TONKICHI TONKATSU SEAFOOD (World Trade Centre)

對上一次食當吉，經已遠到以年計的事！某日剛巧人在銅鑼灣，正好重拾昔日回憶。甫進餐廳，即時看到一大幅海底的流動屏幕，卡通魚游來游去，蠻有意思！吃吉豬前蘑芝麻是常識吧。枱面上擺放有西柚汁、豬扒汁以及紫菜汁，喜歡怎樣組合都可以，甚為齊全。單點的炸物先到，有豬扒、大蝦、生蠔和帶子，跟他他醬。海鮮鮮嫩爽口不在話下，其中的帶子尤其突出，又大又厚，深得我心。豬扒當然不可不提，炸得鬆化的外皮裡面的肉竟還是細嫩多汁的，出神入化！一客定食有刺身飯、沙律、味噌湯、漬物和吉列豬柳。沙律除了菜之外，特別之處就是有銀魚仔，與別不同！味噌湯有豆腐有蜆，跟味噌相當合拍。刺身塊塊厚身，以紫菜或紫蘇葉夾著漬物包著一起送進嘴裡，完美的自製壽司！豬柳的肉亦很鬆軟，完全滿足到本吉列控！從來當吉的飯後果都是西瓜，今次也沒有例外。西瓜不會非常的凍，入口清甜。加上飲品荔枝梳打，汽水裡散發出淡淡的荔枝香，就是所謂的「完美的句號」！多年後再食當吉，水準依舊，還好像進步不少！…Read More

疫情有緩和趨勢，難得外出逛逛街，享用久違了的美食。是晚造訪「 丼吉日式吉列豬排專門店」，以一眾巧手吉列炸物滿足老饕的舌頭。餐廳內部樓底高，卡座多，裝潢富輕和風味道。翻看餐牌，食材種類大體由不同級數的吉列豬扒、豬柳、大蝦及和牛組成，另有少量前菜小食及刺身供應。首次造訪，這份吉列豬扒、豬柳、大蝦二人前定食能一次過提供三款味道，實屬不錯的選擇。整體而言，各吉列食品炸煮得香而不膩，吉列外衣脆感十足，與食材黏著度理想，夾起來不鬆散。豬扒與豬柳味道相近，豚味濃厚。因豬柳出品更厚身，口感更軟嫩，評價稍稍佔優。吉列大蝦味道同樣出色，以牡丹蝦入饌，蝦味既新鮮又突出，爽實口感大滿足。吉列食品始終屬上火之物，餐單設計上始終要有一定平衡。在云云食材中，椰菜絲可算是吉列店的常客，隨定食任吃任添。椰菜絲出品乾爽清甜，輕蘸芝麻醬吃已有不俗的效果，小編前後添了三轉。一如其他和食店，餐廳的白飯以日本產米製作，相對肥短黏身。和椰菜絲一樣，可在席間無限量添加。這份漬物款式上不屬小編所好。麵豉湯重味 OK 喇！飯後還有生果送贈，款式是西瓜三片。倘若能換上日本蜜瓜等生果當然更為吸引。丼吉日式吉列豬排專門店開宗明義以吉列豬排作招牌美食，其食味質素確實理想。雖然人均消費須二三百元起，小編仍覺得物有所值，有機會會再來。…Read More

