沙上的咖啡起起伏伏....再把熱騰騰之咖啡倒進精緻之土耳其咖啡杯內，興奮完成 ☕ ，接著咖啡師上身教導我家相公，☕☕配搭土耳其糖一起品嚐。最後以👉到手香青檸雪條配到手白香青檸特飲  👈作完結，享受了一個愉快之馬灣行。…查看更多