Shugetsu (Cannon Street)

收藏左依間拉麵店唔算長時間 但網上看到依間都幾有名。 趁去開銅鑼灣 就去試下門面相當有日本風 唔止外面 連內裡都好有日本拉麵店風味 。感覺隔左度門 就去左日本咁 岩哂去唔到日本咁耐既大家午市套餐價錢都相當實惠，大約$69。 今次就叫左網上推薦既主打： 周月沾麵 。 客人可以簡湯底是濃是淡 、麵量要多少（可簡100-300g) 、熱麵還是冷麵還有餐飲（包汽水） 。 由於唔太清楚份量 ，就叫左300g配冷麵， 湯底就一試濃湯。 食物好快上枱 。 睇到個份量 真心「嘩」左聲。 原來300g係咁大碗😅😅 唔怪得知後期見到隔離枱叫 都係200g左右😅😅 真心食完會飽到爆炸🤣 湯裡面有筍等調味，加上叉燒（？） 味道唔錯但味道係極之咸😅😅 食完之後 ， 店員仲會問你需唔需要加水變成湯。 依點個人認為幾特別。 加左水後既湯底， 咸味都相當重 加上太油 。題外話， 最意外既一個點係 除左口罩袋外， 竟然會提供髮圈。 依樣係香港真係未見過，相當有日本風味枱面也有放置玄米茶 大有幫助消化的意味…Read More

好耐之前已經久仰大名，上次去中環食座銀既時候旁邊就有喱間周月分店，都排哂隊，今次揀左銅鑼灣果間分店餐廳裝潢好似舊日本既拉麵店，好似去左潢濱那個拉麵店地下商場咁，今次試左佢最出名既周月沾麵周月沾麵$96EM。。。先講個拉麵，個拉麵好彈牙，是屬於粗身既麵條，個汁我覺得。。。好咸呀，係又咸又油，配埋個汁入面果幾舊豬腩肉，又肥又咸又油。。。我好失望。。。明明好多人推介好多人排隊。。。點解出到來咁樣。。。可能我食慣既沾麵係魚介湯果間三田製麵所，佢喱個味道係醬油味，所以好咸好稀。。。難怪晚餐時間都仲有好多位剩，明明OPENRICE評價不錯。。。唔推介大家來試…Read More

沾麵控嘅我，真係食咗全香港沾麵咁滯！比起拉麵，唔知點解我更喜歡食沾麵。有朋友介紹話周月好食，所以今次嚟左銅鑼灣分店試吓！佢地有三間舖：中環，鰂魚涌同埋銅鑼灣 📃睇睇餐牌，有拉麵沾麵、仲有關東煮、其他小食、飲品。望到有一個地方超讚，就係同日本一樣，有橡筋俾客人紮頭髮、仲有怕湯汁彈到嘅圍裙、口罩袋👍🏻👍🏻👍🏻周月沾麵 - 濃汁 200g $96幾鐘意麵條嘅韌度👍🏻 比較喜歡中硬度，好似爽口 d 😃 流心蛋做得幾靚，暖暖地；掛湯就有少少微酸感，其實幾開胃，但食食下覺得稍為偏鹹。燒黑豚沾麵 - 濃汁 200g $123同招牌周月沾麵一樣，有半隻蛋、蔥、荀；呢個就多咗三片鹿兒島黑豚肉片，燒得好香口，唔會好肥膩感，唔錯 👍🏻Suntory 特級生啤 $58Zero 可樂 $16…Read More

今日去開銅鑼灣，就食好耐冇食嘅拉麵店，之前睇報導被評為香港十大拉麵店之一，睇吓係咪仲係咁好食周月沾麵 $65叫咗個周月沾麵，300g，真係好多麵，佢有100g同埋200g揀，價錢一樣，雖然我揀咗熱麵，但食落係暖暖地，至於湯我揀濃湯，真係好濃味，配埋啲麵夠晒味，但下次食應該會試淡湯，可以食完麵飲埋啲湯野菜魚餅 （+$15）個魚餅比我想像中好好味，好味到嫌一塊唔夠喉，魚味好濃，質地冧冧地，好香口，配埋沙律醬酸酸地一流，值得推介炸雞 （+30）見到餐牌寫住推介又限量發售咁，就叫嚟試吓，味道一般，係炸得幾脆，但冇想像中咁正，未去到推介咁誇…Read More

