TONKICHI TONKATSU SEAFOOD (YOHO MALL I)

幾年前公司食飯曾經去銅鑼灣世貿食吉列豬扒，非常懷念。今日專登去yoho回味下😂Waiter有介紹我點樣食吉列生蠔豬柳定食，要先食海鮮再食豬柳。另一waitress就完全冇介紹老公叫鹿兒島特等厚切豚肉定食。整體來說，只能說正常味道但並不出色，厚切豚肉都ok juicy但豬味唔夠也不夠鬆軟，而且唔夠熱。豬柳甚至有啲硬🥲，生蠔還可以。兩個餐都唔平，食物質素對唔住個價錢。好希望銅鑼灣裝修完再次去食，回味當年的味道。…Read More

丼吉位於元朗Yoho mall 第一期。平時都只會到這裡堂食，限聚令下唯有嘗試外賣。外賣自取指定定食有六折，主餐牌有八五折， 還有是日精選一律$92。來到這裡一定要食吉列啦，因此選了指定定食的吉列生蠔豬柳定食（原價$210，六折後$126）外賣盒十分精美，而且還配齊多款日式醬料，有豬扒汁，芝麻，蛋黃醬， 西柚汁，紫菜汁。這個定食有兩件吉列生蠔，兩件吉列豬柳，椰菜絲，白飯，西瓜，另有一碗麵豉湯。意想不到，吉列蠔和豬柳都仍是脆卜卜。吉列蠔肥美兼有“肉地”，配蛋黃醬非常好。吉列豬柳就要配豬扒汁加芝麻(堂食芝麻要自己磨，外賣就已經磨好了)，脆脆的豬柳加上甜酸的醬汁，味道口感都一流。不要漏看椰菜絲，雖然是配角，但根吉列是很夾。椰菜絲切得很幼，非常爽口，記得要加西柚汁和紫菜汁(混醬)。麵豉湯的顏色看似很濃，但味道不算太濃或太咸，正常吧，沒有特別。這個定食跟堂食沒有太大分別，價錢只是堂食的六折，非常好和抵食。唯一可惜的是椰菜絲沒有堂食的免費任添，有就更加好啦(貪心mode..haha)！總括，這個定食性價比很高，趁有特價，值得一試！…Read More