Air Fresh (Closed)

去開旺角太子呢邊，怎可少得掃街，原來太子弼街呢一邊都有好多小食店，見到呢間舖頭餐牌幾吸引，價錢又唔太貴，就買外賣試吓🤤估唔到餐牌選擇都幾多，最吸引係有唔同國家出名嘅嘢食可以揀❤️鰻魚炒飯~睇到餐牌個價錢只需要$50 ，一開始都諗緊會唔會好細分，點知買完外賣返我屋企食發現足足有3-4碗飯嘅份量，絕不孤寒🤤而且鰻魚份量也不失禮，啖啖都食到鰻魚，經過炭燒並且切成小塊有少許入口即溶的感覺🤤而且每粒飯都沾滿了醬汁，粒粒飽滿而且味道亦夠香濃~和牛粒粒~和牛粒嘅份量意想不到的多，而且新鮮炒起，每粒都能鎖住肉汁，味道咬落juicy，而且肉質亦不韌，部份牛肉連著筋位比較爽脆彈牙~檸檬果茶~夏日炎炎最適合飲番杯果茶消下暑，果茶份量夠大杯，而且可以揀唔同生果，我就揀咗檸檬，有少少酸味夠醒胃，不過略嫌比較甜，減少糖嘅份量應該會更不錯~…查看更多

星期六下午嘅旺角終於有返啲人氣，去個朋友屋企前買定啲小食上去，一落火車天橋就見到呢間新開嘅小食店，店員落力派傳單介紹，食店個名叫做投鮮食(頭先食)🤣，讀起上嚟先覺哈哈，食哂字。熱情女店員介紹而家係下午茶時間，飯都有細size，或者可點小食拼盤，可以揀3款小食，每樣1件。由於我去個朋友屋企計埋自己有成4個人，所以無要拼盤，散叫啱啲。其實最吸引我係呢到嘅小食有燒鰻魚($30)，好抵，有成4舊，即係差唔多半條，而且仲有啲蔬菜🥦🥕係底添，意想不到，滿意👍。和牛粒粒🐮($30)亦係另一推介之選，因為份量多，有好多粒，而且竟然做到每一粒都肉嫩😋，Juicy又唔肥，同樣亦係有蔬菜係底。另外，叫咗3款炸物，包括北海道原隻炸帶子($30)、吉列炸蝦($30)同埋吉列炸蟹鉗($25)。3樣中炸帶子最出色，因為大大粒同埋係真帶子，口感正，有3隻！至於炸蝦🦐同蟹鉗🦀就分別有4隻同3隻，但就相對無咩特別，蟹鉗似魚蛋多啲🙈，出面都食到類似呢2款的。不過全部勝在熱辣辣即炸，同唔太油。我自己就叫咗杯嘢飲，凍雙重朱古力粗沙🍫($35)，都好大杯下，夠哂凍，朱古力味好濃同埋唔太甜。但留意返佢唔係好沙冰嗰種冰感。總括嚟講，呢間新開小食店都唔錯，做外賣為主，但都有幾張櫈俾人坐低等。食物即整唔算等好耐，我認為和牛粒粒同燒鰻魚係出色，好味得嚟份量多，性價比高😉，而且唔係到到都有賣。如果可以賣多幾款呢類特色嘢，我估有機會可以做排隊店。…查看更多

經過太子見到新開的食店，主要做外賣的，有午餐、下午茶、晚餐，今晚我就揀左個好豐富的$90晚餐。套餐有主食、3款小食及飲品，主食有雞扒、和牛、鰻魚以供選擇。小食有7款可選，而今晚仲有新款小食，就係蟹蓋，所以menu內未印出來，要食可以向食店查詢。玻璃窗展示可看到部份小食，相當吸引。我先點餐，再付款，拿著收據等待取食物，過程都簡單流暢，新店做得幾好，乾淨整齊，服務貼心。大約5分鐘就可以取餐，包裝得整潔，主食一盒，小食一盒。賣相好靚，主食的份量夠大，2個女仔share都得，小食份量剛好，和牛粒仲熱辣辣，油光閃亮。原條日本蒲燒鰻魚好長好大條，肥美肉厚，肉質嫩滑有魚脂甘香，燒汁微甜增加食慾，加上蟹籽提鮮，味道濃郁，配飯一流。最正係有好多新鮮蔬菜，平衡飲食，有甘筍仔、西蘭花及椰菜花，份量比例多，且煮得保持咬口，爽脆帶甜，令食完整個鰻魚飯也不膩。小食我揀了北海道原隻吉列炸蝦、和牛粒粒、新品的蟹蓋。炸蝦的確好脆卜卜，但較油，而且蝦肉較細隻，食完有點膩。焗釀蟹蓋餡料滿滿，焗得金黃香口，有蟹肉、薯粒及蔬菜……又香又美味。和牛粒粒好香，牛脂溶化口中，而和牛粒粒咬落爆肉汁，亦較有咬口的，味道幾好。食店推介的牛奶抹茶幼沙，味道真係超好，冇介紹錯。有濃濃牛奶抹茶味，兩者比例剛剛好，而且打成幼滑沙冰，夠凍之外，仲有幼滑口感，飲到尾個味都冇變淡。位置近旺角火車站，剛好近我坐的巴士站，所以好方便，買完直接坐車回家。…查看更多