Hong Kong University Alumni Association

環境頗舒適，有private room for 大班人聚會。先講個人覺得最出色嘅菜式：拔絲鳳梨咕嚕肉唔係特別鍾意食咕嚕肉，但係呢度嘅味道做得好出色。第一啖食落去個皮好脆好有咬口，個汁酸酸甜甜得來亦都好溫和唔會好霸道。外脆內軟嘅口感，絕對令我就算唔特別鍾意食咕嚕肉，都夾完又再夾來食。杏汁燉白肺湯係呢度嘅名物，飲落有淡淡嘅杏汁味唔腥，好療癒。符合預期嘅味道。南瓜盅炒素：南瓜外殼係純粹for 賣相，入邊d 菇炒得好乾身又好香口，又mix 埋唔同嘅菇類有唔同口感，好食。比較失望嘅，係：🤔古法鹽焗雞上到枱嚟個樣唔似鹽焗雞，問侍應係咪來錯？佢話係鹽焗雞呀。但係食落，點都係脆皮炸子雞嘅口感同味道。完全唔係鹽焗雞。如果以脆皮炸子雞來衡量，咁佢個皮係整得好脆，肉嫩，味道偏淡。以一個脆皮炸子雞係唔錯嘅，但係絕對唔係鹽焗雞囉。🤔糖脆柚皮   柚子皮嘅賣相咁似咕嚕肉嘅？食落都係咕嚕肉嘅feel，外皮酸酸甜甜，內裡係淋淋地嘅柚子皮。似係一個素菜咕嚕肉，但係唔係想食到傳統柚子皮嘅味道同嘅口感。我本來最鍾意食有新鮮感嘅菜式，但覺得咁樣整柚子皮有嘥咗，因為食唔到柚子皮嗰種索晒汁嘅特色同好味。至於其他餸就正正常常，係符合預期嘅酒樓味道。…Read More

今晚同屋企人去港大校友會食飯，呢度口碑唔錯，聽講係由一班前陸羽茶室廚師主理，只招待會員，前兩年重新装修，比前亮麗好多。亞哥早一個禮拜前訂位先定到呢日，某些招牌菜亦要預先落單。呢度走傳統烹調方式，越夜越多人。八個人叫了以下小菜：魚肉實唔霉，爽脆好食簡單家常菜，涼瓜清爽，牛肉有肉味柚皮炆得好腍，就係好食豬肉肥瘦啱啱，真外脆內軟，味道酸甜適中，不愧係招牌菜呢度嘅招牌湯水，香濃杏仁味，每人一件豬肺，清甜滋潤雞蛋炒得嫩滑，蝦係大蝦，雖不多，但每人都分到一隻豆腐嫩滑入味，好食，可惜得六舊，唔夠一人一舊。又一招牌菜式，傳統做法，皮金黃色，雞肉嫩滑，唔會過鹹，重有焗香雞肝同腎一齊，上桌無耐，就只剩番雞頭尾部分。炒麵脆卜卜，銀芽肉絲唔過火，味道洽到好處，估唔到一碟普通嘅肉絲炒麵，都可以炒得咁出色飯乾爽粒粒分明，用料十足，好快又被清底以上食物，樣樣都出色，全部被在座各人掃清，就可知味道如何…Read More

🥰 話說早前同事 “巫師” 帶隊親征 “寧波同鄉會”, 失望而回, 散蓆時, 路過 “香港大學校友會”, 報復心驅使, 決定喺校友會再設江湖飯局.🤗 餐廳位於中環舊商廈一樓, 入門口左邊係洒吧區, 右邊係中菜廳, 飯店格局, 設多張圓枱, 數間廂房, 近年重新裝修, 光猛濶落.🥢 今晚十二人飯局, 點咗十二道菜!小菜: 皮蛋紫薑菜膽杏汁白肺湯鳯尾蝦多士燒雲腿鴿片翡翠生魚卷古法鹽焗雞紫薑粒菠蘿咕嚕肉蜆介鯪魚球八寶蓮子鴨陳皮蒸肉餅麵醬啫啫唐生菜煲飄香荷葉飯蛋白杏仁露🥗 小菜: 皮蛋紫薑. 皮蛋糖心, 絕配唔辣又爽嫩嘅紫薑.🥣 菜膽杏汁白肺湯. 味道出色, 可惜唔夠熱.🦐 鳯尾蝦多士. 脆口, 唔油喎!🕊 燒雲腿鴿片. 雲腿咸香, 配合嫩滑嘢鴿肉, 同埋草姑, 味道一流, 今晚驚喜之一.🐟 翡翠生魚卷. 用生魚卷著火腿, 有趣!🐥 古法鹽焗雞. 咸香味滲透雞肉, 滲透雞骨, 嫩滑, 高質.🤗 紫薑粒菠蘿咕嚕肉. 肥瘦適中. 味道平衡, 外脆, 不俗.🐟 蜆介鯪魚球. 蜆介味道十個讚.🐥 八寶蓮子鴨. 鴨肉唔夠肥, 蓮子糯米食落比較乾.🐖 陳皮蒸肉餅. 好味喎.🥬 麵醬啫啫唐生菜煲. 香噴噴, 值得一試.🪷 飄香荷葉飯. 普普通通.🍯 蛋白杏仁露. 略為 “渴撻撻”, 杏仁味道遜色, 合格吧.🤗 策略: 建議預訂所有菜式! 食物水準之上, 一分錢一分貨, 唔會太多驚喜. 今餐勝預期嘅菜式包括皮蛋紫薑, 燒雲腿鴿片, 古法鹽焗雞, 蜆介鯪魚球, 啫啫唐生菜煲. 座位闊落, 服務到位, 上菜節奏舒適, 用餐體驗愉快.…Read More

