爆丼丼 (Closed)

之前食過旺角相當似既丼飯餐廳，聽朋友介紹爆丼丼性價比更高，於是前來一試。位置都少少稍遠，地鐵站行都要十分鐘路程。是日到達大約6:45左右，場內得數枱客人，同之前朋友所講要排好耐有好大對比。食黎食之前都有做下資料搜集，短短數個月，由$188加到$208。不過咁多海膽，價錢上黎講都唔算十分貴，同埋睇圖份量好似都好多，所以都叫左個黎試。另外睇其他食家介紹，我地都叫左個粒粒魚生丼。價錢唔貴，只係$8X上到枱，心諗，咁細既。圖片果然只供參考。不過野食始終味道最緊要。海膽一般，應該係用左幾隻唔同既海膽。有幾條特別鮮甜，有幾條就中晒伏咁好重腥味。吞拿魚蓉不過不失，帶子應該一開二，所以比較薄，食落無咩口感。反而三文魚籽好有驚喜，好有鮮味，不停咁想再食，用黎撈醋飯非常夾。魚生丼$88個人認為十分抵食，份量好多，呢個就真係有爆丼既感覺啦。魚生都食得出新鮮，希靈魚好好食，性價比十份高。個人認為粒粒魚生丼更值得一試。至於$208既四重爆丼，我相信市面會有其他更好的選擇。…Read More

受宅男俱樂部 影響，山長水遠去咗荃灣食爆丼丼🤣呢個四重爆丼當真心不得了，估唔到過咗無耐價錢已經升到$208，不過一場嚟到梗係點都要食下啦😋 真心嘩嘩聲，賣相超吸引呀！好多份量嘅海膽魚子帶子吞拿魚🐟！整體刺身都尚算新鮮：帶子簡直爽到不得了， 魚子偏甜，吞拿魚蓉冇乜味，不過海膽就偏苦，唔係好食得慣。不過見呢間小店咁足料，晚飯時間都算滿滿地，就知好受街坊歡迎啦🤟🏻另外，蟹棒玉子燒意外地有驚喜，算係對得住個價錢🧟‍♀️-四重爆丼 | $208蟹棒玉子燒 | $55-…Read More

今日去專誠去荃灣廣場見布甸狗，探完只係五點半左右，男友提議食日本野。好呀，既然咁早，應該可以試下平時勁多人排，無訂位一定有排排隊嘅爆丼丼！到達時只係五點九左右，就已經有六七個人等緊。食店仲係準備當中。再遲啲真係有排等！menu選擇眾多，樣樣都想食唯有將咁難嘅難題交俾男友。最後，我地揀左四重爆丼，同火山爆丼！個丼飯唔算大，比我想像中細。刺身都幾新鮮！:)火山爆丼火山🌋爆丼就係魚子好似熔岩漿咁喺口中火山爆發爆岩漿咁，幾貼切！ 魚子、三文魚、帶子、吞拿魚蓉魚子可以再多啲，見到飯嘅，未夠爆喎。。四重爆丼海膽、吞拿魚蓉、魚子、帶子海膽超正！！！望落個樣係好開心的，但實物其實同店內&餐牌嘅都有落差。個人認為刺身可略略多多少少，起碼見唔到飯面啦。本人已經算比較慳住刺身嚟食嗰種人，但啲刺身都唔夠嚟送飯食。。。剌身得一層，飯就好多！店舖不算大，枱與枱之間好近。感覺有啲逼。另外，要讚一下店嘅店員。因為其間有個老伯伯嚟食，（我surprise老人家竟然會食生野，係一個open/愛日本的伯伯😀) ，當時得番bar枱有位，但bar枱嘅凳係無凳背，無得挨。伯伯唔想坐，問有無其他位，卒之店員喺其他位嘅凳換左俾伯伯坐。👍🏻…Read More

