Sun King Yuen Curry Restaurant

大大份！以前細個就食，每隔一排，突然間會想食。依家係要自己放假🏖️才會走去挑戰排隊食一個午餐。我今次用了1小時排隊啦！天氣熱，都努力排隊食，我諗我今次食完應該會隔一年半載才有心機排。…Read More

灣仔新景園，真係名不虛傳！每次經過都人頭湧湧，記得之前應該上過社交平台，好多大陸人幫襯，真係食都食唔到！最近可能熱潮過了，終於有機會排到隊食！以前食過好多次，隔咗一段時間冇食，水準依舊！正！嚟到新景園，永遠都唔會有選擇困難，你必定係食佢嘅咖喱豬扒飯！食完呢一餐，夜晚你都唔使食飯！豬扒外面有薄薄的脆漿，外面鬆脆，裏面保留豬扒肉味和肉質，淨係個豬扒都一百分！咖喱方面，就係有南洋咖喱嘅味道，有別於一般香港茶餐廳嘅港式咖喱，配埋豬扒真係一絕！如果連咖喱上面嘅薯仔都可以入味啲嘅話，就120分！不過我已經好滿足！所以佢永遠都係豬扒第一！…Read More

相信見到灣仔同咖喱都應該估到我要講新景園😎！好耐無黎過堂食，同同事lunch去排隊，前面大約有10幾人，但一場黎到梗係食埋先返去😛。但等等下都等左大半個鐘…天氣再熱啲既話真係搞唔掂🥵😂堂食坐位唔算好多，唔好預坐得好舒服😂，但我同同事2個，再加1個人搭枱坐4人仔枱，唔似茶記會湊齊4個人坐🤓。同埋店員好貼心俾張櫈我地擺袋💕🔅咖喱豬扒飯 ($96)佢既咖喱同豬扒都好出色，真係久唔久都想食一次🧡。豬扒炸到啱啱好，肉質鬆軟～咖喱少辣🌶但好香，唔重椰味啱我😋，雖然望落偏稀但撈飯一流見人可以叫無咁辣，咖喱望落濃稠啲，似外賣咖喱既texture(外賣平一半不過真係差好遠😂)🔅咖喱雞扒飯 ($96)第一次試佢既雞扒飯，份量同豬扒一樣都係巨扒😂，炸得幾脆，都算嫩，不過無咩調味😂🔅凍檸茶 ($21)無跟餐價，雖然貴少少，但食咖哩太重口味都係想飲杯野，同埋個0T都唔hea既🥤😌💬呢間份量係超多，又限左每人最低消費($80)，建議女士們可以叫少個飯，每人加野飲😂，或者準備定打包🥡😼…Read More

呢間舖頭一直都好想試！因為太多人介紹同講！今次趁真係喺開灣仔做嘢，特登早少少去排隊，佢6:30先會正式開門，但係去到嘅時候已經前面排住10幾個人，嗰陣已經諗究竟佢個咖喱豬扒飯真係咁好味？入到去安排好座位之後，即刻落呢一個咖喱豬扒飯，一到左個豬扒飯，我唔小心好大聲嘩咗出嚟！因為我自己想像中都係好基本一塊豬扒配個咖喱，點不知佢個豬扒大到多到個份量係嚇親我😧佢係真係即叫即整！全部都脆香嘅豬扒，配上小小辣嘅咖哩，外脆內軟，真係名副其實終於知點解佢咁出名！🥹另外佢有套餐，配一個菜心加汽水🥤👍🏻而且啲姨姨叔叔話好態度好好人，全部都勁有禮貌🥰真係要再去😍…Read More

