Not Just Coffee (Man Hoo Court)

以前很喜歡在放假時到咖啡店慢活，但近年愈來愈多裝潢精緻的咖啡店誕生，每到假期總會排著長長人龍，只為美美的餐點打卡令咖啡店已失去本來品味生活和慢活的意義最近到訪了不籽是咖啡的油麻地店，另外有間在西環～在這裡的裝備簡約舒適，能夠慢慢的坐著聊天𖠚ᐝ重點是這裡的餐飲非常出色♡⧐ 味增蟹醬蟹籽蟹肉扁意粉 HK$138 ⧏一碟有齊蟹醬蟹籽蟹肉，蟹控必試.ᐟ.ᐟ蟹肉份量很多，蟹籽每顆都脆卜卜🦀配合味增蟹醬令味道得以昇華♡⧐ 龍蝦湯配牛油果大蝦稻庭烏冬 HK$138 ⧏賣相很豐富，龍蝦湯在旁邊的小壺中🦞可以自己按喜歡的比例加入烏冬，很有儀式感～龍蝦湯不會很濃郁所以不覺膩，整體感覺不錯·͜·⧐ HAZELNUT LATTE (C) HK$48 ⧏榛子味道香醇，口感幼滑細緻☕️冷飲雖然沒有拉花，但是杯子很有質感～⧐ MATCHA LATTE (H) HK$48 ⧏熱的抹茶鮮奶有漂亮的拉花，抹茶味道非常濃郁，口感順滑🍵已經好久沒有喝過這樣好喝的抹茶鮮奶了( ᵒ̴̶̷̤-ᵒ̴̶̷̤ )…Read More

🔹龍蝦湯配牛油果大蝦稻庭烏冬 $138龍蝦湯用一個茶壺🫖裝住自己倒落烏冬～個湯好鮮味好濃稠！龍蝦味好香濃！稻庭烏冬真係好好食，滑得嚟又有咬口～🔹味增蟹醬蟹籽蟹肉扁意粉 $138個人幾鍾意同推薦呢款意粉～蟹醬+蟹籽+蟹肉=鮮味十足！加埋味增感覺好夾好日式～如果可以再creamy啲更掛汁就更好～🔹海鹽焦糖雞翼 $68鹹甜鹹甜口味嘅單骨雞翼！個海鹽焦糖汁好香甜好味！！估唔到同雞翼都幾夾～🔹柚子蜜梳打 $48本身我都好鍾意飲柚子蜜～配埋梳打一齊有汽咁飲好爽😂🔹熱情果高山茶 $48本身expect杯嘢會偏酸甜啲但估唔到茶味好突出好香！！鍾意飲茶唔好甜嘅我有啲驚喜～…Read More

呢日去到油麻地嘅小巷嘅文青cafe食晚餐～龍蝦湯配牛油果大蝦稻庭烏冬（$128）呢碗烏冬色彩繽紛，好岩打卡😍，份量大！有四隻彈牙嘅大蝦🦐、新鮮牛油果🥑同沙律菜🥗，仲有滑溜嘅稻庭烏冬墊底；茶壺🫖裝住鮮味嘅龍蝦湯，自己加去烏冬🍜～味增蟹醬蟹籽蟹肉扁意粉（$138）意粉彈牙又creamy🍝，意粉上面有蟹肉蟹醬山🦀，入口每啖都有濃郁蟹味😋海鹽焦糖雞翼（$68）炸得香脆嘅單骨雞翼🐥，外皮香甜可口，蜜糖雞翼真係冇得輸🍯！CHOCOLATE（凍）（$42）有漸層效果嘅凍朱古力，唔會太甜，夠朱古力味🍫👍🏻菊花茉莉花茶（$68）近排成日捱夜🌃，飲返杯清肝明目嘅花茶就最岩😌，菊花香氣蓋過咗茉莉花，入口微甘🌼～…Read More

