Uchi Days and Meals (Closed)

今日目標是來這裡吃個悠閒午餐加下午茶。1點多來到，排隊已經大概排第8，心想可能要等午飯時段過後才會入座。不過原來入面都頗多位置，大概15分鐘已經排到，而且可以選榻榻米位置，還是沙發位置。因為榻榻米位置感覺寬闊些，所以立刻就脫鞋上座。其實榻榻米不是榻榻米，是木質地台上面小木台加Cushion。再加上旁邊是玻璃屋的設計，整體感覺更加特別和悠閒。餐牌都很吸引，叫了一個和風漢堡定食，唐揚雞，公園沙拉。這個Set是我之後再來肯定會考慮的。因為各樣都好好食。只有沙律是普通。唐揚炸雞就不太好，因為吃下去發覺雞肉只有一半… 但味道是很好的。公園沙拉是另一半叫的，我自己的Set都有菜所以我沒有吃。但是他說是普通沙律。因為坐這裡很舒服，所以很快就再叫甜品和飲品。Double Espresso正常。這個木糠焙茶窩夫很推薦！感覺上是小小的一個窩夫，但是配合著雪糕和Cream就變得剛剛好。大滿足！…Read More

對上一次黎屋子已經係三年前既事，不知不覺間都開埋第三間分店，香港小店既發展真係好值得大家期待。不得不說，個人覺得屋子既熟食出色過甜點，價錢同份量都成正比，就算同男性朋友黎都唔驚食唔飽。今次叫左和風漢堡丼定食配木謹野莓果茶。要讚下漢堡肉質好柔軟同juicy，日式醬汁配飯食一流。果茶唔落糖飲都有天然既酸甜味，好岩夏天飲，夠晒清涼。甜點叫左日式紫薯焦糖布丁同竹炭黑芝麻戚風蛋糕。紫薯焦糖布丁雞蛋味重，入口幼滑，但同紫薯好似唔太夾，兩者味道溝唔埋，分開食可能好d。竹炭黑芝麻戚風蛋糕有驚喜，甜度岩岩好，食落有陣陣既黑芝麻香味係口中，加上有少少黑芝麻碎，口感一流。蘸埋輕身既cream食意外地唔膩，平時唔食cream既我都忍唔住蘸蛋糕食。店內風格簡約，到處都係打卡位，而且座位同座位之間都唔算貼近，可以同朋友係度輕鬆地食下野傾下計慢活一下。題外話，走個陣先見到依件鹽烤抹茶富士山蛋糕好可愛^_^…Read More

咁遠由港島黎到馬鐵嘅盡頭，就係為左試哩間屋子cafe 我同我男朋友一直想試，但係就一直嫌遠，最後襯週年紀念過黎一趟。星期二夜晚都算多人，不過唔洗排隊，本身想坐近落地玻璃嘅日式榻榻米，但返完工比較攰，揀左坐大沙發真係好似係屋企攤咁，好舒服。食物方面，我地叫左和風漢堡定食同鮭魚泡飯。定食比平時嘅包含更多配菜 - 白飯，沙律，麵豉湯，海草，薯蓉，同一杯飲品。日式漢堡扒好綿密，薯蓉撈埋蛋黃醬超creamy，沙律有紅腰豆青瓜生菜粟米，杯蘋果茶夠凍，清清地亦唔錯。至於鮭魚泡飯，係令我驚喜嘅！黎到超級大碗，有一舊wasabi痴住係碗邊勁搞笑。裡面有泡飯嘅調味料，粟米，海帶，鮭魚好肥美！唔係平時碎晒咁，係幾大塊完整鮭魚！湯底亦唔錯，唔會好重味精，好適合暖胃嘅comfort food。小食方面，我地叫左和平餃子，一共有5隻。新鮮煎出黎熱辣辣，餃子皮一d都唔硬唔乾，豬肉餡料帶有微微嘅薑味。最有心思係個餃子汁，係特調過加左七味粉，令味道更有層次！最後當然要食哩度主打嘅甜品！我地揀左佢地嘅皇牌 - 燕麥榛子梳乎厘，因為即叫即做，所以要等20分鐘。甜品黎到勁香！梳乎厘甜度剛好，質感軟綿綿，超好味！！！仲有好多燕麥碎鋪滿雲尼拿雪糕，燕麥味道好香，應該係special blend，好似granola咁，真係超級超級讚份量好足料，係好比心機用心做嘅甜品，我一定會再返黎試佢其他菜式同甜品！…Read More

