MAEK JEOK

店內燈光昏暗，俾人一種型格帶點高貴嘅感覺，座位全部都係梳化，坐得幾舒服👍🏻店員每次上菜都會為客人介紹菜式，而且唔使驚自己燒得唔好食會浪費咗，因為會有專人燒肉，服務一流！🤩Hanwoo Feast ($680 pp)▻ 前菜以大小不一嘅酒紅色碟盛載多款韓式傳統前菜，包括芥菜、醃蘿蔔、銀魚仔、自家醃製泡菜、雜錦海鮮辣芽菜，泡菜味道唔太鹹醃製得不錯👍🏻仲可以無限refill！Appetizers▻ 季節沙律▻ 和牛生牛肉他他 配料有梨、青瓜、松子仁、泡菜碎、蒜蓉，好有韓式風味嘅生牛肉他他～成個感覺好fresh，比起外面西式他他，呢到嘅配料更細緻、更能將生和牛提鮮，撈埋隻生雞蛋入口超級滑溜，第一次試韓式他他超鍾意呀😍▻ 醬油盛合估唔到食燒肉都有醬油蝦食😍第一次喺香港食質素不錯，好有鮮味仲要爆蝦籽！醬油帶子都好鮮甜，正呀！Hanwoo Feast韓牛同大蘑菇、鮮菠蘿一齊成盤上好有氣派🌟仲有芝麻鹽、柚子辣醬作調味，但唔使點都好夠牛味！▻ 韓牛肉眼 呢款肉眼比較薄身，油脂分布比例平均，完全唔洗用力咬，容易入口👍🏻牛肉軟嫩之餘肉味仲好濃郁😍▻ 韓牛西冷 呢款西冷係最厚身、肉味最重的，咬落口感厚實，但又唔會好難咀嚼，中意肉感強烈嘅人唔好錯過！▻ 牛舌 呢款牛舌會食到2種唔同嘅口感同味道✨上半部位比較厚身彈牙、口感正啲😆但相對肉味無咁濃；下半部位就肉味重啲，但相對口感無咁爽彈、要點嚼勁🙈個人偏好厚身彈牙啲個部位，食落滿滿幸福感🥰Take It Easy Snack▻ 肉醬薯條年糕熱辣辣嘅肉醬滿滿的鋪喺面，撈埋薯條同年糕好惹味～Treasure of the Sea▻ 海鮮湯味道酸酸辣辣，可以減輕上面韓牛嘅油膩感，而且湯裏面嘅海鮮如蝦、魷魚等份量不少，一啖飯一啖湯好滋味😋Sweet▻ 是日精選甜品 - Lotus焦糖脆脆芝士蛋糕Lotus餅相信大家都唔會陌生，呢個芝士蛋糕用咗Lotus餅乾焦糖脆脆做夾層，充滿好香嘅牛油味😍芝士蛋糕入口順滑creamy😆整體係幾好食嘅，不過食到最後真係食得太飽了🤣DrinksSejong Jeju UDO Peanut Makgeollia ($108)見有花生味燒酒就嗌嚟試下，花生味道好突出，但又唔會太甜或者蓋過燒酒，好特別😍柚子檸檬梳打 ($45)甜度適中，加咗兩片西柚作點綴，配燒肉解渴一流！總結：由前菜、醬油蝦、到主角韓牛、最後甜品，係一頓超豐富嘅韓式盛宴🤩擺盤好精緻好靚，見到都心情大好～而且環境舒適，服務專業貼心真係好加分💗性價比好高！…Read More

早前約了朋友來這家吃晚飯，座位也預定了，結果因為颱風取消，實在很可惜。今晚終於有機會了，非常期待。因為大家對熟成牛十分熱愛，熟成燒肉還第一次。餐廳裝潢沈穩，以橙色和黑色為主調，燈光昏暗，氣氛還是不錯的。點了兩份廚師法辦套餐，有前菜、小吃、燒肉、主菜和甜品。🔻柚子蜜$32柚子蜜加入檸檬片，可以解膩。🔻荔枝梳打$42有荔枝果肉，喝起來很清爽。🔻 韓式前菜前菜有芽菜、小蟹、泡菜、蔥絲等，我最喜歡泡菜，醃得鹹甜適中，很美味。🔻和牛他他$215生牛肉加上生雞蛋和調味料，拌著吃，清爽的牛肉配上紫菜，口感煙韌，有嚼勁，味道很好。🔻原味厚切和牛羽下切$290肉的紋理非常漂亮，入口牛肉味道清爽，肉味濃郁。🔻生菜包及自家包飯醬🔻韓式蒸蛋熱呼呼一鍋，入口蛋味清香，口感輕透輕盈，不覺得有負擔。🔻自撰·朝鮮小品 店員介紹，我們從左上吃到右，最後才吃醃製肉。🔻熟成醬油牛肋骨牛肋骨經過蘋果醃製，很長一片，有一定厚度。入口牛肉香味非常突出，除了牛味，還有甜味，是一款濃味的出色肉。🔻和牛羽下肉這款和牛羽下肉較薄，入口油脂充沛，配蔬菜吃最好。🔻是日熟成牛肉這是28日風乾熟成牛，熟成牛肉非常厚大，又厚又實在，口感較實在，咬起來很有嚼勁，味道濃郁，油脂較少。🔻韓國五花肉五花肉入口非常香，配蔬菜吃正好。🔻大醬湯配飯大醬湯味道較香濃，喜歡重口味的我表示很喜歡。🔻甜品甜品是軟雪糕，清一清口腔。…Read More

