B LANK IZAKAYA

今日同朋友黎到兆康景峰呢間留白居酒屋，去到門口已經見到佈置非常精緻，內籠充滿日式休閒愜意風格。係呢個冬天寒冷既季節，坐係BAR枱近門口既位置，感受住涼風以及日曬既餘暉，非常寫意、舒服。我地分別點左份和風牛肉飯同埋日式滑蛋吉列豬扒飯，隨飯伴上沙律與味增湯，味增湯非常足料，唔會太鹹，新鮮味美，呢一點有驚喜！到主菜，牛肉飯方面，肥牛好新鮮，肉質好香，咬入口唔會太硬，用料睇得出係有心思揀過，烹調手法有下過功夫；吉列豬扒外皮異常爽脆，少量燒汁既點綴恰到好處，出奇地夾，意想不到地揉合出豐富既化學反應！埋單八十蚊以內，性價比頗高，好快會再番黎再食過！…Read More

Lunch同同事去左紅橋食飯附近都好多野食今次就去左呢間留白居酒屋開係樓梯口格離店面細細間留白係指希望你係一張白紙寫住自己既故事地毯幾特意店主被迫營業餐廳都幾的色得一排bar檯頭頂掛左唔少杯既裝飾午市就有六種定食提供晚市就係串燒單點菜式每一份定食都有跟前菜有味噌湯同沙律同事點既吉列海老定食擺盤都幾靚仔一共有五條炸蝦係幾豐富我就係和風牛肉飯而家吉野家唔食得都算係個幾好既替代品而且牛肉仲幾厚身最後係追加既炸魚手指呢份炸得幾靚又唔係會油淋淋午市無加一三樣加埋188七八十蚊個定食都唔算話太貴合理價錢小店bar檯亦都有居酒屋氣氛值得再戰…Read More

今日經開屯門，見到有間日式居酒屋好似幾特別咁就入去試吓。入到去感覺舒適親切，有少少家庭式嘅感覺。由於唔係好肚餓，就叫咗少少嘢試吓：和風牛肉丼 $70牛肉肉質都算柔嫩，值得一讚嘅係個牛肉汁幾好味，牛肉味香濃清甜，配上日本珍珠米，簡直最佳配搭😋叫左2串串燒，燒汁雞肉 $34 肉汁豐富，燒出嚟炭味香濃。而醬燒豬舌 $32 肉質好「林」，好味過牛舌❤️蒜蓉牛油北寄貝 $68北寄貝夠新鮮，鮮味可口，不過略嫌蒜蓉太多，有少少遮左本身嘅鮮味。燒粟米 $22出奇地店舖用咗日本粟米，超甜好好食，加上用牛油燒過，帶出咗粟米嘅香味👍🏻而且咬落去多汁，燒得啱啱好🥰唐楊墨魚咀 $58墨魚咀炸得鬆脆，入面肉質彈牙，口感充滿層次。配上沙律醬，忍唔住係咁食😍整體來講呢間居酒屋食物質素偏高，不過份量較少，經過開嘅可以黎試吓😊…Read More