Shugetsu (Cannon Street)

好耐未食過拉麵啦就嚟試一次呢間米芝蓮嘅拉麵啦周月沾麵（300g，熱麵）$98周月拉麵 （淡湯）$98沾麵可以揀熱麵或者凍麵👍🏻無論你揀100g, 200g, 300g都係同一個價錢，大胃王就唔驚唔夠飽啦😂沾麵嘅面係粗身嘅面沾麵嘅湯非常之重口味🍜有成四五舊叉燒肉粒仲有一啲筍食完之後記住同店員加清雞湯啦😋醬油味道非常之濃郁拉麵方面，即使揀咗淡湯底，但係醬油味仍然非常之濃厚三舊叉燒都有灸燒嘅香味拉麵嘅面就係幼麵佢仲有黑胡椒，醋，一味粉可以加我就試咗加一味粉係個拉麵度其實佢係有少少辣但係就可以令到成個面冇咁鹹友人就加咗醋喺個沾麵度都係可以令到個湯冇咁鹹但係有一樣野覺得呢間拉麵店都幾貼心佢有口罩紙袋，圍裙，橡筋提供無論男士定女士都唔怕俾啲湯彈到成身都係女士仲可以用橡筋紮起啲頭髮添總括來講，我個人就覺得偏鹹，但值得一讚嘅係食完完全唔口渴唔口乾，可能冇用到味精但係友人就覺得個湯底非常之濃郁好鍾意視乎返本身個人口味食得重唔重口味啦…Read More

喺某某社交平台喺某某關注群組成日見到人講呢間，今日去開銅鑼灣就點都要食返一次啦！つけ麺が大好きですね！！下午點半左右去到唔駛等位，不過都幾乎座滿。呢間店好貼心咁提供咗口罩袋、綁頭髮用橡筋、即棄圍巾都有！【周月沾麵】幾鍾意佢呢個略帶酸味嘅湯，魚介口味超濃厚。沾麵係即製嘅，好彈牙！麵嘅份量100/200/300g同價，當然揀咗300g，一上到枱個份量係超多，哈！但最終都食得晒！食完沾麵，店員要問你要唔要加雞湯，咁就可以連剩餘嘅湯都飲晒，好好味！【周月拉麵】老婆比較鍾意食拉麵，於是就食咗呢款。佢話好食，但我冇試就唔比評語喇，下次有機會再食先再寫。（雖然多數會食返沾麵，哈哈）唔駛去日本都可以食到咁高質數嘅拉麵，大滿足！！…Read More

黎過周月食好多次，每次都嗌周月沾麵，今日天氣凍想試下拉麵，就叫咗個周月拉麵。周月拉麵 $93我覺得相當普通，比$93我覺得唔抵食，因為$93食一個咁普通既拉麵，覺得性價比唔高。個拉麵比起沾麵幼身小小，肉係燒得幾好食既，溏心蛋都岩岩好。不過湯底就偏鹹小小，食落成個感覺都係偏向普通，基本上食完冇乜記憶點。反而之前試佢既沾麵覺得好食好多，個汁濃稠度岩岩好，同個麵質都好食啲。我覺得黎周月食都係嗌翻沾麵。😬😬…Read More

周月賣點就係麵、湯、配菜都係自家製，充滿自己嘅味道，亦表示全無味精店既門面係靚既，精細，坐位有拉麵圍巾提供，而本餐牌精心設計仲有故事睇周月拉麵，濃湯，賣相吸引，一上枱就好香先試湯底，好濃好好味又有魚香又有豚骨味，麵質偏幼身好掛到湯好好味，麵本身好彈質感不錯叉燒，用既係燒黑豚肉，較厚身，口感幾好既，夠腍而肥瘦適中，味玉就正正常常咁相當唔錯既一碗拉麵，有自己既風味另一碗叫左燒黑豚拉麵，一黎到以為係周月拉麵，因為原來係一模一樣，只係黑豚肉份量增多左依碗叫左淡湯，都值得一講既，淡湯會令麵既蛋味出返黎，而同時淡湯開初食會覺得無咁正，魚、豚骨既味同鮮無咁出，但食到尾飲既湯就味道啱啱好好正而濃湯去到尾飲湯就會好咸，都係夾麵好啲食埋個餃子，餡既肉幾滑下，味道合格有餘有故事既拉麵店，又周到又有自己特色，吸引既可能有人會唔中意佢無好多唔同款既拉麵既我就覺得佢價錢合理味道又幾唔錯，值得一試#香葱拉麵其實好吸引#其實好鍾意啲只做一件事既店…Read More

突然想食碗普通义燒拉麵，銅鑼灣太多選擇又好多間未試，見到介紹日本多年老字號又試新野種類唔多簡簡單單用湯底同魚介沾汁做賣點，天氣好熱試一個限時及周年特別版冷麵店員有講秘密醬汁可以試試松葉蟹冷麵- 蟹鉗細細隻但好鮮甜，蟹肉勁多差不多有半碟，青瓜新鮮爽脆，粟米唔甜，蕃茄仔新鮮冇腥味，醬汁小小酸小小咸醒胃但偏清拉麵我嚴太硬太煙韌索唔到汁，咬咬吓覺得累都冇食晒周月拉麵-拉麵爽滑彈牙但又能夠索滿汁，我本身都重味人所以湯底揀左濃湯試吓日本口味，但我重味開都覺得咸都差小小有苦味食開清炎就記得叫淡味啦，飲湯時有啖好特別嘅香味食完睇真餐牌先知係佢特別之處义燒偏肥但燒過好香肉質好林，糖心蛋入晒卤水味蛋黃溶化蔥花好多但冇草青味總結：本身比較喜歡豬骨湯底豉油湯底好小食麻麻地鐘意，從未食過湯底咁特別嘅拉麵豉油有特別嘅清香味道好出色，拉麵質地我都好鐘意一試難忘， 有機會一定再試埋沾汁麵，如果大家食得濃味記得食正宗啦…Read More

終於一試米芝蓮推介 - 麵鮮醬油房周月沾麵、拉麵各有所愛還為客人預備了橡根、圍裙，巧細心啊準備開餐我試周月拉麵，湯底香濃！味玉好入味！朋友就食燒黑豚拉麵，豚肉香脆可口，湯底一樣濃郁！已說好下次要再試沾麵還有周月之餃子，拉麵絕配…Read More