Yo Roll (新文華中心) (Closed)

路經尖東時，見到這個仿歌舞伎町牌坊的紅色閃燈招牌，原來是一間日式卷物專門店 Yo Roll。小店主打外賣，不設座位，餐牌種類繁多，供應卷物、手卷、刺身、丼飯等等。加州手卷及炸蝦手卷只是 $15，定價親民，即點即製讓紫菜保持輕脆的口感。富士卷 $68卷物以甘香微酸的赤醋飯製成，飯粒黏度恰到好處，表面灑上木魚絲，緊緊捲著鰻魚、牛油果、蔥，伴以鰻魚醬及蛋黃醬，層次感豐富。櫻花卷 $48卷物飯粒握得緊密，軟硬適中，夾起來不易散開，內有薑片、白蘿蔔、紅蘿蔔、沙律菜和紫蘇葉，全素口味開胃輕盈。和風牛肉丼 $40丼飯份量十足，牛肉肉質細嫩不過韌，配上和風醬汁，相當好下飯。

自從轉咗工之後都好忙好忙😢，周不時要OT，同同事開夜唯有去買咗晚餐先繼續開工。我午餐時份已經有留意過「Yo Roll」呢間外賣小店，皆因佢開住好響亮嘅音樂🎤，留下深刻印象。午餐唔想屈喺Office食外賣，所以未幫襯過，但夜晚想快手做埋啲嘢就另計。小店主打日式美食，例如有多款手卷、壽司、同卷物🍣，而佢亦有提供少量便當。食物即叫即整，保證新鮮，而且佢製作速度快，合乎外賣店應有嘅條件🥡，唔使擔心👍。忍者卷Ninja Roll($78)，卷物有十款選擇，款款都好吸引，加上佢同手卷差唔多價錢，感覺比較抵食🙈。呢款卷物主要由炸軟殼蟹、黑魚籽、黑松露蛋黃醬、牛油果同青瓜所組成，成個組合食好夾。醬汁微微酸令佢好惹味，而軟殼蟹肉則外脆內軟🦀，加埋爆汁魚籽一齊食，口感好正。蒲燒鰻魚丼Grilled Eel Don($88/大)，🐟鰻魚飯有兩種Size揀，唔知份量差幾遠，但大呢盒就好足料呢。鰻魚有八大件，夾夾埋埋可能有成大半條，而且魚肉夠厚，唔係得層皮。同時，鰻魚汁味香而不膩，再配埋蛋絲食🍳，每啖都好豐富。和風牛肉丼Beef Sukiyaki Don($40)，牛丼同想像中唔同，因為佢係大碗飯🍚，而唔係餐牌

回想返以前大學經常會黎到尖東一帶,今日重回舊地見到舊有既餐廳都仲係到,亦開左一d新既餐廳！經過見到呢間充滿日本祭典風既日式飯卷店好似好吸引而且款式又多就決定買返屋企試下！和風牛肉丼和風定食便當有沙律,前菜,主食 及米飯.和風牛肉唔會太肥膩,肥牛片肥瘦均勻而且肉質唔會過乾.配上和甜既牛肉汁又帶點牛脂香相當惹味得黎又唔會過鹹膩.配上飽滿又煙韌既珍珠米好十飯.蒲燒鰻魚丼 (大)鰻魚份量多而且魚身上既醬汁厚實包裹住鰻魚,味道甜而不膩.鰻魚肉質細緻而且香滑,入口啖啖肉又帶點炭燒香得黎肥美.鰻魚上灑上黑白芝麻為鰻魚增添脆口感及芝麻香.底下白飯上帶點雞蛋絲及鰻魚汁今米飯更香甜美味.武士卷壽司醋飯用上赤醋,令壽司飯味道更醇更香.內裏既拖羅蓉香軟甘甜,加上爽脆既香蔥碎令味道更鮮更有層次感.赤醋飯上同樣加上黑白芝麻令味道更香.