Pa Shih (Gough Street)

兄弟姊妹們快啲book mark🥳 中環有新甜品店呀‼️ 仲要平靚正有特色🥰 50幾蚊大份到可以兩個人食🍧🍡 原來喺台中逢甲夜市過江龍🇹🇼 難怪一開業就咁高質 依家唔使排隊就食到(`✪︎ω✪︎´) 夏天無論幾時都可以入去食碗冰🧊🍧❣️抹茶焙茶奶蓋雪花盛盤 $98超愛呢一個( ᵒ̴̶̷̥́ _ᵒ̴̶̷̣̥̀ ) 焙茶抹茶係我心頭肉💚🤎焙茶奶蓋好綿密濃郁 同shari有得揮😍抹茶雪糕係高級味🍵 日本餐廳嗰種creamy 又唔會太甜 配埋蕎麥脆脆係超夾👍🏻🥳冰底一開頭食落好疑惑 係從來冇食過嘅口感仲會牽絲‼️竟然係仙草雪花冰🫣 用嫩仙草冰磚刨食落入口即化又有少少仙草絲 好奇妙🍧底部仲有好多仙草😂 店家係咪賣大包 我唔知佢仲有芋圓 張圖明明好少🙀 有6粒煙韌巨大嘅芋頭番薯圓🍠 仲食到有粒粒芋頭番薯 仲有另外糖水底配紅豆紫米珍珠🍼🧋 唔夠味可以落埋花奶 勁豐富( •̀∀︎•́ )✧︎ 兩個人都好難食得晒😋❣️圓仔芒果嫩仙草盛盤 $58熱門推薦‼️ 有芒果小丸子🥭🥭 芒果酸酸甜甜好開胃🤤仙草又係超滑 滑到可以sir入喉嚨😂 唔會太甜👍🏻 配埋個芒果汁 好似傳統涼粉配搭💁🏻‍♀️ 但仙草比較溫和冇咁寒涼 亦都天然🥰點解碟芋圓又出現🧐 好飽 打包返屋企食了🤣另外仲有芋泥我都勁想試🍠台灣芋頭係點都好食🙈整體呢間性價比超高 我鍾意台式甜品 呢個仲好食過台灣食到的😍 仙草雪花冰好特別一試難忘🍧…Read More

八時神仙草🌱位於上環的這間仙草店，以綠白cafe風裝修，是來自台灣的過江龍。已經bookmark了一段時間，終於來到😆食透心涼的仙草。🍵抹茶焙茶奶蓋雪花盛盤超推介！仙草冰配上抹茶雪糕和焙茶奶蓋，底下還有涼粉，仲配以一碗紅豆芋圓蕃薯圓，可以一次過食晒所有主打食物！仙草雪花冰最令人驚艷的地方是它的質感，做到細滑之餘，仲有份得別的「拉絲」的質感！一定要試！🥭圓仔芒果嫩仙草盛盤芒果系列都是香港限定喔～這是芒果白玉仙草，配以一碗紅豆芋圓蕃薯圓。仙草的質感都幾特別，好QQ好滑，和我們平常吃到的不太一樣。這裡仙草的特點是不會用上任何的凝固劑，用仙草本身的膠質令它們成形，所以至少煮8小時以上，或許就是口感特別的原因。🍹圓仔芒果甘露凍其實幾似上面的芒果仙草，都是以剛剛的配料。只是少了盤芋圓。芒果汁都是已真芒果來做，濃濃的芒果味！☕️圓仔紅豆紫米牛奶（熱）雖然天氣咁熱，飲熱飲好似有點怪。但食左咁多凍野，你會發現你需要杯熱飲😂。喜歡它不是太甜，但係好足料，會好飽肚。…Read More

偶然行過發現原來九記牛腩嘅旁邊 有一間台式甜品舖😆門面光亮幾新淨 同旁邊嘅老店好大對比 食完飯嚟食個糖水就啱晒 食物以仙草、芋圓、芒果、雪花冰為主 有得飲又有得食 外賣堂食都可以🍧抹茶焙茶奶蓋雪花盛盤 💰98雪花冰只有幾款 基礎款就有焙茶奶蓋 另外兩款分別就在於topping係芋泥定抹茶雪糕 掙扎完之後叫咗抺茶呢款冰 另外再叫杯芋泥飲品 咁就兩樣都食到🤭雪花冰係好綿滑嗰種 入口即溶 可以自行加入花奶 同出面食嘅雪花冰最大嘅分別係 冰中間有一條條嘅黑糖仙草絲 做到牽絲效果 食起嚟亦增加口感😍焙茶奶蓋好香滑 感覺輕盈 加咗nut更香更有咬口 抺茶雪糕都濃抺茶味 冰底仲有仙草凍 另外小盤上嘅芋圓好香蕃薯同芋頭味 好足料👍🏻🥭圓仔芒果嫩仙草盛盤 💰58店舖主打仙草 當然都要試吓 呢款更係香港限定🥭芒果夠熟夠甜 小丸子Q彈 仙草十分嫩滑 可以加入芒果汁酸酸甜甜更有味 同樣有跟芋圓 同朋友食唔洗爭😌🧋仙草芋泥牛奶沙冰 💰45芋泥控必試 超多芋泥🫶🏻牛奶沙冰都係比較綿滑嗰種 冇乜冰塊感 仙草滑捋捋 白珍珠煙靭 🧋圓仔芒果甘露凍 💰42芒果好甜 有柚子肉 仙草 白珍珠 口感豐富 夠晒fresh☺️…Read More

