Espresso Alchemy (美麗華廣場1期) (Moved)

唔知大家週末下午鍾意食咩?😉我自己都鍾意去唔同COFFEE SHOP☕️可能讓自己休息一下，慢活一下!💕❣️追天剛好在尖沙沮，難得有事出來，決定快食一下午餐!-我到了位於美麗華的Espresso Alchemy📍地點的確好方便呢!✅食物方面，因為有點餓，所以今次都點了好多唔同款既食物!主食方面, 我點了香蒜青醬雞扒長通粉🍝好CREAMY 的意粉，而且帶有滿滿的雞肉!份量都適合女仔食呢! 😙而且唔會太膩，岩晒鍾意食青醬的朋友!💚-除左意份，我都點了火雞胸芝士意大利三文治配黑加倫子果醬🥪第一次嘗試呢個配搭，原來配上黑加倫子果醬都幾小清新!🍇🫐新鮮熱辣的三文治，簡單滿足!好岩鍾意清新口味，又怕太濃味的朋友!💛-去cafe當然一定要食甜品!😋今次我點了咖啡白朱古力西多士! 第一次試呢種西多士!🍞好推薦! 整個多士係凍食，但都一樣好脆!呢個好驚喜! 好脆身好好食!🥳咖啡味唔會太重! 岩晒我呢個咖啡控!-最後飲品我點了凍牛奶朱古力🍫順滑的牛奶朱古力都一定好飲!絕對是滿足的午餐! 係好好的休息!😙-這間地點很方便呢! 唔知大家下午鍾唔鍾意去cafe呢!❤️…Read More

咖啡店位於美麗華商場半開放空間中，可以打造出咁截然不同的舒適空間都真唔簡單!Cafe 外圍用左乾花圍住，加上室內採用黃光設計，感覺好溫暖~入面亦有一面裝飾牆，如果想打卡可以坐係個邊，影相效果不錯~今日試左期間限定既京都主題-抹茶系列生酮宇治抹茶忌廉卷 HK$58 5/5分 非常好食忌廉卷口感鬆軟，Cream都好幼滑!而且抹茶味好濃郁，帶輕微苦澀~就岩哂你唔鐘意食太甜既我Matcha Latte HK$ 464/5分 抹茶味濃，鮮奶味亦都好香濃，配合埋抹茶忌廉卷係Perfect Match!泡沫咖啡 HK$443.5/5口感細膩順滑，咖啡味幾香，但咖啡豆口味偏酸，有點飲唔慣~咖啡白朱古力西多士 HK $525/5分多士烘到好香脆，夾住咖啡同朱古力醬~咬落脆卜卜~再點埋碟邊既藍果jam酸酸甜甜，更加好食!…Read More

放假最想做的其中一件事就係去學整麵包，今日就約埋好友去尖沙整咗嗰Double Chocolate Bread，香到呢…大家覺得靚唔靚仔呢？整完包就跟朋友tea 一tea鬆吓，帶了她到一間都去過幾次的咖啡店。咖啡店裝潢無變，同樣空間感十足，外面設數張圓枱和長枱，內裏則有舒適的長沙發座，每次來到都感覺舒適寫意，所以我很喜歡。已過了lunch time，故只好點a la carta 。看看餐簿，飲品有Feature Drinks、Espresso-Based、Shop Exclusive、Craft Beer、Chocolate、Tea、Others；而食物就有Salad、Toast、Dessert、Special 、Panini和Pasta。**************************一向對加了酒類的飲品好有興趣，記得之前飲嗰佢杯Baileys Chocolate ，很討我歡喜，今次就俾我發現到這杯Citron Cocoa ($65)。忘記要脫脂奶，多瓣心型拉花圖案很清晰，仲配上幾條橙皮乾，賣相挺美。放近咀邊，聞到濃濃的朱古力香。呷一口，溫度剛好，入口順滑，朱古力味香濃，帶微微橙酒香甜，如果可重少少就更加滿足，不過它令人越喝越愛上。**************************點了一鹹一甜多士開心Share，先上煙三文魚多士 Smoke Salmon On Toast ($75)，賣相挺吸引，又好夠份量。多士放了滿滿的蛋沙律，再在上面擺了一大朵煙三文魚花，很美！多士烘得相當香脆，配上香滑的蛋沙律和柔嫩鹹香的煙三文魚，一大啖咬下去，夠滿足！中間還有些雜沙律菜，新鮮清爽，拌入份量剛好的醋汁、酸咪咪，開胃醒神，亦可平衡一下。**************************一向好怕食超高卡的西多士，但這款咖啡白朱古力西多士 Coffee Ganache  French Toast ($49)就唔怕，相信不經油炸。四件西多士擺成藝術品般，還用藍莓果醬在碟上畫紋，挺美！一件共三層，多士烤得相當香脆，特別是周邊位，咬下去脆卜卜，中間塗上咖啡白朱古力醬，味道不會太甜，啖啖濃濃的咖啡香，好吃！------------------------------第一次帶這位朋友來，連她也覺得舒適寫意，難怪這間咖啡店已不知不覺地變成我常來的舒適區。…Read More