新景園咖喱豬扒飯，是香港馳名的經典茶餐廳之一，不少遊客也慕名而來。我們在店門口排隊等候約40分鐘，終於輪到我們了。我們點了招牌的咖喱豬扒飯和乾炒牛河。豬扒外皮炸得金黃酥脆，肉質鬆軟，內裡保持著豐富的肉汁。咖喱香濃，稍微偏辣。搭配白米飯，完美吸附咖喱，回味無窮，份量方面，非常足夠，絕對能滿足飢腸轆轆的食客。干炒牛河份量也是非常之大，醬油的顏色包裹著每條河粉，炒得油油亮亮的。剛上桌時微微冒煙，新鮮熱辣。牛肉片經過醃製處理，入味而軟嫩。這裡的價格稍就，但份量大，相對合理，可能是我吃過最好吃的茶餐廳炸豬扒。為了好吃的炸豬扒，排隊也是值得的。…Read More

:新景園咖喱小廚📍 灣仔春園街𝟸𝟶號地舖長期人龍排隊名店，當中未𝟷𝟸點去到都要等差唔多𝟺𝟶分鐘先有得入座，老闆娘的服務態度超級友善非常親切。順帶一提，外賣嘅價錢比較相宜($𝟻𝟹)份量就會減半，不過其實減半都好夠食，又可以提早打電話去落定單。🍛咖喱豬扒飯 $𝟿𝟺名物咖喱豬扒飯份量驚人　有兩塊大大塊嘅豬扒　細心地已經切好咗一塊塊　豬扒酥脆感覺係新鮮即炸　有肥有瘦連埋骨位嘅豬扒真係好正！咖哩汁一碗另上咁就唔驚會整淋啲豬扒　後勁偏辣　撈飯食啱哂👍🏻作為薯仔ғᴀɴs嘅我　如果有多舊就好啦～🐮 乾炒牛河 $𝟾𝟼又係好大碟　一放低就聞到好香　好有鑊氣　每一條河粉都均勻上色有光澤　條條分明唔會一疊咁痴住哂牛肉份量都好多　每一塊都係大大塊啖啖肉上次食過豉椒排骨炒河記得都好出色，但今次去到就已經賣哂，唔食牛肉嘅朋友都推介你地去試試都係咁夠鑊氣！…Read More

同T先生又要諗食咩，明知天氣炎熱，亦知道要排隊，都過來灣仔試試<新景園>既馳名咖喱豬扒😋😆來到灣仔時已經11:40am，門外已經排左10組食客，我地照排照等，期間都見唔少人落單買外賣，可見深受食客歡迎。等了30分鐘後，到我地喇😄😄 原以為要搭枱，但我地被安排坐在一張4人枱，不需搭枱，有點意外😆😆 令我覺得此店以客人為本，不會只顧賺錢，我和T先生都很欣賞。📍乾炒牛河 $86貴為人氣名物，人人都點，我地都要點黎試下。可能因為價錢稍高，所以份量上都幾多同埋幾大碟。食乾炒牛河，要配辣椒醬食呀牛河賣相皆，聞到穫氣味，河粉炒得乾身，條條分明，亦唔會有一堆油沉底；牛肉份量不少，而且又大塊，但食得出用了醃粉醃製而令肉質相對地腍身。味道上，略為咸了少少但接受到，牛河配上辣椒醬後，更為惹味，亦刺激到味蕾，令人食指大動📍咖喱豬扒飯 $94基本上，每枱食客都點咖喱豬扒飯，所以豬扒賣得快，因此要時間再炸，製作需時，請耐心等候啦😆😆 我地都係邊食牛河邊等😇炸好上碟，嘩了一聲，好大塊，仲要係打孖上，兩大塊豬扒賣相上，豬扒炸到啡黃色，感覺好脆而且香口，肉質望落唔錯，起碼唔覺得鞋和柴啦。而味道上如我所想一樣我覺得豬扒係juicy架，原味食唔錯，配上咖喱後會減低少少熱氣感，同時咖喱汁又香口，唔算辣但會令人要撈汁扒飯食，非常惹味。理於咖喱汁內既薯仔，略為普通，唔係粉但又唔係生水，而且冇咩味道，但它不是重點呢😅📍(凍)熱檸茶 $20/ $18食啲咁香口和濃味既食物，要飲返啲檸檬茶走生，去油膩感和令到自己食得感覺良好些目測人人都食唔晒，要打包牛河或豬扒飯，我地都要既😅當然大多數男士們都清碟既～ 同時，要讚店員和老闆娘，很有禮貌，唔會因為忙或人多或其他狀況而態度唔好，反而佢地照顧客人需要，亦唔會催客人食完離開，試問有幾多食店會這樣呢？更何況<新景園>有咁多人慕名而來，人人都門外排隊等食⋯所以我和T先生好欣賞佢地待客之道，真心讚事後食評：味道：4.5/5.0價錢：4.0/5.0環境：4.0/5.0服務：4.5/5.0 👍🏻衛生：4.0/5.0…Read More