除咗要預先訂位，仲要訂埋食嘅食物因為鹽焗雞真係好好食😋但係冇得即時叫好彩早一日已經book咗今次叫咗鹽焗雞、蝦多士、椒鹽牛柳、黑松露蛋白炒飯、咕嚕肉、葡汁雜菜煲、桃膠糖水除咗鹽焗雞好出色之外其他都不過不失，蝦多士係幾好椒鹽牛柳（有少少過鹹）、咕嚕肉（同外面嗰啲唔同，冇咩汁，口感係幾趣，但係又唔覺得好出色）同埋炒飯就一般葡汁雜菜煲有少少唔係好靚，都係一般下次食糖水應該早一日訂個紅酒雪梨所以總結下次都係全部嗌訂嗰啲，應該會好食啲…Read More

身邊朋友都愛辣，慢慢辣局的聚會比正式飯聚密多了... 化身隱藏成員好一陣子，驚見這次飯局地點是只限會員、菜式不辣的 香港大學校友會，出席食友眾多，也來與大家聚聚舊吧～　這週嫲嫲又回鄉了，當晚爸爸又有學校活動，甜魔媽媽被逼一定要帶著妹妹出來（囝囝就留家由姐姐看顧... 有點心痛但也沒法了），9大1小就在這張圓檯開飯。 　當晚去完 Vom Fass，甜魔媽媽先帶妹妹上來開餐；可這裡絕不 baby-friendly，沒有 high chair 也沒換片地方；還好妹妹開始大個女，可以試坐大人位，也可以在洗手間站著換片了。　另外侍者的服務也很一般，講了加位兩次都沒理會，但當Oli一放手信上檯，又火速衝來告誡我們外來食品要收$50... 結果除了妹妹可以大模大樣吃手信，其他人唯有檯底交易～食物方面，感謝院長一早預訂了名物鹽焗雞、八寶鴨及荷葉飯。其他的就即晚按胃口選點。這裡上菜超快，很難讓人懷疑不是事先預製好，不過部分菜式的確水準不錯。首先是雙份的 菜膽杏汁白肺湯 ($260)，老火湯火候超足，除了杏片煮得糊爛鬆化，連豬肺都呈碎狀了～而其實我不太吃豬肺... 由於成品太碎，將較大件的部份轉贈身邊的食友，自己只吃了細碎部分，還好沒異味。滿有杏仁濃香的湯底就實在不錯，當晚妹妹試了兩口後，也要爭著飲！　然後點了 鳳尾蝦多士 ($20/件)，本來一客四件，但也可以按人頭增加件數。蝦多士身量不太大，但小巧得來鮮香味美，同時不油不膩，面層的金華火腿及芫茜更是畫龍點晴，十分讚！　接著需預訂的 古法鹽焗雞 ($430) 也上檯了！其實說它是鹽焗雞我覺得不太準確，因為成品的煙熏味挺重，不過也因此特別香口美味；另外雞隻的肉質則偏軟，小朋友也適合進食，所以妹妹也追要了兩件。最後成品連上雞雜同上，好此味者會樂壞了～ 　另一預訂的名菜是 八寶蓮子鴨 ($360)，還真要慶幸當晚臨時加了人，因為菜式份量驚人：其實鴨子的身量只是中等，但中間塞滿了蓮子、豬肉、冬菇、咸蛋黃等，變得異常飽滿。當吃時再加上周邊濃郁的醬汁，味道豐富好吃但也很飽肚膩滯，合九人之力均未能清碟。最後由我請纓，打包帶走別造成浪費！最後一項預訂菜式是 鮮荷葉飯 ($110)，這是小份量的。成品濕度與味道都對辦，還不錯。然後是即點的小菜，首先是雙份的 菠蘿咕嚕肉 ($220)；成品新鮮炒起，經脆炸的豬肉香口鬆化，沾上艷麗奪人的酸甜紅汁，水準不錯，但未致於很驚艷。　還有我主張點的 蘿蔔牛腩煲 ($150)，那牛腩肉質較實欠火花，而牛筋位都挺多而且好吃，不過最美妙還是清甜的蘿蔔，入口即融，忍不住 encore 了幾件，與妹妹一起分甘同味。最後加點了兩款蔬菜，首先是清香好吃、新鮮爽脆的 薑汁炒芥蘭 ($80)；芥蘭已給修得乾乾淨淨，加了薑汁來炒味道不錯，大家都爭相品嚐。　可另一款 上湯灼時蔬 ($80，選了西蘭花) 就有點失望，因為大家都吃出了那湯有陣油益味...甜品環節，我們點了一大鍋的 生磨合桃露 ($120)，成品香氣及質感看來都很對辦，相信真是生磨的；不過有個大問題是合桃露面層的油又輕帶油益味... 結果要改點其他甜品。　　食力有限，最後加點 蓮子紅豆沙、香草綠豆沙、蛋白杏仁露 ($32/位) 各一碗。三款中以清甜又富臭草的綠豆沙最為人稱道，最後紅豆沙夠甜蜜，蛋白杏仁露也滑溜開心，全都算不錯。　埋單每位 $264，如果服務可以好些，感覺會稱心得多；又其實，不帶上歲多的妹妹同行，也會吃得舒服點，與大家聊得開心些。幸好，嫲嫲今週末回來了～ 下週的節目也排得滿滿哦！…Read More

