A.T.A.S

今日同朋友試咗銅鑼灣呢間A.T.A.S，新加坡菜餐廳，裝修簡約清新，用白色同植物🌴做主調，好有南洋休閒feel☀️，感覺像去咗新加坡旅行！特別係佢哋主打地道麵食🍜同傳統料理，OpenRice好多食評都讚正宗，價錢親民，適合兩個人慢慢食，環境舒適唔趕客，啱晒放鬆下嚟傾計😎先試咗老虎蝦叻沙🦐 $138，湯底濃郁椰香撲鼻，大隻老虎蝦彈牙鮮甜，配米粉油麵兩溝，仲有豆卜同魚蛋，辣度適中超開胃！仲叫咗🦀蟹肉炒飯 $168，蟹肉新鮮，炒飯粒粒分明帶鑊氣，蟹膏香濃，食落都幾有滿足感，啱哂我呢啲重口味飯桶🍚。🍹飲品方面，我杯玫瑰露恐龍 $48，粉紅色好有少女心，玫瑰香氣清新，上面灑滿美祿粉，甜度啱啱好。朋友個杯美祿爆炸 $58，美祿濃滑，面頭有脆脆粒同夾心餅，咬口十足，童年回憶返哂嚟。最後叫咗個必叫甜品，咖椰爆醬 $68，🥪多士烘得金黃脆口，夾住濃郁咖椰醬同牛油，香甜不膩，邪惡但超級正！整體呢餐飯十分滿意，會再嚟！🌟🌟🌟🌟…Read More

✧ 鹹蛋骨（$128）一擺上枱已經聞到好香濃既咸蛋黃味賣相好靚 每一件排骨都掛上好多蛋黃排骨好多肉汁調味適中而炸漿薄而脆配上咸香既蛋黃岩岩好超鐘意鹹蛋黃嗰種沙感呢碟估計起碼5隻鹹蛋黃！✧ 大蝦叻沙（$138）大大碗而且好足料湯底有好香既椰汁同參巴醬既味道味道偏辣勁惹味👌🏻🔥配菜有兩隻大蝦、青口、魚蛋、魚片同豆卜海鮮好新鮮肉質爽彈鮮甜麵底係摻摻兩款麵mix埋油麵好彈牙、米粉吸晒d湯汁好入味✧ 咖椰爆醬（$68）極邪惡😈kaya overloadddddd！一份有三塊麵包好足料🍞兩層分別夾住鮮牛油、咖咉同朱古力醬而啲嘢醬好特別係有香橙味麵包烘得好脆 配上軟滑既牛油同濃濃嘅美祿粉入口滿足感爆棚！✧ 美祿爆炸（$58）知唔知點解叫爆炸😂睇到片尾有彩蛋係升級版嘅美祿恐龍，有好多美祿粉之外，仲有埋夾心餅同埋波波✧ 玫瑰露恐龍（$48）好濃郁嘅玫瑰香味Topping有好多美祿粉底就有啲花奶第一次飲到呢個combination 幾有創意…Read More

呢間A.T.A.S 既主打新加坡菜，菜式夠地道得黎又會upgrade下個食譜，有啲新意，同出面食到既味道唔同。價錢唔算好貴，同朋友黎share都可以食到唔同既菜式～1️⃣咖啡骨($128） 係豬排骨上面裹上帶咖啡風味既醬汁，有少少甜甜既醬汁味，加上會感覺到啲咖啡既甘苦味☕️將咖啡味同豬排骨結合，好創新！同埋豬排骨都多肉😋  2️⃣鹹蛋蘇東（$138） 蘇東即係魷魚。鹹蛋黃超濃味！完全係一秒去到新加坡🤩魷魚夠厚，炸脆，然後外層係滿滿既鹹蛋黃包覆住😈  3️⃣海鮮板麵（$138） 板面係偏粗身既，有青口、豬肉丸、魚竿 乾、菇、大蝦，仲有溫泉蛋！  4️⃣ 咖椰爆醬（$68） 呢個係每台必點既！雖然一定好肥，但係絕對值得！三層既多士層層夾住咖央醬、花生醬、牛油、朱古力醬，面頭仲灑滿美祿粉🤤  5️⃣美祿爆炸（$58） 美祿恐龍既升級版！面頭除左美祿粉之外，仲有美祿波波、美祿夾心餅，每一啖都係滿滿既美祿～  6️⃣玫瑰露恐龍（$48） 玫瑰味香香的☺️一上台見到個粉紅色漸層，好靚啊。飲落都係好玫瑰既味道，但係唔會好香精feel。面頭既美祿粉再加多左層味道，飲飲下玫瑰露又會飲到啲可可味既脆脆😙  …Read More