好耐未食過拉麵啦就嚟試一次呢間米芝蓮嘅拉麵啦周月沾麵（300g，熱麵）$98周月拉麵 （淡湯）$98沾麵可以揀熱麵或者凍麵👍🏻無論你揀100g, 200g, 300g都係同一個價錢，大胃王就唔驚唔夠飽啦😂沾麵嘅面係粗身嘅面沾麵嘅湯非常之重口味🍜有成四五舊叉燒肉粒仲有一啲筍食完之後記住同店員加清雞湯啦😋醬油味道非常之濃郁拉麵方面，即使揀咗淡湯底，但係醬油味仍然非常之濃厚三舊叉燒都有灸燒嘅香味拉麵嘅面就係幼麵佢仲有黑胡椒，醋，一味粉可以加我就試咗加一味粉係個拉麵度其實佢係有少少辣但係就可以令到成個面冇咁鹹友人就加咗醋喺個沾麵度都係可以令到個湯冇咁鹹但係有一樣野覺得呢間拉麵店都幾貼心佢有口罩紙袋，圍裙，橡筋提供無論男士定女士都唔怕俾啲湯彈到成身都係女士仲可以用橡筋紮起啲頭髮添總括來講，我個人就覺得偏鹹，但值得一讚嘅係食完完全唔口渴唔口乾，可能冇用到味精但係友人就覺得個湯底非常之濃郁好鍾意視乎返本身個人口味食得重唔重口味啦…Read More

喺某某社交平台喺某某關注群組成日見到人講呢間，今日去開銅鑼灣就點都要食返一次啦！つけ麺が大好きですね！！下午點半左右去到唔駛等位，不過都幾乎座滿。呢間店好貼心咁提供咗口罩袋、綁頭髮用橡筋、即棄圍巾都有！【周月沾麵】幾鍾意佢呢個略帶酸味嘅湯，魚介口味超濃厚。沾麵係即製嘅，好彈牙！麵嘅份量100/200/300g同價，當然揀咗300g，一上到枱個份量係超多，哈！但最終都食得晒！食完沾麵，店員要問你要唔要加雞湯，咁就可以連剩餘嘅湯都飲晒，好好味！【周月拉麵】老婆比較鍾意食拉麵，於是就食咗呢款。佢話好食，但我冇試就唔比評語喇，下次有機會再食先再寫。（雖然多數會食返沾麵，哈哈）唔駛去日本都可以食到咁高質數嘅拉麵，大滿足！！…Read More

行完山去左銅鑼灣搵野食，女朋友話想食沾麵，見銅鑼灣分店野食平啲就黎左依間分店一入到去環境比較迫同細，即使有隔得開啲既空位，但係店員都係會將你同其他客人拍埋一齊咁坐，座位安排有待改善女朋友叫左周月沾麵，而我就叫左黑豚肉沾麵，分別就係我有另外三塊黑豚肉片沾麵份量分別有100，200同300g 比你揀，300g 幾大份，我一個男仔行完山食完都阿飽女朋友既周月沾麵黑豚肉沾麵，嗌左冷麵，麵條質地幾好，本身沾麵既湯調味唔錯，不過質地偏稀，有幾塊好細既豬肉，其實做到依個價位可以大方少少總括黎講，食物質素ok無伏 不過性價比偏低，員工服務態度幾好，如果突然行開想食沾麵都可以一試…Read More

好多朋友知我中意食拉麵 誠意推介我食呢間周月由於我星期一下就黎 所以完全唔洗等 仲有勁多位午餐時段都幾抵食 $62一碗沾麵仲送汔水😂係咪疫症價 但由於我唔飲汔水 另外加$18 點左西柚汁 餐廳內部簡單整潔 仲有提供埋圍裙同紙袋比你裝口罩$62 周月沾麵 小妹揀左（200g 濃口湯 熱麵）註：100~300g 價錢都係一樣的首先麵質彈牙 爽口 份量方面好貼心 可以比你揀 沾麵個湯味道可以 但略咸同油 可能因為我揀左重口味😅另外 本身個湯有加醋 少少酸口味 我自己就麻麻中意帶酸嘅湯底🤨醬油蛋一般 個人口味可再咸少少…Read More

個人好喜歡食沾麵的！不過多數都係食魚介湯底，白雞湯底或者櫻花蝦湯底😚所以第一次食到呢個醬油湯底都幾有驚喜！——————————————————————呢度都有好多選擇同唔同款嘅沾麵或者拉麵佢仲有得俾你揀濃汁或者淡汁個人就鍾意重口味啲所以就揀咗濃汁🤪又有得揀涼麵定熱麵！仲有得揀100g / 200g / 300g，都係同價錢😚咁就嗌咗個200g，都夠飽有突👅不過200g都比我想像中多😂啲麵係粗身嘅，好彈牙！又有咬口！掛湯幾掂🤤湯底都幾特別，咸咸地，又幾清新總括而言都幾不錯👍🏿…Read More