520甜蜜蜜的日子，當然要同另一伴嘆番個甜絲絲的早餐❤️❤️之前來尖沙咀經過幾次都無食到，見到今日時間尚早無咩人等位，就選定係呢到食早餐。好彩…..真係快人一步理想達到，當我地點完餐住低，就出現了人龍呢。又想食三文治又想食甜品，好彩有老公同行，可以一次過滿足2個願望💕。「檸檬汁烤雞煙肉意大利三文治＋熱泡沫咖啡」：包底係外脆內軟的Panini，雞肉用上雞胸肉，唔會太鞋口，配上芝士同煙肉，味道好惹味唔會太咸。拉了花的Cappuccino，咖啡味濃口感細滑。「咖啡白朱古力西多士+凍鮮奶朱古力」：西多士夾住咖啡和白朱古力醬，不會過甜，配烘底多士沒有茶記西多的油膩感。凍鮮奶朱古力用上朱古力碎，可可味濃。隔離檯的食物永遠都無令我失望，見到人地食緊All day breakfast同牛油果三文治又好想食，只可惜我地已經食飽無位再挑戰了，唯有下次再來。💯…Read More

在上年 6月最後一個星期，我租住尖沙咀富豪九龍酒店一星期的 Long Staycation， 好姊妹們飯聚也遷就我，而走到尖沙咀美麗華商場的咖啡店 Espresso Alchemy！其中一位好姊妹提早 Book 位，我們一行 3人一起食晚餐！這裡位於商場地庫，自成一角，環境寧靜舒適！:) 絕對是傾計飯聚的好地方！MenuHoney Earl Grey Latte 蜜糖伯爵茶鮮奶 $45伯爵茶本身口味甘醇清香，混合牛奶，可中和其茶甘味，香滑順喉，令人容易入口；加入蜜糖，味道更吸引！The Alchemy All Day Breakfast 精選全日早餐 $128炒蛋、烤薯仔、香腸、煙三文魚、迷你牛角包，咖啡法式多士；整體豐富又鹹甜兼備！略嫌份量較少！:(Mushroom Pasta in Black Truffle Sauce 黑松露蘑菇意粉 $118黑松露醬獨特的菌香可提升味道，意粉軟硬適中又入味！Cheeky (Pork) Hash n Eggs 煙豬面肉薯仔炒蛋 $63薯仔、煙肉、炒蛋配多士，簡單美味的配搭！Coffee Ganache French Toast 咖啡白朱古力西多士 $49咖啡白朱古力西多士，甜美與甘醇的結合，口味無得輸！ 香脆又甘香！網上訂座 9折優惠！…Read More

難得又到禮拜日，尖沙咀竟然冇深水埗咁多人，就勸大胃之母轉移陣營嚟尖沙咀打躉，又同佢歎吓啡發掘吓佢文青嘅潛質啦自己行入去搵到位後，就去櫃檯落單，然後返埋位等食啦大胃之母愛上咗cappuccino，呢杯似乎啱佢飲味噌同蟹肉嘅配搭好特別，聞落幾香仲有好多菇，口感唔錯柚子朱古力好香濃，帶有酒味，欲醒又欲醉就啱晒咖啡除咗飲，仲可以食，白朱古力配咖啡整成多士，零舍不同三文魚多士相當豐富，沙律多、蛋醬多，三文魚都多飲完酒啡，大胃冇貓到，一杯啫，唔醒唔醉啱啱好…Read More

