Islam Food (Lung Kong Road)

太耐無食，今次經開又去食下牛肉餅水準無得彈！！淨系入黎食個牛肉餅都抵！牛肉餡足料，皮唔厚但有咬口，一咬裡面啲汁就吱出黎，更系用匙更兜住啦，牛肉汁味濃！其次多人叫就系，咖哩，牛腩或羊腩。我地比較喜歡羊，就揀羊！有少少騷味唔錯，唔鞋，但騷味唔算濃。好似咖哩配飯比較惹味，因為食麵撈唔到咖哩汁😭💪🏻。會跌晒落湯到。蔥爆羊肉一般，無騷味，鬆肉粉乸太耐既感覺，如果話系牛肉到算。但下次應該唔會再叫呢個😂。…Read More

九龍城一向都係臥虎藏龍之地、今晚兩口子係區內行咗一大圈終於諗掂推門入內祭祭五臟廟 ；～ 牛肉餅合格、新鮮熱辣即叫即煎、入口外皮鬆脆得嚟煙煙韌韌又唔油膩、牛肉餡多汁惹味、保持一貫水準～ 糖醋桂花魚一般水準、魚身偏細所以炸過後肉身比較乾、最不恭維嘅係個芡汁、只可以用化學茄汁加生粉水來形容。。。上枱隔咗幾分鐘D芡汁涼咗就漿住晒，收 $148 真心㗕一D都唔貴、不過唔係話收得平就Hea住做、師傅俾多D心思做得好些可以嗎？～ 咖哩羊腩浄食大大碟賣 $78 蚊非常低食、雖然明知係雪藏貨、但羊肉處理得非常好、肥瘦適中有咬口、配合咖哩好惹味。要挑剔的話越食越覺得鹹同口乾。。。（師傅落咗重味精？）、問啊姐有無薄餅之類嘅嘢想嚟中和一下、啊姐介紹咗清真推介嘅葱油餅。。。一試之下其實兩樣嘢一D都唔夾、咖哩嘅濃味完全掩蓋左葱油餅嘅葱香、而且兩㨾同樣係濃味嘅食材越食越鹹。。。最後唯有。。。打包。。。～ XO 醬炒什菌用料非常足、成個碟底都係 XO 醬、相信用咗大半樽 XO 醬去炒。。。整體味道非常重同鹹。。。最後唯有。。。打包。。。～ 牛肉鍋貼合格綜合係一間食完會令你血壓急升嘅小館（因為食物實在太重口味同鹹）、真心期待師傅工餘時間可以多用心思為大眾建康出發、係中間取得一個平衡。…Read More

平日下午12:30左右去到，都爆滿，記得book位。5個人點了幾個菜share。牛肉餅，好鎖住d肉汁，不過個皮乾左Ｄ，好好味。牛肉餃，一碟10個，一口食晒，Ｄ肉都好鮮嫩！值得一試。麻醬雞絲麵，麻醬味好重，條條麵都有麻醬味！！(冷食)如果你食羊既，一定要食咖哩羊腩！羊肉唔SO，連Ｄ咖哩汁都有羊味！！好好吃！5個人SHARE，每人$50,好飽，黎九龍城一定要試下。　如果得一兩個人，會食得唔多，又會貴，建議多Ｄ人一齊食。…Read More