何謂Dry Aged，乾式熟成的牛扒就好像芝士和紅酒一樣，經過陳存過程令肉質和味道變到更香濃。因為牛經過屠宰後的6至12小時內肉質會變成完全僵硬，熟成或者Dry Aged就能將牛本身所含的蛋白酵素發揮作用，逐漸崩解牛肉的膠原組織及肌肉纖維，令牛肉自然軟化並大大提高嫩口質感。今天我就來試韓式Dry Aged Steak，Steak Omakase ($380/位）韓式前菜 - 水泡菜、大葱沙律、芽菜和茄子韓式蒸蛋 - 韓式蒸蛋是用鍋上，熱辣辣的，頂部放上了蟹籽和蟹柳絲，跟蒸蛋一前食，特別甜這個set 可以自選一款Appetizer，我哋就揀咗和牛他他。他他肉質非常嫩滑，配上生雞蛋一起吃，特別滑，味道不錯。Steak Omakase分別有和牛羽下肉，是日熟成牛肉，韓國五花肉，熟成醬油牛肋骨熟成醬油牛肋骨是最入味的，柔軟嫩口生菜包及自家包飯醬 - 用來配五花肉一齊食，大大減少了油膩感平壤冷麵 - 食完好清新甜品 - 雪糕菜單…Read More

今日去了灣仔新鴻基中心一間餐廳「貊炙」食Lunch餐廳Menu有個 Steak Omakase $380 (每位) 好似幾吸引今日專程嚟試吓，Steak Omakase 套餐包括：1️⃣ 韓式前菜五小葉2️⃣ 生菜包及自家包飯醬3️⃣ 韓式蒸蛋4️⃣ 和牛他他5️⃣ Steak Omakase 和牛羽下肉、是日熟成牛肉、韓國五花肉、熟成醬油牛肋骨6️⃣ 平壤冷麵7️⃣ 甜品整體來講：餐廳服務唔錯，今次由職員負責幫手燒，比起平時自己燒，的確有明顯分別總數💰：$836 (點菜總數 $760 + 服務費 $76)…Read More