一行四人約咗喺荃灣食晚飯，因為我好想食海膽所以一早target左嚟呢間食，晚上六點入座不用等位，但過了差不多半小時已全場爆滿!!! 我點了四重爆丼($158)，有海膽,三文魚子,帶子,同吞拿魚蓉，海膽好似唔止得一款，雖然我唔識分佢係唔係靚海膽，但食落幾好味，滿足晒我想食海膽嘅慾望，睇相好似好大碗，但其實實物係比較細啲嘅，我覺得啱啱好夠食!!其他人就點了以下菜式，大家都表示好滿意，食得好開心。呢度嘅菜式有平有貴，有魚生飯有拉面有丼飯，款式夠多，迎合到大家不同嘅需要。…Read More

朋友好中意食日本野，特別係刺身類，海膽配飯更是最愛，所以特登揀左呢間係荃灣有點人氣既日本餐廳試下佢既丼飯。假日下午兩點零鐘黎到，但店內仍然有唔少客人，而且唔少人點海膽丼添! 黎呢度就梗係要試佢個招牌----四重爆丼啦，另外再點我中意既蒲燒滑蛋鰻魚丼。四重爆丼 $188老實講，起初望個餐牌，見到呢個海鮮飯索價近$200，覺得唔平，一度好奇點解D人會話呢度既丼飯抵食等等，加上上枱見到佢飯碗既SIZE時，心中更加覺得貴😣。不過，認真D睇海鮮解實有唔少，海膽應該有半板，外貎亦唔算太差，入口甘甘甜甜🤤，配埋下面微暖既醋飯，好好味😋；帆立貝有完整兩粒，雖然未到好鮮甜，但都唔差；三文魚籽正常味道；至於拖羅蓉我就唔識評價，因為一定都唔識得欣賞😅。唔好睇佢碗細細會食唔飽，但其實入面D醋飯裝到實一實，加上食凍野令個胃收縮，高蛋白質既海鮮又令人易滯，所以食哂成碗野會覺得岩岩好，再多D就會太溜。蒲燒滑蛋鰻魚丼 $68鰻魚長長一條，頭尾燒到有少少焦，正中我杯茶，而且厚度大概有3/4至1吋，入口啖啖肉；不過肉質唔鬆化，比較韌身，而且蒲燒汁鹹得制唔夠甜，但呢個價錢配埋個煎厚蛋，唔能要求太多。呢度其實仲有其他丼飯，最平$68就可以食到兩款海款。另外仲有拉麵、烏冬提供，價錢都算合理。…Read More

終於有機會品嚐早前被FB洗板的爆丼丼，人人都說性價比高，排隊都一定要食，所以這次令我非常期待。 附送的味噌湯。 四重爆丼 $188 主角四重爆丼，食物包括海膽，拖羅蓉，帆立貝同三文魚籽。賣相精緻，四款食物排列整整。海膽海膽飽滿豐腴，入口細滑，沒有腥味。接下來是拖羅蓉，充滿油香，入口油潤，之後是帆立貝，味道相對比較淡，但正正需要這份爽口清甜去中和一下，旁邊的三文魚籽已經忍不住跑了出來，晶瑩剔透而充滿鹹鮮的三文魚子，每層的口感和味道都是經過精心的安排，就像一套精彩絕倫的電影。用匙羹再把所有食物同時放進口內，不同口感的食材在口腔內一同爆發，滿足了視覺及味蕾的慾望。 原條蒲燒鰻魚丼 $98原條鰻魚呈上，鰻魚非常鮮味嫩滑，加入鰻魚汁更顯惹味，而米飯吸收了鰻魚的鮮味更美味，但美中不足是米飯不夠粒粒分明。 整體質素不錯，價錢親民。…Read More