一說起九龍城, 除了泰國菜之外, 最出名的就是牛肉餅. 清真牛肉館的牛肉餅, 多年來都受到追捧. 上次來光顧已經是好幾年前的事了, 當時店子仍未有分店. 今次再來, 雖然有另一分店, 但人龍依舊, 中午時候也要排十多張枱, 為的只是牛肉餅, 還有令人懷念的夫妻肺片. 店內經過裝修, 地方比以前整潔和光猛了不少, 不過擠逼依然, 任何時候也是要搭枱的, 要有心理準備.現在還有最低消費, 可能是怕食客只吃牛肉餅...牆壁也加了不少具回教特色的裝飾拿起餐牌, 食物的款式比以前多了不少, 不過想吃的夫妻肺片卻不再供應了...店子還將招牌/主打食物, 圖文並茂印刷成餐牌, 方便食客點菜.沒有夫妻肺片, 唯有只點牛肉餅和咖哩牛腩.一份牛肉餅有兩件, 也可以單件叫. 牛肉餅約掌心大, 大小和厚度的跟印象中的差不多. 薄薄的外皮煎得香脆, 部分帶焦. 吃牛肉餅是要趁熱吃的, 因為一涼了, 皮就會變腍, 也變得不好吃. 因為牛肉餅是即點即煎的, 所以無論內裡的肉餅和肉汁也是很熱的, 要小心舌頭!咬開牛肉餅, 一股熱氣從餅內冒出! 啡色的肉汁也不住的湧出來, 味道依然濃郁, 有很重的牛肉味, 而且一點也不油膩. 肉餅味道和以前吃的一模一樣, 肉餅軟硬適中, 牛肉嫩滑多汁, 加上蔥的清香, 實在美味! 不過美中不足的是其中一個一夾起已經穿了, 肉汁四溢, 如果餅皮可以又薄又不要那麼易穿就完美了.咖哩羊腩飯, 印象中暫時吃過最好的是惠記, 不過太多碎骨. 這裡的咖哩羊腩,  看起來很不錯, 羊腩份量多, 而且還有薯仔! 不過, 面上浮著一層紅油, 對不吃辣的人來說, 的確有點嚇人. 吃起來其實也不算很辣, 它的汁有很香咖喱味, 但帶有頗濃的羊膻味 (個人認為吃羊有點羊膻味才是正點!), 加上用了薯仔同煮, 所以不致太稀身, 用來撈飯一流! 連骨羊腩本身帶有脂肪, 勝在不太多, 所以入口腍滑之餘帶點羊膻味, 而且也很入味! 薯仔切得大件, 外層煮得有點溶化, 很腍又夠粉, 很美味. 惠記的羊腩雖然同樣味美, 但碎骨偏多, 吃時要小心翼翼, 相對地在這裡會吃得痛快點. 牛肉餅水準依然, 咖哩羊腩也是水準之作; 不過可能因為太多客人的關係, 侍應服務態度似乎比以前更差, 沒有殷勤招呼, 態度也不親切, 甚至有點趕客! 如果抱著只求美食的態度而來, 相信會吃得很滿足, 所以笑臉也是因為食物美味而給的.…Read More

Kowloon City - famous for the Kowloon Walled City, cheap eats, and...Islam Food? Yes this shop is pretty much synonymous with Kowloon City as everyone knows and raves about their veal goulash/beef cakes! Last time I came here in early September, this shop was still under renovation so we ended up going to their other branch just 2 streets over. We came here again recently with a friend who has not tried this place yet and saw that it has reopened! After the renovation, this shop was brighter and more modern than their other branch. It's smaller though and you basically have to share a table with other people as they only have big round tables that can seat ~8 people. There was a bit of a line when we got here around 12:30pm on a Sunday. Luckily the lines moved pretty fash as the turnover was quite fast. It's really not a place where you can chill and talk if you know what I mean. They won't seat you until all of your party is present so make sure everyone is there or risk waiting for the next round. Besides the veal goulash, they are famous for their curry as well. Their menu also had a vast selection of meat, seafood, noodles and rice. Basically they are just like any other chinese restaurant but doesn't serve pork. 1) Veal Goulash ($30/2) - I had the veal goulash before and while it was good, the skin broke easily and all of the sauce spilled out. The one I had this time had thicker skin so the sauce was contained the entire time I was eating it. The beef inside was soft and juicy, and the sauce was rich and flavorful.The outside was not as crispy however. Overall, still good but could be better! Makes me wonder if they had tweaked their formula somehow. 2) Curry Mutton Chop ($66) - The appetizing aroma of the curry wafted to our noses before it was set down in front of us. The lamb was tender and succulent while the curry sauce was spicy and flavorful. The curry was just right as it did not overpower the natural gamey taste of the lamb. Scrumptious!3) Shredded Beef, Tripe & Chicken with Bean Vermicelli ($69) - a cold dish with peanut butter sauce on top and a tangy sauce on the bottm of the vermicelli. Unfortunately, there was too much peanut butter sauce and it overwhelmed and coated everything from the vermicelli to the meat. Even the vinegar-like sauce on the bottom could not balance out the peanut sauce as it stuck to everything in sight. 4) Beef Brisket Noodle ($33) - the beef brisket noodle was a nice dish to balance out all the meat and curry we had as the broth was light and simple. The beef brisket was lean yet tender while the noodles were chewy and filling. The sour preserved vegetables were also a nice touch to enhance the natural taste of the noodle. An unpretentious yet fulfilling dish. 5) Sesame Oil Chicken ($70 for 1/4) - initially we weren't planning on ordering this but when we saw many people ordering this, we decided to order one to go as we were already full.  It was at bit pricey at $70 for a quarter of a chicken but since it was a free range chicken, it was worth it as the meat was so much softer and flavorful. The sesame oil sauce enhanced the already wonderful taste of the chicken as it was light and aromatic. Thumbs up for this!Conclusion - while the dining environment may be cramped, the quality and taste of the food were great given the reasonable prices. The service was also much better at this branch than the other one. The waitresses were mostly courteous, responsive and polite which can be rare at a local joint in Kowloon City. You know you don't come here for the service but it's like getting an unexpected present when you do get it. …Read More

