Tsukada Shokudo (Closed)

餐廳有多種石燒、鍋物、御膳、和食及自助吧。料理款多非常多，足以在同一間餐廳滿足眾人的喜好。唯入座有限時，享用石燒或鍋物的人，時間會較為倉猝。(1) 和牛壽喜燒定食九州和牛肥瘦紋理相間，紅肉與脂肪的比例恰到好處。肉質緊緻嫩滑，味濃甘甜，充滿肉汁。地頭雞湯幼雞與走地雞長時間烹調，熬成啫喱狀的高湯。很快便融入壽喜燒之中，湯底變得溫和，甜中帶鮮。 定食有三款小菜料理，分別是：牛蒡沙律、波菜蒟蒻、以及醃酸瓜（依據個人喜好排名）。…Read More

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗農曆新年，好多屋企都鍾意去食中式酒樓，我屋企一向都唔算好傳統，開年飯就去咗食日本嘢。🍴和牛壽喜燒定食（$208）呢個係 menu 上面最貴嘅定食，鹿兒島和牛片油花均勻，湯底係地頭雞湯，配有日本雞蛋、一大碗蔬菜、白飯、3款前菜。和牛輕輕灼過就可以食得，肉味濃而且入口即化，好味！🍴銀鱈魚西京燒定食（$138）西京燒係用麵麴同甜白味噌醃製過之後再燒製嘅食物，銀鱈魚好厚肉，醃製得好好味，調味做得好好，夠味又唔會蓋過魚味，銀鱈魚好肥美有魚油香味，好嫩滑。呢個定食配有白飯、麵豉湯、3款前菜，而魚邊仲有多2款前菜（定係叫配菜呢？）。🍴安格斯小牛排定食（$138）定食跟埋燒爐自己燒，牛小排份量唔少，唔算太薄，食落非常爽口，好味！牛嘅質素對得住價錢！呢個定食配有白飯、麵豉湯、2款前菜（冇蒟蒻）。🍴安格斯牛小排及牛柳粒定食（$118）牛小排同牛柳粒各有5件，我哋用一個爐燒牛小排，用另一個爐燒牛柳粒，唔知係咪因為個爐冇燒過牛小排，爐面冇咩油份，一放牛柳粒上去，就即刻黐底，要用個夾加埋筷子先勉強可以翻轉，牛柳粒肉味比較濃，但同時相對比較嚡，對我嚟講，俾多$20 將5粒牛柳粒換埋做牛小排會開心D，可能我鍾意食爽口有油花嘅牛小排多D啦！關於燒爐小插曲，燒爐嘅助燃粒比較快燒完，除非 non stop 專注地係咁一燒完就食，極速鯨吞成個定食外，唔係的話，基本上個火中途一定會熄，要店員更換；如果坐梳化卡位，而個爐放得比較入嘅位置，就要梳化其中一邊嘅人行出嚟俾位個店員，先可以換到，而我哋因為牛柳粒燒到一個爐黐底，就將1碟半嘅牛小排集中一個爐燒，店員就要嚟換咗兩次助燃粒先燒得完。所以我建議，如果坐梳化卡位，而燒牛嘅，可能要將個爐放響較出嘅位置，等店員伸手就換到，或者餐廳方面考慮換一款比較燒得耐少少嘅助燃粒。餐廳另外可以加$20，享用飲品吧（8款凍飲，5款熱飲茶包 + 咖啡）、沙律吧（6款普通沙律配料加沙律菜）同甜品吧（2款小方格甜品），如果本身食飯都會叫飲品嘅，可能都幾抵，飲2杯已經值回票價，雖然沙律甜品方面就唔算精美。餐廳用餐時間限時75分鐘，所以一點咗餐之後，D 餐出得好快！我嘅體驗係，食廚房煮好嘅定食，或者人少少兩口子食飯，唔使講太多嘢，75分鐘會食得比較輕鬆；如果幾個朋友開心 share 咁食壽喜燒同燒肉，加埋出去攞吓嘢飲沙律甜品，就會比較難傾偈，成餐飯會感覺好忙。所以諗返起燒肉爐個助燃粒點解咁快燒完，可能餐廳根本唔係預客人慢慢燒嘅。我試咗4款比較貴嘅日式定食，水準都好高，下次會想嚟試普通幾十蚊嘅定食，睇吓係咪都咁好質素！不過，安格斯牛小排絕對係我想再 encore 嘅，因為唔係太貴又好食～☆ follow my IG @tracyloveliving ☆…Read More

