Sushi Namaken

🥰 老友 “意大利長介” 発現 廚師發板 “鮨生賢”, 今日終於帶我嚟見識.🥢 “鮨生賢” 位於灣仔舊商業大廈二樓, 12:25pm 到達, 大門仍然關上, 走廊非常焗熱. 擾攘一輪, 服務員出嚟開門, 第一印象係: 嘩! 咁 “山寨” 嘅? 燈光略暗, 裝修又有點殘舊, 設一張L型十人壽司吧枱, 少少似 “家庭式經營”. “長介” 選擇較平價嘅12道菜午餐, $680+10% (另一款係15 道菜, $880+10%).北海道珍蠔海螺白松貝右口魚帶子軍曹魚銀鱈魚脂肪主鯖魚鰹魚中大拖羅海膽吞拿魚蓉手卷魚湯蕨餅🦪 北海道珍蠔. 忌廉糖心嘅口感, 唔重海水金屬味道, 有趣!🐚 海螺. 以青檸汁調味, 脆口, 清新!🐚 白松貝. 即係日本嘅象拔蚌, 玩切條, 口感充實, 越嚼越鮮甜.🐟 右口魚. 據師傅介紹, 左口魚係養魚, 右口魚係野生嘅. 首先食魚肉, 甜美, 再食炙燒過嘅魚邊, 嘩, 魚油迫晒出嚟.🐚 帶子. 喺廚房燒完, 攞出嚟, 用紫菜包住, 以為完美結合, 事與願違, 帶子少少過熟了.😱 軍曹魚. 我以為師傅講笑, 原來真係叫 “軍曹”, 乃罕見食材, 我忍唔住問師傅 “係咪即係 Keroro”, 口感柔潤, 食落甜美.🍣 銀鱈魚. 出奇地柔滑細緻, 今餐驚喜之一.🍣 脂肪主. 據師傅介紹, 係深海嘅大龍躉, 口感少似貝類. 食落真係唔太似魚, 但又唔會覺得肥淋淋, 有趣!📖 翻查資料: "脂肪主" 又名 "油坊主", 外型似石斑, 體內油脂比例達 40%, 主要分佈於北太平洋日本至美國加州海域, 日本主要產地包括千葉縣, 北海道, 神奈川縣.🍣 鯖魚. 肉質滑溜, 魚味濃郁, 薑蔥蓉味道湧出, 絕配!🍣 鰹魚. 玩煙燻, 煙味緩緩滲出, 餘韻悠長, 冇得彈.🍣 中大拖羅. 熟成一星期, 醬油甘香味道帶領, 成功提升魚味, 又相當肥美.🐚 海膽. 忌廉口感, 合格吧.🤗 吞拿魚蓉手卷. 用火槍燒放魚油, 再撈埋吞拿魚, 香噴噴, 出色!🥣 魚湯. 熱辣辣, 味道鮮甜, 配料嘅魚肉, 睇落簡單, 食落極度嫩滑, 誠意可嘉.🥠 蕨餅. 清爽, 唔會黐𥹉𥹉, 應該係我食過最好食嘅 蕨餅.🤗 總結: 裝修雖然略舊, 但座位舒適闊落, 服務帶溫度, 貼心到位, 殷勤有禮, 服務員行番入吧枱酙酒, 唔會喺背脊攪嚟攪去. 師傅介紹食材非常清晰, 有問必答. 中午廚師發板 $680 定價唔平, 但材料十足, 幾款罕見魚料, 包括 軍曹魚, 脂肪主 等, 淨係個名都夠過癮. 貝類又係岀色, 壽司環節充滿驚喜, 包括 銀鱈魚, 鯖魚, 鰹魚. 留意, 惡人谷對 “鮨生賢” 嘅評價偏負面, 今日絕地平反了, 期待下次再訪.…Read More

今日黎試呢間o係灣仔新開張嘅omakase。位置唔難搵，o係喜匯旁邊嘅廈門街。上到去門口分別有一塊小木牌同紅色布幅寫上餐廳名「鮨生賢」，設計清晰簡約。入到去樓面都係行木系清新簡約風格，一張長嘅Omakase檯，加上五張卡位檯。Omakase檯每一個位都已經一早Set好，擺得好整齊，菜單同用餐布上嘅文字都係由老闆親手寫落去，成件事非常有質感。今次目標十分清晰，就係食omakase。從來omakase就講食客對師傅嘅尊重同信任，所以都唔洗諗好多，揀好一個價錢嘅餐，就交比師傅決定食咩食材！好快就已經有前菜食！有四點包括果茄、湯頁、蘿蔔同青瓜海蜇。 第一次食果茄，原來係咁甜！經理都同我地解釋得其名，就係因為食落個甜度好似水果，可想而知真係幾清甜；湯頁即係新鮮嘅豆腐皮。食落非常清新，有淡淡嘅豆味，加埋係冷盤，當清一清味蕾；蘿蔔整得好軟好入味，每啖都有好多汁；青瓜海蜇同樣清新爽口，做前菜一流！食完前菜，師傅好細心會切幾片柚子蘿蔔同薑片，比我清一清味蕾。雖然話咁，都唔好忽略佢，因為柚子味都幾重，好食！