今天在九龍城考了IELTS的口語試終於正式考完可以放暑假才驚覺暑假原來快結束了更提醒我們要珍惜暑假女朋友等我考完等了很久等得她很餓了馬上出發尋找美食最後來到了這間清真牛肉館 我們都很少吃這類型的餐廳這也算為我們的回憶中帶來一些新鮮感叫了幾道推介的食品：28元的2件牛肉餅33元的4隻羊肉小籠包65元的咖哩羊腩另加一碗10元的白飯先來的是牛肉餅一送來就急不及待下手了忘了拍照只好偷拍附近的牛肉餅本想把它切好後就分來食豈料一切下去馬上有很多汁流出來感覺就像靈感湧現一樣到最後只好把整個咬來吃吃下去感覺不像牛肉而似豬肉但吃下去也是熱的味道也剛剛好, 不會太鹹但總覺得沒有太大特色接著來的是羊肉小籠包我很期待這個小籠包因為平時很愛吃正宗小籠包的但卻有點失望羊肉有很大的酥味這種酥味連醋也無法蓋過雖然羊味濃郁但我和女朋友都不喜歡這種味再送上咖哩羊腩我們都很害怕有同樣的酥味幸好, 不知是咖哩味濃厚還是這份羊肉本來就不酥我們都很享受這道美食咖哩很好吃, 不會太辣帶來的滋味剛剛好而且羊肉也很軟很值得推介這間店雖然沒有華麗的裝潢但卻充滿香港地道餐廳的風味似是一個小區餐館加上身邊的都是一家大小的來吃或是年老的夫婦我也差點以為我和女朋友已經長大了十歲, 感受著十年過後還在一起的畫面 …Read More

終於都試左好多人話正, 又好多人話每況愈下既 清真牛肉館因為好少入九龍城, 所以想試好耐未食過今次入九龍城寨玩, 終於有機會順路經過啦~!我同我女朋友一行2人大約2點9去到~去到門口都有2組人等緊位,不過去到咁岩有張檯有2個人走左,所以唔使等位~ lucky ~!環境就麻麻地啦~ 算幾逼, 同埋冷氣超唔夠~不過都算乾淨~2個人叫左 1個咖哩羊腩飯, 1碟咖哩角 同埋1碟牛肉餅~1) 咖哩羊腩飯 $37 [評分4分 (5分滿分)] 羊腩夠淋, 又唔算太臊~ 咖哩亦幾香, 辣度適中, 怕辣人仕都食到(我自己就想辣d) 略嫌汁唔夠多~2) 咖哩角$25 – 5隻 [評分4分 (5分滿分)] 餡料幾正~ 好香咖哩味~ 比飯個汁更濃更辣~ 略嫌個皮太硬, 唔夠鬆化~ 扣左d 分~3) 牛肉餅 $22 – 2個 [評分3.5分 (5分滿分)] 真係爆汁ga~ 不過唔算勁熱~ 牛亦唔係咁香肉味~ 皮亦硬左少少~ 不過整體都幾好食~3樣野都唔差~ 未食過絕對值得一試~不過無令我心郁郁想去食既衝動~!軒仔記總評分: 3.5分 (5分滿分)…Read More