銅鑼灣好似食嚟食去都係嗰幾味，喂試吓去內街有一間星馬泰餐廳，平均嚟講食物味道不錯，雖然環境唔係好靚，不過食物質素搭救！麥皮老虎蝦🦐好大隻嘅虎蝦！肉質好彈牙，又甜又夠新鮮，而且啲殼烤到好脆，簡直可以連殼食😆麥皮粉甜甜地，更加惹味🤭其實有冇人教我可以點食，好似避風塘咁啲粉喺蝦殼外面，都唔知點食好😂月光河粉🌕好夠味！而且好多料，雖然有啲油但係就夠香，重點係個醬汁好惹味，有點似燒醬油，撈埋生蛋黃一齊食，好正！咖椰爆醬🍞超級邪惡！出面全部都係朱古力粉，有啲偏甜，麵包夾層有咖央又有牛油 🧈不得了！雖然好肥好邪惡，但係食完好有滿足感😍總括而言，食物質素不錯，可以一戰！…Read More

吃星馬菜多數只會吃肉骨茶和喇沙，想不到原來知道的空在太少，原來特色菜式數之不盡。這間在銅鑼灣的星馬菜不但選擇豐富，而且非常高質，一致好評！叄岜蘇東 Sambal Sotong $138叄岜醬味道濃郁，層次豐富，帶甜和微辣。蘇東亦即魷魚，新鮮爽彈，味道偏淡，配上惹味的叄岜醬，恰到好處。咖啡骨 Coffee Ribs $128 新加坡名物鹹蛋黃骨和咖啡骨之間二選一，看到For coffee lovers，引起好奇心，結果也有意外驚喜。想不到也真的有一點點咖啡的影子，先甜後回甘的餘韻，排骨也醃得入味，還帶點軟骨，頗有咬口。叄岜炒飯 Sambal Fried Rice $138好有新加坡味的傳統炒飯，很有鑊氣，鮮蝦大大隻，炒飯粒粒分明。咖椰爆醬 Kaya Overload $68差不多每桌必點的甜品，看到Product Shot也知道一定是My Cup of Tea！三層烤麵包本身已很高質，鬆化脆口而不太乾。醬料也很豐富多樣，Layer分佈清晰，咖椰醬、牛油、花生醬和流心朱古力醬，未吃已知道是多麼邪惡，還有上面一層厚厚的美祿粉，很難不打高分數！ 美祿爆炸 Milo Explosion $58 | 斑斕薏米水 Pandan Barley $28美祿爆炸很是小朋友會Order的飲品，美祿夾心餅和大量美祿波波非常足料，又配合主題。整體味道濃郁，值得推介。薏米水一開始覺得甜度稍高，但攪拌均勻後立刻正中口味，清新健康。…Read More

