GRANDPA'S KITCHEN (Island Beverley Shopping Mall)

放工去食個港式+新加坡式海南雞 $298 既2人套餐。好飽好滿足～咖央多士第一最愛🌟色澤金黃、口感酥脆多士入面外皮包住塊牛油，好香～咖央醬由斑蘭葉、蛋、椰糖及椰奶製成，味道帶有蛋香和椰香，入面仲夾住塊好香既牛油。做法獨特又唔膩，必點！未試過咁好味但食落無花生醬多士咁罪咎感既多士～豉汁花蛤炒腸粉第二最愛🌟 腸粉口感Q彈滑嫩，花蛤超大粒又新鮮又入味，一齊食口感豐富。豉汁醬汁同腸粉和花蛤鮮甜好夾。香茅雞翼雞翼肉質鮮嫩多汁好入味，香茅清香已入曬肉到胡麻雞絲粉皮第三最愛🌟 粉皮彈牙又白滑，配嫩滑雞絲鋪係上面，兩個點胡麻醬都超正。相得益彰，胡麻醬的濃稠帶來豐富層次感。胡麻醬超香好開胃，同雞絲好夾！無骨海南雞（半隻）並列第三最愛🌟 雞肉口感好嫩好滑，完全無“鞋”既感覺，配3種醬汁食。入口真係會即溶咁。椰汁班蘭糕層次分明好精緻。口感清爽，椰汁和班蘭香氣交疊～甜度適中，正！椰汁班蘭冰椰汁同班蘭味都重。口感冰涼清爽，椰汁清甜、班蘭真係好香！…Read More

天氣炎熱，看到「爺爺雞飯」推出兩款泡飯，正合我們心意。先嘗小食:咖央多士~雖然極之魔鬼，但不能忍口，因為太愛了！黃金金沙骨~黃金金沙骨是一道非常美味的炸排骨，這道菜外酥內嫩、,鹹香可口，是非常受歡迎的新派菜餚。雲吞雞泡飯~湯底很有鮮雞湯味道，香濃不過鹹，雞胸肉也很嫩滑，菜肉小雲吞也不頼，我們對這款泡飯感到很滿意。本來都想點選兩款泡飯，考慮到會吃不到太多，幸好明智之選，份量可以讓我們分享，嗽沙肥牛泡飯留待下次品嘗吧！…Read More

今日整完頭好鬼死餓，於是同一齊整頭嘅朋友經過見到呢間叫做爺爺雞飯嘅餐廳就貪得意走入去食😂兩個大餓鬼見到樣樣都想食就唔諗啦一於叫個個二人餐，貪佢乜都有唔洗諗實填得飽個肚！🐣胡麻雞絲粉皮前菜嚟講佢做到開胃嘅作用😋胡麻汁甜甜地帶起嫩滑雞絲嘅咸味，涼涼地嘅粉皮撈埋個汁𠽌一聲就溜左入口，我地三兩下手勢就清左呢碟😅🍤彈彈蝦餅呢個蝦餅外面炸到脆口，入面係打到起哂膠嘅彈牙蝦肉好有咬口，配埋泰式雞醬，係個出色嘅小食。🍞咖央多士呢間嘅多士係誠意同邪惡之作，烤到脆面嘅麵包塗左咖央醬再夾住一塊同麵包差唔多厚嘅牛油，一食落去成口都係牛油香味同埋咖央嘅甜👍🏻🐥🍚爺爺海南雞鋪頭名叫得爺爺雞飯點可以唔食佢嘅海南雞飯，雖然佢係配一個白飯，但係一啖嫩滑到皮肉都動L嘅海南雞再輪流點甜醬油、甜辣醬同埋蔥油再配口白飯，都已經夠哂豐富😋食白飯比起雞油飯又少啲罪疚感嘅😜🥣馬來肉骨茶佢呢度嘅肉骨茶用料足，味道濃郁，有冬菇支竹豆卜，仲有4舊排骨同埋一整個蒜頭，所以佢個湯真係入左口都會回甘一整餐👍🏻☕️紅棗黑糖薑茶食左啲咁重口嘅一餐嘆返杯養生薑茶清一清滯，飲完呢杯茶為成餐畫左個完美嘅句號🫶🏻…Read More

