舖頭裝修非常之有特色，上面全部都係氣球，牆身仲有壁畫，全部都係介紹台東嘅地方，同店員傾咗兩句發現原來老闆係台灣人嚟㗎，除咗想帶美食過嚟，仲想多啲人認識台東呢個地方Lunch Set: 蕃茄紅燒牛肉麵 $79好香濃嘅蕃茄湯底，麵亦都好彈牙，牛肉亦都煮得好入味，好好食 碗嘅size唔係好大，但係食落份量都幾足夠套餐已經包含飲品，揀咗蜂蜜蘋果茶 勁大杯，好難想像呢個size細跟套餐送嘅飲品！餐牌寫住飲品係冇額外添加果糖，飲落果然味道好清新，亦都唔會好甜Lunch Set: 香菇芋頭湯米粉 $59好地道嘅台灣菜式，平時好少地方見到，咁啱見佢新出就即管試吓 濃郁嘅芋頭湯底入面又有啲冬菇嘅香味，上面仲有肉燥，成個口感十分之濃郁，新竹米粉爽口彈牙，正飲品方面揀咗荔枝烏龍，加$5加奶蓋，一樣都係好大杯，奶蓋都好香午市套餐可以優惠價加配小食鹽酥雞+$20有四件大大粒嘅鹽酥雞，炸完雞肉嘅肉質仍然非常鮮嫩，讚 點埋佢哋嘅辣椒油好正炸甜不辣+$20大約有八件左右，呢個價錢呢個份量非常之抵食，亦都炸得非常之好味，甜不辣非常彈牙台東海浪冰 $59超級大碗！本身見到Menu，以為係古早味刨冰，點知原來係好綿密嘅綿綿冰！藍色乳酸味好清新，原來入面仲有驚喜，入面仲有果醬同啫喱，口感豐富好好味！呢個價錢非常之抵食！爭啲唔想推介俾大家，因為驚之後去食要排隊，哈哈…Read More