朋友bookmark嘅餐廳 話想試下新加坡菜一行三人叫咗個2人set再加個麵同咖央多士 2人set: HKD388-辣椒螃蟹醬配饅頭 （🔆大推）-囉喏 （🔆大推）-參岜魔鬼魚 （無魚味但特別）-咖啡骨 （重咖啡味 舊骨唔細但都有肉）-馬來風光 （意外地辣嘅炒通菜） 另加：-月光河粉 HKD118 （打卡100分唔惹味炒河）-咖椰爆醬HKD68 （極級甜多士）-斑蘭奶茶 HKD30 （冇斑蘭味嘅奶茶） 🔆辣椒螃蟹醬配饅頭 辣椒螃蟹醬分量勁多 原本擔心會唔會太辣 點知完全唔辣 好好味 想叫個飯撈嚟食🤣 饅頭就正常炸饅頭 記得趁熱食 🔆囉喏 好特別嘅小食 個汁甜中帶鹹 鹹中帶酸 配埋水果好夾 值得一試！ 好少會食到👍🏻 🔆參岜魔鬼魚好少會食魔鬼魚 啲肉係一條條 冇咩魚味 但配參岜醬就幾好味 食完唔會覺得好特別 好快已經唔記得係咩味🤣 🔆咖啡骨見食評多人推薦就試下 咖啡味好出 有驚喜 但就唔係其他人講到咁少骨同多肉 都幾大舊骨同埋肉質可以再淋啲 好多肉都黐住啲骨 食完淨係覺得咖啡味重 冇乜特別 🔆馬來風光冇諗過最辣係依道菜🤣 我唔係好食到辣 食咗少少就停咗手 普通炒通菜 叫二人set嘅可以試下 但覺得唔需要單叫 🔆月光河粉打卡100分 但食完0印象嘅炒河🤣 作為炒河忠實fans 好少會食完炒河但無感想 記唔起個醬汁係咩味🤣海鮮配料都足料 蛋黃做唔到昇華嘅效果 純打卡 總結就係唔惹味嘅炒河 🔆咖椰爆醬打卡100分系列 層次分明 食到晒牛油、花生醬、朱古力醬同咖央嘅味 加埋一齊係極級甜 個味覺好神奇🤣 成個感覺就係「甜甜甜」但又食得出所有味 不過太似食緊流心嘅糖 一次就夠 建議多啲人先好叫 一人一舊啱啱好 如果下次試會想叫返普通嗰款 🔆斑蘭奶茶大失望 同朋友一人一杯 但大家都唔係好飲到斑蘭味 單純係一杯淡淡地嘅奶茶 個奶味仲要係奶粉個種 會expect足料少少 🔆總結值得一試嘅新加坡餐廳 打卡度十足 呢個價錢嚟講份量都好足料 環境都乾淨 但去洗手間個環境就略差 要上一層環境有啲陰森🤣 食物方面就得兩至三道菜係推薦 其他菜式味道略嫌不足 睇賣相會以為好惹味 但味道同期望有好大落差 黎一次就夠 到而家都唔明點解個炒河可以無咩味 但又唔係難食🤣…Read More

近排有朋友介紹銅鑼灣新加坡菜✨A.T.A.S✨原來人氣十足🏆食過都舉起手指公推薦👍🏼由地道新加坡廚師主理👨🏻‍🍳有齊新加坡名物🍽️試到正宗「娘惹」風味🇸🇬醬料調味特色香濃惹味🔥今次到店為晚市時段🌝7點已經座無虛席😳今次同大家介紹下窮煮婦✨A.T.A.S✨既試後感🙋🏻‍♀️⋯人氣新加坡菜🇸🇬正宗星馬娘惹風味✨A.T.A.S✨一齊睇下窮煮婦食左咩💁🏻‍♀🔸囉喏 Rojak $78香港罕有新加坡蔬菜沙律🥗蝦醬濃厚🦐拌入青蘋果和菠蘿的清甜爽脆🍏味道複雜多層次，但甜酸解膩💦🔸沙爹串燒 Satay Skewers $68東南亞美食必備✅肉嫩醬濃💓花生醬香味爆滿🧡🔸辣椒蟹 Chilli Crab $568肉蟹大隻抵食🦀辣味不算嗆辣，有甜味平衡👍🏼炸饅頭沾滿辣蟹醬食用😳超完美惹味🔥🔸媽蜜雞 Marmite Chicken $108炸雞外層裹滿媽蜜醬💛甜甜口感好似韓式炸雞🐥🔸叄岜魔鬼魚 Sambal Stingray $148初試魔鬼魚聽落超霸氣🔥大啖魚肉絲絲口感🥰無骨大啖肉‼️🔸咖椰爆醬 Kaya Overload $683️⃣層厚多士🥪外層灑滿美祿粉🤎夾心有咖椰醬。花生醬。朱古力醬‼️🔸玫瑰露恐龍 Bandung Dinosaur $48🔸斑蘭薏米水 Pandan Barley $28…Read More

