Pancake Senmon

去開百德新街行街時經過，俾呢間木質日系風裝修嘅門面成功吸引到，原來呢度有間食pancake嘅專門店，見啲甜品賣相唔錯就入左去試下🤭-🍔和牛漢堡班戟 / $168以pancake來做漢堡，塊原味pancake超級鬆軟！果然係pancake專門😋好吃！和牛漢堡非常香牛味超級Juicy 🐮配上黃金薯餅車打芝士同埋生菜，新食感非常特別😋非常推薦這個咸食pancake burger～-🗻焙茶；抹茶富士山 / $56飲品嘅分層非常美～先飲最上層嘅泡沫感受茶香，然後再攪勻佢飲又會係另一種口感🥛-🍓粉紅花園 / $168超級吸睛的一款甜品呀！上台時超級有儀式感～甜品分為兩層～上層為日式厚忌廉&燉蛋💛下層係日式草莓雪糕配香檳寒天🥂超級濃嘅香檳味～很特別的一款甜品👍🏻佢哋仲有好多其他種類嘅甜品例如拿破崙,日式大福等等～每款甜品賣相都非常吸引呢😍…Read More

以和式木系風格為設計主調的pancake senmon，光是店面設計已立即讓人聯想到日式的喫茶屋，店內偏橙色調的燈光、木質牆身、仿楓樹擺置及小園景，均為餐廳增添了一份秋日氣息，彷彿置身秋季的日式庭園內，好不寫意。餐廳的裝飾亦十分可愛，不論是掛簾、畫作、擺設，甚至是餐具，都不難找到貓咪的踪影。整體感覺舒適之餘，亦感受到店家在細節上的心思。Pancake Senmon主打無麩質的日式pancake，因此對麥類製品敏感的客人也可以享用。餐廳同時提供採用日本空運食材的各種輕食，而且選擇亦不少。店內座位寬敞舒適，更貼心地提供了籃子供客人放置隨身物品，感覺很適合與朋友相約一同用餐、度過休閑的週末時光。推介和牛漢堡班戟 HKD168漢堡以甜甜的pancake替代麵包，配上厚實多汁的和牛以及香脆的薯餅，比想像中更搭松露香燒帶子意粉 HKD128帶子頗厚身、松露醬香氣十足，意粉亦足夠彈牙，整體來說頗不錯的抹茶富士山 HKD48飲品採用了400次咖啡的做法，以厚厚的抹茶奶蓋配上鮮奶，口感十分綿密順滑，味道亦不會過甜…Read More