經上次試過外賣初試牛餅之後, 我又心思思又想嚟食, 今日就帶埋大小公子嚟, 大公子年紀小小, 不知何解已喜歡吃辛辣食物, d口味都唔似我, 帶佢嚟食咖哩就啱晒合尺! 較好時間過了中午繁忙時段, 在門口等了一會就有位. 我們已經好肚餓了, 嗱嗱臨便柯打. 這裏有幾款套餐選擇, 我們揀了個二人套餐, 有我們想吃的... 麻油雞 - 吃落味道像沙薑雞, 重麻油味, 雞也很滑, 好正! 但太細碟了, 唔夠喉呀! 蒜蓉炒時菜 - 普普通通的炒菜, 時菜款式無得揀, 但都好新鮮! 咖哩羊腩 - 羊腩煮得超腍, 好正! 咖哩味不太辣, 但惹味! 送飯一流, 我地亦叫咗碗白飯添! 牛肉餅X2 - 在現場即食比外賣更熱辣辣, 勁爆汁! 另外加了份羊肉春卷, 春卷炸得金黃脆口, 但略嚴羊肉餡有些不足. 牛肉餅實在太好味, 我們又再追加了三件! 吃罷後埋單都唔駛兩舊, 好飽, 好滿足! …Read More

牛肉餅好多汁, 咬開之後熱辣辣, d 汁多到漏哂出黎, 而且有牛肉味, 非常好味! 必食! 仲見到個師傅整到唔停手, 好多人食, 台台食! 酸辣湯同出面既味道唔同, 普通啦, d 料都足夠 咖哩羊腩d 羊唔太好味, d 薯仔唔夠"林" 唔夠入味, 唔建議食, 可能其他咖哩食品會好味d因為2 個人所以唔駛等位, 如果多人就要等下喇, 不過我見都唔駛等好耐要注意佢隔離有一間同佢好似樣既食店, 未食過唔知有咩分別, 但因為見到li 間有人排所以先食, 大家要小心唔好去錯呀…Read More

2009年02月24日，16:00是日休假，太座到李基做牙齒檢查，完事後帶她一試這名店。下午四時，店內無客人。要了牛肉餅兩件、擔擔麵和羊腩飯。牛肉餅：不夠熱，依然爆汁，皮脆肉嫩，但而無驚喜。擔擔麵：賣相一般，嚇人紅油湯底(太座怕辣)，上面灑上點點蝦仁和榨菜；湯底味淡和有點花生醬，麵條口感一般，吸水力強。咖哩羊腩：羊腩夠腍和香羶；咖哩香而不會勁辣。(太座讚)看來吃肉餅要在午市，供不應求，包夠熱。擔擔麵，還是去新浦崗好了。…Read More

九月十四日(星期日)九龍城…我們已經講了數月要”開發”的地方…今日趁中秋佳節,要來一趟…而第一站我們選了位於龍崗道的清真牛肉館最出名莫過於牛肉餅,是出面較少見的食品,一放入口,冷不提防,內裡的醬汁即時噴出來,真是又熱又多汁呢!而牛肉的咸味適中,感覺幾新鮮,餅皮薄而鬆化咖哩羊腩,羊肉剛剛好,不太硬又不太林,而且羊羯味亦適中,口感相當鬆化,咖喱汁帶辣,好香濃牛肉豆腐卜粉絲煲,相對較清的一款,牛肉頗鬆較,而粉絲可能係我地叫了small size 的關係,份量較少,很快就吃光,不過粉絲著實不錯,幾爽口…而湯頗清甜…不過見到隔離個女仔吃咖哩羊肉粉絲煲,好似幾吸收…下次有機會再試三碟一共100元有找,吃得又滋味又飽飽的,好滿足的一餐!這裡的style有點兒令人想起AMC(即澳洲牛奶公司),又是不斷有人在門外排隊,但turnover很快,而且一枱會有很多”圍”人,各吃著不同的美食…還有這裡的上菜速度亦都很有效率…不過這裡的待應”姐姐”沒有逼著我們走…大家如果有興趣一試,記得book位,雖然去到都可能要等位,但卻可以好似我地咁合法地插隊…還有,在同一條街,有一間叫”北京”清真牛肉館,連招牌都一模一樣…大家要小心,暫時為止,清真牛肉館只此一間,沒有分店…大家要小心…不過聽講就快開分店…大家密切留意……Read More