我同朋友不時會交流美食情報，佢向我推介灣仔有間新開嘅🇰🇷韓燒店「貊炙」好正，而且仲自設工場熟成牛扒。講到咁吸引，我就訂咗枱星期日晚試吓。餐廳位處於新鴻基中心，離地鐵站都有好一段距離。不過一到步就發現環境幾正，室內燈光偏暗，裝修型格😎。同時，呢度座位闊落，毫無油煙味。我哋入座無耐、仲未點餐之際，店員就為我哋送上各式前菜小食。我會形容係未出發先興奮，哈哈🤣！前菜有芽菜、泡菜、小白菜、水泡菜同埋辣醬脆蟹🦀，我最鍾意後者，酥脆香口。韓式蒸蛋，之前喺其他地方食過，所以大概知道係點樣。🥚蒸蛋如梳乎厘一樣，質感非常鬆軟，好得意。此外，蒸蛋鹹香十足，加埋蔥同蟹籽蟹柳一齊食好搭調。菜式選擇繁多，幸好佢有提供套餐，大大減輕我哋嘅煩惱👍。我哋揀咗承惠每人$380嘅Steak Omakase Selected Cuts Set，肉類項目Set好咗，不過前菜同主食就有得揀。肉類拼盤包括四款肉肉🥩：是日熟成牛肉、熟成醬油牛肋骨、和牛羽下肉以及韓國五花肉。每款肉個樣都幾靚，食落亦覺肉味濃郁。🦴牛肋骨超大塊，可以剪成好多件。佢哋全部都醃咗味或者本身夠味，所以唔使沾汁食都OK。和牛三角($280)，店員推介我哋必食和牛三角，佢話我哋會一試難忘。無錯，價錢真係令人難忘，成$70一塊好貴啊🙈。不過味道堅係出色，和牛嘅油脂果然與別不同，每啖食落都好多汁。題外話，燒烤爐嘅火力夠猛，受熱位平均🔥，所以啲肉燒得好靚，唔會燒乾或變老。套餐包一款自撰朝鮮小品，六選一，我哋要咗價值最高嘅和牛他他🐮。他他賣相精緻，生牛肉肉質軟嫩無筋，配埋生蛋、紫菜、秋葵、蒜粒同雪梨絲一齊食，味道層次豐富。熟成雪濃湯，套餐已經夠多嘢食，估唔到仲包一份主食。我哋要咗牛骨雪濃湯，原來更會送多碗紫菜飯🍚，飽到一個點！湯品煲至奶白色，味道濃郁，好飲，飲飲下令我聯想起卡邦尼嘅味道。生菜包以及自家包飯醬💚，恕我哋有啲浪費，全程又燒又食，唔記得咗佢。如果鍾意用菜包肉食嘅就千奇唔好錯過啊。甜品係焦糖軟雪糕🍦，味道屬正常水平啦。不過食完一堆鹹嘢，食返啲甜點都係好嘅。最後，飲品我哋各自都嗌咗杯梳打🍹，分別係青檸檬同埋柚子檸檬口味，🍋檸檬界嘅代表。總括嚟講，呢頓韓式晚餐超豐盛，我哋基本上食足兩個鐘冇停過，差啲仲阻住店員收工添😛。我見隔離枱有人慶祝生日，氣氛好好，而且更有機械人幫忙送蛋糕🎂，睇見都開心哦。…Read More

韓燒熟成牛從來只在幻想中出現，估不到今天終於能實現這家新開的韓式扒房自設熟成櫃，可自行跟進及調整熟成程序，每件牛扒都經28至45日熟成，味道保證獨一無二廚師發辦只須$380一位，韓式前菜有鹹有辣，食完可免費再添加套餐包括生菜包及自家包飯醬！生菜包有生菜、沙律菜、紫蘇葉、青瓜條、甘筍條、車厘茄、蒜片及青椒，賣相及味道都很新鮮韓式蒸蛋鬆軟滑溜，配有冬菇、蟹柳及蟹子等，十分足料每兩位可選一份朝鮮小品，和牛他他蘸進蛋漿，入口更滑溜主角Steak Omakase有熟成醬油牛肋骨、和牛羽下肉、韓國五花肉及是日熟成牛肉！有專人代燒，服務貼心，不用擔心烤焦兩位可選一款主食，大醬湯配飯味道鮮美，份量十足意猶未盡，追加一份稀有部位和牛三角，油脂較多，肉嫩軟滑和牛當然要配美酒！Moulin Eyquem 2015帶紅莓香，非常容易入口，能突顯牛肉嘅香味甜品為焦糖雪糕！冰涼清爽，解開牛肉的油膩餐廳環境高檔，並設有三間獨立空間大廂房，絕對是傾生意商務好地方…Read More

早排去會展行書展，經過新鴻基中心，見到呢間新開嘅韓式燒肉貊炙，今日就約埋老公特登過嚟二人世界。當日吸引我哋目光嘅就係呢個放滿Dry Aged Steak嘅肉櫃。所謂dry-aged意思即係經過幾個星期風乾後嘅牛肉，熟成嘅過程會將牛肉入面嘅水份蒸發出來，令牛肉嘅風味更加集中，並且令肉質變得更軟更嫩滑。我哋想試熟成牛肉好耐，難得遇上呢間餐廳，於是就揀咗呢個餐廳推介嘅Steak Omakase。韓式前菜除咗有必定出現嘅泡菜之外，仲有水泡菜、大葱沙律、芽菜、醃蟹仔同茄子，而且呢度嘅所有韓式前菜都係可以無限追加。我自己就特別喜歡醃蟹仔同茄子，少少辣味非常醒胃。呢個set仲可以自選Appetizer，我哋就揀咗和牛他他。他他係將和牛製成三成熟，仲有提供紫菜同醃蘿蔔混合一齊食，入口即溶嘅他他肉質非常嫩滑，味道不錯。韓式蒸蛋雖然看似簡單，但其實充滿蛋香，混合蟹籽同蟹柳一齊食，無論大人定小朋友都會好鍾意。Steak Omakase分別有熟成醬油牛肋骨、和牛羽下肉、韓國五花肉，而是日熟成牛肉就係美國極級和牛。熟成醬油牛肋骨嘅肉質果然好柔軟又嫩口，再加埋用醬油醃製過，真係無懈可擊。而韓國五花肉看似肥膩，但經過燒烤之後，會溜走多餘嘅油脂，而且五花肉嘅油脂燒烤之後就會變得香脆甘香，所以絕對值得推介。另外店員推介我哋試和牛三角，一客有4件，每件切成長方體，非常整齊，而且佢嘅油脂分布非常平均，用烤肉方法去烹調令和牛更香口。雖然今晚食嘅肉類脂肪比例比較多，但只要用上生菜包及自家包飯醬一齊食，就已經大大減去油膩感。食過烤肉之後，我哋就揀咗要個涼浸浸嘅平壤冷麵，冷麵汁微微帶酸，非常開胃，而我就特別鍾意佢嘅麵質，口感非常Q彈。我哋仲分別叫咗荔枝梳打($42)同提子梳打($48)，味道清甜而且仲有新鮮果肉。 最後食埋甜品，雲呢拿雪糕上淋上熱焦糖醬，真係食到甜入心！我覺得呢一餐真係一個好好嘅體驗，無論食物質素定服務都非常優質，Steak Omakase以$380/位呢個價錢享用到呢種質素，呢餐真係令我好滿足！…Read More