一直都想食，今日終於有機會食，12:25到已經要排隊，排咗大約15分鐘已經可以安排入坐，點左咖喱豬扒飯再加杯凍檸茶，等嘅期間，見到隔籬枱嗌咗碟咖喱雞扒飯，黐線㗎，仲大過塊面，下次一定要試吓，大約等咗10分鐘左右就出餐，有兩塊大豬扒，咬一啖係起熱同埋好軟身，再加埋落街執，係我食過最好食嘅咖喱豬扒飯，兩大塊豬扒已經值回票價，隔籬枱，有位客人坐咗好耐，已經食完都唔肯定離座，店員係非常有耐性沒有驅趕，飯市期間，多數食肆都需要限時交枱，但它們沒有之餘，仲顯出他們的耐性！每位員工都非常之有禮貌…Read More

平日lunch hour黎到，真係超多人排，等左差唔多半個鐘先入到~ 餐廳上菜速度夠晒快，店員意外地友善 (見我地拎住好多野，主動比多張凳我地擺野)。重點係食物質素相當唔錯，夠晒大份，難怪價錢比坊間嘅貴少少都咁多人排隊！堂食設最低消費，所以都好難兩個人share一碟。細食嘅大家建議帶定外賣盒，或者外賣 (好似份量減半 價錢同時平差唔多一半)▪️咖喱豬扒飯 $94全場十個有八個都係嗌呢個招牌豬扒飯！豬扒好大塊，表面炸到金黃色好靚仔！炸皮夠晒薄，香脆唔刮口，唔會好油膩。肉質軟腍唔乾，近骨位仲有啲肥膏。另上嘅咖喱汁幾岀色喎！雖然𢳂落偏水，但入口香濃唔稀，微辣惹味，唔會太鹹，撈飯一流！啲汁多到包保夠撈飯▪️干炒牛河 $86乾炒牛河幾有鑊氣！河粉唔會黐埋一餅，每一條都均勻上色有光澤，滑身煙韌。牛肉大大塊，軟腍唔韌有咬口，有肉味，份量仲幾多添。配料嘅芽菜都炒得幾爽口！唯獨上枱個下無熱氣騰騰岀煙咁，似擺左一陣…Read More

久仰大名嘅小店，終於搵到機會食啦夜晚7點去到都已經有人龍排隊個到排隊都有比蚊咬左幾啖未食飯已經要先餵蚊🥲🥲我地兩個人好似等左25分鐘就有位兩個人要搭枱，入面環境就比較狹窄咖喱豬扒飯 $93一嚟到真係會比佢既份量嚇親應該係有兩塊豬扒，重要係好厚炸得岩岩好，唔會乾重要淋身，超好味！不過一嚟到超熱，要小心唔好即刻放入口咖喱就正常，不過就比一般茶餐廳辣少少成個配搭超好味！真係無令人失望！😋套餐+$10（有一碟油菜同一碗湯）個例湯係好好飲，好有味又唔會太鹹重有2-3舊雪耳個人認為佢地既例湯都係必叫🤤乾炒牛河 $87嚟到又係先比個份量嚇親睇到好有光準，而且唔係出面咁炒到黑蚊蚊牛肉都係淋身，份量都唔少，好足料都係食過最好食既乾炒牛河！🤩雖然要排隊，但都係值得再去既小店！…Read More