上星期帶老公去旺角某丼屋食海膽，但可惜餐廳未備好貨，食唔成，所以今個星期四出搜尋海膽丼，終於搵到人氣爆燈的爆丼丼，補償返老公四重爆丼，海膽佔了半個飯面，部分火炙後的海膽，半溶狀態易送飯，配上魚子、兩片帆立貝、吞拿魚蓉，整體算新鮮，但份量偏少，size是細丼。築地價錢，香港質素(當然不及築地的新鮮)，如果唔夠時間飛一轉東京，喺香港當頂下癮的，都係唔錯嘅選擇👍🏻。安格斯牛肉鵝肝丼，兩片煎鵝肝配汁煮安格斯牛肉，鵝肝外層的粉漿有點厚，油脂口感偏低，可能低溫煎得太耐，鵝肝應有的油份流失了👎🏻。安格斯牛肉，醬汁偏甜，好似食緊韓式煮牛肉，牛同飯的比例大約1:2，牛肉唔算多，但飯量好夠飽，比海膽丼多。點餐時已叫侍應不要椰菜底(大肚婆唔食得，老公又唔鐘意食椰菜)，侍應話午餐先有椰菜，晚餐冇椰菜，點知個丼黎到，椰菜同牛肉的份量一樣😓。餐牌上的丼飯都送味噌湯，或可加$5轉汽水，味噌湯終於有日式味道，足料👍🏻，仲有兩片油揚同大量海帶，不過可能時間的關係，海帶未煮開，仲好硬😅。老公話個海膽丼太細，唔夠飽，本來想叫汁燒牛舌同唐揚炸雞，但賣晒，其實當時未夠8點😓，侍應提議我哋食鹽燒牛舌，但見隔離枱食剩晒，伏味濃，所以最後冇點，老公最後返屋企食杯麵。小店座位較迫，服務非常一般👎🏻，我大肚唔飲得有咖啡因的茶，所以特別問侍應攞杯熱水，但係佢竟然俾錯左我兩次😡，害我緊守左8個月，係咁嘅情況下破戒飲左兩啖(😭對唔住呀BB)。…Read More

自從朋友誕下女兒後，我們聚會的地方只限荃灣，因為她要照顧女兒嘛。今晚朋友把女兒交托給她老公數小時，讓我們閒聊閒聊吃個飯。由於朋友平日放工直衝回家照顧女兒，沒有嚐過她家附近的美食，我們趁著今晚空檔一嚐她超想吃的爆丼丼。爆丼丼真的「爆」多人，我們等了好一會。在等候期間，當然要看看餐牌有何想吃的，然後入座後直接點餐。這裡丼飯選擇蠻多的，尤其是刺身款丼飯，經一番研究，我們決定吃四重爆丼及安格斯牛肉鵝肝丼，我照跟餐喝麵豉湯，朋友則加5元喝可樂。雖然剛剛颱風撤退，但天氣依舊炎熱，這一熱，最能引我的食慾莫過於四重爆丼。這碗四重爆丼應該算是爆丼丼的招牌吧，一上桌，我馬上想起山頭林立這形容詞，丼飯用料非常豐富。海膽色澤橘黃清亮，其甜味濃郁悠長，混著醋飯一起入口，滿滿大海的味道。紅噹噹的三文魚籽同樣先「色」奪人，三文魚籽該有的鮮鹹度它都有，而且彈脆感十足，汁液一咬而破。拖羅碎看似貌不驚人，送進口裡的那一刻，原來也不錯的。拖羅碎十分軟嫩，在口中隨即化開，滑嫩魚肉流入喉嚨之中。厚實的帆立貝肉質柔嫩帶甘甜，一種欲罷不能的好吃，能吃到四重爆丼真的幸福。安格斯牛肉鵝肝丼堆疊出一座豐盛的牛肉山，用料完全不手軟。經過香煎的鵝肝，香酥外皮直接鎖住鵝肝的鮮美，咬下去外酥軟嫩又潤口。安格斯牛肉熟度剛好，呈現出牛肉原本的嫩與鮮，肉汁細緻，鹹香帶甜，滋味層次豐沛。剛炸好的芝麻雞翼小心別燙，雞翼表面撒上芝麻光看已覺得香口，咬開香脆的雞皮後，肉汁不斷流出，雞肉滑溜溜的，陣陣香氣在口腔裡迴盪著。鰻魚玉子燒撲鼻而來的蛋香，加上濕度恰度好處，滑嫩可口的蛋身，當牙齒突破層層的蛋皮，嚼到微微的甜味，然後直搗中間的鰻魚，那香甜的醬汁與鰻魚的油脂，兩者牽引出甘醇鮮美。…Read More