第一次食燒肉Omakase，就俾左《貃炙》🙈真係比想像中更加好食，好有驚喜既一餐飯，而且店內位置寬敞，一啲都唔會逼，同隔離枱都有一段距離，而且燈光又暗暗地，所以都幾有私隱度，好岩情侶或同朋友慶祝節日食🥳店內職員會主動幫手燒肉，介紹菜式，服務都令人好舒服✨———————————————Steak Omakase $380/位韓式前菜五小碟小菜種類好多，除左有一般泡菜外，仲有荳芽、茄子、蟹仔、香蔥等相當開胃，泡菜水準十分高，比外面餐廳好食，所以都叫店員添加泡菜幾次🙈自撰•朝鮮小品-和牛他他餐廳將和牛切成絲，然後可自行與生蛋攪拌混合，加上已切好既雪梨、花生碎和辣椒，再用紫菜包裹，口感豐富，生和牛口感特別，不會有溶溶爛爛的口感，加上芝麻油香氣，必叫‼️韓式蒸蛋韓式蒸蛋與日常蒸水蛋有少與不同，蛋黃香更濃，而且做法是放在鐵鍋內，不同時間和不同位置都可以響有不同生熟度的蒸蛋，當中亦加有不少配料香菇、蟹柳絲、蟹籽等。韓國五花肉五花肉油脂分布平均，店員建議先從豬開始吃，五花肉燒得外焦裡嫩，用生菜包裹，加上燒肉醬、泡菜、蒜片，生菜清爽而又滿足。和牛羽下肉這是一款油花比較少的和牛，但我個人認為這樣剛剛好，肥而不膩，能夠保持牛肉的最佳油香，沾少少鹽就非常美味。熟成醬油牛肋骨醬油牛肋骨醃製適宜，不會在坊間的醃製肉類一樣過分鹹，反而帶有一甜甜的味道，香味四溢，份量充足，肉質厚實香嫩。Set 配飯/麵-平壤冷麵雖然無肉不歡，但吃個清新平壤冷麵換下口味。冷麵麵質彈牙配搭半生熟蛋。冷麵配燒肉，一冷一熱，一濃一淡，有意外驚喜。精餞甜點-牛奶雪糕🍦我認為最成功的甜品是不會一味死甜，牛奶雪糕甜度剛剛好，再加上同蜜糖的配搭，為豐盛的一餐畫上完美句號。和牛三角$280另外我還叫了和牛三角，當中選取油脂豐富嘅部份，每塊肉都是油雪花❄️不過怕油膩的朋友記得加菜吃！荔枝梳打$42、提子梳打$48吃了那麼多肉，飲品自然好重要，同朋友一人叫咗一杯梳打，味道好refreshing，亦可消膩。————————————————環境：👅👅👅👅👅食物：👅👅👅👅👅性價：👅👅👅👅服務：👅👅👅👅👅…Read More