在銅鑼灣吃飯， 世貿中心選擇都算多， 港式、日本菜、多國菜等都有。 日本菜中更有shabushabu、蕎麥麵、日本料理樣樣齊，😏 對吉列物大愛的同事是次便帶我來到「丼吉日本吉列專門店」（下稱丼吉）。 從門口進入餐廳， 經過一條窄長的走廊， 沿路是闊落且私密度高的有簾遮掩的小廂房。 由於時間尚早比較少食客的關係， 店員便帶我們來到可遠觀維多利亞港海景的卡位座，高尚得黎又簡潔舒適，😌 絕對是適合情侶或朋友聚會的好地方～😏 「丼吉」主售吉列物，🍤 還有其他刺身或小吃可選擇。 為着吉列物而來， 當然是吃店家自慢的吉列豬扒和吉列豬柳啦。😏 🐷豬，全部都係豬～😂🙈 見特上豬扒豬柳定食（$432）可供二人食用， 價格比單點兩個單一吉列物定食便宜一點， 份量竟是一樣， 所以便點了一個二人share。☺️ 如果每款都想試的話， 不妨單點去試，有逐件計的！😂🙈 主角出場前， 店員讓我們磨白芝麻，去準備特調茨汁。 把芝麻磨至各人喜好的粗幼度後， 便可加入店家自家製的豬扒醬，拌勻即成！😎 豬扒用上鹿兒島豚， 大大塊切開有六、七件，份量不少呢！👏🏻 炸粉厚薄剛好，不會太厚或太dry，炸而不油， 咬落去外層脆卜卜，裡面肉質鬆軟，😌 加上酸酸甜甜又有麻香的豬扒醬， 為豬扒更提味不少， 食落又不會太肥膩～👍🏻 豬柳外型圓圓的， 一份有3大件， 肉質較豬扒瘦，但不柴，而且肉味十足！😋 每個套餐除了漬物和麵豉湯外， 還有椰菜絲和白飯無限添加， 份量三人share食都綽綽有餘！😏 除了壺裝的豬扒醬， 另外兩瓶是用來吃椰菜絲用的：紫菜芝麻汁和柚子汁， 個人就比較喜歡柚子汁， 因為酸中帶甜，很是開胃！😌 要是喜歡吃紫菜的話，不妨試下紫菜汁， 因為紫菜味十分突出～😂🙈 米飯用上日本上等珍珠米🍚， 口感煙韌微彈，絕不馬虎！ 漬物鹹中帶酸，作開胃菜或用來送飯就最岩～😏 麵豉湯裡加入不少蜆肉， 香濃得黎又添上幾分鹹鮮，惟有點重口味。🙈 最後，店家還為我們送上是日水果—香甜西瓜作為完美的總結呢。☺️ 總括來說， 「丼吉」的定價不低，最便宜都要二百多， 不過勝在食物份量相當足，真材實料， 質素也不錯，都算合理。 難得找到一家吉列物爽脆又可口，不油不膩， 愛吃炸物的食家不可錯過呢！…Read More

這年掀起拉麵熱潮，無數過江龍都來凡一杯羹，每一新店開幕都吸引長長的人龍，及至近月一蘭開幕，更是拉麵界的高潮！數年前香港也掀起另一陣日本吉列潮，當年排隊潮聖的人龍亦不徨多讓。雖然吉列風已吹淡，但捧場客亦不少，可見Tonkichi的水準依然很高。記得自從第一次在吃過吉列蠔後，我再也沒有在香港吃過更好的吉列蠔了！因此每次我的例牌也是吉列蠔。。。。。。。。。。。。。。。。。。。。。。我們先點了個海鮮刺身沙律作開胃菜，沙律菜頗新鮮爽脆，三文魚捲成玫瑰花，並加上三文魚子，賣相頗吸引。油甘魚，八爪魚刺身亦新鮮美味，只是伴著的沙律汁比較辣而嗆喉。定食有漬物，麵豉湯, 無限添加的白飯，椰菜絲。椰菜絲切得幼細且鮮甜，配上柚子或紫菜沙律汁，味道清新，減少熱氣感！點了一客吉列豬扒定食及吉列蠔定食。吉列豬扒外皮鬆脆肉厚，肉味較豬柳重，肉質厚但不死實，入口仍嫩滑多汁，用料上乘！我的至愛吉列蠔大大隻，份量足，脹卜卜令人想一口咬下。一口咬下吉列蠔嫩滑無比，蠔味香濃，蠔汁豐盈！配上海鹽或他他醬，令滋味更上一層！看著看著吉列蠔相片，恐怕我的減肥大計要失敗了........…Read More

