Watami Japanese Casual Restaurant (Grand Plaza)

很久沒有去和民了，因為感覺食物質素差咗好多，每次上餐時，食物已經放涼，味道大打折扣。今次在雅蘭中心分店，好有驚喜食物上枱時依然熱騰騰，感覺特別美味，職員又有禮貌，耐心講解優惠，一定會再到訪。…Read More

Hello... 大家好...今次講講位於旺角雅蘭-和民本人已有最少2年沒去過和民～今次一行5人去聚餐。叫咗個豪華4人套餐。另加炸雞軟骨同豚肉燒各一客。一落完單，好快就上菜啦！石鍋飯好好味。🙆🏻‍♀️但因本人要低醣低碳飲食，所以只食咗2口。豚肉飯賣相不錯。但肉質比我想像中有點落差。還可以。💁🏻‍♀️和民沙律，跟以前一樣。不錯不錯。😋2款雞肉都好好味。甜雞腿就滑口肉質嫰。而炸雞就入口鬆脆。好好味呀！🙆🏻‍♀️🙆🏻‍♀️🙆🏻‍♀️炸蝦天婦羅也不錯。如果蝦大飯d就更好啦～🤣到海鮮鍋啦！呢個要另加40蚊。勁多海鮮同菜。煲熟後勁好食。但d湯就鹹味咗dd。但整體係ok嘅。💁🏻‍♀️雖然天氣已轉，但刺身仍是新鮮嘅。由其係赤海蝦，勁新鮮同彈牙。正呀！😋😋😋炸雞軟骨跟以往一樣。好味道。😋而豚肉燒就有點兒太實。可能凍咁所以口感差咗。😔另外仲有時令配菜，甜品雪糕同19選4嘅飲品。呢套食得好滿意。🙆🏻‍♀️🙆🏻‍♀️🙆🏻‍♀️🙆🏻‍♀️此乃本人之個人分享及意見。不代表Open Rice 立場。…Read More

夜晚7點幾熊大陪熊妹去雅籣中心攞眼鏡，唸緊食咩好，去左2樓個洗手間， 經過和民，俾個餐牌吸引左，就即興入去喇。熊妹好耐無食過和民喇，記得中學個時和民風靡一時，開左好多分店，門口往往好多人排隊，當時的熊妹都曾為佢著迷架，生日節日起興都會約人食和民慶祝，鍾情於佢日本菜式小食多，味道又大眾化，價錢又合理。咁耐無黎， 起碼都有5年喇，菜式一定有不同喇。咦，依然有和民沙律喎， 招牌菜應該不會刪去的。仍然係有熊妹依然喜歡的吞拿魚醬， 再配上雞蛋，生菜，芝士，紅蘿蔔絲，熊大喜愛的蟹柳，加埋熊妹新寵的牛油果粒呀！不過得3，4小粒。成個沙律都好夾，撈上日式芝麻醬，簡直係熊大熊妹的恩物。熊妹奉給熊大的沙律，yayaya。前菜再叫左三文魚刺身， 有4塊，一般刺身size，厚薄適中，加上wasabi 豉油，肉質都幾新鮮，ok的。黎到居酒屋，緊係食啲居酒屋的特色主食喇。叫左個牛肉壽喜燒，細的，係日式傳統鍋湯底，甜甜地，即吉野家邊爐個款，鍋物有幾牌肥牛，感覺肥肉部位多點，熊妹唔喜歡肥，再有娃娃菜，金菇，一件豆腐，一件冬菇同一隻生雞蛋原隻上。 細心的熊大係熊妹忘於食不停期間已經打散雞蛋倒入鍋內，讚。 抵獎熊大價值$12一碗白飯，飯桶都係要裝飯的，哈哈。最後，但不代表不重要，壓軸出場的大板椰菜燒，正呀，入面有芝士同蛋，雖然唔係好彭湃，無流心湧出，椰菜都唔算多，但大板燒精髓的燒汁同沙律醬的配撘已經係無得彈。埋單$280，都幾抵食呀，服務都幾好，上菜好快，叫左10分鐘，食物幾乎上齊，又會不時加茶，唔錯。熊大話呢餐全部都係熊妹喜歡食的，其實每餐熊妹發板點餐都係熊妹的喜好喇。嘻嘻！下次可以試下佢的串燒同新品芝士炸雞腿，都係熊妹大愛的。記得以前覺得好驚奇，係和民點餐，侍應會跟照日本人文化，跪在客人旁邊寫單，而家好似無左呢種規矩，都係一般企係身邊寫單，時代變遷，制度都轉變了。…Read More

今年情人節，我男友送我一束小花束💐及預備同我睇九點半電影。當日好多一對對情侶及大部份餐廳都要等好耐先入得，所以我們選擇了和民。那天我們只需等半小時就入到去而且散叫野食無加價。連set dinner 都係三百元二人餐，真係適合年輕小情侶。我們仲有時間點牛肉鍋加烏冬，和民沙律，烤雞捧及鰻魚玉子燒。和民沙津每次都叫，招牌一定好食相反叫新野就出事，一條雞捧就30幾元，完全不值。而且同我想像有出入，我以為雞皮包住雞肉燒但不係呀，佢肉身鬆散而且乾仲無汁點。下次一定不會叫 !牛肉煱大喜燒好食之選。我見幾張枱有叫。鰻魚蛋玉子燒都幾好食，份量都幾多。佢最好嘅地方係唔會有交枱時間，適合談天說地。…Read More

和民居食屋在香港曾經極之風光，分店開完一間又一間。所有分店繁忙時間都大排長龍。全因為食物質數好，食物給人有新鮮感，價錢公道。可算是當時年輕人最常到的飯堂其中之一。但風光多年，其他特色日本餐廳愈來愈多，沒有太大創新的和民就自然慢慢地被香港人遺忘。再加上食物水準及服務水平不能保持，難怪坐無虛席的情況已經不常出現了。和民沙律 － ＄58記得小時候吃這一個招牌菜時，印像最深刻是那一個秘製麻醬，令人回味非常。如今沙律仍在，但卻失去了麻醬的蹤影。味道今非昔比。七味咖喱脆雞翼 － ＄43另一道經典和民必食菜式。可以幾乎肯定一半以上顧客都會點這道雞翼來吃。就可能正因為如此，預先炸好的雞翼當遇上不平常的滯銷時，就像今次一樣，雞翼送到人客面前已經是半熱半涼了。芥末辣鱆魚 － ＄33輕輕嗆喉的日本芥末和鱆魚刺身的完美配合。對於我這個對芥末不大討好的人也一試難忘。牛油焗帶子 － ＄43用上鐵板做這帶子，原本是想利用熱力把帶子表層煎至微脆。但可能我們今次用膳時間已經不早，廚師都忙著打烊，就算不脆也硬著頭皮送到人客面前吧。大分炸雞 － ＄38金黃色的炸雞毫不油膩，外層十分香脆。唯一敗筆是雞件完全沒有調味，只吃到冰雞的雪藏味。滑蛋雞扒鍋 － ＄53香脆的吉列雞扒被8成熟的滑蛋包圍著，再加上洋蔥和洽到好處的醬汁調味，令這餐一直沒有驚喜的晚飯帶出一絲絲的希望。時代不斷進步，若果只懂不停沉醉於昔日的風光而不求進步，只怕會走上和「馬里奧」餐廳的滅亡之路。…Read More