接下來係北海道真蠔。隻蠔超大隻，蠔殼大過一個男士嘅手掌，蠔肉同一部IPhoneX差不多大！食落非常鮮甜，海水味唔會太鹹，好似我呢D食唔慣蠔嘅，都覺得好好食！上面嘅蔥同柚子，吊起左整隻蠔嘅鮮味。掂！接下來係刺身嘅部分。首先係海螺刺身。海水味就無，換得而來就係海螺本身嘅鮮味，加埋爽口彈牙，脆卜卜非常過癮。 下一道係深海池魚，新鮮就當然啦～ 蔥（介紹係日本最幼嘅蔥）同個酸隻加埋一齊，將刺身昇華，鮮味中帶有一點點酸，胃口即刻打開！係食呢道菜前，師傅賣關子唔話比我地知係咩，要我地食左先講。「來吧！我甚麼都不怕！」表面稍微燒焦，食落表面有少少脆身。一咬下去，有D滑溜溜嘅液體流出來，我迅間就知道大約係咩來..師傅即刻話呢個係真鯛嘅白子。簡單講就係精子。老實講我唔係好食得慣，師傅話呢個係季節性食材，只有春天先有，即刻大開眼界，平時無機會食嘅野，我就係道食到啦～下一道係深海八爪魚刺身。平時食開嘅八爪魚就無咩味，但呢到嘅八爪魚係用汁浸過，所以非常入味。以為會好有煙奀，但食落先發現師傅已經整到好淋，唔難咬開，所以食落都唔會好狼狽。之後係凍食嘅鮑魚。口感整得岩岩好，唔會太奀口，又唔會太淋。細啖細啖食，都好有鮑魚嘅香味。隨鮑魚會有伴碟。唔好睇小佢，初頭唔知可以食，經理提議下一齊食，好香嘅紫蘇葉味散發整個口腔，超級香！真係有眼不識泰山。最後一道刺身係帶子海膽，再用紫菜包好。帶子表面用火槍燒過，令表面微脆，加埋軟淋淋嘅海膽，仲有紫菜十分香脆。帶子嘅油融入海膽同紫菜，係以前未食過嘅感覺。食完刺身，飲啖茶食塊薑，就開始食壽司啦～呢到嘅壽司飯全部都係用醋同鰹魚汁整，唔會淡而無味。第一件係蓮子鯛。本身就已經非常肥美，油脂充滿整個表面，所以啖啖滋味滿足，魚肉亦唔奀口，非常好！第二件係針魚。相對上係一款比較含罕有嘅深海魚（就係細細個紀錄片個D）。第一次食肉質比想像中淋，每一啖就記起佢鼻子上面個支好長嘅針，抓到佢D漁夫真厲害！第三件係比較常見嘅金目雕，即係我地香港人叫嘅大眼雞。魚身表面呈鮮紅色，吶吶令，望落去非常養眼。食落有陣陣果香味，係一浸無想過食壽司可以食到嘅味道，非常特別。第四件係真池魚。食落非常有口感，淡淡新鮮嘅味道，而且肉質肥美，一D都唔梅，爽口十足。好食！第五件係黑鯥壽司。黑鯥係另一款深海魚，因為數量稀少，所以亦係非常名貴嘅食材。入口肉質彈牙，亦都相當幼滑，味道偏濃。第六件係小肌，唔同大小嘅鰶魚都有唔同嘅名。小肌就係長7-10厘米嘅鰶魚。師傅特登擺左一塊薑片係小肌上面，大大提升左小肌嘅新鮮味道，咬落有咬口，都幾得意。之後就係牡丹蝦啦！呢到嘅牡丹蝦將頭切走，就只有下半身，所以滿足到我呢D懶人，可以一啖擺落口食！食落唔梅口，代表非常新鮮好食！平時係大型連鎖店嘅赤身係硬硬一塊攤係壽司飯上面，但呢到嘅赤身係非常鬆軟，顏色亦都非常深紅，擺入口唔係驚，夠新鮮先會係呢隻色！然後係整個omakase我最喜歡嘅大拖羅！呢份大拖羅肥美嘅級數單以文字形容都未必形容到個好味嘅程度。入口原來真係有即溶！食完層油仲會遺留係舌頭上面，要一啖食得曬，都咪話唔難道，因為實在太肥太正啦！！！真係要慢慢食～呢個搭高做嘅，係北海道馬糞海膽。配飯食又係另一種風味。海膽配合鰹魚汁，更能托出海膽個鮮味，當然仲有海水味啦～大拖羅係最肥美，呢個就係第二啦～ 吞拿魚蓉手卷。用火槍稍微燒燒吞拿魚，等D油燒曬出來，再打成蓉，配埋紫菜又係第二個味道，食落無咁大內疚感～哈哈～臨近尾聲，蝦味噌湯沖一沖整個味蕾，成件事好足料，蝦頭仲可以食埋膏。好食好食！最後甜品係紅豆糯米池！上碟非常精緻，一個Mochi再加埋一塊楓葉，雖然唔食得，不過都睇得！紅豆甜而不膩，為整個omakase劃上完美句號！成個Omakase，食左2個幾鐘。由前菜到甜品，都好似一件又一件藝術品，食完真係好滿足～…Read More