最近銅鑼灣嘅世貿中心經翻新後多左好多新餐廳進駐.望一望見到呢間神戶燒肉名店燒肉石田屋原來係香港開左!見到果下迅間燃燒左我對燒肉嘅渴救就入左去試下.餐廳內以灰木色伴上柔和暖光設計為主.餐廳內仲可以一邊欣賞到維港景色,一邊燒肉一邊望海好chill.石田屋沙律以清爽沙律菜伴上新鮮蕃茄及酸酸甜甜沙律醋汁,先開一開胃再去迎接燒肉.沙律上加入大量炸蒜令口感更香口.和牛海膽卷將薄切和牛片輕輕係網內炙燒已經食得!將海膽及三文魚籽再包住放入口,和牛脂香再配搭海膽及三文魚帶出濃郁鮮味,再加入紫蘇葉完全唔會覺得膩.特上厚切牛舌厚切牛舌雖然好厚身但加上細膩嘅切法令燒香後口感仍然爽脆彈牙,唔會因為過厚而變得過韌.入口帶住陣陣牛脂香,味帶回甘.神戶牛西冷帶住豐富油花,輕輕將兩邊燒成焦糖色已經食得!入口帶住濃厚油香,香而不膩.肉質香軟甘香.夏多布里昂選取牛肉中最嫩嘅部份,再將其厚切絕對係一隻牛內最寶藏級嘅位置.夏多布里昂肉質鮮嫩多汁而且牛脂香濃而不膩.燒香後肉質同樣保持香滑.牛板腱牛板腱肉質相對細嫩而且密佈油花,雖然牛板腱中間會有肉筋,但食起上黎帶出充滿彈性又唔過韌.肩胛肉肉質相對其他部位較有口感,而且肥瘦均勻嘅比例亦相對清爽無咁膩.雖然脂肪量無其他部位高,但入口同樣嫩香.牛小排大理石紋豐富而且分佈平均嘅牛小排含豐富油脂,肉質結實且鮮嫩,入口彈牙.燒香後外層香脆而內裏juicy.和牛三文治烘得香脆又嘅三文治麵包夾住煎香嘅和牛扒後吸收左牛扒嘅牛脂香,入口帶出雙重牛香.和牛香軟嫩腍,配上脆身嘅三文治,外脆內軟嘅口感超滿足.和牛冷麵食完咁多肉後當然食返碗涼浸浸嘅冷麵去解一解肉膩感.蒟蒻冷麵彈牙煙韌,入口冰涼清爽又唔會覺得heavy. 蔬菜湯一碗熱辣辣又不帶油膩感嘅蔬菜湯夠晒暖胃,同時蔬菜嘅清甜亦化膩左牛脂油膩感.蔬菜漬物食下燒肉嘅同時配上蔬菜漬物可以減輕一下肉膩感.…Read More
