Din Tai Fung

13年前第一次係上海食「鼎泰豐」係超級無敵排長龍但真係好正第二次食「鼎泰豐」係5年前同耆英們在澳門食，當時都係有吹之若鶩嘅感覺而且水準保持住良好今次係香港食「鼎泰豐」就覺得點解會變成普通版果種感覺咁嘅味覺感受我都解釋唔到莫非係旅遊區和住宅區分店係有分別嘅莫非真係時間可以改變一切Anyway 個人覺得食物唔難食嘅，不過已經沒有果種特別高層次高檔嘅感覺啫下次我再諗起小籠包應該第一時間會考慮返上海式嘅「翡翠拉麵xxx」店了😅…Read More

忽然間好掛住小籠包, 所以就去咗 ❥⧽鼎泰豐 ❥⧽ 食飯喇, 對上一次食嘅時候覺得呢間分店嘅嘢食整得麻麻地, 希望今次會有改善。𓊈小籠包𓊉小籠包皮薄唔易穿, 多湯汁, 不過肉質偏鞋, 但已經比第一次去時好食。𓊈排骨蛋炒飯𓊉賣相真心令人流口水, 排骨炸得好酥脆, 肉質軟腍有肉汁。蛋炒飯好香, 粒粒分明, 食完好想再叫多一客。𓊈台式擔擔撈麵𓊉花生味香濃, 芝麻醬, 湯汁同花椒辣油比例剛好。撈麵軟硬適中, 每條麵都可以掛汁, 雖然份量比較細, 不過好味。𓊈蝦肉紅油抄手𓊉皮薄多肉, 蝦肉爽口彈牙, 豬肉肉質鮮嫩, 少少辣, 恰到好處。𓊈荔芋小籠包𓊉必叫甜點, 好香芋頭味, 芋蓉香滑, 甜度適中, 用嚟做一餐嘅總結係好完美。✧✧ 整體食物有改善, 而且鼎泰豐嘅服務真係好好, 值得再去。…Read More

我食過咁多間小籠包，無覺得邊間特別好食，可能自己咀未夠刁食唔出，但可以講既係呢間係我食過中的算較差,食落有D鞋口，雖然皮唔算厚。粉皮還可以，肉好淡，個汁其實都麻麻地台式擔擔麵我平時較少食，算係中規中矩吧。抄手一般，個汁唔見得出色，唔辣，普通。無影低朋友的飯，佢要戒口走蛋，更無咩好講。一點鐘左右walk in ，無得BOOK位，夜晚唔知，應該閒日關係，唔洗等。…Read More

鼎泰豐竟然喺疫情呢一年開咗分店喺屯門，舖位仲要好大，入面超多枱，所以有次週末嘅晚餐同屋企人食，等位都唔使半個鐘～整體質素唔錯，不過價錢貴，要畀茶位同加一，而且份量算細份，所以都係喺台灣抵食啲😛•🥢 油炸排骨湯麵 $68呢個油炸排骨湯麵聽落最普通，但食落反而有啲驚喜！湯麵就正常嘅，重點係個油炸排骨！肉質好淋唔肥，食落好juicy又唔算好油，帶點胡椒味👍🏼•🥢 蝦肉煎餃 $66煎餃嘅底煎到脆卜卜，一咬仲爆晒汁😋餃子皮好薄，餡料仲有好大粒蝦、有啲豬肉同少許蔥，比例幾好👍🏼•🥢 菜肉紅油抄手 $64紅油抄手無乜辣味，反而比較似蒜香醬油，少少濃味但都幾好食😋 菜肉餡唔算好特別，但餃子皮薄，口感煙韌，有加分👍🏼•🥢 台式四季豆 $58呢款原來係冷盤嚟，食落有少少油膩，用咗肉碎炒爽脆嘅四季豆，食落都幾惹味😋 不過都略嫌太細碟～•🥢 台式擔擔撈麵 $56擔擔麵嘅花生醬好濃，但醬嘅質地唔會太竭，所以撈麵啱啱好～味道仲帶點微辣，如果再辣啲應該會好食啲，更加惹味😛•🥢 小籠包 $66/6個小籠包嘅皮唔算好薄，頂皮都係厚咗少少😬 入面湯汁鮮甜，但又未多汁到一咬就爆汁🤔•🥢 台式紅燒牛肉麵 $92牛肉係包括咗牛𦟌同牛筋，牛筋好淋，漿口到好似啫喱咁😆牛𦟌嘅牛味好濃，亦都炆到好淋，但唔算入味～紅燒湯底偏鹹，亦都無乜牛肉味，整體一般。…Read More

作為大西北牛牛，終於唔洗再騎牛出城去食鼎泰豐啦。之前路過見到好多人排隊，所以依次用新鴻基商場apps拎定飛先，等左半個鐘左右就可以入座啦。店舖比想像中闊落，樓面多待應所以落單上菜都好快，而且都好有禮貌。一坐低就叫左個週末限定嘅小籠湯包，係細細粒嘅小籠包加一碗蛋花湯。前菜叫左原味水晶肉，味道中上，中規中矩。蒜蓉炒菠菜好惹味，菠菜炒得爽口，唔錯！蝦肉煎餃有驚喜！外層煎得香脆，一咬落去d汁爆出黎，而且仲有原隻蝦肉包係入面，值得再食！ 擔擔麵比較失望，感覺似花生醬麵，辣味亦唔係特別明顯。相比之下香蔥拌麵就相當出色，唔會過份油膩之外亦十分惹味，配合較有咬口嘅麵條，掛上蔥油後令每一口都充滿蔥香味。清燉雞湯麵好足料，雞湯內嘅雞肉燉到好軟好軟，連骨都可以食埋嘅程度。清甜嘅雞湯亦唔會飲到啖啖油，連同麵條一齊食岩岩好。去到壓軸嘅小籠包，老實講水準真係同台灣食嘅有差距，但香港都做到皮薄，只係稍嫌湯汁較少（有幾舊甚至無汁），希望之後可以有改善。不過唔洗出城都食到，已經方便到好多屯元天人，雖然性價比唔算高，但有時間不妨去試下！…Read More