Wagyu Yakiniku Ichiro (MCP CENTRAL)

E Course $598D-F Course都可以有120分鐘任食，可以慢慢享受靚牛 。落左單唔駛急住叫野食，會上頭盤先 。🔸是日黑毛和牛精選🔸黑毛和牛六款盛合（三角腹肉，里脊肉，肩胛肉，牛肋條，一口牛，肉眼）🔸和牛西冷西冷會有店員幫手代燒，個人最鐘意三角腹肉，美麗既油花，口感夠嫩 。鐘意食海鮮既，可以簡海鮮盛合做頭盤，有原隻魷魚筒、青口、蝦 。生牛拖羅刺身充滿油花，對少食牛刺身既我黎講，口感幾肥美同特別 。特上牛舌棒推薦，肉質厚實多汁，夠Q彈有嚼勁 。炙燒壽喜燒壽司上碟後，店員會即時火炙，燒既時候，油脂既香氣撲鼻，之後淋壽喜燒汁，好正👍特選拌生牛肉本身已調好味，入口軟滑既口感幾特別 。自助吧有飲品、甜品同自製一郎飯 。D-F Course有梅酒、清酒🍶、啤酒任飲，搵職員落單就ok啦 ，我地剩係飲左清酒，幾醇同易入口 。…Read More

同朋友寶琳附近飯聚，揀左呢個和牛燒肉放題，有4款餐可以揀，今次揀左C 餐，有黑毛和牛西冷1塊，多款和牛同幾款海鮮任食，都係598一位，今次要全力開動喇！一坐底店員就準備好和牛寶箱，舟盛合，桶盛合上枱，之後想encore 可以再手機落單，一次過放哂上枱真係嘩嘩聲，盛況空前。和牛寶箱係黑毛和牛西冷，油花平均，誘人嘅粉紅色，由店員主理燒烤，保證肉質保持鮮嫩多汁，鬆化甘香，油脂香咀裡爆發。舟盛合係各種海鮮，虎蝦，海蝦，廣島蠔，帆立貝，同鮑魚，新鮮厚肉彈牙，另外仲有加蒜蓉牛油或者黑松露牛油嘅大蝦，味道更加香口，鍾意食海鮮嘅一定滿意。桶盛合係各式招牌肉類，個人比較喜歡牛腹肉，肉質條理分明，嫩中帶咬勁，肉味濃，其次喜歡薄切牛舌，燒得脆脆地，牛舌味好香。呢度仲有牛肉刺身供應，韓式生伴牛肉就相當有驚喜，加入蛋黃，醬油，蔥花，令牛肉絲更嫩滑，一口氣就食哂成碟了。牛刺身壽司用上嘅牛肉好嫩滑，完全無筋，值得一試。值得一讚嘅係呢度有多款自制醬汁可以order, 而且各具特色，有洋蔥汁，比較似韓式嘅洋蔥醬汁，鹽蔥汁，特別適合搭配雞肉，味噌汁，配搭豚肉就最啱，最喜歡的是咖哩汁，日式咖哩口味，點牛肉或者豚五花都係好夾，令味道更上一個層次，想配返碗白飯添呀！食咁多肉，一定要加配一些涼伴蔬菜，泡菜同涼伴菠菜就最啱，微辣爽口，平衡一下油膩熱氣感。飲品有多款自制嘅混合果汁，試左美人果茶，有菠蘿同橙香，微甜帶茶香，滿意。另外熱飲有桂花烏龍茶包，味道唔錯。甜品有好多款日本雪條，好似煉奶紅豆，鯛魚燒，鹿兒島白熊雪條，海鹽荔枝，角10棒，唔係平時食開個d 口味，好新奇，但食唔落咁多，試左鯛魚燒，威化皮入面有雲呢拿雪糕，朱古力脆皮同紅豆蓉餡，相當有層次，好食。每位食放題嘅客人都可以免費玩1次自動棉花糖機，揀好款式就會即場整一支花式棉花糖出黎，留低香甜嘅回憶，大人小朋友都會好開心。…Read More