📍 Pancake 專門 Pancake Senmon📍 銅鑼灣 𝗖𝗮𝘂𝘀𝗲𝘄𝗮𝘆 𝗕𝗮𝘆 • 百德新街57號海華大廈地下B號舖〔 Follow me on instagram @sikbaobaola ! ^^ 〕-A cute little shop specializing in Japanese desserts, especially fluffy pancakes and their take on Mont Blanc! Mont Blanc cake is traditionally made with meringue, whipped cream with chestnut vermicelli on top. Here they put together a slice of pancake, a scoop of ice cream, whipped cream with vermicelli cream in your choice of flavor! Their "vermicelli" is made from a multi-nozzle piping machine so the cream can be piped thinly and evenly.The [ Dark chocolate Mont Blanc pancake ] that we had was so rich in dark chocolate flavor as well as so instagrammable! Not to be missed when you're here. Just not the typical kind of Mont Blanc! Mains and drinks are good-looking and delicious as well.-(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)=位於銅鑼灣百德新街的《Pancake Senmon》是一家主打班戟甜點的日式食店當中以〔Mont Blanc pancake〕最受歡迎！除了甜點，還有不少和式主食-店子裝潢帶日式京都和風木系風格，令人感覺舒適-Homemade Wagyu burger pancake ($168)和牛漢堡班戟好創新的漢堡配搭，用上兩層原味班戟包裹和牛漢堡扒、芝士、黃金薯餅、生菜等材料〔原味班戟〕厚厚的兩件，帶空氣感，所以不會太有負擔感〔和牛漢堡扒〕好厚的一件，入口juicy！還搭上又熱又脆的〔黃金薯餅〕，超滿足❤️•Truffle grilled scallop w/ udon ($138)松露香燒帶子 配 烏冬和風輕食系列其中之一的〔松露香燒帶子〕會配上餐湯、沙拉、熱茶可以選配意大利麵或烏冬意大利麵可能會更搭，但烏冬也好好吃啊入口滑順，也夠掛汁帶子彈牙嫩口•Dark chocolate Mont Blanc ($158)黑巧克力蒙布朗店名為「Pancake專門店」，班戟當然是這裡的招牌菜打卡度爆分的〔Mont Blanc pancake〕由班戟、雪糕、一條條的奶油條蓉組成是次點了黑巧克力班戟、配搭巧克力雪糕、配搭黑巧克力條蓉一上桌已經聞到濃郁的巧克力香氣，入口更甚🍫在黑巧克力擠醬的苦澀味道下，裡面的比利時巧克力雪糕跟巧克力班戟味道都不太突出是一道越吃越膩的甜點，一定要跟朋友分享！🧑‍🤝‍🧑•Tiramisu coffee ($42)提拉米蘇咖啡Matcha Fujisan ($48)抹茶富士山兩杯飲品賣相都好美，而且味道好喝〔提拉米蘇咖啡〕在咖啡上放上一條手指餅打卡度十足之餘，還可以把手指餅蘸上咖啡後進食，真的有在吃提拉米蘇的感覺！〔抹茶富士山〕的抹茶奶蓋是數年前好紅的「400次奶蓋」，口感順滑、味道超濃郁就這樣喝的話，可以嚐到奶蓋和鮮奶兩種層次的味道攪拌過後，就跟抹茶拿鐵一樣啦💚-…Read More

【銅鑼灣】Pancake 專門早排去完旅行返嚟，個心仲好掛住日本，今日專誠到訪呢間位於百德新街嘅日式班戟店，延續我嘅日本之夢。🤭餐廳嘅門面設置咗一個日式小庭園，裏面嘅用餐區裝修簡潔，牆身模仿和室設計，望落非常舒服同高級。🤩呢度佈置咗好多細緻位，例如 好有質感嘅餐牌、靚靚用餐墊、富士山水杯 等，營造出置身於日本嘅感覺。☺️😍🤤✨以下為我的必點推介！✨🤤✨焙茶/抹茶富士山 店員建議先品嚐「400次」奶蓋，然後再攪拌飲用。奶蓋十分濃厚，茶味濃郁不澀👍🏻。攪拌均勻後更香滑，茶同奶味平衡。☺️✨和牛漢堡班戟用原味班戟代替漢堡包，想食鹹食又想食班戟的話，呢款能一次滿足兩個願望😋。班戟口感軟綿，單食都唔會寡。漢堡扒厚身而且juicy，爆出嚟嘅肉汁再比班戟同生菜吸返。👍🏻👍🏻✨Mont Blanc 班戟呢款白朗峰班戟可自由配搭口味，我揀咗 ～和栗口味+朱古力班戟+焙茶雪糕～ 栗子蓉超軟滑，味道香濃。中間有一層甜忌廉、雪糕，底部係班戟。焙茶同朱古力各有獨特嘅烘焙風味，整體甜度剛好不膩，諗唔到點配搭嘅朋友可以考慮吓呢個必勝組合🤩。✨Pancake 專門📍銅鑼灣百德新街57號海華大廈地下B號舖…Read More

