Reiwa Izakaya

令和居酒屋完全反轉我對居酒屋既感覺居酒屋一向比我既感覺都係貴價唔飽，野食細細份而且偏貴。但係令和居酒屋既野食款式多之餘，仲要份量多，仲要平！真係完全估佢唔到平時行開旺角其實一直都想去試下嫁啦，但奈何真係太多人，次次walkin 最小都預計要等到九點打後先有位。但今次7點左右去到竟然唔洗等位有得直入，真係好好彩如果想去既朋友記得book 位因為真係好多人入到去侍應非常好禮貌仲會同我地講下笑，而且反應好快，隨傳隨到之餘仲會不斷加水，非常抵讚野食方面選擇非常多，火鍋、石燒肉、刺身、串燒、飯、麵等等都有唔只食物，清酒都好齊全，可惜我同女朋友都唔飲酒就無叫到黎試最後我地叫左一個二人石燒刺身套餐再加芝麻雞翼試下，因為好似樣樣都有d野食上既速度好快，首先係前菜和牛他他，味道好特別好清新，和牛下面放既唔係飯係類似粉既食物，食落幾爽口感覺好新鮮特別之後就到炸雞同雞翼，依兩樣都好食但比起其他就無咁大驚喜主菜之一係石燒牛，份量非常之多，而且有專人幫我地燒，店員一路燒一路會問我地鐘意點樣食，感覺十分專業牛扒肉質好好，食落鮮嫩多汁，淡淡肉得黎又無乜根，非常好食茶漬飯味道都不錯，不過口感差左dd。可以接受最後一定要提既係刺身，講真真係好小可係香港食到咁高質又平既刺身刺身厚得黎入口即溶，好新鮮！仲要唔只係一款高質，係款款刺身都咁好食，真係不得了最後埋單兩人加埋只係616蚊，成枱都係野食，唔講真係以為去左食放題D 野食仲要高質素，依個價錢真係抵食到爆，各位有時間真係要試下！…Read More

對於日本，轉年號係一件好隆重嘅事；對於我地，係又出發日本搵美食嘅時間，哈哈。因為劃咗去返個短TRIP，所以相約出黎下行程，順便食晚飯。餐牌有幾款套餐選擇，為咗旅行可以食豪啲所以揀咗－松SET。但食物同樣豐富唔係講笑。先黎有個沙律係車厘茄芝麻豆腐，酸酸甜甜咁幾開胃。椰菜片配酸汁味道都同樣開胃。前菜揀咗和牛他他及日式炸雞。和牛他他有別見開用牛肉打碎而成嘅，反而係一片牛肉鋪係蘿蔔沙律之上，所以食起上黎有牛肉漑香同咬口質感。日式炸雞就比較乾身，但熱辣辣夠脆口，點少少沙律醬就足以除去多餘油膩感。什錦天婦羅。有少少可惜係面衣油咗啲，令到食落鬆化但無咁脆口，不過份量足夠蝦／南瓜／茄／子／秋葵都有。白蔥燒豚肉／燒雞翼。兩款燒物都夠入味，雞翼夠乾身，味道有啲似世界之山嘅感覺。石燒美國安格斯肉眼扒。因為係美國牛關係油花唔會太多，主要係食肉香同大大件嘅質感。伙記好貼心咁幫我地煎香再剪開，牛肉食落啖啖肉，好滿足。安格斯肉眼片火鍋。揀咗壽喜燒湯底，因為甜甜咸咸嘅味道最有日本FEEL。入面材料同樣豐富有娃娃菜／洋蔥／金菇／滑豆腐／芋絲。各種蔬菜再配肥牛真係令人飲飽食醉。燒飯團茶漬飯。最後嘅茶漬飯為成餐帶來額外底氣，飽餐一頓後以熱茶湯掃除油膩感，減輕負擔。幻彩藍蝶花檸檬梳打／鮮檸檬燒酎梳打。兩杯味道都好酸甜開胃，檸檬可按自己喜好添加。好奇之下柯打咗加$10嘅幻彩版，上枱發現係底墊轉咗有LED燈發光，見到全場嘅目光都吸引咗過黎，呢$10虛榮心絕對值得。哈哈。日本新嘅年號代表住一個新嘅開始，希望近期嘅社會事件得到完滿解決，等我呢啲小市民出街食飯唔使怕被警察打。…Read More

