情人節同咗男朋友去Original Art 慶祝 試左佢地個「情人節二人套餐」. 當晚分左兩個 booking session. First session 6:00pm 開始 Second session 8:30pm 開始. 點完餐之後侍應就攞咗麵包籃招待我哋. 麵包有三款 其中一款係蒜蓉包 全部都外脆內軟 餐廳特製嘅紅椒牛油都幾特別 微微紅椒味減少牛油嘅油膩.👍🏻- 自家製煙燻油甘魚🐟 💯沙律方面我哋就揀咗自家製煙燻油甘魚 肥美嘅油甘魚微微燻香 再配上蛋白蛋黃洋蔥碎 微辣嘅洋蔥碎提升油甘魚嘅層次感🤤(回頭指數 5/5）- 周打海鮮湯/法式龍蝦湯💯周打海鮮湯忌廉味濃郁 湯入面仲搵到青口帶子同蝦 用料豐富 👍🏻 十分高質 但一山還有一山高 佢地嘅法式龍蝦湯更令人驚艷 雖然湯入面無龍蝦肉 但龍蝦味依然十足 回頭指數爆燈(周打海鮮湯： 回頭指數 4/5）(法式龍蝦湯： 回頭指數 5/5）- 香煎帶子南瓜泥及露筍👍🏻帶子香煎至表面微焦 內裡肉質鮮嫩 但唔會太生 南瓜蘆筍打成泥 口感綿密(回頭指數 4.5/5）- 西班牙紅蝦天使麵配阿根廷紅蝦🦐💯天使麵煮得非常出色 濃郁嘅西班牙紅蝦醬汁 完美地融入天使麵 原本以為阿根廷紅蝦會係煮熟嘅 點知原來係刺身而且蝦肉鮮嫩彈牙 好好味🤤(回頭指數 5/5）- 炭燒澳洲M4牛板鍵🐮👍🏻牛板鍵煙燻味有少少太重 cover 左牛肉味 但生熟度控制得幾好 配菜方面有椰菜花三色椒同埋法邊豆 (回頭指數 4.5/5）- Irish coffee and 菠蘿荔枝梳打Irish coffee 酒味唔算太濃 都飲到少少酒嘅苦味 菠蘿荔枝梳打唔錯 幾清新又唔太甜(Irish coffee: 回頭指數 3/5）(菠蘿荔枝梳打: 回頭指數 3.5/5）- 荔枝芝士蛋糕👍🏻甜品都算特別 荔枝味嘅芝士蛋糕 蛋糕面上嘅雲石紋用咗芒果醬畫成 餐廳仲放左兩塊邱比特圖案嘅白朱古力做裝飾 💘(回頭指數 4/5）…Read More