中秋約左個朋友仔黎試呢間吉列專門店, 食完佢話唔寫食評就絕交因此我就寫左人生第一篇食評5:30pm 去到, 未開門, 但門口已經有人10多人排緊....等左半個鐘6點入去侍應小姐就話1小時15分鐘後交枱, 反正都打算行綵燈會, 都冇所謂入正題...裝修都幾靚,好日式, 早入仲有機會坐窗欣賞海景食物方面就叫左...1. 吉列豬扒定食 - 都肉厚香脆, 不過恕小弟冇taste, 收呢個價錢, 我又唔覺好得過大快活幾多2. 吉列蠔拼吉列蝦定食 - 蝦都大隻, 但又冇咩鮮味, 蠔都一樣, 都算大但係又唔係特別好味不過值得讚既係, 佢有幾款醬俾你"點", 之前仲有得俾你自己磨下芝麻, 都算有心思另外耶菜幾好味, 有柚子醬同另一隻唔知咩醬, 幾好食3. 刺身沙律 - 普通野服務方面就唔錯, 佢先上前菜刺身沙律,等我地食完先問我地上得主菜吉列未~好細心~ 抵讚總結: 味道ok, 但都算偏貴…Read More

今次我足足等咗一個鐘至有位,我攞完飛,再去shopping,返轉頭都仲再要等多兩張枱,餐廳內的燈光比較暗,所以影出來的相都比較黑,我地order了吉列大蝦及吉列豬扒,芝麻豬扒醬是DIY,要自行磨碎芝麻,再加醬,我地大約等左十分鐘,就有得食啦!賣相唔錯,入口鬆化,而且唔會覺得油膩,味道調得剛剛好,再加上美味的醬料,真係VERY GOOD!仲有菜絲及飯,是無限量添食,對一些大食的人,一定夠飽,最後仲有每人三件西瓜做飯後果,呢餐真係非常滿足!…Read More

話說上一次小鹿子去過大戶屋之後，跟朋友們大肆推介一番~ 但豬米就反問小鹿子 “吃日式吉列豬扒，為什麼不去Tonkichi?”…其實”銅鑼灣地頭蟲”小鹿子我又怎會不知道有Tonkichi(好歹也在銅鑼灣”行走江湖”9個多月了)…但印象中,Tonkichi對於我”庶民小鹿子”來說…消費實在有點”貴族價”…而且它晚晚爆滿，多次行經世貿都親眼目擊輪侯的人海，聽說預約也隨時要等上3個月~所以一直都沒有嘗試囉,,,但受J米的刺激下…小鹿子終於決定豁出去...相約豬米跟小Ti去”豪一次”!當日小鹿子跟小Ti一放工就立即逃離公司，飛奔去世貿Tonkichi…大約6:40pm到達…竟見門口只有幾個人在輪侯!可能是時間尚早，又是閒日的關係吧，但7點後就開始人頭湧現了…所以小鹿子在此奉勸各位”有買趁早”了~結果等了大約20分鐘就有位~Tonkichi的環境實在挺不錯的，光線略暗加上有海景，氣氛不錯~打開餐牌，亳不猶疑地點了三人套餐，因為可以一次過試到豬扒、豬柳、大蝦跟蠔~!點完菜後，侍應隨即奉上每人一碗芝麻，讓我們自己動手磨，再加上醬汁用來蘸豬扒~一邊磨，一邊散發出一陣麻香，令人食指大動! 玩過磨芝麻，主角很快就上場了…先吃吉列蠔: 蠔的Size比想像中小了一點點，蠔味稍稍不足，但還是不錯的，7.5分~吉列蝦: 挺大隻的，很帶蝦的鮮味，9分~吉列豬扒: 厚切肉質略為粗實，比較乾身沒什麼豬肉的味道，有點失色，6分~吉列豬柳: 肉質明顯比豬扒嫩跟鬆化，有肉汁，而且豬肉味適中，9分~總括而言，Tonkichi 做的吉列外層的確非常出色，鬆化不油膩，即使吃了多塊都不會覺得膩~再加上酸酸甜甜的芝麻醬油，非常醒胃!另外值得一讚的是配料椰菜絲非常新鮮，水份十足，完全沒有青味雪藏味~說比大戶屋的椰菜絲好百倍也不失過，而且蘸上柚子醬油來吃就更好吃，又有中和膩濟的作用，不經不覺就可以吃上很多，還好那是可以無限量添吃的~吃飽飽以後，還有三片甜甜的西瓜作飯後果，太棒了~!雖然價格略高，但三人都可以吃到一份滿足，也是很划算的哩~!…Read More