油麻地站📍不籽是咖啡-今日不停係中環、金鐘穿梭，最後去到九龍都要坐一坐、抖一抖，返搵間cafe叉叉電。龍蝦湯配牛油果大蝦稻庭烏冬（$128）呢個龍蝦湯🦞好濃味，夠creamy，自己加湯落烏冬，倒出黎熱辣辣，好吸引😋大蝦都有4-5隻，大大隻夠彈牙🙌🏻牛油果🥑有半個，不過浸湯後少淋。份量岩岩好，最後都飲左一半湯先停手😈味增蟹醬蟹籽蟹肉扁意粉（$138）呢個意粉好掛汁，醬汁濃而不膩，滿滿蟹籽同蟹肉🦀睇落唔算大碟，不過男仔都夠飽😋熱情果高山茶（$45）果茶無糖，全靠熱情果同菠蘿🍍甜味，清甜解暑，對我黎講唔夠甜，女朋友就岩晒😻凍朱古力加cream（$50）呢杯朱古力d cream簡直係錦上添花，cream夠濃厚夠脂肪😻而且係用法國天然可可粉沖調😋👍🏻環境方面，小店用木系餐桌，清新舒適，慢慢坐係度enjoy、傾下計好悠閒，而且窗邊有半落地玻璃，天然光照射入店舖好通透。…Read More

[禁晚市堂食前嘅某夜]想來食好耐㗎喇，藉住farewell 同事終於嚟咗#龍蝦湯配牛油果大蝦稻庭烏冬 🦞個人覺得龍蝦湯同牛油果唔係幾夾不過個烏冬好滑好彈牙，同個湯都重龍蝦味#味增蟹醬蟹籽蟹肉扁意粉 🦀 蟹醬味好出同埋好creamy，如果蟹肉再多啲就仲開心~#鰻魚滑蛋漢堡配松露薯條 🐟個包應該熱過龍，變咗非洲人 (面嗰塊包仲要硬哂lol)不過嚿蛋都整得幾滑，大大條饅魚味道就正常#黑松露忌廉芝士薯條 🍟個醬真係好正 (#肥死)不過薯條個心有啲硬，我鍾意腍啲透啲#chocolate 🍫朋友話朱古力味幾濃#海鹽忌廉朱古力鮮奶 🥛我又俾"期間限定"4隻字吸引住，而佢都無令我失望~…Read More

午餐也好晚餐也好，一份日式的便當或家庭菜總是讓人有種恬靜的幸福感。這間巷裡的cafe亦如是，在彌敦道其中一個小巷的轉角位，繁華之中帶點寧靜，高檯對街位可以隱約看人流，這個光景其實頗好看。🔹綠茶素麵配燒鯖魚 $88主菜其中一個重點當然是和風系列！平常我很少在外吃魚，因為很麻煩而且我很怕腥味，這條魚燒得剛剛好，外皮脆魚肉有咬口，雖然多骨但容易分離，而且鹽燒的程度剛好配在清新的綠茶素面達到互相平衡的感覺。綠茶素面沒有特別特出的味道，不過口感夠挺身，份量又多，點上特製醬汁吃很調和，可以更突出魚肉的鮮味。🔹味增蟹醬蟹籽蟹肉扁意粉 $128肚子餓的朋友一定要點這個！首先它是cream pasta所以一定非常飽肚，creamy的意粉上有滿滿的蟹籽和蟹肉，更有木魚提升風味，意粉保持到彈牙的口感，鮮味非常充足，這個日式中帶少少西式的主菜比想像中好吃呢。🔹雞軟骨餃子 $68本來太飽不想點，但朋友很想吃小食，結果點了餃子🤣真的慶幸有點到，因為餃子非常好吃！首先外層煎到非常脆口，金黃色的外型裡面包著非常有咬口的雞軟骨碎和鹹香滿滿的豬肉，雖然有點油，但點完酸酸的醬汁後，豬肉的味道更加強烈，如果不是有主食我一個人都可以吃完～🔹Mojito Soda $48薄荷味好強烈，飲品2/3都塞滿薄荷葉，這樣令飲品充滿清涼的冰感，它沒有多餘的甜味，配甜品或者香口小食都是很搭，顏色也好看～…Read More