一直都知道灣仔有間超出名既咖喱豬扒飯，終於有機會試到😍收工去到門口18:15，晚市佢開18:30，但去到已經有十幾個人排緊隊，嚇到我都拿拿趕跑去隊尾😂😂鋪頭比較細，好似得十張枱，好彩一開門第一round我地成功入坐，枱枱都必點咖喱豬扒飯🤣🤣🤣🤣個份量超大份，咬左一啖真係完全明白佢條人龍係點黎，豬扒炸得超嫩，一d都唔油膩👍👍👍👍另外一樣必點就係乾炒牛河，份量又係超大份，d牛肉超大舊同埋勁嫩。同埋一碟裡面真係好多舊牛肉，老闆真係完全唔孤寒🤤加$10仲有碟菜同汽水/湯仲想讚讚員工服務態度非常好，好有禮貌👍…Read More

新景園 嘅咖喱豬扒飯，其實食過好多次，買過外賣返公司，亦試過搭巴士拎返屋企食，一直見證住外賣盒改進，但單挑堂食，真係第一次✔️🍛 咖喱豬扒飯 $90雖然已經有心理準備，堂食版嘅豬扒飯份量會好驚人，但見到實物都嚇到窒咗一窒😧帶定飯盒嚟打大佬👹 預先裝滿咗一盒，剩低嘅都仲夠食到好飽好飽，一餐足以當兩餐食😂飯熱豬扒脆，咖喱香辣帶微甜，無可挑剔，堂食果然係唔同啲🤤…Read More

💛新景園咖喱小廚 (灣仔)👍🏻咖喱豬扒飯 $93炸粉薄而脆，肉質厚而鬆化😋中式咖喱細膩香辣～好好送飯🤤每兜咖喱都有一舊薯仔～偏硬身👍🏻鮮茄豬扒飯 $93鮮茄汁味道似茄汁焗豆🍅📸19.03.2023💁🏻‍♀️人氣咖喱豬，果然名不虛傳👍🏻我地排左半個鐘入座，期間人龍不減堂食咖喱豬，分量超多🤩我地高估自己，三個人叫三碟～食淨一碟飯🥹兩個女仔各食淨半碟，男士勉強清晒一碟😮‍💨如果兩女仔去食，叫一碟加餐飲就夠食😆堂食設有最低消費，每位$75外堂飯盒$52，份量少一半如果堂食都有細份既餐叫就好啦因為食剩野真係好浪費🥹…Read More

午飯時間無論係堂食定外賣，門口嘅人龍都好長，見到門面貼住有名人黎過食。午市外賣亦都做緊特價，每款只係$52，今次就是咗咖喱豬扒飯，如果唔想等咁耐就要記得提早打電話叫定，去到門面再俾錢，好快就有得拎。豬扒食得出係即炸，而且咬落去有肉汁，咖喱微辣，香氣十足。…Read More

同事介紹過呢間嘅咖喱炸豬扒飯好食，不過就好多人排隊，建議提前半小時打電話叫外賣，聽電話姐姐同你講自取嘅時間，不過當天準時去到，可能因為實在太好生意，也等了差不多20分鐘才攞到外賣，建議大家打電話時間上可以再預鬆動多啲。咖喱豬扒飯雖然等待嘅時間好長，但係值得嘅，因為真係好食😋豬扒有一層鬆脆炸衣，但其實入邊嘅肉係十分之軟淋，再加上咖喱好惹味，而且份量係好多，一個普通女仔應該正常都食唔晒🤭下次都會想試吓佢另一個招牌 乾炒牛河，不過時間上可能提早一個小時去落單，哈哈😆…Read More