Leisurely Veggie (Closed)

現在潮流素食主義， 家人呢個月茹素，所以四處覓食高質素素菜。呢間在尖沙咀的分店去得多，荃灣一直沒有機會到訪。友人訂座，一行四人，選坐卡位，如果有男士，四人的卡座，真的是迫了些，放得餸嚟，真係好親密了！我們選了四人晚餐$988，真係亞洲美食共治一爐，自選中西湯及手卷，其他如餐牌。我覺得中湯比西湯更勝一籌，因為真材實料，無味精，有好多菇類、黃耳、桃膠，香味十足。其他素菜包括：香芒牛油果苜蓿芽手卷、松露芝士薯蓉大啡菇、印度蔬菜咖喱配糙米及印度薄餅、黑椒四季豆炒素牛柳、千島醬田園薄餅、彩虹健康沙律、升級香芋黑糖珍珠（每位加$10@）、甜品，另外加了土匪腐皮卷$78。除了珍珠是黏在一起，及桃膠有點溶溶地、黐黐地，可能都係over-heated，口味不俗。特別係大啡菇、素牛柳、薄餅及咖喱都好好食。一次過滿足哂多國口味！但可惜又未可以話精緻，都應該係流水式作業。年輕的素食者、女士可能啱食啲！又話不要嗌大套餐，選番啲個別精選還好一點！…Read More

是日諗住去荃新天地 快閃睇BT21 去前想揀間舒適好味既醫下肚 尖沙咀分店既 雅悠蔬食 就試過兩次 都覺得係超水準表現既素食 諗住呢間都係差唔多 穩穩陣陣試下啦 誰知食物一樣咁好 環境配套仲更為親子🤩·午市套餐前菜及湯品🔸南瓜蘋果甘筍濃湯配香法包🔸印度椰子花生雪耳湯配新薯青醬黑醋藜麥沙律👨‍👩‍👧：中湯西湯配晒佢大家多啲款式share 只可以講各有特色各有各好味 大家睇自己心意啦😂主食🔸野菌甘筍腰果忌廉汁燴扁意粉配雜錦天婦羅（可免奶）$98諗住穩陣之選 誰知有驚喜 個汁既味唔濫 新鮮有層次 扁意粉很掛汁 菇有菇味 天婦羅就正正常常🔸低卡椰香冬陰椰菜花飯配溏心蛋（微辣）（可免蛋辣）$98呢個諗住做試伏器 誰知覺得好味到非試不可 😍汁料椰香為主 所謂辣都係點到即止取其過癮感 椰菜花飯諗住會硬同dry 結果完全相反 像米仔粉 字母粉一般 粒粒分明但又索晒味🤩 升級飲品🔸藍蝶花雪梨汁（凍）+10*2正正常常 清新解渴但又唔令人難忘果種追加小食🔸土匪腐皮卷 $68賣相同味道都無得輸 外觀好聰明用雪條棍支撐成幾可亂真既雞膇 土匪外皮脆而不乾 內膽既腐皮一層層 有咬口但唔硬 好有咬雞肉既效果 🔸香芒牛油果苜蓿芽手卷（可免蛋奶）$38店員推介 又真係值得一試喎 牛油果仿三文魚 苜蓿芽 仿蟹籽爆爆爆既感覺 紫菜夠脆 成件事好味像真有誠意 秋季限定特色甜品🔸宇治抹茶之旅 跟餐$30（原價$68）以一間非日本甜食為主打既餐廳黎講 CP真係爆晒 賣相算係咁之餘 味道亦拍得住好多所謂「日式甜品店」雪糕最怕死甜 蓋過晒抹茶甘苦 呢個完全奶香抹茶香剛好 小丸子煙靭 最欣賞係葛餅 軟彈度十足 沾粉剛好 個人覺得抹茶味無咁甜好食啲·埋單出近門口 店員仲提供個小代幣俾湯圓妹扭蛋 蛋入面有唔同既小紙條決定禮物 今次就中左飾物類 湯圓妹揀左隻小戒指💍之後有其他家長小朋友要扭就無影到部機嘍 下次再同大家詳細分享😂·…Read More

荃新天地地鋪素食之選leisurely veggie , 繽紛裝潢，看了心情也愉悅。素食已成各愛美女生新的日常。從飲食細節著手，愛惜身體多一點。午市set lunch 9款選擇。點上一份五彩鮮蔬牛蒡涼麵配酥脆松本菇、木瓜甘荀雪耳花生湯和藜麥蔬果沙律配鳳梨百香果汁。餐飲熱鹹柑桔蜜一杯。小食則點上一份招牌土匪腐皮卷。木瓜高纖、雪耳滋潤、湯水足料少味精。沙律撒上營養價值高的藜麥，伴均沙律菜入口增層次。鳳梨汁大大提高鮮度，但稍為過甜。主菜五彩鮮蔬牛蒡涼麵，賣相清新乾淨俐落。加入芝麻醬輕輕伴均，清涼可口，啖啖大滿足。雖然松本菇色澤暗沉，但入口則是天婦羅口感。爽脆之餘而菇片水份依然；涼麵軟彈、小食脆口，好食。招牌的土匪腐皮卷一份4件，件件雞髀模樣。孜然粉調味香料撲鼻，炸層略厚不過嚼口十足。而卷在中間的腐竹入味十分，非常好食。整個素菜小食賣相味道都有驚喜。餐飲鹹柑桔蜜；最後潤喉雪梨糖水一碗。餐牌…Read More