最近成日比依一間Cafe洗版，於是終於忍唔住去試咗🤣。打卡方面，🌿Cafe門口真係夠影一個下午😆，不過就冇得直接坐門口食嘢，適合買杯咖啡陪襯吓咁影，位置較細，想影就要早啲黎喇。店內環境走簡約風，以灰色同木系為主調，如果店內影嘅話就要就下角度，先至唔會影到其他人。食物方面，種類雖然唔多，但係每樣都好出色，又唔會等得耐🤩❗️我朋友話不如唔好淨開cafe，叫佢再開多間餐廳喇🤤🤣❗️因為Cafe黎講要搵一間好食嘅其實真係好難，依間真係突圍而出，有驚喜的，又唔會馬虎，就算嗰日唔係去打卡，想食個飯都係一個唔錯既選擇👍🏻💕-🤍[👍🏻］味增蟹醬蟹籽蟹肉扁意粉$128🤍[👍🏻］龍蝦湯配牛油果大蝦稻庭烏冬$128🤍日本海鹽蜜糖甘薯條$65🤍柚子蜜梳打$38🤍玫瑰茉莉花茶$58-🤍[👍🏻］味增蟹醬蟹籽蟹肉扁意粉［滿星］⭐⭐⭐⭐⭐‼ ️👍🏻❗️係餐廳推介，果然唔失望！意粉配料有🦀蟹醬、🦀蟹籽、🦀蟹肉、沙律菜🥗、車厘茄、紫菜、木魚碎等。有哂3款蟹係到蟹味極濃😚，口感豐富，卡邦尼醬汁味重加上蟹醬，而且用到扁意粉，更加分，意粉好creamy好掛汁☺️。.🤍[👍🏻］龍蝦湯配牛油果大蝦稻庭烏冬［滿星］⭐⭐⭐⭐⭐‼依個餐既龍蝦湯同烏冬係分開上，龍蝦湯以鐵壺裝住，客人再自行倒落去，可能係避免怕客人拎既時候燙傷，倒岀黎個陣既溫度係微暖♨️，而且自己食先倒落去就唔怕紫菜/牛油果腍哂喇。烏冬配料有4隻大蝦🍤、一整個牛油果🥑、沙律菜🥗、車厘茄、紫菜、木魚碎等。稻庭烏冬口感爽滑彈牙，大蝦爽口。龍蝦湯味道唔係濃到稠既質地，而係清甜龍蝦味，我反而中意依個味多啲😳，覺得清甜又健康啲。牛油果係浸湯之後就變微腍，建議倒湯前食左一半再試浸湯後口感，浸湯後牛油果入口即溶又充滿龍蝦味，個人認為幾好食🥳。.🤍日本海鹽蜜糖甘薯條［滿星］⭐⭐⭐⭐⭐‼依個真係我最愛❤️❤️👍🏻乜都唔食都好，都要食依個❗️🥰🥰甘薯條份量多到就滿瀉！整叫即整，熱辣辣😍！甘薯條係比較粗身，仲有連埋少少薯皮😍，粗得黎香脆甘甜，最後仲加番啲鹽調味😚，之後就係重點，甘薯條配既醬汁‼️醬汁係焦糖咖啡味，濃郁焦糖加咖啡味，好正🥰我平時係連茄汁都唔會配，依個醬汁我係成條浸哂落去，簡直係好食到我想叫佢比成兜我倒落口😂😂必食呀‼️‼️.🤍玫瑰茉莉花茶［滿星］⭐⭐⭐⭐⭐‼茉莉花茶味重，玫瑰味清香😍不停refill味道都冇變淡🥰🥰-環境：8/10服務：9/10好味指數：9.5/10回頭率：9/10…Read More

