一生懸麵

Open Now

Now Closed

其實呢, 我太太自幾年前第1次食過沾麵之後, 就愛上左。奈何唔係好多店有得食, 呢晚經過呢間一生懸麵, 見到佢有沾麵啵, 就排隊試下~呢間都好多人幫襯架, 我經過開都見到門口好多人排隊~我地等左20分鐘左右啦, 就可以入去食了~排隊期間, 店員會先畀點餐紙我地, 可以睇左食咩先, 畫定先~其實呢間係小店, 所以小食, 拉麵同沾麵都係各有幾款, 唔算太多選擇。名古屋二郎系拉麵 $73我就叫左呢個, 湯拉麵來。配菜有大量芽菜, 椰菜同蒜頭。湯底同配菜好清甜。配菜上灑了不少黑椒。叉燒有3大片, 都用火灸燒過的, 油脂焦香, 好味!而且都係半肥半瘦的, 口感平均。濃香櫻蝦沾麵 $83我太太當然就揀沾麵啦, 佢揀左濃香櫻蝦沾麵。個沾麵醬真係不得了!櫻花蝦多到爆! 真係一D都唔吝嗇!蝦味濃郁好香口!就算食到最後, 都一樣仲有蝦仔!真係啖啖櫻花蝦!除了櫻花蝦, 醬料入面仲有豚肉。然後到個麵, 有半隻溏心蛋, 叉燒, 荀絲~隻溏心蛋好正! 個溏心整到剛剛好!麵質都好好, 好彈牙好掛湯。章魚燒  $28新鮮整出來, 熱辣辣, 不錯。雞軟骨棒 $28一客有2枝, 雞軟骨有咬口, 口感不錯, 幾好食!最後埋

今晚黎左呢間近排好紅既拉麵小店食個晚飯，我6點3左右到，時間尚早唔需要排隊。但係如果正常晚飯時間黎，條人龍係長到不得了。其實之前都試過去九龍灣店，就係太多人排隊所以最後冇食到。網上見到呢間拉麵店大獲好評，今日終於食到，太開心了我地兩個人各嗌左一個拉麵，首先係濃香櫻蝦油拉麵，一上枱見到d櫻花蝦多到鋪滿面櫻花蝦湯頭夠濃，配上豚肉湯底，散發蝦油香味，的確係掂，值得一試！第二碗係二郎系拉麵，比較特別，平時都冇乜見到，我都係第一次聽。呢碗就比較重口味，整體味道比較複雜，蒜味好濃，如果唔中意蒜頭既朋友就唔好嗌啦。兩碗對比既話，我個人係比較中意櫻花蝦拉麵。呢間拉麵店整體黎講都高質素，而且價錢平，性價比極高！屬於回頭率100%既米豬連小店。

有冇朋友同豬太郎一樣，天氣愈熱愈想食湯麵呢？今日正正就突然好想食返碗熱辣辣嘅拉麵，出一身熱汗，然後返屋企沖涼瞓個晏教。每次喺女人街都會試下啲未食過嘅餐廳，呢日見到一生懸麵嘅招牌，加上門口menu價錢相宣，就決定食間喇！#名古屋二郎系拉麵 $68 ＋ #半熟蛋$9揀咗一個睇名唔知會畀啲咩豬太郎嘅名古屋次郎，淨係見到有得揀蒜頭、椰菜、芽菜。一嚟到飲返啖湯先！濃厚嘅豬骨湯好甜，粗麵體咬落好彈牙，最鐘意佢嘅叉燒有燒香過，食落更加惹味。豬太郎仲另加半熟蛋，蛋黃半流心，好滋味。走咗芽菜，細細塊嘅椰菜同蒜頭配麵食啱啱好！#章魚燒 $28另外仲嗌咗小食 — 章魚燒，有4粒，份量嚟講加埋個麵食唔會太多，外脆內軟，燒汁唔會太多太鹹，值得一讚。

做完占🏋️‍♂️🏋️‍♀️落旺角兜個圈加搵食，唔覺意撞到老友話口痕吉兩串魚蛋🍢🍡 可惜無咁既興緻，唯有係旺角橫街窄巷尋歡。。。樂的美食😎行過通菜街，見到間日式舖寫住一生懸麵🍜 諗起日本既一生懸命，同港大既博盡，香港人既同你盡做同出一轍💪💖舖頭簡潔裝修，最入係開放式廚房，3個廚師做乜，都係照X光咁清清楚楚🧐，全舖大約30個位，係旺角黎講算間得好舒服🤗 悠長假期既音樂令我突然間走神，lalala love song令舖頭日本風🇯🇵加多幾重（未睇過神劇既快啲去煲）。，佢仲有位日系🇯🇵經理禮貌週到，加晒分💓💞💕MENU 有沾麵同拉麵，各4款。揀咗名古屋二郎系🇯🇵 好多人覺得名古屋無特色，但我正正喜歡佢無東京既嘈吵，但繁華背後又保持小城市既溫柔💖 （其實係求其揀😂）另外嗌咗餃子同汽水見到廚房個邊用心拿火槍燒，碗面上枱最搶眼就係微焦既叉燒🥰 令我違反平時先飲湯既習慣，咬咗一口，少少燶既面令肉汁留住，湯亦滋潤咗叉燒既表面👍湯底係成餐最驚喜既位😮 飲落去同平時豬骨湯唔同，帶咗鮮魚🐟味🤔原來就係名古屋二郎系特色，將日式拉麵濃濃既湯底再昇華❤️🧡💛💚麵底要咗硬，份量超足😜連我咁大胃口都差啲食唔晒，麵身無黏住，灣灣曲