🍴《Espresso Alchemy》I▪️🅘🅝🅣🅡🅞估唔到呢度啲意粉都幾出色，意粉煙韌，creamy嘅質地令黑松露醬汁完全掛在每一條意粉上，加上大量嘅菇菌，2者之間非常配搭❗️令整碟意粉非常好味❗️咖啡白朱古力西多士～賣相已經很精緻，香濃嘅咖啡味配上白朱古力甜味，中和了咖啡嘅苦，味道也不錯❗️I▪️🅟🅡🅘🅒🅔🔹黑松露蘑菇意粉🍝🔸HKD 118🔹咖啡白朱古力西多士☕️🔸HKD 49🔹蜜糖伯爵茶鮮奶☕️🔸HKD 45🔹巧克力咖啡☕️🔸HKD 38I▪️🅐🅓🅓🅡🅔🅢🅢📌 尖沙咀 📍 彌敦道132號美麗華商場B1層B116號舖…Read More

今日同男朋友慶祝周年紀念去左海洋公園玩到好鬼攰🙈 所以夜晚想搵個地方放鬆下休息下😅靈機一觸記得美麗華有呢間唔錯既coffee shop就即刻同男友過去，反正今晚係旺角租左晚酒店返去都好近😎我地叫左青醬雞排沙律，咖啡白朱古力西多士， 香煎虎蝦配蘆筍辣蕃茄汁意粉同埋一杯Earl grey chocolate😋青醬雞排沙律係一個非常健康之選，高蛋白質高纖維輕調味兼少油👍 不過外觀同我食開既雞排有啲唔同，我覺得呢個似雞胸多啲😂 好彩佢入口都幾滑，係輕食既好選擇👍咖啡白朱古力西多士賣相十分精美😍 入口好脆兼有香濃既咖啡味，白朱古力既甜味中和左咖啡既苦味，very nice 👏🏻香煎虎蝦配蘆筍辣蕃茄汁意粉面頭有香濃既芝士粉味，虎蝦大隻兼爽口，意粉夠彈牙，不過蘆筍就比較幼～Earl grey chocolate好香Earl grey 味，唔會太甜，幾特別😋食完今晚呢餐聽日再繼續去酒店食好野🤣…Read More

週末放假，約上好友一同到尖沙咀Espresso Alchemy， 聚下舊傾下心事，好好給辛勤工作的自己輕鬆下...我最愛吃 all day breakfast , 有薯仔，腸仔，炒蛋，牛角包和咖啡白朱古力多士...薯仔烤得香口；炒蛋嫰滑；牛角包鬆脆； 一次過吃多款食物，擁有滿足感飽足感， 就對了....扁麵並配有蟹肉，時令蘑菇， 沾滿蟹肉和醬汁夠creamy， 扁麵有口感，沒有膩滯感， 淡淡奶香瞬間充滿口腔， 口感仲鮮香...麵包似多士酥脆，裡面配上口味濃郁的咖啡醬， 沾上果醬微苦中略帶回甜，吃下去是有小小苦，不過味道更香也好吃！最後飲品點Iced Latte, 微微苦帶來層層遞進享受~. ~.…Read More

Espresso Alchemy出咗名杯咖啡好飲☕️，草根妹妹特登約埋朋友放工之後一齊去試吓。咖啡店位於美麗華廣場底層，地點便利。咖啡店座位唔多，所以提醒大家早啲去等位😌🔔。.本來草根妹妹想試試朱古力口味嘅咖啡☕️，不過朱古力味咖啡太受歡迎👏🏻，一早已經售罄，唯有下次再試啦。最後，草根都喺有好Chill咁嘆住咖啡☕️✨😍。.📍黑松露蘑菇意粉 （$118）Mushroom Pasta in Black TruffleSauce成個意粉雜菌嘅份量非常多，菇味好香🍄，嗰醬都應該係用菇blend咗整成，仲食到輕輕嘅黑松露味。意粉粗身味道唔錯，唯獨分量唔多。.📍香煎虎蝦配蘆筍辣蕃茄汁意粉（$123）Spaghetti with Tiger Prawns & Asparagus in Spicy Tomato Sauce 虎蝦雖然只有三隻，不過大隻之餘都幾彈牙🦐。蕃茄醬汁食到新鮮蕃茄嘅味道🍅，另外加咗幾條蘆筍，成個意粉感覺清新健康🌿。.📍咖啡白朱古力西多士 （$49）Coffee Ganache French Toast 🍞多士烘到好脆，中間塗上咖啡醬☕️，都幾香但略嫌少咗d，碟上再加咗d果jam，整體未算好突出。.📍泡沫咖啡 （$36）Cappuccino口感細膩順滑，咖啡味幾香☕️。.Menu…Read More