Café 位於眾坊街的盡頭，人煙較稀少。café 裝修簡約清新，每張枱都有一定距離，亦有吧枱位罝，可以好優閒同朋友邊食邊傾。吧枱同門口出面都係打卡位，所以吸引好多年輕人去幫襯。食物方面主打清新菜式，少油少煎炸，感覺比較健康。味增蟹醬蟹籽蟹肉扁意粉$138 :  日式味增蟹醬蟹籽蟹肉結合西式扁意粉，出奇地好味，味增蟹醬一點也不油膩，口味沒有芝士、卞邦尼醬汁般重，恰到好處。龍蝦湯配牛油果大蝦稻庭烏冬 $138 : 香濃龍蝦湯湯底，配彈牙烏冬、爽口大蝦。海鹽焦糖雞翼 $68 : 開邊雞翼外皮香脆，海鹽焦糖汁甜中帶少少咸，越食越開胃。食完叫杯飲品柚子蜜梳打 $38 同Affogato 香濃熱咖啡雲尼拿冰淇淋$48，慢慢品嚐又可以繼續同朋友談天說地。…Read More

呢一間「小巷」咖啡店一直有打算嚟試吓，因為，晌網上見到環境好，菜式有啲亮點，而咖啡更喺目標物，不過，油麻地區唔太喺小弟搵食嘅熱點，通常都喺有事過開呢頭，就順便搵搵食。呢日卒之出開嚟，有個波友又話出旺角買波鞋，所以，索性約埋食返餐，等小弟有個伴。餐廳果然夠人氣，只喺平日啫，都未夠7:00pm晌門口已排滿人。由於餐廳位處小巷內，有種自成一角嘅寧靜應感，由門面，到室內，都裝修得一派文清風，加上樓底特高，簡約舒服。餐廳採用櫃面落單，再由店員將食物送上，而餐具、清水就自助形式。食物方面，明顯喺貴精不貴多，但都算一應俱全，有沙律、小食、主菜、漢堡、全日早餐、甜品……等等，而飲品則有花茶、咖啡、梳打……等等。海鹽焦糖雞翼 $68呢個屬餐廳嘅人氣小食，目測所見，超過一半人都有點，除咗口感較為特別之外，更做成單骨，較原隻方便食。雞翼本身炸得香口，卻唔油膩，表層有薄薄一層嘅焦糖，灑咗啲海鹽，所以，味道蜜香中滲點鹽味，幾得意。龍蝦湯配牛油果大蝦稻庭烏冬 $128呢個烏冬喺餐廳一熱賣菜式，因為又喺見到好多枱都有嗌呢一款菜式，事實上，又真喺幾有賣點，龍蝦湯以小銅壺登場，晌整體賣相上確喺加唔少分；而牛油果、大蝦都亳無手緊，落嘅份量都幾多，咁就已經加咗唔少印象分。個湯倒入碗內，已經聞到陣陣龍蝦味，老友小試一口，話確喺有料到，夠晒濃郁，而大蝦亦非常爽彈，牛油果熟透晒，腍得嚟好綿滑，稻庭烏冬唔喺浪得虛名，質感十分滑溜，整體而言，喺一道高水準嘅菜式，唯一挑剔，喺覺得「熱食」牛油果有啲唔夾。味增蟹醬蟹籽蟹肉扁意粉 $128喺餐牌中嘅推介菜式，亦喺小弟嘅目標菜式，因為本身都鍾意食蟹，但就甚唔鍾意拆蟹，麻煩嘛，所以，呢道菜就滿足到我嘅要求。仲有就喺加埋蟹膏、蟹籽，真喺點可以錯過，成品送到，真喺無欺場，意粉麵放有好多蟹肉、蟹籽，前者好鮮甜，後者卜卜脆，蟹膏以味噌處理過，個汁底又好掛汁，撈勻啲扁意粉一齊食，味道一流，最緊要啲扁意粉又煮得啱啱好，有咬口感。反而，我覺得木魚碎同紫菜絲唔加都仲好啲。海鹽忌廉朱古力鮮奶 $48老友揀咗款期間限定朱古力鮮奶，加咗一大抹忌廉，淋上少少朱古力漿，立體咗好多。入口朱古力味比預期濃，將啲忌廉攬勻，口感又幾滑，嗒落又真喺甜中帶鹹，多咗啲層次感，感覺都幾特別。鮮奶咖啡 $38嚟到咖啡店，飲品首選都喺咖啡，而跟食物一樣，都喺貴精不貴多。鮮奶咖啡喺小弟至愛，既欣賞咖啡師嘅拉花手藝，又細味佢哋沖泡出嚟嘅咖啡夠唔夠口感均勻。呢一杯鮮奶咖啡嘅拉花幾靚仔，線條幼細又對稱，入口好醇厚，滲出好香嘅咖啡香氣，仲帶點點果仁香味，口感又夠均勻順滑。 小弟做人好簡單，努力打工都喺想賺多個錢，賺到錢就只喺想食餐好，當然有餘有剩就再可以做多啲其他嘢。今日晌「不籽是咖啡」，無論食物，抑或飲品，老友同我都好滿意，只喺飲品方面漏咗單，等耐咗。…Read More