將軍澳的塚田食堂同佢其他分店（農場）唔同，佢主打定食，而且佢有飲品及沙律自助吧。和牛🐮壽喜燒定食 $198佢本身會跟一碗珍珠米飯，不過我加左$10轉烏冬。上枱時，湯底係啫喱狀。利用電子爐既熱度熔化，變成一個壽喜燒湯底，幾特別湯底唔算好濃，味道適中，和牛油花分佈唔錯，入口口感好正，即使配壽喜燒湯底，都食到牛味。和牛漢堡扒定食 $128和牛漢堡扒煎得唔錯，唔會煎到肉質變「鞋」，而且每啖都食到肉汁。沙律🥗甜品及飲品🥤吧 $20相比其他分店，將軍澳店加$20就可以任飲同飲食沙律甜品，相對下CP值較高。我試左美人果茶同水蜜桃🍑果茶，個人比較鐘意水蜜桃果茶，好濃既水蜜桃香味，而且唔算太甜。美人果茶就像熱情果茶，甜了一點。沙律配菜選擇都唔錯，我地都食左3碗😆…Read More

將軍澳多商場，連帶餐廳都特別多，今次試咗一問聲名遠播嘅日本餐廳定食包咗前菜、味增湯、沙律等，沙律係薯仔沙律，口感綿細，間中食到粒粒薯仔，層次豐富上枱嘅時候，最吸睛嘅係外形好似布甸嘅固體雞湯，睇住熱力將佢溶化，唔使1分鐘，固體雞湯已經成為濃厚雞湯，由幼雞同走地雞嘅雞骨製而成，湯底越滾越濃稠，而且充滿骨膠原嘅黏性，認為真材實料！和牛薄身，雪花均勻且佈滿，肥瘦適中，皆因我哋都唔鍾意太肥，所以非常合我哋口味，蔬菜拼盤嘅色彩搭配得美輪美奐，例如有紅、黃椒各一塊、大葱兩段、菇類等，配襯出色彩繽紛嘅賣相，另一大優點就係易腍，同和牛一樣非常薄身，尤其係翠玉瓜，煮一陣就食得同和牛壽喜燒定食一樣，包咗前菜、味噌湯、沙律等，配料嘅溫泉蛋流心好吸引😍 蘿蔔口感同賣相一樣，好腍身另外加咗$22嗌照燒雞，肉質嫩滑，果然冇嗌錯😋除咗可以加配小食之外，亦可以選擇加$20享用飲品吧、沙律吧同埋甜品吧…Read More

又同朋友黎到塚田食堂，今次襯住近排天氣仲涼涼地，嗌左個和牛壽喜燒定食！壽喜燒湯底係超濃嘅雞骨湯，上菜嘅時候好似布甸咁，湯底味道甜甜地，和牛肉質都唔錯唔韌。除左和牛之外仲配有好多唔同種類既蔬菜！啲菜好新鮮沒有發黃，亦有京蔥呢啲壽喜燒必備嘅配料。呢個定食仲有溫泉蛋可以沾牛或者撈飯食，份量係岩岩好，正！另外仲可以加15蚊有自助salad bar，甜品同飲品，飲品種類都多有汽水，果汁，茶，咖啡，仲有小蛋糕。平時自助區甜品都係伏，但呢間嘅朱古力蛋糕好好味，好濃朱古力味！令飽肚嘅我哋想一食再食，但可惜拎完一轉之後就無哂了，下次再encore!…Read More

和牛壽喜燒定食 • HKD$178個定食都相當豐富，有多款漬物、蔬菜、溫泉蛋同埋A4和牛漬物黎講幾鍾意呢個醬油漬黃豆，甜甜地咸咸地，撈飯好味:)至於個壽喜燒湯底，一上嗰時係好得意，好似啫喱咁，係餐廳用幼雞同走地雞嘅雞骨熬成雞湯，再雪凍做啫喱隨住熱力升高，個啫喱慢慢會就溶左做湯～比起一般嘅壽喜燒汁更香同濃郁，而甜度就冇減到到主角和牛，花紋分布好靚要注意個牛係壽喜燒用，所以比較薄，洽一洽轉微粉紅色就可以食架喇如果洽太耐會老晒、嘥左架～和牛好淋同好入味，點埋附送嘅溫泉蛋更加正蛋漿好香，而且令到塊牛更滑d蔬菜掉落個湯煮一陣之後，都吸晒d湯汁，好入味好好食不過有d奇怪係會比左d平時壽喜燒比較少見嘅菜（芥蘭、車喱茄）…Read More