屋子生活一聽個名就令人感覺到舒適店內慢活既節奏伴隨柔和的光線投入心內，成個人放鬆哂都一d唔浮誇！地理位置係烏溪沙站旁，如果去完西貢玩一day，撘99出返黎食個dinner都咪話唔寫意！相信最吸晴就係巨型落地玻璃同張榻榻米平時好天氣，室外光線充足而又不會太猛樓底極高既食店係香港少有坐耐左仲會以為去左台灣🛫這次點了關東牛肉定食牛肉薄但嫩滑，唔會韌！甜甜的汁配上底部的冬粉，非常惹味！配埋飯食又得！另外，仲叫左個和風漢堡定食同樣醬汁偏甜，我個人喜歡整穿蛋黃連漢堡食，特別滋味！配上一啖飯，簡直係大大滿足！個薯仔沙津又好好食最後忍不住叫左個甜品，香草梳乎厘意想不到配有香草雪糕，好開心其實份量好多，有涼拌有沙津，又有飲品(凍飲+3)麵豉湯又絕不hea，有豆腐同菇仔！加埋甜品才每人130$，絕對性價比高這裡的食物調味帶甜令人食落舒服，感覺幸福而且店員都很有善令人進餐時都覺好似係家一樣隨心隨意隨性，正就算黎飲杯野睇下店內提供的書都幾慢活！ (推薦這本書，很有趣😆👍🏻)…Read More

經朋友介紹 來至此商場找到這餐廳 位置就在商場下層 非常易找 入到餐廳 樓底高 感覺不焗促 餐廳內有一大窗戶 很開揚的景觀 座位不多 坐得不會太迫 有不同位可以選擇 菜單用上一張可以對摺紙 簡單環保 今日叫了兩個定食 和風漢堡及迷你鰻魚飯 味道很好 份量也剛剛好 之後叫了兩客甜品 芒果千層㙮 味道fresh 另一款 小倉抹茶窩夫 賣相很精緻 味道好吃 不算太甜 店內本身有出自家手工蛋糕 可惜無試！這𥚃除了吃飯外 平時入嚟飲嘢睇書感覺都好舒服 星期一至五還有下午茶供應…Read More

屋子系列分為咖啡篇同生活篇 屋子咖啡係大圍 屋子生活就係遠離烏溪沙迎海薈入面馬鞍山店比大圍店地方大好多 樓底高 特大落地玻璃窗 空間感好高 空間感好大落地玻璃窗前榻榻米  影相一流 人變得chill 唔單止眼睛寫意 野食都唔差 少少日本定食feel和風漢堡定食-包餐飲 $89漢堡一隻手掌大 算厚身幾Juicy 裡面基本係全肉 無其他料 上面有隻煎糖心蛋配埋似懷舊薯仔沙律 就無甘膩食晒成個定食都好飽下豚角煮定食-包餐飲 $89方型既豚肉 味道似慢煮一樣 肉質算juicy 幾入味又淋 醬汁算濃 味道剛好 滿足~不過如果多將舊豚肉會較好 真文青 偽文青 都要去享受下慢活吧！…Read More

今日同朋友專登坐車入烏溪沙迎海薈商場「屋子生活」午膳，山長水遠由大圍轉馬鐵到尾站想必定有吸引我朋友地方，陳設同環境都非常舒適加上這裡樓底高故空間感十足，年青服務員更是非常有活力有幹勁門口好別緻，有一番心思就連餐牌都什具特色店內擺設有藝術氣息秋葵鮮蔬沙拉配芝麻汁 $69清爽可口炎炎夏日最消暑午餐日式芝士年糕 $39單是賣相已非常吸睛，味道外脆內軟芝士同年糕是絕配食材和風漢堡定食和風口味，漢堡扒上蓋隻太陽蛋，旁邊係薯蓉沙律抺綠奶茶…Read More