最近好忙好忙，好多篇都擺左係度未得閒打文😭夜晚黎呢間木系咖啡店等大概兩三張檯，主食選項唔算好多，幾乎每一檯都係叫呢幾樣餐廳本身推薦嘅食物😛▪️ 龍蝦湯配牛油果大蝦稻庭烏冬（6.5/10）💲128係金色壺度另上既龍蝦湯，倒出嚟嘅時候會係微溫，入口龍蝦味道尚算香濃，同埋就咁飲都唔會口渴🦞大蝦幾爽口彈牙🦐但略嫌個牛油果新鮮度一般，亦同個湯底唔太匹配，烏冬比較幼軟身差咁少少咬口🙈▪️ 味增蟹醬蟹籽蟹肉扁意粉（7.5/10）💲128面頭鋪上唔少木魚絲同埋紫菜，每一口都係豐腴既蟹膏、蟹籽、蟹肉，蟹味真係超級香濃，質感彈牙既扁意粉底，再配上creamy既忌廉汁，但食到尾都完全唔覺膩，整體令人回味😍▪️ 海鹽焦糖雞翼（7/10）💲68煎到乾脆身單骨雞翼，方便進食🤭味道鹹甜交替幾有趣😌▪️ Matcha Latte （7/10）💲45 (Cold)叫左凍都無話飲到抹茶粉末，口感夠順滑，不過味道再濃一點更好🍵▪️ 海鹽忌廉朱古力鮮奶（7/10）💲48期間限定既飲品，面頭厚重忌廉帶有突出既海鹽鹹，可以中和返底下既朱古力，甜度適中🍫🔎 整體評分（7/10）…Read More

成日都係ig見到呢間cafe好多人打卡 出面影相好有日系溫暖家庭feel 而入面就真係cafe氛圍好舒服😌座位唔多 我地揀左坐係靠窗嘅高台 望住出面特別有feel～🍜龍蝦湯配牛油果大蝦稻庭烏冬💰128龍蝦湯用茶壺裝住 可以等你自己決定倒嘅份量😚木碗裝住嘅烏冬分外家庭式 上面鋪滿一層牛油果 幾隻大蝦 木魚花 海苔 心內美蘿蔔 沙律菜同車厘茄 超colourful同好fresh😍大蝦彈牙 烏冬都好有韌勁咬口 唔會煮到淋晒！成碗麵同龍蝦湯係超match 我地到最尾不斷飲湯🤣不過牛油果份量太多食唔晒🤭🍝味增蟹醬蟹籽蟹肉扁意粉💰128木魚花 海苔 蟹膏蟹籽蟹肉堆到好似座山咁高 超足料！旁邊有清爽嘅沙律菜 車厘茄同心內美蘿蔔 意粉係扁身所以唔會太硬 又冇煮到淋patpat 同底下嘅cream好夾！份量都偏大 我地食唔晒😛🥗胡麻醬秋葵💰48講真真係第一次食秋葵！不過配埋胡麻醬口感就可以接受 整體係黏液質地🤨隔離都有standard沙律菜等等比較開胃！🍹葡萄柚高山茶💰40呢兩杯真係超靚 來到隔離位因為太靚都問可唔可以影相🤣杯睇落唔大但係闊度呃到晒人！成杯完全飲唔晒 因為超解膩 清爽😍葡萄柚嘅清香配埋花茶係錦上添花 冇另外加糖令呢杯野夠原味 啱啱好！超推介喔🍸mojito soda💰48望落都係超清爽嘅一杯 份量如果再多D就perfect！一飲落口係清新嘅薄荷味 有種泰式嘅獨特風味🤣青檸味比較足 酸酸尾尾好開胃～雖然店面唔大 但係勝在溫馨 係鬧市中單孑獨立 望住窗出面嘅老城區都感慨十足 大家不妨尋找城中桃園！…Read More