食物評分 (最高5⭐️):周月沾麵 $93 ⭐️⭐️⭐️⭐️燒黑豚沾麵 $119 ⭐️⭐️⭐️⭐️.這店地點不算最方便，比較蝕底，所以都想去支持幫襯下。.周月是醬油起家，一入來墻上有張相顯示歷史悠久。.餐牌都有好大本，好多選擇，一開始有沾麵、再有辣款的沾麵、銅鑼灣店特有的山椒油麵、拉麵、小吃等。點單是填寫表的，客人自由選擇麵份量、湯味等。.一來天氣熱，二來沾麵較一般湯拉麵特別和相對少有些，於是我們都叫了沾麵。.麵可選大中小三個份量，價錢一樣，並盛100g、中盛200g、特盛300g，這樣好，自己按胃口大小來叫，不用浪費食物👍👍.沾麵醬汁可選濃味和淡味，我們都想食原味，故都叫了濃味。.麵可選涼麵或熱麵，大家都知煮麵過冷河都會彈牙些，所以我們都選了涼麵。.每枱都有個小膠架有張指示，亦在每個餐牌寫了，教食客正統的沾麵吃法。.周月沾麵 $93 ⭐️⭐️⭐️⭐️這個是中份量200g，一上時都有點意外地大份，原來是個碗有架足架把麵架起”鯨”水，免浸淋。..麵較拉麵粗身少少，有𡁻頭，咬落口感較好，麵粉是靚日本麵粉，所以麵味齋吃不點醬汁都好味。涼麵的確彈牙，我推介。加上天氣熱，涼麵感覺較好，反正醬汁是滾熱的。.糖心蛋好味，不會過鹹，有次在銅鑼灣零一間吃沾麵，還特別加錢加了糖心蛋，結果太過鹹吃不下，這隻則鹹味剛好。..初時看到醬汁不知道內裡也有很多料，當時沒有詳細看餐牌，原來有寫沾麵的醬汁包有:角切鹿兒島燒黑豚肉、脆筍、香葱、味玉(即半隻糖心蛋)，味道不錯，有些日本麵店的所謂濃味會一入口便好鹹，周月的不會，起碼不會一開始已覺得鹹。都有好多料，鹹味是越食越鹹😅😅不過總好過某些店一吃已覺鹹。另一個比較大的問題是油膩，原因相信是醬汁是用黑豚肉煮製，一上的湯汁已明顯看到有一層油在面，注重健康又或是特別怕油膩的朋友未必會欣賞這個沾麵湯汁。我覺得幾好味，偶一為之是可接受，當然經常吃就不會了。.燒黑豚沾麵 $119 ⭐️⭐️⭐️⭐️此圖為大份300g，真的好大份好飽。這味基本上與周月沾麵一模一樣，唯一分別是多了三片燒黑豚肉，多了$26，這三塊並不是剛燒好的，不是熱辣辣的，如果能煎香一點相信會把黑豚肉和豬皮的油煮出來會好好味。.吃完麵店員會給雞湯落餘下的沾麵湯汁。.如果這兩者之中比較之下，我建議只叫周月沾麵，因為多付的$26要來的三塊燒黑豚肉不太特別好味，反為在沾麵湯汁的黑豚肉條好味好多，第一因為在熱湯內，第二是已入味。.總結是服務員態度非常好，沾麵口感好，建議涼麵，沾麵湯汁比較油膩，久不久吃是可以的，中份量應該已經好夠一般女士們的。地點只是不太就腳，其實都不遠。…Read More

一個月內兩度去周月食沾麵，一來午餐$62呢個價錢可以有一碗麵再加飲品，喺銅鑼灣嚟講算係抵;另外沾麵嘅質素非常好，佢完全取代咗另一間銅鑼灣沾麵嘅地位。湯底方面未必係大眾鍾意嘅，用咗角砌黑豚肉制作，我個人認為適中湯底已經足夠啦，特濃就有啲咸。…Read More

今日一人晚餐，難得收工係附近有野做，趁機會enjoy下，試吓想試好耐既周月先😃舖頭入到店內裝潢比店面感覺闊落，座位下同前面都有位可放袋，🙈因為我shopping 完一袋二袋所以店員都有提醒我可放袋既地方。一場黎到，都無咩點諗，就食佢招牌既周月沾麵啦我要左濃湯周冷麵走青、100g麵，再加細既sunstory 生啤（生啤買一送一其實幾抵👀）麵黎到，都係有半隻溏心蛋，還可以的。湯底望落清清地咁，無平時個d咁結身，但估唔到掛湯都ok,而且醫油味散出香濃昆布味，我最喜歡💕而裡面既角切豚肉，有燒過的，幾香口，而且入口鬆化，冷拉麵彈牙有咬口。 👍🏻…Read More