假日都有lunch set $60-100不等都係比較有特色嘅新加坡嘢另外都可以單叫 單叫嗰啲就比較貴辣椒蟹肉醬配炸饅頭 ($98)上網見好多人都食呢個 即管試吓佢有五舊炸饅頭 炸得都好香口鬆脆個辣椒蟹肉醬唔算好辣 幾惹味不過蟹肉就唔係好多 但好食嘅😌另外就叫咗lunch set嘅炒粿條 ($78)原本未食過炒粿條 但個賣相有啲似炒河有啲魚蛋、蝦等等呢啲配料可惜唔係好夠味 呢個水準一般最後當然唔少得甜品啦叫咗個超邪惡咖椰爆醬 ($68)有六大件 係三層麵包 每層夾住花生醬、牛油同榛子醬每一啖都好重口味 不過花生醬味道出啲食晒成個真係不得了😂話佢好好食又唔係 但係都可以試吓嘅都叫咗個班蘭奶茶飲都幾香班蘭味 推介👍🏼…Read More

傳統新加坡美食 🇸🇬 銅鑼灣有間好出名嘅新加坡餐廳，有好多傳統美食👍 環境乾淨企理，有梳化位坐，適合三五知己黎聚餐🤗 食物款式好多，而價錢都好合埋，可以一次過叫好多黎分享🥳奶油麥片老虎蝦 🍤 呢個係新加坡嘅傳統，好鍾意佢成隻碟都係麥片，整得好香口同埋好脆，同埋老虎蝦一齊食層次好豐富，自己都好鍾意分開食呢啲奶油麥片，脆脆地好易入口🥨鹹蛋排骨 🐷 排骨有好多款口味 - 咖啡、鹹蛋同埋白雪牛油🧈 我就揀左鹹蛋味，因為新加坡好出名佢嘅鹹蛋魚皮😂 呢個味道好香濃，如果鍾意鹹蛋既話一定超鍾意 🍳 砂鍋豆腐 🍲呢個砂鍋豆腐同平時食嘅有少少唔同，佢係用咗蛋豆腐配肉碎，醬汁會比較豐富啲囉喏 🥗 呢個小食我第一次試，原來都係新加坡啲傳統小食，佢係用新鮮水果、酥脆油條同豆卜整嘅，最特別嘅係佢自製的囉喏醬，甜甜地，再配埋花生和芝麻，好惹味 🥜 炸魚片米粉 🍜呢個粉麵係用魚湯嚟整嘅，所以味道比較濃同埋好香魚味，佢仲加咗少少白蘭地令到個味比較突出 🐟 會建議飲埋啲魚湯🫢咖椰爆醬 🧇 呢個甜品超級邪惡🤣🤣 不過實在太吸引啦，一定要試😋 佢用咗三層麵包夾雜咖椰醬、牛油、花生醬同埋巧克力醬，而上邊就有好多好多嘅美祿粉，層次感好豐富🥜 食到舔舔脷🤤玫瑰青檸水 🍸食完咁多嘢之後會建議飲返杯清涼嘅玫瑰青檸水，喺咁熱嘅天氣下非常之解渴，淡淡嘅青檸同玫瑰味唔錯 🍋 美禄爆炸 🧋美祿飲品係我嘅至愛😍 除咗有好香濃嘅美祿味之外，最鍾意嘅就係佢上邊都會有好多粒美祿，脆脆地好好飲…Read More