上次夜晚食過見抵食兼好味 再餌誘班同志們 一行五人去爆丼丼食lunch今次下午1點左右到，唔算多人等左5分鐘就入得。當然要食佢個四重爆丼$158 四重有 1)兩大舊帆立貝 2)三文魚籽 3)拖羅容 4)一片大海既海膽好足料又鮮甜！ 上次夜晚食記得係$188 一字之曰:抵！！！*魚生刺身都會附上wasabi, 食落比較香口可能加入咗芝麻。另外仲加咗個蟹柳沙律$22無咩特別，就係抵食！ 以下都係其他同志們食既，雖然無試但睇落都唔差。野菜雞扒丼$48 自家製牛肉丼$48食丼丼都會附送可樂或麵豉湯選擇。個肚太滿足會再番兜。…Read More

自多年前去菲律賓，在船上捕捉到及即場吃過海膽後，已深深愛上它。  加上最近香港亦興起海膽丼，看了一段時間，經最近辛苦了一排，即找籍口慰勞自己，在多番了解，決定來這裡試下。餐廳不是太大，不過評價正面而且近屋企，一於同先生試下。四重爆丼𥚃面包括我最愛的海膽， 拖羅碎，帆立貝及三文魚籽，海膽新鮮甘甜，入口即溶，帆立貝好鮮甜，配上大粒三之魚籽及拖羅碎，實在大滿足，如果飯可以硬身一點，真係無得輸，吃了幾口，嘗試加少許醬油及wasabi, 鹹鹹地加通鼻又是另一番風味。雖然睇落不太大碗，但我一個人吃了一半已經好飽，本來先生不太愛食生野，佢試了幾口竟然話ok, 而且吃埋餘下的半碗，yeah yeah!  有了強勁的後盾，下次可以再食😍😍😍😍吉列豬扒拉麵，豬扒鬆脆，豬骨湯底濃，係老公的 favour。…Read More

晚飯時間又到，諗住周圍行下搵下有咩野食，行過見又有間新開嘅日本野，所以立刻走過去望望，睇到圖片同个menu都想試下，但見到鋪頭門口都有人等緊位，心諗應該有排等，但都問問里面嘅員工。啊，又咁岩2位唔洗等喎，就立刻入去坐，望住个menu已經比个"四重爆丼"吸引了跟手就叫埋就叫埋个"番茄豬軟骨烏冬"四重丼的海胆味道還算可以，不算難食，份量還ok, 帆立貝都可以，一个人食的話會好full。而个烏冬嘅豬軟骨嘅肉就比較靭，比較難咬，湯底算濃有味道，還可以吧。總括黎講，印象還不錯，下次再黎試吓其他款食物。…Read More

2018.06.09 😊【多到滿瀉爆丼飯】食在荃灣踏入6月份 天氣保持著酷熱一時落雨 一時出大太陽小妹簡直就連吃飯的心情也沒有🤢只想來點不一樣的星期六來到荃灣區逛街從街坊口中得知一間人氣丼飯小店😛日本料理正中我們下懷 立刻決定一試小店裝潢以居酒屋為題當日還未到晚市時段已經出現人龍 看來深受一眾街坊歡迎除了主打的丼飯外 亦有售各式刺生及壽司而我們則選擇了2道人氣爆登之選火山爆丼 $168一上桌真的有如其名 滿滿的一碗 有如火山爆發般🌋街坊價錢就可以享用多到溢出的魚生丼飯相信這就是吸引到一眾食客排隊都要堅持光顧都決心火山爆丼包括了拖羅蓉、帆立貝、吞拿魚、三文魚、三文魚籽🐟帆立貝清甜 刺生層屠疊交小山丘上推滿了金黃清透的三文魚籽數量之多 有密集恐懼症的朋友應該會起雞皮吧咬下去幾乎每啖都嚐到三文魚籽的油香🤭加上塔尖的拖羅蓉及其他魚生 感覺豐富四重爆丼 $188友人是個海膽狂迷 未踏入店鋪已經指明要一嚐這道四重爆丼除了必備的爆量海膽外 還有拖羅蓉、帆立貝、三文魚金黃燦爛的海膽整齊排列在碗裡 有如在海灘曬太陽🍣在相照食先過後 先為咀巴送上一整口海膽口感陣陣膏香 大滿足然後將丼飯裡各式刺生加上入口溶化的海膽拌勻均衡分佈 令每一啖都能享受豪氣十足補上大合照😋P. S. 套餐均跟上一碗麵豉湯爆丼丼 💌荃灣河背街74號地舖Mon-Sun: 1130-2230🍚 openrice: yee6192004…Read More

