The Corner Coffee

今日經過灣仔搵嘢食，咁啱喺天橋見到隔離有間cafe，就去試下🤩。餐廳要入大廈再搭𨋢先去到🛗。澳洲和牛蜜糖芥末醬芝士漢堡 配黑松露醬薯條 ⭐️⭐️⭐️⭐️⭐️漢堡好大個，好多餡🤣。塊和牛好香，加埋蜜糖芥末醬同芝士，令口感好濃郁。個漢堡好厚🍔，如果個口唔夠大，就要好似我咁逐層逐層食🤣。薯條嘅份量好多，炸得好脆🍟，黑松露醬都好香濃，點薯條好正🔥。啖啖蜆肉辣味明太子意粉⭐️⭐️⭐️⭐️⭐️呢個意粉有驚喜！平時出面嘅明太子意粉會有好多忌廉，會好膩，但呢個完全唔覺得膩🍝！意粉撈埋明太子加櫻花蝦，賣相粉紅色，好靚💕。呢個意粉有超多蜆肉，多到數唔晒🤩，明太子嘅微辣，加埋櫻花蝦嘅鹹香，令人食到停唔到口🙈。伯爵茶巴斯克芝士蛋糕⭐️⭐️⭐️⭐️⭐️ 芝士蛋糕質地細膩🍰，伯爵茶香好出，但又唔會俾芝士味蓋過，芝士同伯爵茶味都平衡得好好🔥Marshmallow Chocolate (Iced) ⭐️⭐️⭐️⭐️⭐️朱古力上面鋪滿輕輕燒過嘅棉花糖，朱古力好香濃🍫。但如果叫熱飲會好啲，啲棉花糖就可以溶埋喺啲熱朱古力度🤤，凍飲就要分開食喇🥤。粉紅番石榴檸檬梳打⭐️⭐️⭐️⭐️⭐️番石榴味好突出，檸檬梳打酸酸甜甜酸度，解渴又醒胃🥤，好有夏日嘅清新感🍋。呢度嘅食物全部都賣相好靚，打卡一流✨。下午茶過嚟食件cake，飲杯咖啡都好正💕。…Read More

環境5分：樓上西餐廳响舊樓一樓入面，近地鐵站夠方便，地方好大好四正。門口果邊有好多野賣。坐响度望住玻璃出面嘅行人天橋人來人往都幾過癮，感覺自己正在慢活嘅節拍，可以畀五分。衛生5分：梳化位非常整齊闊落，廁所响𨋢位隔離，非常獨立。點完餐會有個搖控器，等响就可以去落野食，牆邊有任攞飲用水，餐具同紙巾，好乾淨企理，衛生一樣畀五分。服務 5分：侍應生解釋咖啡飲用次序好清楚，落單同備菜時間都快，效率高，滿分。味道5分：1)    個啖啖蜆肉辣味明太子意粉份量足，Ｄ意粉好al dente，蜆肉超級多，鮮甜肥美，少少辣味帶起個胃口，非常好食。2)    個秘製辣醬炸雞芝士漢堡配黑松露醬薯條個漢堡包大大個，視覺上非常震撼，包夠鬆，面層有大大塊芝士黐住，雞扒好脆又唔嚡，中間仲有幾圈紫洋蔥，生菜同蕃茄，全部夾埋黎食非常豐富飽肚。另外上嗰個黑松露醬好重菇味，點薯條一流。3)    熱Black Sesame Charcoal Latte拉隻狗仔花非常得意，個芝麻味好重但又唔搶，有少少奶香，一定要encore。 4)    杯凍木瓜乳酪味Columbia Hand Drip Coffee清香又清涼，飲完成杯咁清澈嘅咖啡晚黑都瞓得好好。5)     甜品威士忌提拉米蘇好軟熟，少少甜又唔溜。抵食5分：每人兩舊幾水响非常舒適嘅環境食飯嘆咖啡，有得畀手機叉電，自己個人都可以叉埋，心靈同個胃都一樣咁滿足，都係滿分。…Read More