天時暑熱 又到咗好想瘋狂食凍野既時候🥶自從燒仙草係香港流行之後 我就愛上咗🫣本身都好鍾意食涼粉 但後來發覺仙草真係吸引好多🫢尤其配搭紅豆同芋圓既時候 更加係令我停唔到口今次去呢間專食燒仙草既甜品店 簡直係為我而設😆➷🪐 圓仔芒果嫩仙草盛盤話明專食燒仙草 緊有啲與別不同既野👍🏼八時既燒仙草係高溫加熱既時候係液體狀態 但放涼之後就會慢慢凝結成凍💧因為佢地既仙草為減少外來添加物而唔加鹼❌反而係靠仙草乾本身釋放既膠質熬煮八小時凝結成凍⏲️所以唔會好似其他店既燒仙草咁裡面有一塊塊仙草凍😲若然想食燒仙草但係想保留一點滑嫩既口感👅建議可以稍微放涼先食❄️作為一個仙草迷 都係第一次食到咁滑嘟嘟既燒仙草🤩而且味道亦都好突出 仙草既味道不斷徘徊左右仙草唔再係[實的的]既口感 𢳂起上黎會好容易瀡返落去😆甜品唔會做得好甜 比較清香👍🏼加入小丸子增加口感原來清甜既芒果配佢既味道都好夾🥭又俾我發現新大陸🫣最後加埋佢既芒果汁點綴一下 味道就會更上一層樓🔝§🪐 焙茶奶蓋雪花盛盤🧸就緊係食返佢最愛既雪花冰😆仲要係佢大愛既焙茶口味😍淡香既焙茶係呢一刻可以一解暑熱 而且又唔會太甜👍🏼冰粒唔會磨得太幼細 保留一定既咬口感係冰上仲可以見到一絲絲既黑糖 有助增加焙茶奶蓋既變化而令到我地最驚喜既係 係冰既最底層竟然都有仙草🤩一次過可以有齊晒兩種甜品 簡直係人間極品🤤某幾款盛盤仲會有個芋圓小碟跟埋😌佢地既芋圓亦都係值得一讚👍🏼煙韌 彈牙 仲好脹卜卜😋清晰食得到芋頭同蕃薯既味道 唔再係食粉團喇🤪§🪐 仙草茶凍如果再癲啲 可以好似我咁 食佢既燒仙草都唔夠仲要飲埋佢個仙草茶😆但原來就咁飲係好爽嫁🫣又飲又食就係我呢啲🤪行到熱買杯黎飲就咩都据晒🤤➷只係好想不斷encore再encore🤤然後希望熱到喊既時候可以隨時就飲到😌➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟…Read More

最近天氣時冷時熱，熱個陣天氣又特別悶熱，所以係食冰最適合嘅時間啦！🤤 黎到想食好耐嘅「八時神仙草」，附近嘅勝香園同九記早已經被遊客攻佔，好在哩度仲有好地方歇一歇息～《 芋泥焙茶奶蓋雪花盛盤 》 $98 4 / 5絕對唔馬虎嘅雪花冰，由芋泥到奶蓋每個部份都毫不輸蝕😳 芋泥口感綿密；而奶蓋茶味突出好香滑🤤 雪花冰倒入花奶、黑糖等味道更豐富，中間仲有一絲絲仙草凍好特別👍🏻 當然唔少得底下一層仙草凍，實淨又𝘘彈😋 而雪花盛亦有配搭芋圓，同樣口感煙韌，亦食到芋頭同薯粒，真材實料😍《 圓仔芒果嫩仙草盛盤 》 $58 4 / 5喺香港限定加入左芒果系列🥭 仙草滑溜得黎好清涼，口感偏實淨，唔似平時食到嘅好碎濕濕～ 更鍾意哩度仙草嘅咬口😋《 仙草紫米牛奶冰沙 》 $42 4 / 5無得揀甜度仲以為好甜，結果完全係天然嘅甜味，紫米味亦幾濃郁，入口清甜～ 因為可以免費加珍珠，整到成大半杯都係配料🤤 超級飽肚，係唯獨價錢略貴🤏整體而言味道唔錯，尤其仙草特別出色，定價都明白始終係中環地段，所以屬中上水準👍🏻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛———————————————…Read More