之前已經食過幾次，今次經過見到忍唔住入左去食，出奇地係晚市時段都唔洗等位。我叫左個周月沾麵，濃湯300g麵。首先佢麵嘅份量真係好多，300g嘅麵真係可以食得好飽，而麵嘅軟硬度亦都好適中。而佢個湯方麵，真係我食過最好食嘅醬油湯底，好濃同好鮮味，而且佢唔係淨係得鹹味，亦有少少魚鮮味，用黎沾麵真係一流，而我食曬d麵亦忍唔住再飲多幾淡，雖然好鹹。而唯一無咁好嘅地方就係個麵唔會有一大舊肉，只係個湯入面有少少肉粒，但係整體而言真係值得再去食。…Read More

今日又係食沾麵的時候💪🏻💪🏻，黎到位於銅鑼灣的周月今日分別叫左銅鑼灣限定的山椒油麵同周月沾麵山椒油麵係拌麵黎，打隻生蛋再加醬油落去同麵一齊攪拌，豚肉燒得好好食，油麵加左蛋同醬油撈埋好惹味，仲有大量芽菜同蔥，口感豐富跟住就到周月沾麵，佢有100g,200g同300g 選擇，今日叫左300g，佢個湯醬油味重再加埋好重的魚介味，沾麵一流，麵又夠彈，好好味，隻溏心蛋都係十分出色重有記得食完可以加埋雞湯，加埋本身的醬油湯一齊飲，都係另類享受…Read More

今日收工諗住近近地去銅鑼灣行下同食晚飯～男友突然話好想食拉麵類嘅嘢做晚飯，突然記得之前食過呢間沾麵都不錯，所以就提議去食呢間啦～因為時間尚早，未到7點我哋已經到達～所以唔駛等位～侍應仲好好人比咗個L形嘅卡位比我哋坐～揀呢間食嘅原因係因為佢啲座位都比較闊落唔會話同隔離枱好親近～同埋一坐低見到好窩心嘅嘢！！圍裙同埋橡筋！真係加加加加加分呀！對於我呢啲成日著淺色衫又長頭髮嘅人嚟講，呢樣嘢簡直係救命呀～好多拉麵店都可能會有提供但係要開口問先有～咁好多時候未必會開口問架嘛～咁就要好小心食（但係最後都會整污糟件衫...-_-)好啦～一坐低就一定叫餃子！因為我好鍾意食餃子～男友望一望menu，話不如今次試吓其他嘢～因為佢見到啲好特別嘅嘢食～～～登登登登！慢煮日本A5和牛脾肉！睇到和牛2個字已經留晒口水啦～仲要只係 $98~梗係試下啦～碟和牛好快上桌！照香啊！估唔到份量都唔細啊～原本以為和牛係熱嘅，估佢唔到嘅係原來係凍食！不過肉質係非常軟熟～佢慢煮可以完全保留和牛肉嘅精華，每一啖咬落去都非常juicy~再配埋下面伴碟嘅椰菜～清一清味蕾再食濃味嘅拉麵非常適合！我哋2個都點咗一樣嘅沾麵～周月沾麵～佢呢度麵可以揀唔同size～分別係100g, 200g, 300g,三個唔同size都係同一個價錢～因為我哋大家都好餓啊，蘇怡都點咗300g～因為我唔食蔥，所以要求走蔥～店員仲好細心問我會唔會想連筍都走埋～的確窩心～300g真係比足架！超大份！仲有半隻流心蛋～沾麵最緊要係個湯底～周月主打醬油湯底～因為今日天氣都比較涼爽，所以我揀咗暖麵同埋一定要濃味湯底！個湯底真係超濃厚，裡面仲有好多舊豚角煮～好多都係半肥瘦～其實半肥瘦嘅肉口感真係最好～同埋個湯底有少少油先惹味！ 我個人鍾意加少少醋，咁可以去少少油同埋個湯底帶點酸味可以更加開胃！至於個流心蛋～一定係鹵過嘅！個心非常甜，好想叫多幾隻食呢～而周月嘅面係煙煙靱靱～非常掛湯～每一啖都係食到大滿足～ 我哋2個食完本身仲話去隔離食糖水～點知份量太足夠啦！連糖水都食唔落啦！…Read More