呢間餐廳真係要大大力推薦一下，韓式Omakase已經罕有，仲要只係$380@per person，從裝修到服務再到食物出品甚至擺盆都一絲不苟嘅韓燒扒房，真係從視覺再到心靈再到味蕾上都充滿住滿足感🤤🥰餐廳有自家熟成櫃，內裡有各式各樣嘅熟成牛肉，熟成讓牛肉本身天然嘅風味更佳集中與飽和，令牛肉嘅嫩度、風味和多汁性提升到另一境界，好令人期待🥰呢個Omakase套餐，首先登場嘅係6款可無限添加嘅韓式前菜，由前菜開始就一直衝擊你嘅味蕾🥰 由於係Omakase嘅原故，之前見倒有食客係有醬油蝦做前菜🥲 今次我無緣試食，不過都有醬醃軟殼蟹仔試下🥰 好好味😋再嚟係奉上生菜包及自家包飯醬，小盤內除咗生菜，仲有紫蘇葉、青瓜條、甘筍條、蕃茄仔、生蒜片、辣椒等等，俾食客包肉食。🐮自選·朝鮮小品有6個選擇，我揀咗至愛嘅和牛他他😍🥰 韓式傳統嘅和牛他他會伴雪梨🍐條、生雞蛋同埋醬汁一齊食，呢個配搭真係無敵，雪梨條加添咗淡淡嘅甜味同埋爽脆口滑，配上沾滿滑蛋嘅嫩滑和牛，強烈嘅對比令口感更豐富，呢度隨和牛他他附上紫菜，包入紫菜食同埋就咁食都會有唔同嘅口感🥰🥚韓式蒸蛋韓式蒸蛋舖滿蟹柳絲、蟹籽同埋香菇絲，蒸蛋上層會較有質感，有少少似中式嘅砵仔蒸蛋，內層嫩滑，蒸蛋都食倒兩種口感🥰重頭戲係Steak Omakase，一共有4款牛肉，熟成醬油牛肋骨、和牛羽下肉、是日熟成牛肉同埋韓國五花肉。侍應細心地講解要先從淡味嘅肉開始食起，最後先食最濃味嘅醬油牛肋骨，如果有需要，更可以由佢哋為食客燒肉。🐷韓國五花肉肉質鬆軟，脂肪同肉嘅比例啱啱好，包紫蘇葉或者生菜食一流😋🍖和牛羽下肉和牛肉質嫩軟，牛味十足。🥩是日熟成牛肉由於掛住食嘅關係，唔記得問店員呢款係咩牛😂 如果無睇錯佢嘅紋理應該係韓牛三筋肉厚切，熟成後嘅牛肉肉汁鎖曬響入面，肉質非常鬆軟細嫩，超級好味！ 🐮 熟成醬油牛肋骨醬油帶有少少甜味，燒出嚟嘅味道有少少似叉燒，一樣係肉質嫩軟，由於味道較濃，用嚟包菜食係最佳選擇。對和牛情有獨中嘅蕃薯妹，又點可以唔另外叫多一客和牛呢？😂😍和牛三角油花靚到好似藝術品咁，濃厚嘅油香感，燒到佢每一面都微焦，入面大約3成熟就啱啱好，入口即溶，必點推薦！⭐️⭐️⭐️🍜平壤冷麵睇韓劇成日見人食清水冷麵，竟然響呢度有得試😍😂 原來幻想中嘅清水係帶有微酸同埋甜味，好清新嘅口感，食完油膩嘅燒肉食一碗平壤冷麵，仲可以幫助解膩。🍨甜品是日甜品係焦糖雪糕，本身我哋真係好飽，想叫店員只上一客雪糕，但係店員話好細杯叫我哋試吓，結果…… 兩個都食曬😂 因為實在太好味喇～！軟雪糕充滿濃厚牛奶味，而焦糖醬係用蜂蜜配製，食得出淡淡蜂蜜味道。🍹柚子檸檬梳打、荔枝梳打燒肉一定要Order一杯清新嘅飲品一路食一路飲，水果梳打係最佳選擇😋呢一餐實在太滿足，如果要俾個分數佢哋，我俾100分⭐️😂 超級推薦！一定要去試！…Read More