早聞此店吉列出色，但孤寒嘅我嫌貴，適逢放假並且同事們去灣仔出席進修會，所以都要一試此店，早在前一日book檯，可惜booking已滿，只好walk-in。早上去完花展，步行過去等檯，walk-in只等約半小時就有檯，五人行，給了一個卡位式座位，可惜不能貼着海景！此店主打吉列，當然就order吉列菜式，點了一份三人分量嘅set，一set滑蛋吉列豬柳飯，再加上一客刺身沙律，set中又包括有湯、飯、醃漬物，加上醬料，滿面放得滿滿的！侍應很有禮端上食物，而且又說明檯上柚子汁、紫菜汁用作沙律dressing，而兩款dressing都很受大家歡迎，淋上椰菜色上伴上吉列食物，感覺上少分「熱氣」。眾多吉列食品中，吉列豬柳一致讚好，帶有少少肥嘅豬柳，咬落甘香，外層又脆，而豬柳的肉汁仍緊緊在吉列脆皮下，出色。吉列炸蝦及蠔亦同樣出色，蝦件很大隻，可以切開大家分享，反而蠔就較為細小，但同樣出色，蠔味重。吉列豬扒就在眾多款吉列食物中較為遜色的一種，亦都是唯一「食剩」的一款，口感較乾身，不及豬柳出色。椰菜很清甜，大家不斷添食，配上dressing，很正！…Read More

當初至電訂枱時, 侍應生說最快要到六月先有枱, 真不敢相信在海潚及流感的環境下, 仍要等咁耐! 訂咗7:30, 當然不敢遲到, 門外等位的人不算太多, 十餘人而己. 訂咗枱果然唔同, 一到就可長驅直入. 侍應生領我到一個似包箱的座位, 嘩! 有海景添! 打開餐牌, 主打當然是吉列, 亦有魚生等..., 定食價錢約$160 - $190不等. 當然我也有到開飯倣足了功課, 多數朋友推介豬柳, 生蠔等. 但一場黎到, 當然係樣樣都想試吓啦! 最終我和女友叫咗豬扒拼吉列蝦, 豬柳拼吉列蠔, 兩份定食, 咁就可以品嘗哂啦! 還記得網友話魚生都好新鮮, 我還想叫一客三文魚刺身. 有禮的侍應話其實兩客定食份量己很足夠. 好那就留待下次吧! 侍應生又問我個麵豉湯要唔要加$轉豬骨麵豉湯, 味道濃d, 內有山芋,籮白等, ok, 轉一個試試吧!不一會侍應就送上一碗芝麻, 還耐心地教我們要將芝麻磨碎, 再加入豬扒汁, 另外有兩瓶則是柚子和紫菜芝麻沙律汁, 用來吃椰菜絲的. 又過一會, 主菜終於來臨了, 長長的碟放了四款吉列, 中間放了一大堆椰菜絲, 還有白飯, 湯等. 先講個豬骨麵豉湯, 裏面眞係有好多湯料, 但味道未見特出, 下次可以慳番唔轉! 跟住嘗一口吉列豬扒, 脆得黎無油淰淰, 都幾好食! 再來試吓吉列蝦, 超好味, 好新鮮! 大粒嘅豬柳也好好食, 比普通嘅吉列豬扒更好! 最後就試吉列蠔, 也好好味! 但得兩粒實在太少了! 整個定食真的交足料, 侍應生不時還替我們添加椰菜絲! 而豬扒汁加咗芝麻碎亦是好味關鍵所在, 好香嘅芝麻, 我食嗰時加左d芥辣, Yummy! 吃完哂我倆己經好飽, 侍應生清潔枱面後隨即奉上西瓜三片, 但好可惜是暖唔凍的, 未能在這餐劃上完美句號! 埋單四佰多元, 論環境, 食物質數, 整體服務..., 尚算合理!最後侍應生還送上印花咭一張, 蓋滿五十個有嘢送, 但好似八月尾到期! 有d攪笑, 訂枱都要訂咁耐, 咁點可能蓋得滿呢? 唔好玩啦! …Read More