Dai Mon Yokocho (Shantung Street)

夜晚同朋友喺旺角行到有啲肚餓，黎到呢間大門橫丁😋餐廳外周既裝飾好似日本嘅居酒屋，咁啱我哋九點幾先去到，唔使等位就入到去啦😍首先講咗呢個和風炒牛肉溫泉蛋撈手打烏冬 (7/10)先，佢嘅醬汁非常濃郁，溫泉蛋汁流入去連埋烏冬一齊食，真係淡淡都係幸福嘅滋味🥰牛肉亦都唔會太老。唯一就係份量唔算太多，女性朋友仔食完都話唔係太飽🙈 個燒雞扒蕃茄烏冬 (7.5/10) 個人覺得幾出色！個番茄湯唔會太甜或者太鹹，balance做得幾好。再加埋佢塊燒鳥嘅外皮做得幾脆，所以都幾好食😋可惜嘅係裏面嘅侍應服務態度就麻麻哋啦😔😔我哋見到佢落錯單同佢講返聲，但係就冇乜禮貌咁回應😖😖希望呢方面可以改善一下。…查看更多

上次經過已經想食 今次就排一下隊吧 店外有零星的客人在等 我與友人等了大概10分鐘就行了 大家也是吃飽便走 不適合聊天《和風炒牛肉溫泉蛋撈手打烏冬》未吃先看已夠吸引 圓潤的溫泉蛋 滿滿的牛肉 先說牛肉吧 濃濃的醬油味 肉質有咬口 烏冬爽口彈牙 撈蛋汁一齊吃 加分 看起來不多 但吃光光已經足夠飽了《吉列蠔芝士湯手打烏冬》蠔偏小隻 吃下去 炸皮酥脆 很香口 建議分兩口吃 才吃到蠔 烏冬方面可能保持放於熱鍋中 所以一直都出煙 比干烏冬更軟 湯的味道是忌廉湯 並不是芝士湯底 但整體都不錯 還有溏心蛋《燒棉花糖香蕉》再來這當甜品 可惜棉花糖燃燒過剩 更空氣感 只剩下少少奶泡的感覺😅這店鋪性價比高 每人一百有找 便滿載而歸了…查看更多

成日喺旺角經過麥花臣球場都會見到依間掛哂紅色大燈籠嘅舖🏮但次次都真係淨經過😂今次終於的起心肝入去食呢間烏冬專門店💁🏻‍♀️👓和風炒牛肉溫泉蛋撈手打烏冬 $74小編純粹見到餐牌張相好吸引又寫住熱門所以就叫🙆🏻‍♀️採用咗讚歧手打烏冬，烏冬果然好煙靭彈牙，。牛肉淋上和風汁燒汁，呢個配搭好平常係絕配，但估唔到撈烏冬又幾好食喎。面頭再淋上大量蔥花和一隻流心溫泉蛋非常吸睛，色香味俱全👍🏻由於撈烏冬已經有燒汁伴底所以唔會太乾身，小編覺得唔使督穿隻蛋可以直接原隻放入口😚評分：8/10👓特選大門蕃茄濃湯手打烏冬 $78見好多人都大讚番茄湯，湯底都算濃，不過烏冬唔夠入味。有兩塊叉燒丶豬軟骨、半隻糖心蛋，乜餸都有夠豐富。評分：7/10👓極上牛肉手打烏冬 配鮮蕃茄湯 $78牛肉普普通通正常冇太大特別。如果以同樣湯底同烏冬同價錢來講，特選大門餸比較多款會好啲。評分：6.5/10 👓日本迷你甜薯串燒 $25好普通，無外脆內軟。評分：5/10總括：位置又方便，會再返兜幫襯😳…查看更多