Two Greens (Pak Po Street)

一間港式又帶點馬來特色的小餐廳,內𥚃裝飾和播放的歌曲充滿著懷舊情懷.我們兩人點了滑蛋叉燒飯,香矛雞扒飯,咖央多士和菊花茶. 小食咖央多士~多士烘得香脆,咖央充足,入口椰味夠濃,真的不錯. 唯這味小食算不上很有技巧,除非味道和賣相表現出與衆不同的驚喜才可達最好的評分.滑蛋叉燒飯~賣相靚,蛋夠滑但未夠濃. 叉燒切得太碎,只有味道而叉燒最精髓的肥或瘦;稔或韌就完全感受不到.香矛雞扒飯~雞扒未夠香口,反而飯底帶點油香,令口感和味道提升.在用餐過程中,不時有客人進店都聽到侍應緊張地說「兩位要搭枱呀,唔好坐四人位呀」,連同店內某些字眼,令我覺得進食氣氛並不自在. 我明白小店對於客人轉流快是非常重要,然而以食客的角度就並不理想.…Read More

第一次去旺角兩草度食晚飯，好有馬來西亞嘅風格再混合香港風味嘅裝修，突出左以前80年代香港家的懷舊感覺。平均消費都只係大約$70一人，我同朋友叫咗一碗滑蛋叉燒飯、一份咖央多士、一份蛋炒豬腸粉、一枝羅漢果茶、一枝白桃烏龍茶。都好足夠兩個人食，極度推薦多士💗鐘意食既可以一人一份🤣因為多士薄 容易入口，食完又唔會好飽😆當小食。…Read More

📍兩草 (白布街) (旺角)旺角白布街16號地舖人氣懷舊風餐廳，木紋摺凳，加上復古音樂，彷彿回到過去。主打馬來西亞菜，好耐之前系大坑食過，當日6pm 去到，大約等了五分鐘有位，入面好多旅客，座位比較迫，食物好出色，全部都熱呼呼上枱，好吸引☁️小籠包胡椒湯$40Bak Kut Teh with Xiao Long Bao Dumplings小籠包浸入湯入面，一碗四粒，皮薄餡多汁，肉質惹味香口，湯底胡椒好濃，香濃而不辣。☁️香煎脆邊蛋肉餅飯 $42Rice with Pork Patty and Crispy Fried Egg燶邊煎蛋好正，中間蛋黃仲要系流心，上面加左多蔥，賣相好靚，撈埋飯一齊食好正。肉餅好結實，不會鬆散，加上秘製豉油，小小咸香，好好食☁️滑蛋叉燒飯$40Rice with Cha Siu(Barbecued Pork) in Scrambled Egg叉燒切成一條條，如果系大大嚿會好食d 。滑蛋用埋蛋白，個人認為香煎脆邊蛋肉餅飯比較好食☁️咖央多士$25Kaya Toast多士烘得香脆，中間咖央醬足夠，口感一流#旺角#旺角美食#香港#hongkong#hkfood#hkfoodie#食好西#相機食先#手機食先…Read More

喺香港物價高企嘅地方，要食平啲真係唔容易🥹旺角呢間平民馬來西亞菜「兩草」主張「用兩草嘢嘅價錢可以食到」🙌🏻🍚香煎脆邊蛋肉餅飯 $42太陽蛋煎得好靚😍真係名副其實嘅「脆邊」✨肉餅厚實，肥瘦嘅比例啱啱好🫶🏻🐷豬油渣溫泉蛋撈飯 $38撈飯舖滿豬油渣同蔥花💚而溫泉蛋就收埋咗係豬油渣下面🙈豬油渣炸到脆卜卜，撈埋溫泉蛋同埋飯一齊食真係好正🥰🍳蛋炒豬腸粉 $27豬腸粉好滑溜，加埋蛋一齊炒真係好邪惡😈鑊氣十足！🍞咖央多士 $24咖央多士好香脆，內裡嘅咖央醬甜而不膩☺️…Read More

