JYU BEI

久未吃過的壽喜燒，心癮一起立即到日本餐廳用餐。店內都是吧枱形式的坐位，正好讓食客看著廚師烹煮，感覺好專業。這個名為「兵之膳」的午餐，已包括刺身、蒸物、壽喜燒及甜品，相當豐盛。刺身三點乃是帶子、拖羅和油甘魚，全都鮮美不已，油甘魚尤其出色，魚油不斷游蕩於口腔之中，比拖羅更勝一籌！茶碗蒸的蛋水滑近乎豆腐花，高湯美味非凡，差不多每一口都吃到三文魚籽！關西風的壽喜燒乃先將牛肉放在鍋裡以牛油煎香，繼而以醬油、糖跟高湯調味，以突出牛肉的原味，餐廳就清清楚楚地在食客跟前演繹出來！燒好的牛舌芯的配搭有生洋蔥、生日本蔥、微辣醬及柚子汁等，先被牛舌的嚼勁攻陷之後，緊隨酸香的蔥，超級可口！接著的美國肉眼，細嫩到入口即溶，混入日本蛋佐飯，又香又滑。而和牛西冷的牛味更進一步，享受到極點！壓軸的炒烏冬，吸盡了鍋內牛肉的精華，能夠延伸這份美味。至於舞茸菇清湯真的非常清，一滴油也沒有，竟然是用來解膩的！最後的抹茶雪糕食到抹茶香氣，甘而不澀，完美的句號！店員於客人面前即席烹煮之餘，每道菜式皆附詳細介紹，十分貼心的服務。…Read More

對於呢一餐的評價好高，除咗食物的質素，仲有服務和價錢，都會令我想再去一次。是次用餐係星期六的中午，我地叫咗兵之膳，比其他午餐豐富，價錢只是$468，包刺身三點、茶碗蒸、關西壽喜燒（有鹽煎牛舌、二選一：精選和牛肉眼或精選和牛西冷、時令野菜四點、三選一：美國熟成肉眼或日本黑豚西冷片或惠比壽雞腿肉、御飯或烏冬、舞茸菇清湯和是日甜品。兵之膳係一個相對原整的日式壽喜燒體驗。由於我地兩個人樣樣肉都想試下，猶豫不決嘅時候，店員好主動同我地講，可以share，煮好之後可以將啲肉一開二❤️如是者，我地除咗三選一的惠比壽雞腿肉無食到之外，樣樣都試到，仲食到每一款牛的分別。除此之外，都好開心遇到招待我地的店員，佢對每一款肉都好熟悉，可以清楚同我地講解佢地的分別同特質。而控制火候都好好，做到我地要的五成熟，調味方面，煮烏冬的時候可以㨂濃味同淡味，先試味，如果覺得太濃，可以要求淡味d，店員會調味，表現非常貼心❤️刺身三點 - 帶子、拖羅、深海池魚茶碗蒸鹽煎牛舌 - 配上蔥花同柚子醋，感覺清新和牛肉眼 - 油脂分布比較多，重油脂香，比較軟熟和牛西冷 - 肉味比較濃，口感比肉眼結實時令野菜四點美國熟成肉眼 - 21日熟成，帶鹹味，肉味濃烏冬是日甜品 - 水信玄餅…Read More

關東sukiyaki食得多，關西壽喜燒呢？香港有嘅，不過唔多，今次近近哋試吓銅鑼灣呢間壽兵衛先Deluxe Wagyu Set ($980)最好係全日一個menu，晏晝食多啲，仲有成個下晝夜晚去消化前菜三點係北海道白粟米、磯煮鮑魚及水雲水母；集鮮甜煙韌酸甜於一身刺身三點有白身魚、帆立貝及拖羅海膽和牛他他平時好少食牛肉他他，不過呢個比較特別，上面有黑魚子、海膽、鵪鶉蛋及最底有雪梨粒，撈埋一齊食真係冇咁膩㗎！墨魚汁八爪魚仔三文魚子蒸蛋個名長到差啲撈亂晒，第一次食黑色嘅蒸蛋，食落有鹹香，好特別！熟成西冷配赤雞蛋食，唔洗煮得太熟，入口超級滑溜牛舌係牛舌芯，加咗洋蔥柚子酸汁，上面再加淡雪鹽、辣椒蘿蔔茸、蔥粒及蒜片。超級爽口，有入口即溶口感！和牛西冷睇住大廚先煎煎食材，再加sukiyaki汁，味道偏甜，南瓜好入味，牛肉一入口係會融化㗎！菜有本身已經好甜嘅洋蔥、黃芽白及冬菇最後再食西冷，今次加咗日本春菊菜，有啲似中式嘅皇帝菜仲有紫心蘿蔔、豆腐、芋絲及青蘋果，吸晒所有牛肉汁枝豆蟹肉黑松露釜飯有無限三文魚子任加，其實食到呢道菜已經好飽，不過個飯真係好正，勁香黑松露味最後終有湯及甜品，真係飽到今晚都唔洗食飯呀！…Read More