週未，下午同朋友去了銅鑼灣行一年一度的工展會，吃過下午茶之後，我們出發行，大約行到晚上7時半左右，就出回去直接行去晚餐這間餐廳，吃過幾次，環境同食物不錯，入了去座，看了一回餐牌，叫了爺爺無骨海南雞飯配油飯 入口好軟霖，易嘴嚼，雞肉特别香同爽滑，飯度軟硬適中香茅豬扒煎蛋葱油飯 豬扒大塊，濃香香茅味，肉味嫩滑同爽口，重鮮蛋香味，飯好有葱油香，好搭配咖央多士 切到粒粒狀，烘得脆口，一口已吃到，咬入口牛油流心，特別嫩香牛油味可口可樂 罐裝可樂，清清熱氣…Read More

跟朋友相約於銅鑼灣吃晚飯，揀選了地鐵站旁的金百利中心內的爺爺雞飯，餐廳以東南亞菜為主食。店內環境令人感到清新和舒服，店員服務態度很好，我們先點選了這裡的招牌菜式和一些小食。爺爺海南雞配油飯海南雞是這裡的皇牌，不可錯過！雞肉嫩滑味濃，沾上三色味料（醬油、辣醬和薑蓉）帶出風味；配以清甜雞湯和軟綿油飯，非常滿足。咖央多士咖央多士是我必選小食之一，麵包熱騰騰，外脆內軟，配以咖央醬和牛油，啖啖香脆美味。香葉雞香茅味道濃郁，每口都是香滑的雞肉。馬來春卷這份紅蘿蔔椰菜春卷，鬆脆美味。椰汁斑蘭冰每一份主食都可以用半價加配特色飲品一杯，我們另加一杯用正價，要了這款椰汁斑蘭冰，味道清甜，最適合做夏天飲品。溫馨提示：以Openrice pay結帳，還有優惠呢！…Read More

雷神電影啱啱上畫，梗係要先睹為快啦。所以就約埋朋友喺銅鑼灣食個DINNER再去睇戲。爺爺雞飯喺金百利中心7樓，一出地鐵站搭轉𨋢就到，非常方便。為免睇戲飯氣攻心，所以揀咗雙拼套餐同小食。份量上到枱都好多同朋友SHARE就剛剛好又抵食。爺爺海南雞飯拼馬來肉骨茶。雞肉嫰滑多汁雞皮都算爽口，沾上薑蓉甜辣醬一齊食，非常惹味。加上雞油飯香口得黎唔會太膩，水準唔錯。肉骨茶材料都豐富，骨排／支竹／豆卜／冬菇／金菇等，骨排煲完湯都唔鞋口，加上湯底藥材味幾濃郁，飲完個人都暖笠笠。咖央多士。睇見有咁大塊牛油夾住就知夠晒邪惡，咖央醬又多，夾住烘底厚多士一齊食。真係跑返幾圈運動場都抵啊。叄巴蘿蔔糕。朋友心血來潮想食就點黎過下口癮，入口微辣蘿蔔糕偏軟身但味道都唔錯。泰式奶茶＆桔桔。奶茶味道不過不失，茶味偏淡但唔太甜。桔桔就好香柑桔味，甜甜酸酸咁好醒胃。整體價錢喺銅鑼灣黎講算好親民而且選擇都多，跟餐飲品亦有半價優惠。臨走先發覺佢有OPENRICE PAY，下次幫襯上網睇下有咩優惠一齊用仲抵啊。…Read More

心血來潮食下新加坡菜，其實都幾好食哦！而且可以用OpenRice pay優惠添～ 咖央多士外層烤得好脆，甜甜的，食落好fresh，同時又有牛油香。🧈🥯海南雞飯🐥🍚選材很好，沒有多餘脂肪，而且非常嫩滑，部位是最靚的雞翼和雞髀🍗 雞湯好入味，配有高麗菜和雜菌。叄巴蘿蔔糕非常惹味😋 一口Size，方便入口，外層脆脆的，而臘腸肉碎成為靈魂。香葉雞🐥🥬濃郁香氣撲鼻，香葉同雞完美配搭，而且雞脾肉塊應是醃好味料再包的，好入味，外相亦似一隻隻迷你的糉，好可愛。紅棗黑糖薑茶🫖濃濃的甜蜜黑糖，紅棗和薑很多，足料之王。飲完胃裏暖暖的，元氣十足。…Read More

剛過了午飯時段但又未至下午茶時，望到這樓上舖廣告招牌，以海南雞造主打，决定光顧🤔侍應態度殷勤送上名為"還原水"的白開水，聽說開業僅三個月，點菜以二維碼自行入單👍🏼先吃爺爺海南雞飯，公雞碗具上枱好別緻，肉質滑嫩，皮有油香，我伴白飯亦感味足😋再來香茅豬扒煎蛋蔥油飯，大大塊豬扒香噴噴，好有咬感，入味而不令肉質感下降，跟碟熟煎蛋和豬扒甚配合😋馬來沙爹串燒，豬，雞，牛三種肉食任選，水準亦過關😋未夠喉追加了咖央多士，香脆甜美，無選錯👏👏结帳後才看到用open rice pay apps 有優惠😉…Read More