每年契婆生忌，契姨媽同契舅父都會宴席親友，紀念先人，去年十月o既晚宴就設於中環「香港大學校友會」。顧名思義，「香港大學校友會」主要招待曾經或現正就讀香港大學o既校友。其餐飲部以會所形式經營，一經電腦核實校友身分，即可免費成為會員，而非校友如欲光顧，必先成為會員並全數繳付入會費及年費。除咗主人家之外，原來同桌多位賓客都係港大畢業生 ，所以對會所一啲都唔陌生，就連大廚個底佢地都起得一清二楚 ，未有投考港大o既小肥唯有整晚靜靜食飯，暗地裡於腦海寫下筆記。「港大校友會」設於二樓，其大廈門口為巴士站，地鐡亦不遠，地點方便得很，可能離蘭桂坊只隔一個街口o既關係，週末晚市訂位都幾難架。餐廳大堂以圓枱散座為主，望落去都幾迫吓，加上樓面低，聲浪頗為嘈吵，好在當晚有房坐，叫做隔咗少少音。服務方面，樓面伙計似乎只按章工作，雖態度無不善之意，但亦不顯得細心落力，好一般囉！菜單上有一大半為「陸羽茶室」o既招牌菜式 ，多得校友們爆料，先知原來大廚曾任「陸羽」廚師，唔怪得知啦！ 燒雲腿鴿片：雲腿鴿片乃陸羽名菜之一，小肥其實食唔出「港大校友會」個版本有咩分別，因為鴿片同樣香嫩入味，伴碟o既燒雲腿亦同屬香脆濃郁，轉盤轉第二個圈已清碟，美味程度不言而喻 。 菠蘿咕嚕肉：半肥瘦o既咕嚕肉鬆脆香嫩，熱辣辣好夠鑊氣，長輩們尤其欣賞碟上並無多餘o既醬汁 ，酸甜度適中，碟餸又係一個round清哂！ 菜膽杏汁白肺湯：湯料中呈粉紅色o既豬肺好嫩滑，無奈豬肺湯味道偏淡，飲落又有少少粉粉地，效果不甚討好 。 古法鹽焗雞：鹽焗雞皮層軟身唔夠脆，不過就勝在毫無肥膏，雞肉嫩滑，而且唔會過咸。 玫瑰豉油雞：豉油雞同鹽焗雞一樣，肉質嫩滑，不過味道就更為香甜，較合小弟心意 。 上湯菜膽雞：三款雞品中，依味上湯菜膽雞可算最為遜色，雖然雞皮滑溜，但肉質卻帶點嚡口，味道亦過於清淡，莫非廚房只擅長煮深色食品 ？！ 上湯雜菜煲：煲中o既雜菜爽脆，湯底又夠清甜，比之前嗰碗白肺湯更為美味。 薑汁酒芥蘭：鮮綠色o既芥蘭好脆口，而且好夠薑，細佬一啲酒味都食唔出。 陳皮蒸肉餅：單看外表會覺得肉餅好厚肉，但意外地，食落肉餅鬆軟，一啲都唔覺實或者係硬，師傅切碎啲陳皮灑上面黎蒸，效果勝過切絲或條，賓客無一不讚，實在出色 ！ 豉汁涼瓜炆斑翅：如相所示，苦瓜份量遠比斑翅多 ，魚肉再好味都唔夠每人一件，小肥同媽咪都怕骨，故先棄權不吃，留待其他魚肉發燒友細嚐。契姨媽及契舅父宴客，餸菜價格多少，不得而知。擔任「香港大學校友會」o大廚曾於「陸羽茶室」工作，兩間餐館o既菜式大同小異，食客難免會作出比較，但總括黎講，「港大校友會」食物質素偏高，如果服務質素可提升多少，價錢又合理的話，相信要做到客似雲來亦絕非難事！…Read More

是日合共9位朋友響附近開會後一齊嚟食飯，由於有位朋友係港大校友，所以我哋可以嚟食飯。呢度價錢合理，所以好彩該校友早幾日已經book定檯，否則肯定無位。杏汁白肺湯 : 非常足料，杏仁味濃郁，白肺乾淨，份量足，一窩可以分成9碗。蝦多士 : 而家得番好少地方做呢度菜，蝦膠新鮮彈牙，即炸熱辣辣，火喉剛剛好，食一嚿真係唔夠喉。粉絲雜菜煲 : 一般般，下次可以改點其他菜。南乳齋煲 : 腐皮超多，南乳味不太濃，一般水準。古法鹽焗雞 : 用上新鮮雞，附上好耐都未食過嘅新鮮雞內臟，諗唔到雞內臟最受歡迎，好快就俾大家食晒。鹽焗雞雞味香濃，鹽焗時間剛好，雞肉剛熟而不會韌。子蘿咕嚕肉 : 通常外面食到的都是菠蘿咕嚕肉，但係呢度就有子薑菠蘿咕嚕肉，而家子薑當做，所以很嫩而無渣，咕嚕肉皮脆肉鬆，可以説是我食過最好食的，強烈建議大家必叫。果皮蒸肉餅 : 果皮香味帶出豬肉鮮味，與坊間行貨之作有所不同，送飯佳品。蝦子柚皮 : 蝦子味淡，未能使柚皮上味，所以味道不夠。子薑雞球 : 由於之前的子蘿咕嚕肉好食，所以我哋再叫一道子薑菜式，但是此菜式只可以説是不過不失，沒有驚喜，所以沒法和子蘿咕嚕肉相比。…Read More