新加坡菜係香港選擇唔多，作為咖椰外好者一直都好留意全港唔同嘅咖椰多，今次黎左銅鑼灣食新加坡菜，順便食食個咖椰！以前以為ATAS主要係食主食，估唔到作有咁多小菜，夜晚朋友聚會叫小菜都好啱！🌶️叄岜拉拉 $138用上新鮮花甲，配上酸辣惹味嘅秘製叄岜醬汁。蜆份量都算多，一口接一口☕️咖啡骨 $128咖啡就飲得多，好少見咖啡茶式，咖啡控必食！用上一字骨，醬汁甘香帶有陣陣咖啡香，肉質香嫩🦀辣椒蟹配饅頭 $98呢個菜式真係第一次見！炸饅頭配煉奶就見得多，配辣椒蟹醬真係初嚐！店主形容為天作之合嘅配搭，炸得香脆嘅饅頭，沾滿充滿蟹肉絲嘅蟹醬，記得要用筷子夾一絲絲嘅蟹肉上饅頭！食落微辣，好好食！🥬馬來風光$72叄岜通菜，用上叄岜醬炒，味道同馬拉盞差不多，好惹味好有鑊氣，唔算辣所以兩個人都可以食晒成碟。💥咖椰爆醬 $68賣相真係超吸引又邪惡，三層麵包入面夾滿咖椰醬、花生醬同朱古力醬，再夾左一塊厚厚牛油，真係世界級邪惡！甜王一定要食呢個，記得多找一兩個朋友分享卡路里，佢英文名叫Kaya Overload，自私食真係會overload!🧉美祿爆炸 $58每次見到美祿恐龍嘅朋友都無法抗拒，滿滿美祿同可可粉+美祿脆粒粒+一塊美祿夾心餅，有d偏甜，不過叫得美祿爆炸都預左邪惡！☕️斑斕咖啡 $32咖啡口味有好多選擇，可以揀煉奶、花奶、無奶、燕麥奶或者斑斕。…Read More

【愛甜人士必點爆漿吐司🇸🇬】呢間以前佢一新開我就好想試！佢係由新加坡人主理👩‍🍳有多款地道菜，麵包好吸晴又邪惡🍞星馬菜辣辣地其實都幾開胃🇸🇬真係會再想食！.🍴辣椒板麵因為佢係辣椒🌶️真係幾辣😂入面有冬菇、蛋、豬肉、炸蒜etc. 但成碗撈埋一齊又好惹味👍🏻仲要我幾中意呢款粉，唔算厚又易夾🤣推介‼.🍴炸魚片米粉呢款粉叫粗米粉，個人覺得似米線😆湯底有濃郁魚味，好有鮮味🐟 粗米粉完全吸曬湯底味，SO JENG🥰配料一啲都唔HEA! 有巨量紫菜、勁多炸魚片🐟、蕃茄🍅白菜仔🥬(?!)炸魚片半煎炸外脆內軟！啖啖魚肉🤩整體都推介‼️.🍴咖椰爆醬分咗2層❣️有3塊包夾著2塊咸咸哋嘅牛油🧈出面再有滿滿嘅美祿粉包圍😍仲有朱古力🍫咖椰、雖然係有少少甜🤣但又有牛油叫做中和返，大邪惡😈推介‼️但係可能唔鍾意甜嘅人仔就會覺得好漏🤔-💡餐廳係自助形式，自己等位，跟住再去點餐、取餐🍴.⏰今次平日LUNCH HOUR終於試到！其實都等咗一陣-💎推介指數: 💎💎💎💎💡性價比:✨✨✨🍴ENCORE指數: ⭐️⭐️⭐️⭐️-…Read More