細路考完試, 家長無頭痕; 加上月初, 要放縱一下, 到附近商場食燒肉.     個人覺得 : 放題的價格和肉質, 大都成正比例.  要保證嚐到靚肉, 會選擇價格中等或以上的系列.    而套餐中D系列, 附送多款<每枱一客>的ITEM, 又舟又寶箱又盛合又天梯, 包含多個部份的肉類. 自己有選擇困難症, 如果可以一次享用多個部位, 無需為點餐而煩惱, 是好事!   通常<每枱只得一客>的ITEM, 必定是最靚的肉.  再對比一般日式燒烤餐館散點和牛的價格, 這套餐D放題較抵食.    平日晚上, 客人不多. 我倆在卡位就座. 有烤肉店既定的高腳夾子, 圍裙, 餐巾, 濕紙巾外, 還提供黑椒&粉紅岩鹽呢!   下單後, 先到自助區取飲品. 桂花烏龍茶 消滯無糖, 夠健康.   職員提示 : 先以牛脂在烤網上來回掃一掃, 可避免痴網. 主角<每枱一客>來了!    是日寶箱 ~ 和牛西冷 W/金箔    以寶箱呈上, 附有金箔, 感覺馬上UP GRADE左. 上枱後, 職員主動幫忙烹調西冷.  放在網上燒一下, 炙一炙, 血水剛必出來就可以翻轉. 無需20秒就完成2面炙的過程了. 職員還為我倆分切和牛西冷呢! 小米再為西冷灑上黑椒和紛紅岩鹽.    輕炙過的薄身和牛西冷透著淡粉紅色, 脆身卻帶著微微的甜味. 這是首次嚐到這種質感的和牛呀!              CHATEAUBRIAND夏多布里昂   傳說中的腰內肉TENDERLOIN, 比RIB-EYE CAP更美味, 更鬆化的部位; 一隻牛只得2條的夢幻牛扒, 今天終於遇上了!  以肉質為主, 脂肪不多的CHATEAUBRIAND, 不能過熟, 但自己難以掌握火喉, 唯有依賴職員幫忙.  六面煎封, 令TENDERLOIN呈現2層色澤, 外層啡紅有硬身口感, 而中間粉紅則很有肉味.  最重要是, 無需太多牙力就可以享用呢! 沾上牛油GRAVY, 正!         天梯  層層和牛的天梯, 排得靚, 打咭一流!        和牛西冷 SIRLOIN   就是剛才金箔和牛西冷的厚切版, 厚身就要多燒一段時間. 口感較軟, 不脆身.        和牛里脊肉  LOIN     白色油花平均分佈, 容易辨認, 間中會出現半透明的筋位            和牛肋肉 SHORT RIBS    跟和牛里脊肉一樣薄薄一片的紋理相似, 但没有筋, 白色脂肪呈直線, 大小不一.            和牛肋條 RIB FINGERS   都是RIB的部位, 變為條條, 較厚身, 即係要燒耐DD.  舟盛合=牛里脊, 牛肋肉, 牛肋條, 海鮮, 豬, 雞    桶盛合=牛里脊, 牛肋肉, 雞&豬, 下方有乾冰, 冒出白煙來!   極上花盛合没有標識, 估計是牛西冷,牛里脊,牛肋肉,豬肉    白飯    放題食白飯, 表面看來唔抵!  可是自己食和牛, 還是喜歡來一碗白飯. 白飯跟和牛一起享用時, 咬呀咬, 可延長停留在味蕾的時間=延長享用和牛的時間  更重要是 : 此店的飯是使用日本產米呢!  香甜軟滑!不是東北肥仔珍珠米扮日本貨.     香蔥海苔溫泉蛋拌飯   小米也是飯桶一名, 堅持要點這個紫菜飯.  幸好紫菜飯變為小碗, 不會佔太多空間.   發現餐牌有生牛拖羅刺身, 不能錯過這款刺身.  就把粉紅色刺身夾著白飯一同享用, 由白飯帶出牛拖羅的油香吧!      牛肉角切   另外點了和牛牛肉角切 和普通的牛肉角切, 2者在烤網上並列, 單看外表就能分辨出來!   還點了極上厚切牛舌, 兩色蔥花牛舌, 壽喜燒壽司, 生菜包, 還有其他炸物熟食.          今晚都是肉肉肉, 真係好放縱. 但跟燒肉店散點的和牛相比, 一個價格嚐到和牛多個部位, 而且品質有保證, 計落係抵D!  最後來一杯烏龍茶幫助消化吧! …Read More