今夜作客的地方還是第一次來... 香港大學校友會係私人會所, 要係香港大學的舊生仲要入埋校友會先可以Book位... 朋友係2個月前已經訂咗房, 廣發英雄帖, 聽講廚房係由陸羽的舊廚頂來做的, 在網上的評論不錯, 很期待呢... 房內有大電視, 又有投影機, 朋友帶備了平板電腦接駁大電視, 播放充滿歡樂的照片與在場賓客分享點點滴滴...朋友事前與餐廳溝通多次, 要求先將2張枱疊起, 騰出半間房的空間來讓賓客們影大大大合照, 服務員仲預先放好一排椅子, 方便大家分成2排影相, 服務都算不錯...朋友事先已預訂咗數款必吃招牌菜 -- 杏汁豬肺湯, 鳳尾蝦多士, 古法鹽焗雞, 炸子雞, 八寶鴨... 到場後再由經理推介數款時令菜式, 朋友又再選2款時蔬...皮蛋子薑-- 經理推介的... 皮蛋流心冇怪味, 比福臨門更好味... 子薑爽脆冇渣, 酸度輕微, 好好味呀... 大家都對此子薑都讚不絕口, 更爭相打包走呢... 早有聽聞此頂級子薑只供應給福臨門及大班樓...杏汁豬肺湯-- 清甜唔油膩, 做得不錯, 杏味略淡, 好似華商銀行公會果便做得好d... 埋單時經理先講話有時令冬瓜盅, 又唔早講... 鳳尾蝦多士-- 我之前好討厭呢個菜式, 因為係太子鳳X酒家食過, 入口油淋淋的好恐怖, 咬一口已要吐出來... 香港大學校友會的鳳尾蝦多士, 單睇賣相已非常吸引, 入口鬆化香脆, 無半點多餘的油分, 好好味呀!!! 從今晚開始, 我愛上蝦多士...煎倉魚-- 經理推介的, 起肉後咁大片的倉魚都係第一次食, 食得好爽呀, 唔驚有骨, 魚肉新鮮, 粉醬薄過米紙, 咬落超脆, 廚師的功力果然深厚... 仲有碗醬汁可以蘸來吃, 不過我原味已非常好味, 所以無蘸過醬...金銀蛋莧菜-- 嘿嘿... 我其實唔鐘意食莧菜, 不過又成日叫金銀蛋莧菜, 我自己都唔知點解, 可能純粹係鐘意"金銀蛋"呢3個字咋, 好無聊的理由, 嘩咔咔咔... 咁另一個原因應該係貪佢清淡又健康啦... (真正原因係鐘意食蒜粒)南乳齋煲-- 腐皮超多, 合晒河車... 南乳味道香濃, Yum Yum... But... 係油咗少少囉, 齋煲的通病, 無計...古法鹽焗雞-- 非常期待的菜式, 聽講係用新鮮雞做嘅呢!!! 師傅的刀功簡直神乎奇技, 我地要求每張枱要半隻鹽焗雞, 無諗過佢會幫個雞頭開邊囉, 勁!!! (啪啪啪) (掌聲) 第一次食鹽焗雞個皮係脆嘅囉, 雞皮薄到米紙咁, 零肥膏, 減緊肥都可以安心食用, 雞肉入口超有彈性, 滑溜緊緻, 新鮮雞即係新鮮雞, 好好好味呀!!! But... 席間竟然有人話淡, 實在離奇過X-Files, 可能佢食過果d係坊間粗製濫造的鹽醃雞, 並非鹽焗雞... 雞腎都好好味, 而家已經好少見酒樓會上埋雞腎...炸子雞-- 朋友訂位時, 電話入面的仁兄只係話鹽焗雞係用新鮮雞做嘅, 但服務員上菜時又話炸子雞都係用新鮮雞, 新鮮雞做炸子雞?!! 會唔會浪費咗少少呀?!! 炸子雞調味相對鹽焗雞更濃, 皮脆, 肉質都好好, 但相比之下, 我比較喜歡鹽焗雞... 病緊唔敢食炸蝦片, 但個樣睇落好得...八寶鴨-- 由於經理驚我地食唔晒, 所以提議將八寶鴨開邊, 每枱上半隻, 咁餘下的1隻都開邊, 直接入落外賣盒, 醬汁分開包, 所以導致上桌時八寶鴨有點其貌不揚... 