真係冇乜野唔中意食，好多野都中意食，刺身又係其中一個死穴！所以自從香港都有爆丼之後，成日都心思思想去食，不過價錢真係唔算平，所以都唔會成日去食，但荃灣有幾間平價爆丼，約埋朋友特登入荃灣食再行下街，今次試下呢間「爆丼丼」餐廳裝修比較親民啲，食物選擇唔算好多，但係樣樣都好吸引！！！四重爆丼　　$188 (有優惠價$138)四重包括：爆量海膽、拖羅蓉、帆立貝、三文魚籽。其實餐牌上冇寫有優惠，係啲阿姐講先知，唔知靜係做午市定係晚市都有優惠。實物比圖片矮左少少，但都可以話有驚喜，出面食個丼可以要$200以上，呢到平1/3，但都唔差！海膽係北海道馬糞海膽，唔會腥，帶微甜，拖羅蓉容易入口，帆立貝頗嫰，亦新鮮，三文魚籽拎黎撈飯一流！爆丼丼　　$88包括三文魚、劍魚腩、油甘魚、吞拿魚、希靈魚、甜蝦、蟹柳、蟹籽。每款都係一塊，同樣地丼比較矮，但各款刺身取回分數，特別係希靈魚，入口超鮮甜！比平時食果啲甜好多，而三文魚、劍魚腩、吞拿魚都好厚切，油甘魚相對上遜色少少，比較”鞋”口，甜蝦、蟹柳、蟹籽都屬正正常常。埋單每人都係$100，但食到爆丼！都真係幾抵食，重點係頗新鮮！雖然對我黎講遠左少少，但間唔時想食既時候，可以約朋友去附近行街再過黎…Read More

前幾日要嚟荃灣做野～🤧🤧同同事坐小巴🚌落車，見到附近就有間日本餐廳🤤睇落都幾精緻！決定支持下小店！☺️鐘意食海膽嘅我見到呢款四重爆丼真係即刻心心眼咗！❤️兩款海膽都已經好吸引！仲有大大片嘅帆立貝另外加拿大海膽有輕輕火灸過～味道更加出！OnTop嘅拖羅蓉好Creamy！佢唯一差啲嘅係唔方便食！因為太滿了 lol同事話太生唔想食 lol 唯有嗌嗰火焰魚生丼，點知一樣有驚喜！勁足料真係唔知老細點繼續做落去啊～…Read More

見facebook介紹 又做緊優惠 就諗住試下 五點9黎到 門口已經排緊隊等6點食第一轉 最後等左十幾分鐘就入得我地兩條友淨係叫左一個四重爆丼同一客芝士年糕 年糕會有少少油 不過都係合格以上既 至於丼就比我想像中好好多 見其他comment又話唔新鮮又話臭 但事實又另一回事 魚生份量唔少 亦唔會話冇味唔新鮮 係海膽有少少少少苦 另外見其他人話冇service可言 但其實店入面既姐姐勁好服務 舖頭又忙又多客 仲會係咁主動幫你加茶 收走枱啲垃圾兩條友食到飽 埋單都係$138+25 再另外加一 其實真心抵食 可以再戰…Read More