Delicious Roasted Chicken Restaurant

咪走雞係大埔插旗多年，今晚先第一次黎幫襯，舖名雖然怪雞，但勝在夠突出。街坊生意，出品、環境、服務都幾好，一間不錯既廣東小炒。青紅蘿蔔湯，是晚例湯，又幾好飲喎 ﹗用銻盅裝住再放入膠碗內，能保持溫度較長時間，滾熱辣，非常濃郁，拍得住燉湯，夠火喉，正！咪走雞，半隻多謝 HKD70 蚊正。依度既招牌菜，用瓦砵上菜，熱騰騰出晒煙，炸炸聲起晒泡，見到勁開心，嘩哈哈 ﹗賣相似菜膽雞，即刻整舊髀試試，味道似咸雞又似沙薑雞，肉嫩而彈彈的，肥瘦適中，滿意，不錯。個雞撈飯都十分惹味！麻婆豆腐，撈飯名物！最初想食另一撈飯絕配魚香茄子煲架，但居然賣晒茄子囉，依排出街食飯經常叫咩無咩，真邪門 ﹗ 大部份包仔豆腐都夠滑，味道香濃，肉味、咸味、辣味夠 balance，如果可以再熱啲就更好。我個人鍾意細細粒滑豆腐囉，可以完全跟白飯溶為一體。…Read More

呢間咪走雞都幫襯左好幾次了，但因為友人對食好‘專一’，次次來都係叫個兩個小菜 ─ 沙芒骨同金姑肥牛，跟白飯難得今日佢居然提出要試新野 !  「叫個招牌菜‘咪走雞’試下啦~!!! 」真係皇恩浩蕩  咪走雞有一份$70, 同半隻$80比你揀, 我地兩個人要半隻啦 !! 一上菜，哇~!! 真係大大盤，熱騰騰，噴晒蒸汽架!! 兩個食份量真係幾多下~ 隻咪走雞D肉都幾嫩，好滑下，呢個菜值得食。除左咪走雞之外，我地都仲叫多左個小菜。登!登!登!登!~~ 又係友人最鐘情既金姑肥牛煲阿~金姑肥牛煲係一樣好普通既小菜，但食過好多食店都煮得好淡，唔夠入味，份量又少但呢間就真係煮得D肥牛幾入味，同埋份量真係堅足料!! 可惜牛肉時間可能因為煮耐左，有少少‘鞋’，總體來講呢間都係間抵食，味道又唔錯既店來既…Read More

宵夜時段黎食, 有o的稍為便宜既套餐, 留意宵夜o係每晚9:30開始!雖然到左宵夜時段, 但食物都有頗水準~招牌咪走雞, 好鮮嫩, 個汁可以用黎撈飯, 味道好濃! 唔錯丫! 如果叫米線/河粉, 可以加炸醬, 不過似乎太辣~ 好辣既人應該o岩食!叉燒飯, 叉燒好靚有光澤! 很好!!雲南米線都好好味! 兩個餸$26~所有餐都有野飲, 加$2有凍飲, 我就加$3要左杯特飲凍檸賓, 上既時候杯野差唔多滿瀉, 有好多片檸檬, 感覺一o的都冇呃秤, 比一般餐廳好! 食物質素冇得彈~ 最可惜既係服務方面! 落單果位大姐成日落錯單, 口述覆單果時又冇錯, 但係寫落單又寫錯囉! 明明講左兩次轉河粉, 到最後比錯米線, 咁都算啦! 仲要兇我地話我地冇講過!! 仲要漏單, 漏左個米線, 好彩有另一位阿姐幫我地跟返張單! 真係要唔該佢! 作為茶餐廳服務一般, 不過不失啦!…Read More