鴨肉已經起清光, 鴨皮內裡9成都係蓮子, 雖然粉嫩, 但未免太多, 仲有切得很細粒的鴨肉及冬菇, 細粒程度大約係3mm x 3mm x 3mm左右, 唔知係咪我病到迷迷糊糊, 數唔出有邊8寶囉... 但係食落鴨味的確好濃, 席間有"好煮得"的朋友讚美此八寶鴨做得不錯...子薑咕嚕肉-- 經理推介的, 色彩鮮艷, 酸甜適中, 咕嚕肉鬆化, 最有驚喜係加入了開飯前人人爭住食的子薑, 頓成非常受歡迎的一道菜...荷葉飯-- 太多美食, 在座人士都有點吃不消, 荷葉飯原個未開封就已經拿去打包了... (病到渾渾沌沌, 相都無影)合桃露-- 飯後甜品, 病緊, 無食... (病到渾渾沌沌, 相都無影)加埋啤酒汽水, 包房2圍, 承為$4800, 食物好多, 多到食唔晒, 最後要包走1.5隻八寶鴨, 原個荷葉飯, 同埋濕濕星星的... 其實今餐都幾實惠, 咁嘅價錢, 出面的酒樓包房應該做唔到... 專責服務我地間房的服務員態度亦很親切, 不時搭訕, 對我地提出的要求有求必認, 仲會反建議, 非常有Heart...…Read More

香港大學校友會餐廳只招待校友會員，因此我們雖久聞其名卻無緣一試。幸得港大畢業的食友安排，我們這班來自五湖四海的朋友，得以相聚於此開飯。香港大學校友會駐紮於中環一商廈10樓，裝修簡約，坐得算幾舒服。感謝食友預早打點一切，我和安娜只須閒話家常，坐等一碟又一碟的菜餚上桌。一窩養顏的菜膽杏汁白肺湯負責打頭陣。湯頭奶白，味道鮮甜，而杏汁起了畫龍點睛的點綴。而湯渣亦甚豐富。豬肺洗得乾淨，熬至軟腍而帶嚼勁，菜膽亦夠淋。這窩湯有相當水準，推薦。　　提起港大校友會，就一定會聽到「鳳尾蝦多士」的大名。蝦多士以芫茜、雲腿點綴，賣相精緻。彈牙足料的開邊蝦肉，給人滿足的感覺。炸至金黃的多士，香酥少油，炸至金黃的多士，香酥少油，不愧此地之名物；惟多士略嫌未夠鬆化。　　作為蝦多士的下家，平實的南乳粗齋難免被比下去。不過，值得一讚的是材料豐富、不會過淋，配上味道和稀稠度都適中的醬汁，其實也是一道不錯的小菜。　　接著上的是子薑菠蘿咕嚕肉。有點怕酸的我，第一樣要讚的是醬汁調味恰到好處，酸度不會過於霸道，反而相當開胃。沒有多餘的醬汁，全都掛在肉排上。另外，肉排都夠軟嫩，不俗。但有一個小缺點，就是外層不夠脆。　　這個陳皮蒸肉餅嫩滑彈牙，帶點陳皮香，味道上佳。不過，比起年初在灣仔生記嚐過的肉餅比較，爽彈程度仍有分野。當時席上的朋友更說，我吃到的肉餅並不是最佳水準。嗯，食下食下，我居然在回味新記 ......　　古法鹽焗雞選用新鮮雞，不預訂是吃不到的。食材是取決菜餚的成敗的第一要素，新鮮雞的肉質嫩滑富彈性，鮮味並非冰鮮可比。而薄薄的外皮焗至略深的金黃色，十分鬆脆，香口惹味。　　全部菜餚都出場了，最後就剩下這個須預訂的飄香荷葉飯。份量足，要合眾人之力才能清掉。牽開那片荷葉，立即荷香四溢。配料尚算豐富，有蛋絲、冬菇、雞粒等等；加上飯粒分明、荷葉飄香，雖稍稍乾身了點但仍高於合格水平。　　食完飯之後，當然是飯後甜品環節，我們點了生磨合桃露。一向喜歡中式手磨甜品，這窩合桃露味道不俗，香甜而細滑，不過味道略淡，個人而言喜歡較濃味的合桃露。　　食完合桃露還不夠，一眾食友再額外加點煎堆仔。相比合桃露，我更喜歡個子小小的煎堆仔，外皮熱辣辣又鬆脆，裡面包著美味的豆沙蓉。一定要襯熱食。　　在這個五湖四海的飯局，大家有講有笑，渡過了一個愉快的晚上。今次是第一次來到香港大學校友會，坦白說食物質素並未如預期般驚喜。不過，食物水準和服務整體仍令人滿意。到埋單時，見到每位收費只是大約 200 左右。如此性價比高的一餐，又是一次值得給笑臉的經驗。不過，不知幾時才可以再光顧了。…Read More