今日放工去左油麻地一間靚靚cafe到打卡食好西，係地鐵站出閘5分鐘內到，好方便。龍蝦湯配牛油果大蝦稻庭烏冬 $128好signature嘅一道菜，好似餐廳入面好多人都叫左呢個野食。上枱個陣張龍蝦湯同烏冬分開左，你自己想加幾多湯就加幾多，同埋咁樣上枱之前唔會一直浸住個烏冬，唔會搞到個烏冬淋曬，食落口個陣仲好有口感。至於材料都好豐富，同埋個龍蝦湯好重味，感覺上會鹹少少，不過都唔錯嘅。味增蟹醬蟹籽蟹肉扁意粉 $128扁意粉好Al dente，每一淡都充滿左蟹嘅野，好爽，好足料！而且意料份量都好夠，男朋友食都好夠飽。胡麻醬秋葵 $48秋葵應有嘅水準，最重要係冷盤，夏天食真係一流！Matcha Latte $45唔錯，Matcha味都好夠，不過奶味差左小小。Chocolate $37朱古力味好香好好飲。Overall黎講，打卡真係好正，入店整體個感覺都好舒服，而且餐廳係pet friendly，當日食飯都有狗隻同場。…Read More

喺附近返工收工朋友介紹嚟呢度食飯，入到去Cafe嘅格局，再加埋佢嘅裝修好舒服，令到一日返工嘅煩惱一掃而空，好啱同朋友聚下傾下計🙃 食落嘢食都唔似一般Cafe得個睇字😆🔎 龍蝦湯配牛油果大蝦稻庭烏冬 $128 龍蝦湯同埋烏冬分開上，令到烏冬打完卡之後都依然咁彈牙唔會林晒，啲大蝦🍤淡淡肉食落唔腥配個龍蝦湯咁樣食更加逼到個蝦味出黎，牛油果同埋其他配菜都好新鮮，男仔食都夠飽🤓🔎 味增蟹醬蟹籽蟹肉扁意粉 $128份量好足夠，撈埋嚟食一啖入面有齊蟹籽蟹肉好有質感，個醬唔算太鹹配埋爽口嘅意大利扁意粉係一個好好嘅fusion🤤🔎 胡麻醬秋葵 $48一個小食有成差唔多10條秋葵，咬落去新鮮，配襯埋麻醬用嚟做飯前小食都好開胃下☺️🔎 玫瑰茉莉花熱泡花茶 $58佢呢個花茶壺配埋碟上咁樣用嚟打卡一流，再加埋佢個花茶壺冇過濾網，可以直接倒埋啲玫瑰花出嚟飲，個香味更加重，夏天飲玫瑰花茶對於香港都市人來講都係相當唔錯，可以疏肝解鬱，減一減都市人嘅壓力🙃🔎 海鹽忌廉朱古力鮮奶 $48飲落好邪惡朱古力味好濃烈，期間限定不解釋，飲完杯嘢已經好飽肚好滿足🤪-📍 不籽是咖啡 (油麻地)油麻地彌敦道450號文豪閣地下D號舖…Read More