「令和」係自平成之後，日本天皇德仁嘅年號， 而前排去日本嘅時候都買左好多元年嘅產物。😂 所以一見到「令和居酒屋」，就令我產生漠名嘅熟悉感， 新開業嘅關係，店員也很親切地介紹名嘅名物。 同居酒屋有一樣嘅文化， 未點菜先來開胃菜—芝麻鹽醬椰菜， 椰菜爽脆新鮮， 混合了芝麻醬和辣椒粉，惹味！ 呢到有前菜、沙律、炸物、爐端燒， 不過感覺最抵食就係套餐，分二人、四人套餐，$488起，😏 松—二人前石燒、火鍋套餐（$488） 包是日沙律、2款前菜、串燒盤2串、什錦天婦羅、石燒美國安格斯肉眼片250g、鍋物美國安格斯肉眼片150g、燒飯糰茶漬飯。 份量好多，三個人都夠食！😌 是日沙律為海葡萄豆腐沙律， 海葡萄係日本沖繩嘅名物， 營養價值高， 翠綠色嘅海葡萄，咬落卜卜脆， 一咬開便爆出鹹鮮嘅汁夜， 獨特嘅口感和味道！ 配埋滑嘟嘟嘅冷豆腐， 加上香甜芝麻醬嘅完美配搭，正～☺️ 前菜四揀二， 枝豆、日式炸雞、和牛他他、麥粒味噌青瓜， 和牛他他都算厚切，加上黑松露嘅點綴， 肉嫩味美～ 和酸蘿蔔一起吃，好開胃！ 麥粒味噌青瓜 爽脆青瓜，和麥粒味噌拌勻一起吃， 佐酒一流！ 🌟推薦❗️雜錦天婦羅 有兩隻蝦天婦羅和菜蔬如冬菇、秋葵、南瓜等， 熱辣辣炸起，炸粉薄脆，香脆可口， 用料又夠新鮮！👍🏻 串燒可以揀$28以下嘅， 燒多春魚 一客有四條，新鮮，魚春卜卜脆，好食！ 🌟推薦❗️芝士豚肉串 豚肉包着原塊芝士🧀，「芝」味十足， 芝士控不可錯過！ 🌟推薦❗️石燒美國安格斯肉眼片250g 肉眼扒切成8片，好厚肉！😍 肉眼扒油脂分佈平均， 唔會太肥，口感厚實有嚼勁，肉香味美， 店家仲好貼心，會教我地幫我地燒！😌 燒肉可以蘸醬汁吃， 不過小編都係鐘意原汁原味！😂 🌟推薦❗️鍋物美國安格斯肉眼片150g 除左石燒之外，仲會有shabushabu！ 我地揀左壽喜燒， 鍋裏面有大蔥、各式各樣嘅菇菌和蔬菜、豆腐、粉絲等，材料十足！ 每塊肉眼都好大片， 唔似只有150g😏，好抵食喎！ 肉質軟嫩，又不失嚼勁，肉香味美！ 作為一頓晚餐嘅總結， 日本人常以茶漬飯作暖胃之用， 既飽肚又解膩。 燒飯糰茶漬飯 預先有個燒飯糰係碗內， 再將湯注入，浸一浸就食得！ 用燒飯糰🍙做茶漬飯更有口感，好似食緊飯焦，唔會太腍。 巨峰提子乳酸梳打（$28） 飲得出係鮮果味，果味幾真！😂 加上乳酸梳打，感覺更輕盈健康。 熱情果乳酸梳打（$28） …Read More

這間位於旺角洗衣街的「令和居酒屋」，地方闊落全日式裝潢，入來進餐令人有放鬆的感覺，而且又多款套餐選擇，不喜歡套餐的也可以根據餐牌，選擇自己喜歡的食物，放鬆下來慢慢欣賞。精選四人前石燒，火鍋套餐 ＄988是日沙律酸酸甜甜的番茄仔非常開胃，加上麻醬豆腐香滑得來充滿麻香味，在豆腐上加上幾粒顏色鮮艷的三文魚子，配合得非常好。日式炸雞日式炸雞大細適中外皮炸得非常酥脆，內裏嫩滑多汁，點小小沙律醬一同進食，十分滋味。和牛他他和牛他他，自家調製的醬汁放在和牛面，和牛入口溶化牛味香濃，再加上酸酸地的大根，餐前來說絕對開胃。大阪好味燒大阪好未燒，味道剛剛好外脆內軟，加上大量的木魚沙律醬和燒汁，實在美味。燒廣島蠔燒廣島蠔，蠔味出眾大小適中一口一隻，味道在口中爆發感覺非常幸福。什錦天婦羅什錦天婦羅，材料新鮮即叫即炸粉漿外皮非常薄，入口感覺絕不油膩。石燒美國安格斯肉眼片 400g石燒美國安格斯肉眼片，放上燒紅了的石板上，立時湧出濃烈的牛脂香味，每邊燒25至30秒左右，便可以根據個人生熟要求，選擇進食。鍋物美國安格斯肉眼片 400g (豬骨湯)鍋物美國安格斯肉眼片，剛剛試完石燒現在來過鍋物，形成強烈對比剛才的油脂甘香，現在卻香軟幼滑，加上大量的蔬菜配料，感覺非常舒服。燒飯糰茶漬飯燒飯糰茶漬飯，店員為我們一一送上，在我面前把茶湯沖上，還對我們說大約泡浸，兩三分鐘待飯糰把茶味吸收，才開始進食。…Read More