新生命的來臨，又是男丁當然加倍喜慶，彌月之喜的晚宴就選位於中環旺地 ( OR當日亦於蘭桂坊舉辦一年一度之啤酒嘉年華，人鬼雲集，人山人海呀！) 之香港大學校友會，取其菜式老幼皆宜，由於多位長輩共十五人撥冗蒞臨，故此早於一星期前已請校友會餐館代寫菜單，當然多款人所共知的菜餚均在我訂菜之列，部長女仕在電話中特意透露百花饟蟹钳之每隻價格，最新為二百八十多元，十五隻總數就已經四千二百多元了，差不多是整個菜單總額的半數。美食也受通脹影響，要食好嘢就要快手喇! 不其然三百元一隻饟蟹钳就真是指日可待了。好了，話說回來要開始評論一下各款菜式的賣相和味道喇! 鳳尾蝦多士 -- 首先上桌的是它，鮮蝦配合小麵包以油炸成鳳尾蝦多士，一碟十五件整齊排列，細看每件都乾身不油膩，金黃色的多士饟著蝦膠配以鮮蝦，上軟下脆的口感，認真令人欲再三回味，可惜只限每人一件，多吃會熱氣呢！百花饟蟹钳 -- 港大校友會的名物出場了，貴重兼考手功的饟蟹钳排滿一碟，大大隻所向無敵，確實滿足一眾大啖咬的食欲，外層爽口彈牙非常，廚師打膠手藝應記一功，因為佢應該好用力至有咁嘅效果。至於內裹就藏了一隻鮮蟹钳，認真有心思，口感和味道到最後都得以提升，完美的一道菜式，值回票價。 菜膽杏汁白肺湯 -- 濃濃杏香，滋潤美味，猪肺以形補形，食多一點補多一點肺。菜膽甜美，入口即溶，不用多咬，最適合各位長輩食用，此白肺湯認真老幼皆宜。金銀蛋浸莧菜 -- 由於在座中有半素食主義者，故此在菜單中特為她多訂一道菜，以滿足其少肉多菜的欲望。首先來的就是金銀蛋浸莧菜，嘗畢前兩味以油炸方式處理的菜式，轉換一下軟淋淋的莧菜，口中此刻有著清新的感覺，長輩們就是最適合不過。鮮蟹肉大良炒奶 -- 一道以鮮蟹拆肉而成的大良炒鮮奶，蟹肉的鮮味夾雜炒鮮奶的軟滑咸香，無疑是一道極其配合的小菜。 柚皮炆鴨 -- 最受歡迎的就是柚皮，因為它要經過煩複的製作步驟，而且炆得又淋又很入味，長輩們最欣賞的菜式之一，雖然用的是冰鮮鴨，但味道也不遜於鮮鴨呢! 至少調味亦令其生色不少，很滋味的。鳳肝燒牛柳 -- 懷舊菜式之一，真的是一道罕有的組合，雞肝配合牛柳串燒，色香味俱全，燒雞肝的味道咸香有序，牛柳軟滑味濃，一串四件，兩肝兩牛，梅花間竹，令人交差回味，是一道精彩的菜式，謹此強烈推介予各食友一嘗。古法鹽焗雞 -- 鹽焗雞每次均在訂菜之列，又要預早落訂，茶葉煙燻的雞隻，極其入味，香氣四溢，鹽焗雞的咸度適中，肉質細嫩軟滑，隨碟更附上雞肝及雞心，一於食盡煙燻的美味。 上湯什菜煲 -- 觀其名便知是上湯浸什菜一煲，純粹為半素食主義者加添的一道菜式，多種時令蔬菜如西蘭花，菜芯，粉絲混合而成，滿足素食的要求，口味對辦。古法炆斑翅 -- 此為一非常傳統之菜式，在座的長輩當然知悉斑翅所指並不是石斑和魚翅喇！而是炆石斑尾，翅者魚旗也。伴碟配菜以小棠菜為主，夾雜草菇和金菇配以獻汁，長輩們吃得津津有味。荷葉飯 -- 是晚之荷葉飯差強人意，味道偏淡，欠缺荷葉之香味，雖然用料充足，但似一般炒飯，皆因在席間多位長輩均詢問這是什麼炒飯？由於相片數目限制，故此無法為大家展示似一般炒飯的荷葉飯呢！生磨合桃露 -- 港大校友會的合桃露也是名物之一，香味濃郁，雪白兼滑溜的合桃露確實是最佳的中式飯後甜品。…Read More

