大兄冰室 (Closed)

今日終於食到去荃灣區啦！咁岩陪朋友去荃豐中心買野就順便睇下附近有冇好野食啦🤪·🌭 火焰芝士肉醬熱狗套餐 (HKD 65)熱狗可單點可叫套餐，我就轉套餐配左薯條食😙而想試辣嘅朋友仔亦可以轉辣肉醬！首先熱狗嘅賣相係100分！肉醬同芝士多到滿瀉🤤用火槍燒溶左嘅芝士，令味道食落更香口。外層用左軟綿綿嘅麵包，裡面就有惹味嘅秘製肉醬配脆皮法蘭克福腸，非常匹配！最驚喜係脆皮腸底下竟然加了生菜，配搭新鮮蕃茄，令整體感覺好清新👍🏼·🍔 經典日本牛肉流心五重芝士漢堡包 (HKD 58)朋友就加左$8配炒滑蛋+蒜香多士，漢堡包口感外脆內軟，食到有香濃嘅蒜香味。配料有牛肉漢堡、洋蔥、野菌、生菜和蕃茄，一咬落去d芝士流哂出黎，有多重口感😋牛肉肉質恰到好處，亦能鎖到肉汁！·🥛四季春奶蓋 (跟餐+ HKD 17)奶蓋特別之處係用左3.6牛乳製作而成，咸咸地配埋四季香，特別清新，岩哂配埋burger👍🏼·🍫朱古力脆脆 (跟餐+ HKD 8)朱古力飲落唔會好甜，最頂仲有朱古力脆脆同棉花糖，就好似食緊脆皮雪條嘅感覺，口感好特別！估唔到中心嘅小角落會食到咁好味嘅熱狗，真係有驚喜，下次會推介朋友黎試試😋

嗰日係附近行街，發現肚餓就上網找到呢間最近新開嘅冰室。去到剛好有卡位坐，可以坐得好鬆動✌🏻見到餐牌上有超多選擇，有蕃茄濃湯、漢堡包、熱狗、三文治等等，樣樣都想食，我嘅選擇困難症又出現啦😂😂每款主食可以加HK$20做套餐，就多一款小食 (有4款選擇) 和一杯港式冷熱飲品 (有4款選擇)，也可以加HK$8轉台式冷熱飲品一杯。經典牛肉芝士漢堡(HK$58)．個麵包面頭特別多芝麻，見到是搽上香草牛油才再烘熱，甜甜哋嘅麵包又有牛油微鹹味道，口感外脆內軟，真係好好味😋．厚實嘅牛肉扒中間夾咗芝士，之後以低溫慢煮，鎖住肉汁，咬一啖又有半溶芝士，好正．野菌和特濃芝士醬，豐富了整個包嘅味道👍🏻火焰芝士肉醬熱狗(HK$45)．佢嗰秘制肉醬調味好好，多肉粒，再配上蕃茄，生菜，面頭加咗超多火焰芝士．配料超多，攪到朋友拎起個熱狗食時會漏咗啲餡，只好用刀叉食😂．呢個麵包面頭都係特別多芝麻，也是搽上香草牛油才再烘熱，有牛油微鹹味，也好正！粗薯條 (套餐包埋)．我同朋友都喜歡食厚切薯條，所以不二之選．份量多到滿多到滿溢．脆口，多薯肉蓉，少鹽，比較健康，很好👍🏻*朱古力脆脆 (跟套餐+HK$8)．看似凍朱古力面頭加忌廉和

今日嚟到荃豐中心，見到間招牌好光猛嘅冰室，於是就決定入去試試，打開Menu見到好多樣嘢都好吸引，最後就叫咗個脆皮豬手配蕃茄濃湯公仔麵、下午茶餐裏面嘅經典日本牛肉流心五重芝士漢堡包同散叫咗個芝士肉醬熱狗豬手有成3大舊，皮炸得很脆，肥瘦適中，肉質咬落去都好軟淋，配個個醬係酸酸甜甜，同豬手好夾，好開胃，個蕃茄湯就好濃，好多蕃茄肉，今次叫左公仔麵，掛哂啲湯🤤今餐最正就係個漢堡包，個漢堡包賣相好吸引，一切開啲芝士醬已經流哂出黎🤤牛肉好香好juicy，亦都唔會鞋，配上生菜、洋蔥、蘑菇，口感好豐富，隔離仲有薯條同沙律菜，就唔會咁膩最後個芝士肉醬熱狗，上面好多芝士，包都好鬆軟，但裏面嘅肉醬可以再濃啲，餡料仲有啲蕃茄、香腸、生菜，份量都好大個，食完超級飽😝呢度除咗普通嘢飲，仲會有啲台式飲品，今次就叫咗西柚烏龍同四季春奶蓋，西柚烏龍個杯就有好香嘅西柚味，飲落去又唔會澀，而杯奶蓋四季春個奶蓋就好好味，好厚同濃郁，配上淡淡茶味嘅四季春