Capital Café (Heard Street)

今晚去飲，大家都知道七時恭候，唔知幾點先開席，為免搞到半夜都未食得，所以就食少少野打打底，龍蝦伊麵實在唔太啱本人胃口。行過華星冰室，咁就正好食件西多三文治什麼也好，至少唔會餓Q 死！今日唔知做咩忽然想食西多，仲要咖央餡！楓糖漿係另上的，炸得金黃的西多士，加埋半溶化鮮油，西多的熱力令到牛油慢慢溶化，不如你就咁殺左我算啦。外表就好靚仔，切開見到內餡唔係好多咖央醬，有啲失望添，不過多士好脆又無話滴晒油淋晒咁，整體都叫唔錯！食完滚水淥腳咁走，俾錢時聽到侍應好大聲叫“喂！拎齊野呀” ，（即係嗰隻好粗豪茶餐廳聲），原來我漏左成袋野無拎到，仲要喺放左喺枱面，多謝佢咁大聲提我，否則我應該會直出門口，之後當然又係揾餐勁嘅，真係好大聲但服務分數暗暗加左不少。 …Read More

喜歡到華星冰室，嘆一份好蛋、好奶茶。不過多次光顧，都只是西洋菜街分店的早餐。第一次來到灣仔華星，是跟朋友去完旅行展後的事。一路由會展走到克街，全因安娜及另外兩位朋友久聞華星之名，卻未緣一試。但對我來說，今次也是一次新體驗。我心想，此行一定要試試馳名的黑松露炒蛋。店子比旺角分店大了一倍，環境略為擠迫嘈吵，還是喜歡旺角分店新淨而寧靜的氣氛。後下來，翻開餐牌，選擇比早餐豐富太多了，連最近突然想食的炸雞脾也有。沒有下漿粉，純粹的連皮炸雞脾，雖然不見特別，但我就是喜歡那啖啖肉的感覺，以及香口的味道。　　一時貪吃，叫了炸雞脾，原本要食黑松露炒蛋的計劃豈不泡湯？多人的好處是可以分享。慫恿朋友試黑松露炒蛋，厚厚的炒蛋面灑滿黑松露，並以多士托底。隔空聞到黑松露香，但不算很濃烈。切一片來嚐，加了牛乳的炒蛋頗滑，夾雜松露的微咸，味道不俗。但因松露味偏淡，並沒有預期中的驚艷。索價近四十元，太貴。　　另一位朋友點了咖央西多。咖央是加了椰漿、雞蛋等材料而製成的混醬，不過從這個西多中，並未食到明顯的椰香，只有糖漿重重的甜味與牛油的香。西多香口鬆脆，中規中矩之作。　　最後是芥末豬扒包。甜甜酸酸的醬汁中，加了芥末後，入口帶一陣刺鼻的辛。喜歡與否，見仁見智。我本身是黃芥末的粉絲，所以會喜歡那刺激。不過，麵包內部偏軟和煙韌，不是鬆脆那種。至於那豬扒，只屬不差。坦白講，如果跟最近在蘭芳園吃到的比較，嫩滑程度更有級數上的差異。普普通通。　　到了熱奶茶，依舊做到茶、奶俱濃，茶色美而均勻。略嫌茶澀偏重，滑度一般，未處於出色水準。　　另外亦叫了鴛鴦冰。鴛鴦者，紅豆溝蓮子也。喜歡甜的朋友會喜歡。　　來到小結，略帶失望，心裡想著「原來還是早餐好」。食物水準有一定保證，下次路過的話，依然值得坐低嘆嘆茶，但可能只會單純叫一個常餐。若想跟翠華等比一日之長短，仍要加把勁。…Read More