餐廳以酒紅色及黑色為主調，設計時尚又有格調，環境寬闊，以卡位為主，亦有三間獨立又空間感大既VIP房。依度主打28-45日熟成牛肉，更自設熟成櫃，適時調整熟成過程，而且結合西韓飲食文化，將西式熟成牛扒配合韓燒風格，別具特色～店員仲會不時幫手燒肉呢☺️✨ Steak Omakase Selected Cuts ($380/ person)❀ 韓式前菜 🥗由機械人送上前菜，有辣泡菜、水泡菜、芽菜、白菜仔及大蔥沙律，可以無限refill。當中最鍾意食辣泡菜，酸辣度適中，惹味爽口，同朋友都refill了幾次～❀ 生菜包及自家包飯醬 🥬生菜包有生菜、紫蘇葉、青瓜條、紅蘿蔔條、車厘茄、蒜片及青辣椒，好豐富呢！而自家包飯醬鹹香味突出，配燒肉食更滋味❀ 韓式蒸蛋 🥚石鍋蒸蛋可以保持熱度，食落口感好嫩滑，但蛋味唔算好濃，面頭加入蟹籽、蟹柳及冬菇，增加鮮味及口感❀ 自撰．朝鮮小品 🐮前菜揀了和牛他他，將生牛肉與雞蛋攪拌混合後，用紫菜包住食，仲可以配埋雪梨絲、花生碎及青辣椒食。生牛肉配蛋漿食落鮮嫩多汁，雪梨絲令味道帶點清新，口感好豐富❀ 熟成醬油牛肋骨 🍖經熟成及醬油醃製既牛肋骨，味道香濃又帶點甜味，肉質軟嫩❀ 和牛羽下肉 🥩油脂分佈較平均，肉質帶點咬口，牛味濃郁❀ 是日熟成牛肉 🥩使用了乾式熟成牛肉，所以食落肉質較嫩滑無筋，牛味更濃，亦保留了更多肉汁❀ 韓國五花肉 🐷比平時食既五花肉無咁厚身，所以會較易燒～燒得焦香，口感香脆肉嫩，食落唔會太膩❀ Korean Special 🍜三款中揀了平壤冷麵，麵質帶點煙韌，有雪梨片、青瓜絲、酸蘿蔔及蛋做配料，可自行加入白醋或黃芥末作調味，冰涼解膩❀ 甜品 🍨係焦糖雲呢拿雪糕，燒完肉食返杯雪糕好正～雪糕軟滑，味道香甜❀ 和牛三角 (+$280) 🥩有四塊厚切和牛～雪花紋理細密，油脂好豐富，牛味香濃，質感亦好軟腍，入口即溶～❀ 提子梳打 (+$48) 🍹味道酸甜，清爽解渴…Read More

Fine dining x Steak Omakase 韓式扒房係香港真係非常罕見，呢間新派燒肉店以酒紅色為主調，感覺奢華型格，而且甚有格調。每人$380就食到燒肉廚師發辦，套餐包括主打熟成牛肉，熟成醬油牛肋骨、牛羽下肉同韓國五花肉等。餐前當唔少得韓式前菜，其中比較少見有韓式茄子，全部都可以無限添加。小食揀左和牛他他，本身驚太生食唔到，食落口原來有少少煙燻感覺，配埋紫菜又真係幾好食！烤肉以帶骨肉眼為例，油花分佈均勻，經過熟成過程後，能夠令肉味更濃縮，質感更加細緻嫩滑，烤後美味可口。另外，散叫左一份和牛三角，即係牛腹肉中同腰脊肉既中間部分，所以有充足雪花油脂，而且係稀有燒肉部位，入口即溶。甜品金箔蜂蜜雪糕，雪糕奶味重，蜂蜜甜恰度到好，有點喜出望外。整體性價比相當高，值得推介！…Read More

期待已久嘅steak omakase之夜終於到啦！餐廳好有格調，卡位好闊坐得舒服，很適合慢慢傾計嘆美食~ Steak Omakase Selected Cuts 每位$380，有韓式前菜、生菜包、韓式蒸蛋、朝鮮小品、韓國精選同甜品，非常豐富。韓式前菜已經令我們好興奮，兩個人有五款前菜咁多(包括茄子、泡菜、芽菜、魚仔、蓮藕)，重點係任你refill~ 茄子、泡菜、芽菜、魚仔都好好味，我地對茄子更加情有獨鍾，refill左三次咁多~我遮到所以missed 左，係餐廳用貓咪機械人幫手送韓式前菜，都幾cute~每兩位可以從六款朝鮮小品(包括白切肉、韓式豬手、Burrata、和牛他他、吞拿魚他他及全蛋紫菜包飯)中揀一款。係香港好少食他他因為怕貨源同處理唔衛生，既然一場嚟到，餐廳感覺都好整潔而且頗多review都推介和牛他他，所以我地最後都決定試試。估唔到正到想encore~ 牛肉同雞蛋攪拌後提升左牛肉嘅口感，紫菜包住滑嫩嘅和牛他他，豐富嘅層次感同鮮味同時爆發～韓式蒸蛋最好趁熱食，放左陣漲卜卜嘅蛋dur左皮賣相冇咁靚。蒸蛋唔算太滑溜但好足料，有蟹柳、蟹籽、冬菇等提鮮。萬眾期待嘅牛肉拼盤嚟啦～擺盤好decent，有熟成醬油牛肋骨、和牛羽下肉、是日熟成牛肉及韓國五花肉。Weekdays dinner都幾full所以等左好一陣先安排到侍應兼燒肉專員幫我地燒，全程都唔洗自己郁，淨係負責食Haha！和牛羽下肉取自近肋骨嘅位置，油脂滿滿入口香軟。熟成醬油牛肋骨牛味較重。五花肉烤得香脆爽口，夾生菜包一流！最愛熟成醬油牛肋骨，醃得入味而juicy~ 仲有菇同韓式年糕添！韓式燒肉當然要配真露啦～簡直係perfect match！接住就係韓國精選，每兩位可以三款揀一款(包括大醬湯配飯、熟成雪濃湯、平壤冷麵)。平壤冷麵比較清淡，最適合係食完油脂滿滿嘅燒肉後過一過冷河，解解膩。食埋甜品蜂蜜雪糕真係飽到唔想郁，但超滿足！牛、韓式前菜、朝鮮小品均好高質，環境服務一流，最欣賞有侍應幫忙燒肉，整個experience好pleasant同舒服，晚市嚟講性價比極高，真心推介！I’ll be back~…Read More