剛放寬了4人限聚令，由4人到可以8人，終於可以趕及在母親節與分散的家人坐埋一齊聚餐，實在要把握機會食返餐豪好的，天悠蔬食沒有令人失望，坐位的非常時期的間隔都令人食得放心嘅，以素食餐廳來說食品質素很好了，特別推介土匪腐皮卷及綜合水果茶，真心好食好飲，晚餐的set 餐就中規中矩啦，沒太大驚喜，但都好食嘅，散叫的食物就真係好有水準，廚房師傅諗菜式都好辛苦啦🙏，服務員的態度亦好nice, 知道疫情期間都辛苦了，人手少左要做多幾倘，加油呀…Read More

老友生日，疫情下都要去慶祝一下！專誠老遠跑來一嚐美食！在素食群裡看到這兒的環境，新開業兼童話式的設計，立即訂枱同老友相聚。果然不負所望，樓底高，面向街道夠光猛，我們選了玻璃幕牆邊卡位，4人座恰好！粉紅及淺綠背景。吊掛了十多個玩具氫氣球，好有旅遊的幻覺！雖說疫情持續 ，午飯時間也是全院滿座！不愧是悠蔬食集團，的確有號召力！今天朋友選了一客午餐，又有湯及前菜沙拉，主菜，飲品，仲有糖水送，才收$98，超值。追加跟餐點了春季限定甜品，更超值！然後，點了幾個 a la carte。好滿足喔！…Read More

💛堅持才有希望💛好多人以為食素唔飽，其實不然，只是心理作用。因為素菜食材都會包含晒人體應吸收既營養（主要碳水化合物、蛋白質和膳食纖維），今餐我食得超飽，超滿足 平日都冇為意有間咁靚餐廳係到，裝修好有童話Feel，色調柔和，小朋友見到開心，大人望見感到舒適。疫情關係，餐廳闊落好重要，我地被安排到卡位，自成一角。餐廳主打Fusion菜，東南亞、西式、日式，包羅萬有😍土匪腐皮卷（$68）上菜時已聞到陣陣孜然粉香味，外形似炸雞槌🍗。入面用左薄薄腐皮卷起一層層，做到雞髀肉咁，食起上嚟好有雞髀肉滑嫩既感覺，配上脆口既外皮，令我對腐皮另眼相看😝泰式煎如餅（$78）繼續係東南亞既菜色🤤🤤好有泰式魚餅既味道，煎得香口，裡面其實係麵筋，有平時魚餅彈牙既口感，但薄身一啲，再沾少少泰式辣醬，頓然忘記左自己係食緊素🤣雪菜毛豆百合燴百頁（$118）呢個平時上海菜鋪都有得食，較為清淡既菜色。不過口感相當good good👍百頁係豆類製品黎，百合同百頁都偏淋，配上菇既煙靭同雪菜既爽口，好正！唯一就係似乎忘記咗落毛豆😂😂成碟餸個賣相唔多掂擔擔麵（$58）食麵湯底好重要！雖然佢冇其他配菜，但湯底好香花生味，唔會好辣，又甜甜地咁，而且麵底相當滑，好食😋焗蘋果穌盒（$58）個甜品好有驚喜，超好食！！賣相high class佢用咗超薄既穌皮一塊塊包住蘋果，相比平時食既apple crumble輕身好多，咸咸地脆卜卜，配上熱辣辣既蘋果粒，再加埋啲cream一齊食，簡直係享受！！好正武肺當道，補肺不容忽視，餐廳奉送每人一碗潤肺糖水，雖然免費，但落足料！絕不馬虎，有良心之餘，食物質素都極佳！！…Read More

好日唔黎一次荃灣，黎一黎發現多左兩間素食餐廳，好有驚喜。依間係悠蔬食既第三間分店，相比尖沙咀同銅鑼灣店，荃灣店既裝修以粉紅色為主，少女心大爆發。另外仲留意到荃灣店不設最低消費，唔洗睇住價錢食。土匪腐皮卷外脆內軟，不過「土匪」味唔算突出，一試無妨。一般食肆既伊麵都有蛋，難得見到有純素既伊麵，緊係要試下啦！賣相好得呀成碟意粉咁，味道亦都好夠，菇都好大方咁落左幾多，抵讚。因為想試下啲湯同前菜，所以叫左個dinner set係和風鮮煮一品豆乳鍋配日本珍珠米，不過唔記得影相。個湯好清甜，飲得出冇落味精，原全係材料既味道。個一品鍋都好正，將成個飯倒入個鍋撈混黎食，好似食泡飯咁，啖啖都有濃郁豆香。最後叫左個魯肉飯，份量有啲少，一個人食都未必夠飽。啲魯肉係用「新豬肉」整，像真度好高，少少地當過下口癮都唔錯。甜品方面大部分都係有蛋奶既，如果可以研發多啲純素甜品就好喇！…Read More