長毛苦學多年,終於修成正果,大家都想跟他分享這份喜悅,由長毛嫂發辨,一早訂好V好友IP房慶祝.其實早幾年前已經來過,當時訂檯沒今天的嚴謹,而且裝潢平實得多.要說店內名湯,就不得不提杏汁豬肺湯,芳香的杏仁味,老遠都聞到,沉實厚重的奶白色,表明杏汁是下得一點都不留手,呷一口濃稠的湯水,清甜芳香,醇厚滑溜,餘韻在口腔內徘徊,難怪比起陸羽的出品,絲毫不落下風.再來的是鳳尾蝦多士,蝦肉釀上雲腿,令爽口彈牙的蝦肉帶有一絲咸香,而靈魂人物的多士,卻是一點都不油膩,夠乾身,瀝油處理得相當札實,少點功夫也不成.椒鹽鮮魷算是店內名物,脆漿調教得有水準,椒鹽看似一般,其實好香口,魷魚亦新鮮,咬落煙韌,不錯.每當看見燒雲腿鴿片,就不期然想起陸羽的同名菜色,大概同師傅的出身有點淵源,但又不是說教,又或是眩耀自己的學識,不提也罷,老實說,用蜜汁醃足幾日的雲腿,蘸粉炸過再切片,確實比鴿片更吸引,咸香的火腿內帶有蜜味,薄薄的一片,柔韌有嚼勁,令到單用草菇炒過的鴿片更來得用心,看來,配角比主角更突出.翡翠生魚卷算是店內另一名物,單憑外表,只不過是生魚片炒西芹,但細心一想一看,生魚一定要夠份量,才可以切片,而每件魚片都包裹著雲腿,咬一口,在軟綿的魚肉底下,竟然有一朕雲腿的香味,加上玻璃芡又未算厚,實在是吃過不停.南乳炆粗齋經常食,但有水準的不多,校友會師傅炆得夠腍,南乳味毫不霸道,最喜愛豆卜及粉絲,兩樣味道不突出的食物,沾上南乳汁後,變得更惹味了.古法鹽焗雞是店方另一名物,往往沽清,想要一親芳澤,還是及早預訂,用上新鮮雞,肉質當然有保證,最誘人的亦是最邪惡的雞皮,咸香脆口,大家更加不要錯過伴碟的雞什,如果不是新鮮雞,何來一整套內臟?用鹽焗方法處理,有嚼勁,雞味濃,用來下酒一流.至於陳皮蒸牛肉餅,個人認為最莫名其妙,完全是茶樓版,毫不吸引,陳皮味欠奉,亦沒有牛肉的質感,如果自已發辦,一定放棄.雖然菠蘿咕嚕肉是最平常不過的菜色,但校友會從外至內都處理得非常好,甜酸醬調教合宜,並不會單調勁酸又或是死甜,醬汁掛得平均,醬粉夠薄,絕不會整個嘴都是粉醬的情況出現,精彩.看見生炒腊味糯米飯粒粿分明,並非蒸熟黏性重,賣相一舊舊貨仔,加入雞蛋,腊肉及腊腸齊炒,蛋醬將飯粒包裹,師傅不論火喉或拋鑊俱有札實的基本功,熱力均勻,腊味香味四散,令人忍不住添完再添.生磨合桃露芳香濃郁,入口順滑,就連糖水都處理得相當好.其實店內不會見到華麗的裝潢,優雅的氣氛,只會欣賞到師傅數十年累積下來的功力,在平凡中見真章,絕對值得一試再試.…Read More

雖然相識不是很久，但很高興得到有蘇師傅之稱的千里兄邀請我參加呢個飯局，影番張畢業相。我還記得當年我中大Master畢業，連袍都無租，畢業相當然無影了，想起來還真是遺憾。是日訂位和菜單乃千里伉儷一手包辦，我等閒人只是到時到候坐埋位就有得食，係度真係多謝主人家悉心安排，不過一為神功二為弟子，千里兄，作為婚宴既rehearsal，這次辦得過癮嗎？是日餐牌如下：鳳凰蝦多士菜膽杏汁白肺湯燒雲腿鴿片椒鹽炒鮮魷翡翠生魚卷陳皮蒸牛肉餅古法鹽焗雞（預訂）南乳炆粗齋菠蘿咕嚕肉生磨合桃露生炒臘味糯米飯杏汁白肺湯雖話名唔駛訂，但我覺得如果要食，都係訂一訂好。雖則我未吃過陸羽，但這裡已令我很滿足。材料十足，豬肺很腍，杏汁夠味，果然是招牌菜，但我最喜歡可能是菜膽，入味而不過腍。這裡的蝦多士，我一向覺得不差，主要是不太油兼多士夠脆，但蝦膠如果重手ｄ，就更好了，始終食蝦多士，我會想食蝦多ｄ。我從來沒諗過黎呢度的椒鹽炒鮮魷會咁好味，我想講，呢一碟係我呢一晚食得最多的。椒鹽炒得很香，鹽味辣味很夠，鮮魷新鮮彈牙，有杯啤酒會更加完美！燒雲腿鴿片賣相精美，主角雲腿外有一層炸粉，倍添香口。鴿片也不讓雲腿專美，炒得入味，很有特色的一味菜。翡翠生魚卷，生魚片卷雲腿，吃得出有心，但奈何不合我口味，主因可能是那個獻汁。西芹我反而幫襯得好多，始終是到此為止的第一個菜。第一口吃南乳炆粗齋，讓我覺得很不錯，可能是因為賣相不佳，讓我沒甚期望。這一類炆齋，豆卜盡吸精華是最好味的，但這裡的冬菇粉絲等等也很好味。可是多吃之後覺得失卻了齋的真意，就是太肥膩了。這裡的雞一向出名，必先預訂原因當然是因為準備需時，另一原因應該是因為採用新鮮雞吧。古法鹽焗雞咸香味足，雞肉嫩滑，不用點任何醬汁已經很好。愈平凡愈難煮得好味，陳皮蒸牛肉餅可以話係很多家庭都識整既家常菜，留意是牛肉餅而不是豬肉餅，蒸既時間也因而不同。