最近天氣越嚟越熱，行街行到熱都想坐低食碗冰🧊呢間嚟自台中嘅仙草甜品店，主打無鹼製作燒仙草，同坊間嘅相比更天然更嫩滑！店舖命名 ❛八時神仙草❜，係因仙草靠著本身釋放的膠質，熬煮8小時凝結成凍而嚟～仙草高溫加熱後係液體狀態，但稍微放涼後會慢慢凝結成凍，咁特別當然要去朝聖下😋🍵抹茶焙茶奶蓋雪花盛盤 ($98)茶控必點❣️最上層嘅抹茶雪糕，濃郁香甜，好重茶味🤤中間嘅焙茶奶蓋，順滑醇香，再加埋下面嘅雪花冰同嫩滑嘅仙草，完全係一個夢幻組合🤣雪花冰夾雜着仙草絲好特別，淋上煉奶簡直一絕！🥭圓仔芒果嫩仙草盛盤 ($58)係香港限定嘅芒果系列🇭🇰芒果好鮮甜多汁🤤仙草超嫩滑仲好有彈力，加埋芋圓、小丸子、紅豆等Q彈嘅配料，咬落煙煙韌韌，口感滿分！再倒埋自家製芒果醬，好幸福呀🥰🍹圓仔芒果甘露凍 ($42)呢款飲品有小小似飲得嘅楊枝甘露咁🤣清新爽口，加上仙草同小丸子，口感豐富有層次，特別係芒果味道好濃郁🤤🧋仙草茶凍 ($35)仙草凍味道唔會太濃，反而清新怡人，仲好嫩滑👍🏻嗌咗微糖唔錯，如果想飲杯野又想健康低卡啲，揀呢杯就啱哂😆總結：仙草用心製作，天然健康，喺中環想下場食甜品係唔錯嘅選擇😋…Read More

中環歌賦街雖然位置有啲偏 但絕對係一條美食街 最出名莫過於長期排長龍嘅九記牛腩 今次想分享九記隔離嗰間台式仙草芋圓店(*´∀`*)呢間主打無鹼天然嘅燒仙草 靠熬煮八小時凝結🕰️味道口感同市面嘅仙草都略有不同喔～仙草熱嗰陣會比較流質 放涼一陣就會慢慢凝固口感偏似果凍咁結實少少🤏🏼但入口非常滑溜 味道上回甘味亦無咁重 .♥ 圓仔芒果嫩仙草盛盤 $⑤⑧.♥ 芋泥嫩仙草盛盤 $⑤⑥.♡ 追加｜抹茶雪糕 // 圓仔.每碗仙草盛盤本身有番薯圓、芋頭圓、珍珠、紅豆、紫米～配料豐富 擺盤又美美的🪵芋圓同蕃薯圓脹卜卜(☉∀☉)咁大粒都唔會話好重粉感 口感依然煙韌 而且兩隻味都食得出～唔會好似咬緊一粒淡茂茂嘅粉團 芋圓控表示收貨了芒果嗰款有鮮果肉+鮮芒果汁🥭完全唔酸 好清甜芋泥基本上無咩顆粒感～好重芋香又軟綿綿 加埋淡味嘅仙草就最好不過 圓仔即係白玉小湯丸 入口軟糯軟糯 珍珠就偏彈牙 有啲似爆珠嗰種 紫米紅豆亦煮得剛好一碗甜品多重口感(＾ω＾)仙草底亦無人工糖水陣甜味 價錢合理🥰.♥ 焙茶仙草凍奶茶 $④②.♥ 圓仔紅豆紫米仙草牛奶 $④②飲品定價稍高 但又真係落足料´･ᴗ･`焙茶入口好順滑 完全不澀 陣焙茶香比奶茶味突出☕️另一杯根本係豪華版紫米露 多料程度超越一碗糖水 但可以催眠自己夠養生 好過飲廢水嘅呵呵…Read More

好多時聽到邊度邊度開過嚟嘅餐廳，第一反應就係好好食，先可以做到過江龍，所以一定要去食！但係好多時候都係期望大於現實，但今次依間八時就不一樣，佢嘅食物質素有少少超越我嘅期望除咗一碗嘅甜品之外，仲有好多唔同款式嘅嘢飲選擇，但今次同朋友見食完午餐仲有胃口，所以各自揀咗一碗糖水，份量都唔少，如果唔係好想食太多嘅可以兩個人分享一碗（但係要留意堂食最低消費，每位$45）圓仔芒果嫩仙草盛盤 $58只要是盛盤就一定包括芋圓，薯圓，珍珠，紅豆，紫米，除此之外我這個還包括了圓仔，芒果粒和芒果醬；仙草好Q嫩，用匙羹食嘅時候好容易瀡走，可以先試咗原味先再加芒果醬，因為仙草本身甘甘哋，唔會好苦，其實唔落芒果醬也可以，因為紅豆和珍珠都甜甜不過個人覺得，如果真係想落芒果醬嘅話，可以先食曬啲紅豆先，因為個人覺得芒果醬和紅豆唔係好夾抹茶嫩仙草盛盤 $56配料和我那一份差唔多，只不過就係佢依一份冇芒果粒和芒果醬，變成了一個抹茶雪糕，味道就冇我嗰個咁甜，同埋抹茶雪糕冇芒果醬咁濃味，芋圓和薯圓嘅味道會突出啲；薯圓食落會比較煙靭，芋圓就比較實身少少，同埋會食到有啲芋頭粒不過因為佢冇圓仔，所以食落冇咁飽肚，但係食咗咁多薯圓芋圓都已經好飽以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…Read More