估唔到銅鑼灣都有咁好味既新加坡野食，而且價錢仲好抵，又唔洗加一。今日去開銅鑼灣行街，openrice 搵搵有咩食，見到呢間價錢又幾ok…仲有openrice coupon買，85折買$100券，用openrice pay就得。咁又真係幾抵。同埋見到d相都唔差，所以膽粗粗黎試下。星期六中午時分，都有唔少食客，但好彩唔洗等位。睇下餐牌，又真係幾抵，又有海南雞飯、肉骨茶、叻沙等等呢d出名既新加坡野食。我點了一客海南雞飯。其實我仲見有d可配埋肉骨茶或叻沙。不過今次我就主攻成個海南雞飯先。個海南雞飯套餐好豐盛，配上了一配又香又粒粒分明既黃油飯，食海南雞配上黃油飯，更香更好味，滋味到爆。另外仲有碗清雞湯，入面仲有菇，都幾多配料，湯好鮮甜，正。咁當然唔少得主角海南雞。海南雞又白又滑仲冇骨，啖啖肉好滋味。食海南雞仲配埋個三色醬，分別有甜豉油、辣醬、薑蓉。自行配搭，超惹味。另一個主食點了新加坡叻沙，濃濃既湯底好惹味，蝦味鮮甜仲要帶上微微辣辣好惹味既湯汁，湯汁掛住係油麵度，好惹味好吸引，係令人食到唔想停。呢碗叻沙都唔少餸，又有入曬味既豆卜、蝦等等，好正宗。小食點了一份咖央多士，超級好味。多士脆卜卜中間夾著厚厚牛油，同滿滿既咖央醬，超級惹味。一啖咬下去，口感同醬都爆曬出黎，甜甜又香牛油味又脆，超好味。最後仲有兩支串燒，串燒可選雞、牛或豬我們點了兩條雞串燒。啖啖肉好好味飲埋個餐飲，超滿足。好惹味又抵食…Read More

行咗一陣sogo感謝祭，喺附近搵下有咩好食，見到呢間舖頭個名，應該係專門做海南雞飯嘅，而且上Openrice見到，呢間有Openrice Pay優惠，好抵，所以就揀咗呢間食tea喇………檯面有消毒用品供應既然呢間舖頭專門做海南雞飯， 咁就梗係要試下啦，首先個雞油飯勁好食， 有雞味，又有飯香，啲飯粒粒分明啲雞皮好薄， 雞肉煮到好嫰滑，好滑溜， 一啲都唔嚡，啖啖肉， 再點埋海南雞飯嘅醬料跟住就係個肉骨茶，裏面有兩大嚿肉，煲到好冧，入口即化，肉骨茶都好足料，味道好濃郁，好適合送飯凡惠顧主食可半價加配飲品， 揀咗熱嘅桔桔，睇返menu原來係金橘檸檬配酸柑汁酸酸甜甜， 好好飲叫咗1份下午茶餐之後，仲追加咗5款唔同嘅小食，第1樣係馬來沙嗲串燒，可以自己揀豬/牛/雞，我就揀咗豬，佢燒到啱啱好，好香口但係又完全冇燶點下啲沙嗲醬，好惹味第2樣係咖央多士，烘到完美嘅金黃色，夾咗塊厚牛油之外，裡面都均勻地搽咗咖央醬好食第3樣係椒鹽豆腐， 外脆內軟，咬落去，個豆腐仲做到好滑溜嘅效果第4樣係印度薄餅，薄餅多層酥脆，口感好好，配埋個醬好夾第5樣係話梅巴樂，巴樂新鮮爽脆，加埋啲話梅粉調味， 一啖接一啖，好快就食曬成碗，呢度菜唔係度度都有， 印像中好少地方有得食，我覺得呢個追加小食係必點既餐廳用嘅碗同匙羹都有公雞圖案， 幾靚，而且鋪頭都裝修得幾好，又坐得好舒服，總結： 呢間餐廳嘅海南雞飯冇得輸計埋餐廳裝修，座位舒適度同食品質素價錢，性價比高 而且而家OpenRice Pay仲有優惠， 真係超抵…Read More