今晚收工過來試吓啲間近期爆紅嘅A.T.A.S. ，主打地道新加坡菜。 A.T.A.S. 係指 A taste above Shiok，Shiok係Singlish（新加坡式英語），年青人用語，意思即係「爽」，全句意思即係「味道超正」！門口在地下，經過一條鐵造嘅樓梯就會上到2樓嘅餐廳範圍，裝修簡潔走文青風格，地方都算寬敞。餐廳係以self-serve 形式經營，即係自己買票，自己取餐，食完餐盤自己放去回收區，店主就係刻意營造星加坡大排檔嘅風格，別具特色！突然勾起以前出job去星加坡嘅回憶😌講番食物，既然走星加坡大排檔風味，當然唔會有啲fancy嘅食物，主要都係地道風味為主，當中不可不試嘅包括「美祿恐龍」、「咖央多士」，都係傳統新加坡地道美食，而餐廳係做得非常出色👍🏻👍🏻🍽️咖椰爆醬 Kaya Overload $68 👍🏻👍🏻👍🏻👍🏻👍🏻啲個係超級邪惡版嘅咖央多士，配以咖椰、雙層牛油同煉奶，表面再撒上厚厚美祿粉，一啖咬落去有多重滋味，唔算太甜，餡料份量適中，牛油咖央同煉奶都好平衡，可以話係餐廳嘅signature，必食冇走雞😎🥤美祿爆炸Milo Explosion $58 👍🏻👍🏻👍🏻👍🏻👍🏻佢其實係美祿恐龍嘅升級版，超濃郁嘅美祿，上面除左有厚厚嘅美祿粉，仲有美祿cereal 同一塊美祿夾心餅乾，唔單止有賣相，而且仲好好飲，又係必飲推介🤤🍜喇沙Laksa $98 👍🏻👍🏻👍🏻👍🏻麵底可以揀米粉/油麵/粗米粉，我就揀左粗米粉，其實即係米線。湯底都做得唔錯，有椰香味，而且仲有好多配料，包括蝦，魚蛋，豆卜，蛋 （蝦好爽口彈牙👍🏻）🍜肉脞面 Bak Chor Mee $88 👍🏻👍🏻👍🏻👍🏻麵底可以揀粗麵/ 幼麵/ 老鼠粉，我就揀咗粗麵。食落有驚喜，原來係撈麵，配粗麵個感覺好似食緊牛腩撈粗，幾野味的。配料有肉脞，豬肝，魚蛋，滷冬菇，豬油渣，生菜等。🥤斑蘭薏米水Pandan Barley $28 👍🏻👍🏻👍🏻👍🏻薏米水係馬來西亞地道飲品，薏米有祛濕作用，加上班蘭葉嘅甜香，就成為一種健康飲品。我點左少甜，味道比較清淡，有微微嘅班蘭葉香味，幾得意😌總結：餐廳走文清風格，地方舒適。配以地道新加坡菜，彼有特色。佢嘅咖椰爆醬非常好食，值得一試。…Read More

銅鑼灣呢間星馬菜由新加坡人主理，有唔少地道菜式：板麵、麵粉粿湯等~ 不過最吸引我嘅莫過於超邪惡咖椰爆漿多士！睇Google Map睇到蕩失路，原來佢就係正超人氣嘅James BonBon隔離。見到純白門面 有條樓梯就岩啦~餐廳採取自助形式，需要係櫃枱或者自助點餐機落單，再自行揾位、取餐、回收餐盆，十足food court。唔洗加一之餘，店員都唔會係你側邊行嚟行去望住你，所以無人等位嘅時候 坐得特別自在。▪️辣椒蟹肉醬配炸饅頭 $98炸饅頭外脆內軟，索汁一流！蟹肉醬嘅蟹味又幾岀喎，少少辣好開胃。入面除左有唔少蟹肉絲，好似仲加左啲蛋花?! 令蟹肉醬口感變得滑溜。蟹肉醬份量超慷慨！食晒啲饅頭 都仲有好多醬淨。最後就咁食啲蟹肉醬 超爽▪️辣椒麵粉粿 $88麵粉粿同我想像中有啲岀入，同雲吞皮有幾分相似，都係圓形一大塊，質地就偏軟腍。配菜有滷冬菇、超多豬肉碎、炸江魚仔，鹹香十足。加埋參巴醬辣椒，辣辣地好惹味。篤穿埋隻流心蛋，乾拌得黎都好濕潤！重口味之選！美中不足係麵粉粿嘅口感唔太岩我口味。▪️咖椰爆醬 $68完全係為左呢個多士而嚟！多士夾滿咖椰、牛油、花生醬、朱古力榛子醬，再撒滿美祿粉，又點會唔好食！麵包質地偏乾實有咬口，但加埋啲醬又唔會好乾。成啖咬落去好實在，朱古力榛子味充斥口控，偶爾會食到啲花生味，但就唔係好食到個咖椰。呢個邪惡多士食一舊都夠晒邪惡夠晒甜夠晒漏，真係有三四個朋友仔一齊嚟食先好嗌。▪️炸五香卷 $48外層香脆唔油膩，內裡軟腍富肉汁 係平時肉燥嘅味道~ 唔錯▪️美祿爆炸 $58無乜好挑剔，就係好濃美祿味！甜度岩岩好~ 偶爾飲到美祿粉，會有啲香脆嘅口感。面頭仲有唔少朱古力脆脆添~Overall，銅鑼灣嚟講價錢合理，菜式較為少見，唔會話好驚艷 但味道絕對ok，不妨一試！而且坐得好自在，幾啱三四個人聚聚。…Read More