陳皮香，肉餅實，牛味濃，送飯一流。菠蘿咕嚕肉又是另一名物，外層炸粉不過厚，咬開裡頭熱熱的，梅頭肉夠腍，醬汁夠酸甜，不錯。生炒臘味糯米飯很足料，臘腸蝦米蛋花再加點香蔥，糯米飯不乾不濕也易入口，在冬天吃實在無得頂。最後來個生磨合桃露，甜度適中，絕對是生磨，這一餐很是滿足。我還記得第一次黎，真係同港大同學一齊黎試，那次沒做功課，甚麼也沒預訂，但三五知己，大家傾下大學往事，係開心的，所以這裡，對港大畢業的舊生，很有意義。如果你是舊生，記得係要申請BEA alumni信用咭，普通那張BEA HKU咭，唔可以當alumni咭係度用的。…Read More

11年1月12日（星期三）晚，自取了畢業袍後就一直想相約食友拍照留念，碰巧女友成為這裡的會員後從未在此吃過，所以就順勢決定在此搞飯局，一次過達成兩個人的願望。可能始終是小弟首次搞飯局，經驗嚴重不足導致很多地方做得不好，自問在邀請和安排方面做得頗失敗，就連菜單也是參考以往的食評的。不過，仍然十分幸慶有十多位出席支持，在此非常感謝每位有份出席的好友，一圍十四人被安排坐在間得剛好的細小廂房內。雖然已著女友準時收工並趕過來，但已有食友比我們早到，女友連忙幫我穿上畢業袍，逐一和出席的食友拍照，更特別多謝食友莎莉專程來和我拍照，最可惜的是陳真兄因工作關係未能出現，實在是一大遺撼。拍完照，來的人亦到齊，也是時候上菜了。杏汁白肺湯：材料十足，相信湯底是經過隔渣的，口感幼滑之餘，杏汁味濃厚而帶點清香，味道樸實無華，連帶豬肺等湯渣亦非常軟腍，此大窩湯實屬誠意之作；鳳尾蝦多士：隔油功夫做得非常好，碟底一點油也沒有，多士炸得香脆鬆化卻不覺得油膩，蝦肉亦算爽滑，稍嫌鮮味欠奉；椒鹽鮮魷：若是身在大排檔，多數會點此菜用來下酒，但上館子點這個菜倒是第一次；鮮魷外層炸得金黃香脆，內裡的鮮魷竟然還保持爽軟，還帶點鮮味，而且吃得出真的是把炸過後的鮮魷下鍋用椒鹽去炒，果然是這裡的名物，不得不幸慶自己沒有錯過這看似平凡的名物；燒雲腿鴿片：雲腿切得很碎，不夠整齊，亦欠缺鹹香，雖然肉質嫩滑，但鴿片被濃厚的芡汁弄得竟然和雞肉十分相似，未能彰顯這道菜的獨特之處；翡翠生魚卷：又一道看似平凡卻有驚喜的菜肴！薄薄的生魚片包著小小的雲腿條先拉油，再落鍋和翡翠（西芹）炒，然後上碟；生魚片厚薄得宜，肉質雖帶點結實，口感依然軟滑，是一道非常考大廚功夫的菜式；南乳炆粗齋：材料如津菜、冬菇、豆卜、雲耳和木耳等堆滿一大碟，有如個小山丘般，可惜南乳味道不夠濃厚，雖然好吃，還是覺得鴻哥做的較好；古法鹽焗雞：雖然不知古法是如何烹調，但這裡的鹽焗雞卻真的做得很出色，至少沒有吃到沙薑味，亦無需醮沙薑醬亦覺得夠味；雞肉嫩滑當然不在話下，既吃到雞味亦感受到其鹹香才是難得，如此坊間難尋的鹽焗雞，難怪要預訂才確保有得吃；陳皮蒸牛肉餅：外貌如一般家常菜，吃過後才知殊不簡單；肉餅鬆軟得來，牛肉味依然濃郁，再加上味道鮮明特出的陳皮輔助，足以證明小弟捨「鳳肝牛柳」而點此道菜的決定是正確的；菠蘿咕嚕肉：咕嚕肉炸得外層鬆脆，內裡的梅頭肉依然軟腍，醬汁亦做到恰到好處，不多亦不少，酸甜適中；臘味糯米飯：個人較喜歡稱「臘味糯米飯」多於「生炒糯米飯」，因為真正的「生炒糯米飯」恐怕已經失傳。雖然知道糯米飯是蒸出來的，但口感卻很鬆軟，糯米亦夠軟熟，臘味粒也不少，正值寒冷天氣吃到一碗如此滿意的臘味糯米飯，非常窩心；生磨合桃露：吃得出是真正生磨的，合桃味濃厚，甜度亦適中，作為飯後甜品已屬合格。是晚的食物甚感滿意，服務亦不過不失，不過上菜速度非常驚人，由叫起菜到上甜品，前後不足一小時，就算中途曾經反映太快亦無補於事，希望店方多加留意！在此容許小弟再次向每位出席、想來而不能來的食友道謝，正如標題所說，『除了多謝，還是多謝』！…Read More