ENSO

今日同老公去尖沙咀睇戲再晚餐，去左朋友介紹既居酒屋試下，本身見到門口擔心入面位置會比較逼，但入到去發現位置都幾寬敞，估唔到門口細細入面座位都幾舒服。本身想點朋友推介嘅明太子玉子燒同明太子蝦冷烏冬，但係咁啱明太子賣晒唯有試吓其他餐廳嘅推介。蟹柳蟹籽玉子燒 : 🌟🌟🌟🌟🌟好足料，勁多蟹籽超開心。食落王子口感好甜好滑。鐵板香草牛油帆立貝 ：🌟🌟🌟🌟本身點嘅時候擔心會太油，但係牛油味好香食落口感唔會太油。帶子都軟熟。和風紫菜魷魚鬚 ： 🌟🌟🌟🌟🌟🌟新鮮炸既，上枱嘅時候熱辣辣。炸到表面非常之脆口，但魷魚就好軟身一啲都唔會韌。每一啖都有紫菜嘅味道，推！蒜香牛柳粒黑醬油炒飯 ： 🌟🌟🌟🌟🌟見到係餐廳人氣推介就試一試。牛肉味都算濃，而且牛肉雖然切粒粒，但係唔會韌食落口感都OK。值得一提係飯嘅醬油味好香，但又唔會太鹹。整體嚟講我覺得呢間居酒屋好啱同朋友去摸吓酒杯底傾吓心事，下次一定會再去試佢嘅明太子。…Read More

原來尖沙咀嘅韓國街附近有間高質居酒屋！採用木系裝修，餐具配襯好有心思，係令人舒服嘅用餐環境，好適合同朋友飯聚/淺酌！和風紫菜魷魚鬚 $88- 份量多，做佐酒小食一流- 魷魚鬚唔會韌，輕易咬得斷- 炸粉唔會太厚，食到紫菜味自選燒鳥串燒 (3款) $108- 揀咗雞肉、三角雞軟骨串、免治雞肉棒- 雞肉唔會柴，最欣賞免治雞肉棒，口感彈牙- 價錢方面三串嚟講有少少貴🤏🏿明太子玉子燒 $72- 微甜- 好軟綿綿，口感一流明太子蟹籽蝦冷烏冬 $118- 配料有3隻大蝦，蟹籽份量適中- 欣賞餐廳選擇用嚟入饌嘅烏冬，口感煙韌，絕對唔係嗰啲cheap cheap烏冬成口麵粉- 份量都幾飽肚白桃梳打 $48- 正常發揮，唔會太甜- 冇化學藥水味，而且唔會化學元素表咁嘅色，感覺比較天然值得一提呢間餐廳服務態度非常好，已經好少可喺香港地會遇到啲咁主動serve顧客嘅餐廳🥹職員見我哋就嚟食完會主動提供牙籤，仲主動refill配魷魚鬚嘅沙律醬添🫶🏿嚟呢度食飯絕對唔駛受氣～推！…Read More

門外留有些少神秘感🫣點知一入到去已經係勁有氣氛😍店舖雖小但五臟俱全，眼前見到嘅係各種不同嘅酒品🍶如果我屋企有個角落係咁嘅真係開心死🫢環境氣氛令我覺得如果有一班人係度飲飲食食吹水，一定會不醉無歸🤭➷🪐 芥末八爪魚好喜歡佢滲出嚟嗰種芥末香，唔會係食壽司時好攻鼻嗰種😌每次見到有都會忍唔住嗌嚟食😆爽口之餘亦係開胃嘅選擇👍🏼佢嘅份量唔少，可以慢慢食🤪§🪐 和風紫菜魷魚鬚要佐酒，離不開各式各樣嘅炸物🍤揀咗個大人細路都鍾意食嘅魷魚鬚🦑新鮮即炸，香脆可口😋粉漿唔會做得太厚，內裏仲夾住紫菜香，多一番風味🤩§🪐 自選燒鳥串食串燒亦少不得呢嗰鳥類自選組合🐔嗌咗雞皮、三角雞胸軟骨、月見汁免治雞肉棒呢三款😍串燒燒至金黃色帶點微焦香😶‍🌫️調味上亦都恰到好處👍🏼特別鍾意食佢個雞胸軟骨，好有咬口🤤§🪐 明太子玉子燒面頭佈滿木魚碎同明太子醬，非常惹味😋切開內裡見到一層層滑嘟嘟嘅玉子🤩味道偏向咸身少少🤏🏼但如果飲咗酒食又會好啲，口味可以食得重啲！§🪐 日式鰻魚炒飯呢個炒飯真係完全夠晒味😍整碟炒飯，粒粒都有鰻魚嘅醬汁黏住，基本上每一口都食到鰻魚香👍🏼而且仲有好多鰻魚肉伴隨住，認真吸引😋➷有過百款酒品俾你揀😍手工啤、sake、梅酒等等睇到花多眼亂，就算朋友唔啱飲酒，一樣有無酒精飲品提供🍹有無朋友想同我哋黎飲返杯開心吓🤤➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼 9️⃣🌟…Read More