在IG看到很多人到這裡打卡，而且評價好像不錯。晚飯時間原來人不多，可以隨便選位坐。餐牌主要以pasta為主，款式也算多。☀龍蝦湯配牛油果大蝦稻庭烏冬☀這個每枱都點，金壺裝著龍蝦湯，可以讓你自行加湯，不怕稻庭烏冬變淋。可惜的是稻庭烏冬本身偏軟，我喜歡較有咬口的。龍蝦湯很香，但偏鹹，不過整體幾好吃。☀味增蟹醬蟹籽蟹肉扁意粉☀意粉的份量超級多！蟹醬不腥，也算啖啖蟹肉，調味稍淡，也吃不出味增味道。意粉的質地是我喜歡的偏硬質地。☀黑松露雜菌扁意粉☀必須再說的是意粉份量好多，這個調味很足，黑松露味超香，頗多忌廉。最後是吃不完的。☀海鹽忌廉朱古力☀說是期間限定，頗香濃的。…Read More

返工日子總比放假多，想享受在咖啡店時光，唯有放工相約朋友chill一chill，來一個輕鬆愉快的晚上。門面已看出餐廳精心的怖置，不禁走上前打卡拍照，怖置主要以淺木及灰色為主，帶出餐廳走著簡約懷舊風，感覺舒適自在。小小咖啡店大約可容納15人，但食物種類不少有冷麵、鳥冬、意粉、漢堡、全日早餐及小食，飲品亦有咖啡、梳打及茶，真是感謝友人耐心等待加班而遲到的我。匆忙到達後隨即讓服務員推介菜式，非常信任店長下點了以下三款食物，而菜式落單後15分鐘便逐一呈到眼前，肚子打鼓中的我倆急不及待開動了。一碗內大約有10條秋葵，包括有切去及保留莖部的秋葵，兩者比較下較喜歡前者，因為秋葵灼後仍保留到輕爽口感，相對莖部會較硬身，胡麻醬的芝麻香與酸味與秋葵十分配襯，加上秋葵獨有的黏液特質，一點也不乾身，作為前茶最適合不過。龍蝦湯放進壺內另上，並需自行倒進烏冬內，另類上菜方法帶點玩味與特別，龍蝦湯呈橙色有輕輕蝦頭香及龍蝦鮮味，烏冬偏身軟滑，其質感吸湯力高使龍蝦湯味更香濃，甚至蓋過了烏冬麵粉味。麵上放有4隻大蝦、半邊牛油果、沙律菜及紫菜絲，大蝦彈牙嫩滑，絕沒有被熱燙湯底影響興感及熟度，但對於浸腍浸濕了的牛油果有所保留，加上牛油果與龍蝦湯底味有衝突，兩者味道未能融為一體。意粉上放滿了蟹肉、蟹籽及紫菜，份量多得堆疊如山，各材料鬆散容易與意粉撈勻，味道充滿蟹肉蟹籽鮮味，及掛麵度高的香滑輕咸香味增忌廉汁，啖啖意粉也包含鮮、咸、滑三大完美組合元素，整體味道與口感十足，意粉份量對我倆來說更是二人量般豐富。餐廳舒適的裝橫與寧靜的環境，讓我由趕頭趕命的節奏驟變心情放鬆，對於放工後到訪的我，的確可暫時忘卻煩憂，與友人暢談歡聚。—整體評語：食物-每款食物外貌鮮艷奪目，採用之食材也健康新鮮，份量亦毫不吝嗇，除了牛油果放湯外，各種配搭口感與美味都不缺。.服務-服務員有禮待人，細心了解我倆的需要向我們推介食品，亦同時平衡到留意我們需要同時給予足夠空間，這點對於休閒咖啡店來說甚為重要，今次的到探讓我與友人有一個寧靜放鬆的晚上。上菜十分迅速，15分鐘內食物已逐一呈上。.衛生-所有碗碟餐具也乾爽潔淨，傢俬也整潔企理，沒有任何食物殘渣。.環境-平日的晚上光顧人流不算多，環境寧靜，整體色調與木傢俱的配搭感覺和諧適服。.抵食-餐廳只提供單點，若推出晚市套餐性價比會更高。…Read More