超有日本feel既pancake專門店🇯🇵 啲擺設都好精緻好有日本特色🤍 好似真係置身係日本咁🥹 打開menu，所有野食賣相都好吸引，好多野都想叫😍 佢哋既食材都係日本空運，而且pancake賣相好特別，Mont Blanc系列好吸睛😍 好有特色，好適合影相打卡📸🔸🥞和牛漢堡班戟 $158Pancake係必須要嗌的🥹 但係又想食啲鹹嘢🤣 呢個和牛漢堡班戟好獨特，裏面仲配搭咗金文畢芝士、車打芝士同薯餅，餡料豐富🤩 pancake真係好疏乎😍和牛好juicy😋夾埋一齊食真係好正🤤 🇯🇵和風輕食系列：松露香燒帶子 $128包括餐湯🥣、沙律🥗、主菜、茶🍵個set其實都幾豐富🤩 湯係用粟米蓉整🌽，濃濃既粟米香味🤤 帶子煎得微焦，配埋松露忌廉汁意粉，超creamy😋 茶具非常精緻，好打卡able🤣🗻抹茶富士山 $48🗻焙茶富士山 $48好吸睛，賣相好靚✨ 奶蓋好濃，非常稠厚🥹 係400次手打奶蓋，做到好細滑🥹 店員suggest我哋先試吓上面既奶蓋，再攪拌20吓，飲落口感非常順滑，奶味都幾出🤤 好有心思，而且好好飲！推介🤍 個人鍾意焙茶多過抹茶😆🫶🏻…Read More

𝟘𝟠.𝟙𝟙.𝟚𝟘𝟚𝟚📌Pancake 專門 (銅鑼灣)銅鑼灣百德新街57號海華大廈地下B號舖🔎#hkfoodieat_銅鑼灣 💸人均消費: $150-200🌿評分: 4/5🈶加一服務費餐廳分類🔖 #hkfoodieat日本菜🎏 #hkfoodieat_cafe☕️偶然遇到呢間店舖就入咗去試吓🙌🏻呢間店舖嘅地理位置都算幾方便👻佢正正係位於食街對面嘅地舖✨餐廳嘅和風裝修非常別緻令人感覺非常悠閒放鬆🎍𐂂和牛漢堡班戟 ($158) 店舖主打嘅班戟非常軟熟🥞和牛漢堡扒上面有些許芝士醬作為調味🧀和牛食落非常有牛肉香而且夠厚💗配搭埋下面煎得非常香脆嘅炸薯餅令口感更加豐富🥳漢堡嘅生菜中和翻漢堡扒同薯餅嘅油膩感🥬漢堡上面有隻幾別緻蝴蝶做裝飾(原來食得的😹)份量對於男仔嚟講都足夠😗隨餐會附送湯同沙律🥗個人幾鍾意佢個胡麻醬沙律🧡𐂂日式雜錦便當 ($128) 呢個便當係佢哋嘅輕食系列之一🍱開蓋之後便當仲係冒緊煙的🎃玉子燒調味適中而且蛋味好重🍳炸雞非常香脆可口同埋內裡非常之熱🔥啲雞肉好嫩好多汁🐥蟹柳都好大條同結實🦀最正係個芝士牛肉漢堡扒😻牛肉味幾重之餘中間仲有邪惡嘅流心芝士😈飯嘅份量唔算多但因為配料好足所以食完會好飽🫢惟一美中不足嘅係啲飯唔係太夠醬汁同埋偏淋😢𐂂抹茶富士山 ($48)呢個係餐廳嘅招牌飲品🍵店員推介飲法係要先飲一啖啲表層嘅手打抹茶忌廉🥰然後再攪勻將忌廉同下面嘅鮮奶融合😌抹茶味好濃郁而且有回甘🥹即使同鮮奶融合之後都保留到抹茶嘅香 味同濃度🌷𐂂柚子物語 ($42)其實係柚子梳打嚟🪴飲落唔會太甜不過柚子蜜味都幾岀幾濃🌻啲冰溶咗之後仍然有柚子蜜嘅甜味…Read More

