TeaWood Taiwanese Cafe & Restaurant

之前食完茶木一直念念不忘，終於有機會再去，今次試左佢其他款式都係咁高質茶香三文魚湯漬飯首先試左signature三文魚湯漬飯，三文魚好大塊，表面煎到金黃色一啲都唔腥，將茶倒入飯再mix埋木魚、蝦乾等配料，食落微鹹好有茶香，同時令三文魚味更出，而且茶有助消滯👍🏻👍🏻羅氏蝦龍蝦汁手作麵另一款主食試左龍蝦汁手作麵，龍蝦味超濃郁！每一條麵都沾滿龍蝦汁但又唔會覺得好heavy，而手作麵食落比一般意粉有口感，偏向彈牙唔會好淋，面頭有一大舊龍蝦肉，呢樣就比較少其他調味所以食到龍蝦本身嘅鮮味～台式滷味拼盤呢款滷味拼盤勝價比都幾高，份量同配料款式好多，有牛肚、雞翼、牛𦟌、溏心蛋同豆腐等，全部都滷到入曬味，esp雞翼同牛𦟌，啲肉又唔會太鞋，最後滷水汁撈飯食簡直係perfect 原個金鑽鳳梨愛玉冰甜品試左seasonal promotion嘅鳳梨愛玉冰，真係原個上，三至四人share都可🤣成個冰分左幾個layer，最頂係菠蘿味嘅cream，估唔到菠蘿同牛奶味同時咁出，好smooth，下面係沙冰，然後到愛玊同新鮮菠蘿，overall 食落好fresh食得出唔係好假嘅糖水味，而且咁多層口感好豐富，呢款impressed…Read More

放工同舊同學食飯，我記得大學時期佢最鍾意食茶木嘅甜品。呢日佢嚟黃埔搵我，就一於同佢重拾舊味😃，幫襯「茶木」。近年茶木嘅環境裝修愈變愈靚，行小清新嘅風格🌱。我覺得茶木係台灣新派菜嘅代表🇹🇼，就例如當年就係佢引入台式窩夫多士甜品。菜式食物選擇繁多，定價就屬中等水平啦。佢採用手機QR Code落單，方便得多。我哋嗌咗一個晚嚐二人餐👫($298)，內容都幾豐富，包括一款小食、兩款主食同兩款飲品，另外仲可以追加小食同甜品。Teawood紅燒牛肉麵，呢個係餐廳嘅招牌湯麵🍜，湯頭濃郁，不過如果微微辣或許更惹味；而手作麵條闊度適中，口感富嚼勁。🥩燉牛肉有三大件，類似牛腱，帶膠質同咬口。同時，佢仲有幾大嚿蘿蔔🥕。烏魚子元貝手作麵，🍝依個有啲似台灣食到嘅意麵，麵質偏笠身，所以比較易滯。烏魚子口味嘅醬汁頗為特別，同明太子或蟹籽完全唔同，而嗰兩粒煎帶子就幾正，夠鮮味。台式滷味拼盤，拼盤由雞翼🍗、牛肚、牛𦟌、豆腐、豬腩片同溏心蛋所組合而成，除咗蛋之外，全部都有兩件。佢哋滷得入味，但少鹹。其中溏心蛋唔錯🥚，蛋黃做到不凝固、半流動嘅狀態。櫻花蝦花枝餅($58)，🦑手打花枝餅質感彈牙，入面堅係有花枝肉，而且用上櫻花蝦提升香氣🦐，蘸埋甜酸汁食，風味十足。抹茶鮮果流心歐軟($88)，晚餐跟配就平$10。老實講食甜品係今晚嘅重點😛，佢果然冇令我失望，多士盒造型超吸引呢！台灣稱呢款為軟歐包，餐牌介紹餐廳直頭連酵母都好考究，務求達至柔軟嘅質感。🍞平日食多士類嘅甜品好少會食得晒個殼，但佢外脆內軟，能夠將佢完全KO。抺茶係店舖限定款式🍵，除咗一大球雪糕之外，多士中間仲有流心嘅抺茶忌廉，食落唔會過份甜膩，而且口感順滑。甜品仲配有多款水果，包括無花果、士多啤梨、藍莓、芒果同奇異果，好繽紛🍓。飲品方面，跟餐可享優惠價。🫖壺裝係有機臺灣高山茉莉龍珠茶(原價$48)，唔係講笑，個茶真係勁好飲，好香醇。佢用上等茉莉花同高山綠茶窖香而成，味道清爽細膩。另一杯係木柵鐵觀音寒天奶茶(原價$38)加珍珠($5)，🧋奶茶香滑、茶底唔澀，甜度適中，而珍珠同寒天就同樣好𡁻。總括嚟講，呢餐我哋食得飽飽，鹹食水平還好，不過飲品同甜品就真係幾出色，佢個茉莉花茶實在令我念念不忘呢😌。…Read More

一直都好鍾意食茶木因為覺得佢環境又幾好，啲嘢食仲好有水準係時候幫佢打返個食評環境裝修愈嚟愈文青styleBackground music 仲keep住播台灣嘅歌連餐牌都變到咁靚忍唔住影返張相彩虹眷村用手機落單講返嘢食先又係先介紹咗最鍾意嘅先呢個手作麵係我覺得最好食嘅野基本上每枱都會叫勁creamy、啲麵有口感、而且兩粒元貝勁大台式滷味拼盤都唔錯最驚喜係個豆腐佢入面居然係嫩豆腐、好滑賣相好靚牛肉麵個湯十分之香濃好好飲、而且紅蘿蔔🥕好淋大合照見到滷味拼盤個溏心蛋太靚忍唔住叫多碟、因為得半隻唔夠分哈哈真係好好味呢杯都好好飲只係叫咗小冰但佢本身都唔會太甜出面層朱古力脆脆好香最後就係嚟到茶木無可能唔食呢個啦水準依然麵包真係次次都整到咁脆但好多野都賣哂本身想食啲小菜架唯有下次早啲去食…Read More

喺黃埔天地美食坊入面有好多間食肆，見到茶木有優惠，於是入去食返個豐富嘅下午茶/晚餐啦！滷牛肉刈包拼福州魚丸肉條紫菜湯$48- 我第一次食刈包，我覺得醬油太鹹，唔合我口味。滷牛肉比較難咬開，食得唔係好方便，結果我分開牛肉就咁食，用其他滷味拼盤嘅食物夾包一齊食。魚丸同肉條一般水準，紫菜湯都唔錯。微辣手工拌麵$68台式麻辣半筋半牛肉，自家製椒麻拌麵，台灣直送麻辣鴨血拼素鴨- 椒麻拌麵味道刺激、重口味，口感彈牙，推介。鴨血同素鴨味道都唔錯，牛筋牛肉份量幾好，非常軟滑，煮得入味，不過稍為油膩少少。台式滷味拼盤$75- 拼盤有: 雞翼、豆腐、五花腩、花生、牛肚、腎、雞蛋。所有食物都滷得入味，偏鹹，最啱同幾個朋友一齊share。草莓香草蜜糖磚塊$58- 本來正價$80，適逢茶木8周年，就有呢個優惠，我哋都係因為呢個優惠而入嚟食。其實食完一個下午茶餐、一個麵餐、一個滷味拼盤已經好飽，不過好彩食甜品有第二個胃！草莓雪糕同啱啱烘起嘅香脆蜜糖多士簡直係絕配！士多啤梨酸酸甜甜好開胃！未試過嘅朋友一定要叫呢個甜品同人一齊食！高度推介！…Read More