✨ 人氣平民食鋪「兩草」，主打多款馬來西亞嘅美食🇲🇾其實先後喺大坑、西環開過分店，不乏人氣🔥但都先後結業。最近，「兩草」喺旺角重開，即刻帶大家去試一試😜🥪 咖央多士 $24多士烘得十分香脆，食落香甜咖央味😋雖然多士好薄身，但食完無咁飽膩，可以食多一兩款食物😝🍳 蛋炒豬腸粉 $27蛋香味濃厚👍🏻即炒腸粉鑊氣十足，份量好適合女士🤤🥟 小籠包胡椒湯 $40其實只不過係胡椒湯加小籠包😂但小籠包十分多肉汁，小編無為意，一咬就肉汁四濺💦🍚 香煎脆邊蛋肉餅飯 $42特別要求多蔥花，真係一啲都無吝嗇👍🏻燶邊太陽蛋，無花無假，蛋黃十分飽滿，流心蛋黃🫧撈飯一流。肉餅肥瘦適中，輕輕煎香過兩面，入口鬆軟香口🥰🫕 胡椒肉骨茶 $38湯底都幾重胡椒味，飲落有少少胡辣🌶️天氣轉凍，飲依個一流☺️排骨肉質厚但軟腍，食落有一絲絲嘅肉絲，好容易脫骨進食😋.✨ 總結出餐速度好快，入座後限時一個鐘⏳絕對有足夠時間食，所以門口即使要排隊，翻桌速度咁快，好快都排到入去食😉兩草堅持貫徹「用兩草（$20的俗稱）就可以食到地道美食」嘅理念💵所以食物價錢依然十分合理、十分親民，份量精緻，可以試多一兩款食物㖭☺️.⭐整體︰9.0/10⭐食物︰9.0/10⭐環境︰8.5/10⭐價錢︰9.5/10…Read More

香煎脆邊蛋肉餅飯($42)✅燶邊太陽蛋，邊香脆，黃流心✅肉餅表面煎到脆脆地，入面豬肉肥瘦均勻✅香蔥豉油好香，非常送飯✅煎蛋同煎肉餅都係媽媽嘅味道❌份量其實好細碗，一個大男人一定唔夠食📝 6/10小籠包胡椒湯($40)✅一道從來未見過嘅菜式，好特別✅胡椒味十足，有少少似飲緊肉骨茶，湯出色✅小籠包皮薄而不穿❌由於胡椒味重，食唔到小籠包嘅肉味，都係胡椒味❌因為比湯浸住，啲包皮都浸到淋淋爛爛📝 6/10咖央多士 ($24)🔎兩塊包夾住咖央醬，一開四✅超薄身，食落似餅乾，烘到卜卜脆✅咖央醬香甜，入口椰味重❌咖央醬俾得唔夠多❌因為好薄，份量又好少好細件，食完好似無食咁📝 5/10~⭐️總括而言…唔知係咪因為小紅書係咁推介📕，夜晚六點到已經排晒長龍，都等咗一陣先入到去⏳。因為個地方好細，啲位又好窄，基本上一定要同人搭枱之餘🪑，坐得耐都唔舒服😐。旺角晚市可以食到$40碗飯好似好抵咁🤑，但係其實剩係食一碗飯一定係唔夠飽😟，佢預你會加其他小食，所以唔係真係話抵到爛🤔。都係普通住家飯嘅味道🏠，要排長龍先食到就唔worth🫣平時經過無咩人可以試👌🏻…Read More

兩草已經食過好多次，每次食都覺得好好味😋每次必叫咖央多士，口感似薯片中間好多咖央醬👍🏻個人覺得飯無咁有驚喜🫣一般肉骨茶米粉好推介真係必點，有3大舊骨而且好入味👍🏻雖然雞翼呢樣餸好普通，但佢地又整得好好食，個皮脆脆地檸檬薏米水健康之寶選😋2大1小$158…Read More

嗰日行過，就走入去試吓，之前都有睇過食評，主要想試嘅喺咖央多士，下次會試吓肉骨茶！今次見冇乜人，唔使排隊就去啦！咖央多士，(4分/5)幾好食，喺薄身脆口，唔喺一般多士嘅厚度。油菜，平平哋食碟菜，幾好。(3分/5)脆香魚餅，(3.5分/5)…Read More

兩草原本位於大坑，店名貼切，一直以物美價廉的食品吸引客人。新店秉持「兩草即可品嚐正宗美食」的理念，堅持價格親民且美味可口。肉骨茶 $36 味道偏重胡椒口感，店主提供多種配料選擇，包括鮮蝦、小籠包和每日限量的原粒蒜肉。👍🏻滑蛋叉燒飯 $38蛋的份量不會很多，因此口感滑嫩。叉燒切成小塊，口感扎實。雖然稍微缺乏些許的滿足感，但配上下面的醬油飯一起食用，口感更豐富多樣。2. 咖央多士 $22 咖央多士經過烤製後變得薄脆如同餅乾。烘烤完畢時必須立即橫切開來，塗上牛油和自家研製的咖央醬。品嚐時，先能感受到牛油的香氣，接著椰香慢慢地滲出，味道層次分明。👍🏻…Read More