/Pancake Senmon 🇭🇰/#sa銅鑼灣篇 #sa甜品篇 ➖➖➖<百德新街和風cafe 甜品店🍰>➖➖➖近排繼續發掘唔同甜品店臨近冬天又係栗子季🌰之前見佢個栗子蒙布朗幾吸引 就去試下～ 除咗蒙布朗都有其他甜品例如pancake / 拿破崙😆 都有主食、小食供應🫶🏻適逢蟹季 想食蟹粉丼、蟹粉烏冬都有幾鍾意佢室內環境設計 感覺都好日系🎎➖➖➖1️⃣和栗mont blanc 班戟 $148 🌟可以自選pancake 同雪糕口味 另外除咗栗子蒙布朗班戟其實都有其他口味包括紫薯同黑朱古力～ 班戟揀左朱古力味 雪糕就要左焙茶味 栗子蓉幼滑 稍甜少少🤘🏻班戟可可味幾濃郁 都夠鬆軟 有啲似蛋糕質感焙茶味再濃啲就好！ ➖➖➖2️⃣和牛漢堡班戟$158 賣相同平日burger 差唔多😆😆好相似中間夾住和牛漢堡扒同薯餅 和牛漢堡扒質感較軟腍 都幾多肉汁 肉味正常～ 幾鍾意塊薯餅 夠香脆🫶🏻班戟都夠鬆軟 算厚身 蛋香未算好突出 不過個人唔太鍾意生菜+ 茄汁🤣反而伴碟沙律配麻醬不錯👌🏻 ➖➖➖3️⃣焙茶富士山 $48 🌟類似400次咖啡嘅概念🫶🏻整體質感幼滑 焙茶濃度適中層奶蓋都幾稠身 建議先飲左一啖焙茶奶蓋 再搞勻連鮮奶一齊飲😆➖➖➖4️⃣Matcha latte $42 入口帶海苔味 都飲到微微嘅甘苦味飲到底會有少少粉粒沉澱～ ➖➖➖📍Pancake Senmon …Read More

餐廳主打無麩質日式甜同鹹pancake☺ 除此之外亦提供多款輕食同特色飲品😜 裝修以木為主，行和式風格，彷彿去咗轉日本旅行呀🇯🇵 地點方便之餘價錢亦都算合理，非常適合同閨蜜過嚟打卡吹水～ 🌰 和栗Mont Blanc班戟超級打卡able嘅甜品🥰 栗子蓉堆到成座山咁好壯觀呀🤩 味道香滑，入口即化，有啲似雪花咁！中間有層忌廉，甜度適中，帶點奶香味🥛配上濃濃嘅焙茶雪糕，係幸福嘅感覺呀😳 底層就選擇咗原味嘅班戟口味🧈 口感鬆軟同時散發着濃厚嘅蛋香味😇 冷熱交集，十分推介🤩🍔 和牛漢堡班戟鹹味班戟都係第一次試😌 口感鬆軟帶點彈性，濕度適中唔會好乾而且味道係偏牛油香味，都幾特別😙 搭配厚身爆汁嘅漢堡扒，脆脆薯餅同新鮮嘅生菜，口感豐富，超級邪惡😜⛰️ 焙茶富士山表層嘅奶蓋係以手工發打400次嘅方式製作而成🍵 焙茶味十分香濃，質感濃稠，口感綿密，入口順滑😝 下面用上特濃嘅日本牛奶，攪拌後多咗份奶香味😍 整體比例啱啱好而且飲完一啲都唔膩，焙茶控必試！☕️ 雪波茶店員介紹呢個係一種南非嘅紅茶而且冇咖啡因😌 整體味道較清新，飲完仲有啲回甘味添！…Read More

主打無麩質日式Pancake，食材由日本🇯🇵空運到港，無論甜或鹹嘅Pancake都有，仲有好多款主食同輕食～餐廳行日式和風格調，裝修以木為主，好啱同朋友靜靜地傾偈同打卡❣️和牛漢堡班戟⭐️⭐️⭐️甜品同鹹點混合而完全冇違和感，班戟鬆軟富芝士香，和牛漢堡扒充滿牛肉味同肉汁，配合黃金薯餅、生菜同芝士醬一齊食，味道新穎得嚟又好夾～雪花牛日式燒汁丼飯⭐️⭐️⭐️雪花牛質素水準之上，有牛味濃郁，用嘅係日本珍珠米，份量其實好充足夠飽，但略嫌Presentation唔夠靚，而且容器太大，顯得份量較細。抹茶富士山⭐️⭐️⭐️⭐️⭐️必點飲品之一❣️建議先飲一啖抹茶奶蓋，再攪勻飲，可以一次過試到兩種風味～以人手打發嘅抹茶奶蓋非常出色，抹茶味超香濃，配搭特濃日本牛奶簡直冇得輸😋富士山造型嘅玻璃杯玩味十足，加上抹茶牛奶嘅漸層好出，就形成咗一個綠色嘅富士山，味道同外形都好掂！焙茶富士山⭐️⭐️⭐️⭐️焙茶奶蓋同樣以手工打發，所以會飲到香濃嘅煎茶味，比抹茶富士山多一種層次，混合特濃日本牛奶一樣好好飲～…Read More