「貊炙」係古高麗有韓式燒肉之意，呢間餐廳自設熟成櫃，主打28-45日乾式熟成肉🇰🇷💗Steak Omakase Selected Cuts ($380/ per person)🥙韓式前菜包括水泡菜、辣泡菜、涼拌芽菜、涼拌白菜仔、辣醬蟹同大蔥沙律，全部可以無限添食。🥗生菜包及自家包飯醬包括生菜、青瓜條、甘筍條、車厘茄同青陽辣椒。自家包飯醬鹹香惹味，蒜味突出。🥚韓式蒸蛋蒸蛋以石碗蒸煮，口感非常滑溜鬆軟，蛋香十足。加入蟹柳絲、蟹籽同冬菇增加鮮甜🐂自撰·朝鮮小品自選和牛他他為前菜。生牛肉輕炙後呈半生熟，肉質新鮮爽滑，肉味香濃。將雞蛋拌勻，用紫菜包住和牛條同雪梨絲，層次更豐富🍖熟成醬油牛肋骨熟成牛肋骨肉質更軟嫩細滑，經醬油醃製後，味道帶甜入味🥩是日熟成牛肉是日為美國USDA Prime西冷，牛扒經熟成後，口感軟腍鬆化，牛味更濃郁，帶微微煙燻香🐖豬上肉即厚切豬頸肉，肉質爽脆嫩滑，充滿肉汁同油香，豬肉味濃🥓和牛羽下肉取自翼板肉，帶適量油脂分佈，肉質細嫩得嚟有嚼勁，肉味同脂香較平均🧊平壤冷麵冷麵冰涼順滑，但麵質唔係煙韌彈牙個種。配料有雪梨片、酸漬蘿蔔、青瓜絲同熟蛋，加入黃芥辣同醋汁，味道酸甜解膩🍰甜品是日為焦糖忌廉芝士蛋糕。慕絲香滑純厚，芝士味突出，焦糖味甜而不膩，配上牛油餅碎夾層🐃和牛三角 (+$280)取自牛腹肉同腰脊肉中間，油花呈霜降紋，肉質最軟滑細緻，油香四溢，入口即化…Read More