兩年前來過之後 一直都好想再嚟 上星期終於有機會再嚟喇 心𥚃一直充滿期待😍😍去到即刻有位又係好好彩不用等位 哈哈✌🏽是次點了和風漢堡定食 食物好快上枱 先講前菜 白蘿蔔 平時我不喜歡吃的 今次吃了兩塊 覺得都幾好味 好淋又無咩蘿蔔個種生味 可以接受 面鼓湯 味道適中 不過鹹又不過淡 平時我又不太喜歡飲面鼓湯嘅 但哩個又okay喎😆☺️白飯係珍珠米 再配上茶漬 好軟熟又好彈牙 至於漢堡 有少少過熟 但都可接受 個漢堡扒上面有隻煎蛋 感覺上好似有點不太搭 不過隻蛋係半生熟 可以撈飯🍳🍚 餐飲係杏桃茶 我覺得係伏 飲左一啖唔想飲 不過係自己嗌嘅就儘量飲啦😐😐即使好飽 都堅持要點個甜品 佢就係蘋果金寶撻喇 即叫即整架 要等25分鐘 等咁耐都係值得嘅 賣相好靚😍😍金寶撻好脆好香 入面啲蘋果蓉都好入味 再配上抹茶雪糕🍵🍨好味到不得了 雪糕唔會好快溶 仲好有抹茶味 真係要推介哩個甜品…Read More

趁住放大假去睇下樓，個屋苑真係超靚又夠靜，"屋子生活"就係嚮屋苑裡面個商場cafe樓底好高，最入面有個落地玻璃望到出面個景，亦有日式矮檯連榻榻米，太陽光輕輕地滲入餐廳，微微的溫暖，好岩帶小朋友既食客坐(記得著襪呀，要除鞋嫁，你都吾想隔離食客小腳仔既香味慢慢地飄過來ya😂衛生d好d)餐廳既木檯放置疏落，吾會有壓迫感😉我叫左和風漢堡定食，漢堡既醬汁酸味味令我不斷想食呀食🙊白飯上既紫菜同芝麻咸咸地，令我想添飯囉😂總括黎講，有景睇有溫暖既陽光又有榻榻米坐又冇人趕你走又價錢合理，我一定會再黎👍…Read More

馬鞍山★屋子生活上次紅日黎到排長龍白行一趟，今次醒目仔搵日平日黎嘆下星期三1點左右黎到好多空位，梗係揀對住落地玻璃既榻榻米位 hee! 除埋對鞋坐，真係好似自己屋企咁 間餐廳既環境真係好舒服，空間大樓底高夠開揚，仲有牆上面可愛既繪畫/擺設做裝飾，好鐘意搵食時間，Menu更新左好似成本小學單行簿咁好得意，食物種類都比大圍既屋子咖啡多。本身同朋友仔諗住share個定食&烏冬，不過原來得定食先包味增湯＆家常配菜＆茶品（蘋果茶/杏桃茶/抹綠奶茶/薑茶），都係嗌２個定食happy d- 關西牛肉定食（$89）*味增湯：味濃，內有少量豆腐粒/昆布/菇。*家常配菜： 黑木耳加左麻油同少量白芝麻調味，爽口。**關西牛肉：牛肉煮到好林，吸晒個汁甜甜地既味道，送飯食一流！牛肉既底下竟然有好多水晶粉，唔係彈牙果種不過好滑shu一聲就食左*白飯: 面頭加左d配料就咁食都幾好味~不過ｄ米好似唔係日本珍珠米?- 和風漢堡定食（$89）:*家常配菜：螺肉青瓜，同平時食開既差唔多。**和風漢堡：其實上枱果下有d surprised，見佢叫漢堡一直以係hamburger有包夾住果種，原來係日式漢堡扒，哈哈蠢左。好彩佢既賣相都好吸引，上面隻震騰騰既蛋黃哥煎得勁靚 hee～漢堡扒用牛肉加左洋蔥等配料整成，入味得黎夠juicy，無論係點上面甜甜地既燒汁定係蛋黃醬都好味道嫁呢。又一道送飯好菜- 茶品（前抹綠奶茶，後蘋果茶）：抹綠奶茶奶味重，只有微微既抹茶香。哈。。傾傾下計又口痕都係忍唔住要點番個招牌窩夫品嚐下！- 栗子窩夫（$42）:嘩嘩嘩！成座山既栗子真係令人心動手動切開發現原來內有乾坤，又香又濃既栗子蓉包住冰凍既雲呢嗱雪糕，一齊食正好中和番足料栗子蓉既飽滯感窩夫外脆內軟，成個水泡咁好得意~~貪心人說：如果大份ｄ就好啦～哈哈！…..不知不覺竟然由1點坐到4點半，真係快樂不知時日過~哈哈哈:)埋單$242/2ppl。建議搵日忙裡偷閑係唔洗排隊唔洗限時既平日黎幫襯，好好享受美好生活!…Read More