今日tea 一 tea太耐無見表妹。疫情無太緊張當然要tea一tea，表妹話呢間想試吓。2點半都是等十分鐘才能入坐。待應會拎餐牌。之後就去收銀落單。原來係半自動餐🤪🤪🤪🤪🤪🤪。點了杯Rose Latte，來到已經聞到香香rose味道，輕輕的飲一下。咖啡香，Rose味道好突出。超正。表妹就點了杯Ice Latte 😆😆😆😆在熱熱的時候飲了杯冰凍咖啡，又幾好，奶味夠。咖啡滑。不錯不錯👍🏻👍🏻👍🏻👍🏻👍🏻👍🏻點了煙三文魚沙律🥗，都大大碟。價錢合理，煙三文魚大大塊，菜又好新鮮。最後再加了咖啡白朱古力西多士。原來唔似平時所食的炸麵包。似多士，配上咖啡醬，有小小苦中帶出甜味。幾特別。環境方面都整潔乾淨。一間不錯的咖啡店…Read More

咖啡店位置處於商場地庫個層，係電梯位後面，但因為設計好似open area 咁，所以好開陽，好岩同朋友黎傾計或者自己一個黎讀書都幾好，張枱好大，唔會好逼夾咁咖啡白朱古力西多士 📍$49雖然個名叫西多士，但唔好以為係平時用牛油炸個種，呢個係用烘嘅方式，比較似多士 🍞 餡料好香咖啡味，甜得黎又唔會太飽，絕對係下午茶嘅必選伯爵茶鮮奶巧克力 📍$39見佢社交平台寫升級咗個朱古力做馬達加斯加朱古力，即刻俾佢吸引咗 😋 馬達加斯加出產好多頂級可可豆，可可味特別濃郁，亦帶有獨特嘅水果香，所以一早已經決定要飲呢個。茶味好甘香，同濃郁嘅朱古力好夾，唔會太甜 ☕拉花都好靚…Read More

香港的打卡勝地愈來愈多，人們都不忘紛紛去潮聖，只是多數都是一些在郊外或是市區的一些特別景點，比較少能在大型商場會尋找到比較特別的餐廳。Espresso Alchemy 在香港有數間分店，分別在尖沙咀、荃灣、鰂魚涌和葵涌，荃灣那間開了沒多久。不用多麼華麗的環境或裝飾，簡單的黑色支架、黃色的小燈泡、帶有簡約線條的椅子，整個佈局給人的感覺很有文藝氣息大大張餐牌就在門口，餐廳叫 Espresso Alchemy，所以飲品的種類比食物多，並以咖啡為主，食物則以輕食為主。先來的是朋友那杯鮮奶朱古力，對於不愛喝咖啡的我們來說，朱古力實在是最好的選擇。一杯朱古力要40多元實在有它的原因，喝進口完全不像外面的那麼甜，應該是採用了比較高質素的朱古力粉，味道有輕微的苦，但其實這才能突顯朱古力的香味。自己點了一杯 Matcha Latte，很欣賞他們用心的拉花💚雖然知道心形的拉花很像好多間咖啡店都有，不過看見那刻還是會感到溫暖。另外，陶瓷質感的底碟和杯子更適合給人們打卡。抹茶的味道不會很苦澀，甜甜中帶點甘香，味道不賴。點了兩份主菜，第一份是大蝦露筍蕃茄汁意粉，大蝦的味道都很新鮮，並爽口彈牙。意粉裡面還有露筍，露筍在西餐中真是比較少見的食物，所以在這裡竟然也能別真的感覺很好啦，露筍爽口又清甜，很好吃。醬汁方面，蕃汁也沾滿了每一條意粉，使得它更好吃。接著是蟹肉味噌扁麵，蟹肉就覆蓋在表面，新鮮，沒有腥味，給予的份量真的不吝嗇。還有大量的芝士粉和磨菇，使得整份扁麵的味道更有層次。扁麵方面，我還真的沒有吃過那麼闊的麵條😂真的是正宗的寬條麵，只是醬汁都很容易變凝固，吃進口就沒有很creamy的口感。魚柳就吃得多了，拼奶油汁就真的很少見，魚柳的表面被煎至金黃色，很是吸引，但是味道沒有想像中的好。魚柳質感乾身，如果用叉子或匙羹去吃不至於太鬆散，魚味則屬正常，奶油汁也沒有想像中的多，相比之下這道菜比較遜色。終於到了甜品啦，看見很多人推介Tiramisu似的，於是自己也點了一份。表面是滿滿的可可粉，吃完之後，下面有大量的忌廉，多忌廉可以是好也可以是不好的，好的是令甜品更可口，但太多會過膩。中間還有蛋糕和咖啡糖漿，蛋糕稍微軟了一點，咖啡糖漿的味道ok。咖啡白朱古力多士大概是這間店的自創甜品，大量的糖霜作裝飾感覺增添了不少冬日氣氛:)多士並不是很脆，而是軟稔的口感，中間有咖啡夾心餡，不會過甜，值得試試。…Read More