晚上係旺角食飯，想平平地食少少野，就係OpenRice 上搵到呢間平民餐廳之選主打馬來西亞同港式合璧的fusion菜，幾平同啱食，一於試下。平日夜晚去食，都幾多人排隊下！入面環境有少少迫，2個人去就要搭枱🪑嗌左以下食物CP值評分：小籠包 ⭐️⭐️⭐️⭐️咖央多士⭐️⭐️⭐️⭐️肉骨茶⭐️⭐️⭐️⭐️豬油渣撈飯⭐️⭐️⭐️⭐️魚肉煎餅⭐️⭐️⭐️咖央多士（$22）多士口感薄脆，內餡香甜幾好味。應該係用咖椰醬（椰子味好重！）小籠包胡椒湯（＄40）胡椒肉骨茶湯，味道濃厚鮮，有少少辣，小籠包外皮厚薄適中，肉餡味道正常水準，幾有特色。其實嗌左小籠包，就唔駛嗌肉骨茶💥脆香魚餅（$25），味道ok有啲家常菜嘅感覺，魚餅係鯪魚肉豬油渣撈飯（朋友點唔記得咗幾多錢？）豬油渣幾香口同夠脆，上邊好多蔥花❣️加埋佢哋店入邊嘅辣椒油🌶️撈埋仲好食每次去呢啲店舖飯一定係要撈辣椒油！…Read More

聽住港島嘅同事介紹呢間由大坑過黎嘅馬來餐廳，就放工試一試佢我7點前已經到咗，當時門口冇乜人，所以都好快入到去，不過入面己經差唔多坐滿人，兩個人都要搭枱，都相當迫下講番食物先，上菜速度都好快，先飲小籠包胡椒湯，飲落好暖胃嘅感覺，雖然係胡椒湯，但唔會有胡椒碎同胡椒粒，可以放心飲清光，但小籠包就有小小失望，唔係人手自己包，只係急涷貨色。再黎就係咖央多士，本身睇價錢覺得幾抵，但咬落就知點解，因為真係好薄，但咖央醬都算係足料，而且即焗，所以都ok。然後係肉餅飯，由於太肚餓，所以叫咗多飯，亦都太肚餓忍唔住食咗，唔記得影相，多飯飯量唔算好多，我一個肚餓女仔都食得曬，肉餅係煎得香口，但未至於好驚豔，值得欣賞係豉油汁，甜鹹啱啱好，另外雞扒飯(已加大)味道都係正正常常，扒size對比肉餅算大，最後亦跟飯叫咗個$10蒜頭湯，原來即係$30原粒蒜頭湯，咁樣叫會比較抵，同樣係胡椒湯底，分別在於有粒大蒜頭整體都算不過不失，價錢合理，但未至於好有馬來西亞特色!…Read More

晚上係旺角行下順便食飯，唔係太好肚餓但係又想平平地食少少野，上網搵到呢間兩草，個名咩料?睇返係兩草野有交易(即係平啦)之意，主打大馬同港式合璧的fusion菜，之前係大坑，而加搬到來旺角，幾平同啱食，一於試下。假日的7點多，都幾多人，不過好快就有位。店子裝潢簡約，卻呈現港式的風貌，摺枱圓櫈及雞蛋燈，暖色燈光及水泥地，有點像懷舊大排檔之感。用電子落單好方便，唔收加一，VERY GOOD。咖央多士，$22，多士口感薄脆，內餡豐富，香甜幾好味。招牌炸雞翼，$25，香脆惹味。小籠包胡椒湯，$40，胡椒肉骨茶湯，味道濃厚鮮辣，小籠包外皮厚薄適中，肉餡味道正常水準，幾有特色。香煎脆邊蛋肉餅飯，$40，份量比較少，但女仕食都夠飽，脆邊蛋好大件，肉餅味道香口，豉油、香蔥及澎湃的蛋汁撈飯實在太正，口感豐富又好味。食物味道不俗，而且有特式，同幾抵食呢。…Read More

兩草喺大坑開店時，收藏咗想去好耐但未有機會。最近喺旺角重開，第一時間揾埋朋友一齊去試，有驚喜呀有好多菜式都想試，兩個人食唔到太多，揀咗四道菜：香煎脆邊蛋肉餅飯 🍳🍚脆邊蛋煎得好靚！加埋葱花賣相一流，食慾大增肉餅都煎得好好，唔會太鹹。食完都冇覺得口渴，值得一讚！小籠包胡椒湯 🥟🥣小籠包平時食得多，胡椒湯底第一次見。加埋個湯味道係夾嘅，連我唔食得辣嘅，都唔會覺得辣，係易入口油菜油菜咁基本嘅食物，可以睇得出間店有冇用心定係hea。碟油菜嘅大小同份量係剛剛好，一啲都唔老，菜係新鮮嘅，食完想再添咖央多士最期待就係食呢份咖央多士！個皮片得薄薄哋，烘得脆脆哋，啖啖都食到甜甜哋嘅咖央，食落係幸福嘅感覺其實幾考手藝，食得出有用心整🥤☕️ 丹南咖啡叫咗一人一杯咖啡，好在係冰鎮咖啡。唔需要叫走冰或者少冰，入面唔會有冰溝淡咗咖啡。咖啡係好飲嘅，同咖央多好夾總結：食物水準高，食得出係真材實料，有用心做好👍🏻推介肉餅飯、咖央多士、咖啡😋下次想試埋肉骨茶、炸雞翼！…Read More