呢間新韓燒餐廳係公司附近，裝修高檔，看到很多人食$380 Omakase, 包左自選前菜，蒸蛋，四款肉類，主食同甜品，覺得性價比好像不錯，於是搵左平日夜晚一試，暫時book 位都唔算難。呢間餐廳主打既熟成牛肉，應該係想吸引著重肉類質素又想韓燒感覺既客人。我十分欣賞間餐廳既marketing plan，因為熟成牛肉係香港都係幾新穎既概念，而家佢食物擺盤十分漂亮十分岩打卡，食品種類都多元化，除左燒肉，仲有炸雞、醬油蟹、平壤冷麵，雪濃湯等等，你諗到既韓菜精華佢都有。但種類一多，就會令人擔心會唔會係多而不精？至於大家關心既價錢，以裝潢黎睇，又唔算特別貴既，lunch set 平均120蚊（未加一）晚餐散叫同類食品都冇特別加價。佢幾款既前菜種類在晚上會更豐富，例如多左蟹仔同魚仔，個人推介泡菜十分入味，蟹仔比較少見十分大隻！魚仔就比較細條冇咩口感。全部可以refill首次黎既前菜可自選，最受歡迎係白切肉（單叫～$8x)同和牛他他(單叫～$2xx)。見到和牛他他貴敢多，但自選又唔使加錢，緊係叫最貴既來試。結果真的不錯，比起後來既燒肉更喜歡和牛他他😅平時唔鍾意全生既肉因為會覺得唔夠肉味，但呢度既他他唔係全生，睇到顏色都有少少啡，唔係血紅，牛味十分香濃，撈埋蛋汁加埋清甜梨肉，用紫菜包著吃，口感清新！一點也不膩！大推👍接著熱騰騰的韓式蒸蛋就到了，配料有菇同蟹籽，冒著蒸氣十分吸引。口感卻有點普通，就是普通蒸蛋，而且是不夠滑的蒸蛋，味道較淡，個人比較喜歡日式蒸蛋😅接著係最期待既燒肉拼盤，一定要試下肉質係咪真係敢出色？！如果以呃like 程度係100分🤣個present 手法好高檔，望落都唔錯。我地叫左員工幫手燒，但好明顯員工都較新，會同經理表示唔識燒，叫經理自己燒（連學都懶？😅)後來有個較有經驗既員工來幫手，佢幫我按順序燒⭐️1）和牛羽下肉（兩小片）花紋好靚，有牛味，唔好燒太耐因為薄⭐️2）熟成牛扒（薄）食唔出同羽下肉既分別，可能員工將兩者都燒得一樣全熟，冇左軟嫩的口感，都有牛味⭐️3）韓國五花肉（薄）其實油花唔錯，但好少食咁薄既五花肉片，冇左正宗韓燒既痛快感覺⭐️4）熟成醬油牛肋骨（最大份）呢個唔好食，勁多筋，好難咬👎每次加左「熟成」兩個字都充滿期待但食完又覺得好普通冇特別👉🏿燒的過程中一直同員工講唔想燒太熟，佢都不斷話未熟未熟，係都要全熟先俾我地😅我覺得自己燒比較好，本來咁靚既餐廳想享受下服務，但大家對員工唔好咁大期望，好多都比較新。👉🏿通常韓式燒肉都會包生菜，呢度都有提供，但因為肉比較薄，包完就會好似食唔到肉感，始終韓燒要厚切，再剪條包著食才爽。如果當佢係韓式扒房會較好，韓燒黎講唔算正宗！同埋佢個燒網質素麻麻，好易燒燶，佢附送既韓國年糕都係可以燒，但會痴著d「鑊撈」髒髒的唔太吸引😅👉🏿另外生菜盤還有胡蘿蔔🥕但非常厚切，唔知以為成條「啪」餵白兔敢，唔知想裝飾定點？😅食完燒肉已經好飽，但包左個主食，就叫左雪濃湯，仲配左紫菜飯。個湯唔好同韓國比較，一定係韓國既神仙雪濃湯好飲好多，呢度好普通，奶味較牛味重，無特別！最後甜品係焦糖雪糕，呢個唔錯幾好味！有點可惜無左網上見到既蜂巢蜜糖雪糕結論：綜合左男朋友意見，食完超飽！但肉質冇特別，唔好對「熟成」兩個字太高期望，非正宗韓燒，由於主打肉質失望，唔算性價比高（兩人賣單$836）。對呢間餐廳既感覺係適合打卡，著重包裝多於食品本身。佢完美既擺盤，omakase 既包裝下，會令你眼花繚亂，失去對肉質重點既要求，會令你不斷敢影相，但食完又唔太想推介其他人食咁😂Ps: 我book 左630，但615已到達並安排入座，員工給我安排了一個天花漏水的卡位，新餐廳敢快漏水😅明知漏水，寧願係我面前擦走椅上積水都唔幫我安排新座位，明明早到有很多位置🙃聲明：本人沒有接受餐廳款待，100%自費之真實食評，所有付款單據已經保存…Read More

灣仔最近新開左間韓燒咁啱幫朋友慶祝生日就訂枱黎試下叫左個Steak Omakase Set先上多款小菜，有芽菜、泡菜生菜籃、酸椰菜、茄子同埋辣魷魚自選朝鮮小品揀左和牛他他有隻蛋黃係生和牛肉碎上和牛微微有燒過，唔好太生前菜有韓式蒸蛋，用石鍋上夠哂熱辣辣，但蛋唔算好滑燒肉款式有是日熟成牛肉、和牛羽下肉五花腩同熟成醬油牛肋骨熟成既牛肉唔算好重牛味口感係偏爽口，比一般既牛有咬口反而熟成醬油牛助骨就比較腍軟但醬油味道太搶，無咩牛味另外再加左和牛三角，有四塊肉質正正常常，略嫌唔夠油香飯麵揀左大醬湯配飯入面都有肉同蜆，調味鹹左少少甜品係雲尼拿雪糕雖然好快溶，但好重奶味，唔錯…Read More