今日去到尖沙咀，自己一個行完街，就定揾個舒服既地方坐下、嘆下。我仲記得上次有個朋友同我提過美麗華商場入面好似有間CAFE既食物都幾食，價錢又平。我呢個朋友係吃貨，介紹得既餐廳都真係平價同抵食，所以就順便試下。問左佢間CAFE係邊，原來係商場地下個層既電梯附近，叫Espresso Alchemy，好易揾到。間店環境睇落好舒服，佈置簡單，全開放式設計。我食既時候可能仲未到晚飯時間，所以人流唔算多，但坐得仲舒服。Espresso Alchemy裝修都幾有品味，配合黃色吊燈。如果下午來，我相信可以坐足一日時間，好抵。睇到個餐牌價錢，真心係尖沙咀已經叫平價。揀岩就自己出去買野食，俾左錢先，再有侍應送餐。真心要讚一讚呢到既服務，有禮貌之餘仲會同客人講下笑，輕鬆得黎又多返少少人情味。我就要左個素菜茄醬闊麵，加咖啡白朱古力西多士，仲加一杯特飲。咖啡白朱古力西多士個賣相勁靚，有d果醬伴碟，上面仲有d糖霜，將個普通西多升級左吾少。入面夾左朱古力醬，因為份量岩岩好，吾會太甜，岩哂唔食得甜既我。素菜茄醬闊麵，份量比想像大碟好多。表面一層厚厚的芝士，下面就加入茄子等材料，闊麵層與層之間都有吾少醬汁，超級邪惡，但睇落又超級好食。個芝士拉絲仲可以拉到好長好長。食完真係頂住個肚反去，如果你細食記得揾朋友一齊食。不過有少少可惜既係，我本身好想試佢既burger，但今日咁岩無哂，惟有叫同樣價錢既素菜茄醬闊麵，開頭有少少失望，但闊麵都叫有少少驚喜既。我叫左杯咖啡特飲，Alcoholic Espresso，真心要推介。好正，雖然我好少飲咖啡，但係都一試回味。濃縮咖啡配rum酒，加一層厚厚的氣泡，細細杯，上面仲有粒咖啡豆，賣外好正。飲落有少少酒味，果酸味道好出，但係又超容易入口。順帶一題，晚餐叫正餐加飲品有折架！如果你係咖啡愛好者，一定會推介你去試下。呢間cafe真係無得彈，下次要帶埋老婆再去，值得回頭再食的一間店，推介。…Read More

今日放假，到了尖沙咀想慢活一下，享受一個安靜舒適的下午茶。到了The Mira, 剛好可以在這間餐廳食個tea輕食都幾多選擇，有omelettes、salad、sandwich，飲品有coffee, chocolate, tea and craft beer etc. 我選了一個煙豬面肉薯仔炒蛋、白朱古力咖啡西多士及一杯 regular size cappuccino.(Hot regular cappuccino) ☕️☕️熱辣辣又好靚的天鵝拉花好香滑泡泡、咖啡味香濃品質高！美味又精神為之一振（煙豬面肉薯仔炒蛋配香烤多士）&（白朱古力咖啡西多士）（煙豬面肉薯仔炒蛋配多士） 🥚🥔🐷🥖好豐富的下午茶！有蛋汁的金黃炒蛋，好香滑又蛋味香濃烤多士配上滑蛋、香軟薯仔粒及野味煙豬面肉但少少乾身，好滿足美味！（白朱古力咖啡西多士）☕️🍫好特別的配搭，被這個新穎的組合吸引了，所以點了白朱古力粉在麵包上，甜甜的；烤好了的麵包切得好薄好脆；咖啡醬好香濃好美味；配上葡萄果醬，酸酸甜甜好美味好享受又豐富的下午…Read More