最近唔少地方都食到日式𝙋𝙖𝙣𝙘𝙖𝙠𝙚🥞🍴今次嚟到依間日系風嘅餐廳，除咗有𝙋𝙖𝙣𝙘𝙖𝙠𝙚同埋甜品外，都有意粉同漢堡類🍝🍔！今次分別食咗鹹甜班戟各一款🥰味道整體都唔錯，不過可能因為喺銅鑼灣區 而且餐廳走相對日系路線 所以性價比有啲唔值🫣～.① 抹茶蕨餅班戟($118)// 抹茶茶香幾濃🍵～班戟幾鬆軟而且唔會太乾✨抹茶蕨餅口感軟QQ幾好食！配埋雲呢嗱雪糕都唔錯 打卡靚又無伏🤪//𝙁𝙤𝙤𝙙：🌕🌕🌕🌕🌕🌘② 和牛漢堡班戟 ($158)// 鹹味配搭的班戟偏牛油香濃🧈！班戟同樣好鬆軟而且濕潤度適中～漢堡扒切開好𝙟𝙪𝙞𝙘𝙮爆曬汁，不過食落就還好，同班戟一齊食恰恰好可以互補口感🙈！//𝙁𝙤𝙤𝙙：🌕🌕🌕🌕🌕🌑③ 焙茶富士山 ($48)// 茶控又鐘意打卡嘅推薦叫富士山系列🗻漸層美美噠～♥︎分別有抹茶同焙茶富士山🍵表層焙茶香濃 質感濃稠🤏🏻記住一家要攪勻先好飲喔♪⸜(๑ ॑꒳ ॑๑)⸝♪✰//𝙁𝙤𝙤𝙙：🌕🌕🌕🌕🌕🌘④ 柚子物語 ($42).🥞Pancake 專門 (銅鑼灣)銅鑼灣百德新街57號海華大廈地下B號舖🍮 #aiiifoodie#aiiifoodie_causewaybay #aiiifoodie_銅鑼灣…Read More

其實去cafe，唔一定要專登請假去嘅，趁啲人去晒食晚餐，反道而行，放工一樣有位食嘅呢間日式pancake專門店，有勁多唔同種類嘅pancake食，太令人興奮喇Mocha味嘅pancake比較少見，仲要係黑mocha，果然唔會太甜mocha忌廉完全遮蓋好綿身嘅pancake，佈滿一粒粒嘅黑朱古力，加上上面嘅黑朱古力雪糕，大胃嘅心就似忌廉一樣溶化了除咗甜食，仲有鹹食，以pancake製成漢堡包，食法出奇，但絕唔違和夾住又厚又香濃嘅和牛漢堡，芝士提升咗味道嘅級數加上兩塊香口薯餅，同普通漢堡有得揮叫得富士山嘅飲品，通常都係得個樣，但呢間好足料，奶味茶味都好突出上面係400次奶蓋，先試幾啖，再攪勻，一杯已經飲到幾種口感…Read More

落大雨真係冇咩mood, 又想食d甜野開心下但又要食正餐，所以去左Pancake專門食晒Dinner + Dessert~ 裝修幾有日本feel, 仲有唔少貓貓擺設好過癮😻✨和牛漢堡班戟 - 好特別，我自己幾鐘意pancake做burger底面，加埋個和牛漢堡真心好食，又夠厚身，肉汁濃厚，仲要夾埋薯餅，超邪惡✨黑朱古力Mont Blanc班戟 - 係用左72% 黑朱古力整，啱晒鐘意朱古力又怕太甜嘅我😂我揀左抹茶pancake + 黑芝麻雪糕，意外地驚喜~✨焙茶富士山 - 本身已經夠吸睛，佢建議先隨面試一啖個焙茶味，之後先搞均佢，咁就可以品嚐晒兩種口感🤩 夠thick好正！✨菠蘿紅茶 - 酸酸甜甜，夠開胃，又解膩👍…Read More