Whitehead Barbecue

對上一次黎呢個位於烏溪沙海邊嘅燒烤場燒野食都已經係十年前，以前覺得好偏僻，但原來宜家周圍都係新樓，又有個高爾夫球場喺隔離，都唔算荒蕪，加上呢度逢星期六日每個鐘都有兩班免費穿梭巴士來往烏溪沙站同燒烤場，其實幾方便襯住星期日咁好天就一家大細黎BBQ，我哋叫咗個5人海鮮套餐，都幾豐富，而呢個套餐包哂所有用具、5罐野飲同水，所以其實一個價錢就乜都包哂。而爐具幾乾淨，啲工具仲係全新，帶小朋友黎都好放心。另外，餐廳仲提供咗一本BBQ精美教學，跟住建議方法黎燒，唔會破壞啲食材海鮮套餐食物：🌟彈牙海中蝦🌟蒜蓉半殼帶子🌟紐西蘭半殼青口🌟蜜汁叉燒🌟雞扒🌟豬扒🌟雞中翼🌟海鮮三寶丸（魚蛋、墨魚丸、龍蝦丸）🌟爆汁芝味芝士腸🌟雞肉腸🌟台灣脆皮腸🌟迷你日本甜薯🌟香甜粟米食材啲形容詞冇呃人，估唔到樣樣都真係幾好食，冇expect過燒烤場啲食物質素都咁好蝦食落好爽口彈牙，仲有少少蝦膏，帶子同青口都好新鮮，而肉類全部醃得好入味好淋，啲丸都好有鮮味，平時出面買都好難買到咁正我哋仲早幾日預訂咗隻古法吊燒雞，喺個爐上面慢烤，最尾再燒脆個皮。呢隻雞醃得幾啱鹹，肉質唔乾，仲幾嫩滑本身個套餐份量其實都好多，加埋隻雞，我哋5大1小都食唔哂，所以好抵食呢個場仲有啲啱小朋友玩嘅遊戲，仲有個啱啱呢個月重開嘅水上樂園，啱哂一家大細或者成班朋友黎玩足一日場內有好多風扇又涼到海風，夏天黎BBQ都冇問題，而呢度仲有啲獨立房租，有冷氣同娛樂設施，一大班朋友黎呢度gathering都幾唔錯…Read More

難得有朋友發起燒野食，一於收工約埋去白石燒烤場先，唔使自己買野帶過去，輕輕鬆鬆方便懶人😜烏溪沙站落車，之後跟住朋友行，行到大約20分鐘咁上下見到有路牌指示，再行多陣就到達唔使煩食乜好，所以我地叫左5人海鮮套餐(平日$1038)同古法吊燒雞($148)，套餐除左野食飲品之外，另外包埋燒烤網，鉗，5人餐具包，5枝燒烤叉，1枝蜜糖，2包炭。特別提一提，古法吊燒雞記得要早三日之前預訂先有空間非常闊落，唔會太逼，同埋都係室內燒烤場，就算落雨都唔怕😁原來仲有獨立房間，夠晒私隱👍🏻仲有夾公仔機，遊戲機等設備，大人小朋友都可以玩得盡興😁對住咁靚咁廣闊嘅海景燒野食，夠晒CHILL，值回票價😎古法吊燒雞：師傅已經幫手調好味同串好隻雞，然後跟住佢本指南黎燒就得，絕對唔會失手😉火喉時間啱啱好，皮脆肉嫩，燒雞幾有鹹香，唔錯😋5人海鮮套餐：有彈牙海中蝦、蒜蓉半殼帶子、紐西蘭半殼青口、蜜汁叉燒、雞扒、豬扒、雞中翼、海鮮三寶丸、爆汁芝味芝士腸、雞肉腸、台式脆皮腸、迷你日本甜薯、香甜粟米，最中意佢呢到D食物全部獨立包裝，夠晒乾淨衛生👍🏻一開頭通常例牌燒三寶丸同腸仔先，貪佢夠快燒熟有得食😆台式脆皮腸夠惹味，迷你日本甜薯一口一粒容易食而且好香甜😋將D蜜汁叉燒、雞扒、豬扒等放上燒烤網上面燒好方便，記得得閒反轉一下，唔係太大火好容易燶，燒完之後啖啖肉夠JUICY😋蒜蓉半殼帶子、紐西蘭半殼青口、彈牙海中蝦：作為海鮮餐主角當然非常期待😍海中蝦幾大隻同彈牙爽口飲品：包左5枝水同5罐汽水，唔夠仲可以汽水機買野飲呢到環境舒適，食物乾淨衛生又方便，好適合一大班朋友聚會唔使煩😎👍🏻補MENU…Read More

放假同成班朋友去左白石燒烤BBQ可以望住個海燒野食都咪話唔Chill叫左個五人海鮮套餐，再另加個古法吊燒雞海鮮有一盒海中蝦、蒜蓉粉絲帶子同青口肉類就有兩包蜜汁叉燒三包雞扒(香茅、黑椒味）三包豬扒(咖哩、蒜蓉、黑椒味）兩包雞翼(蜜汁、蒜蓉味）仲有海鮮三寶丸芝士腸、廚師腸同台式脆皮腸蔬菜有迷你日本甜薯同粟米飲品有五支水同五罐汽水費用再包埋燒烤套裝、蜜糖同兩包炭職員會幫手起埋爐完全唔洗煩，一黎就可以燒食物全部都獨立包裝，方便又衛生古法吊燒雞一黎已經係7-8成熟再跟據小手冊指引燒到全熟慢火燒令雞皮更為香脆而保存到肉汁海鮮比較推介海中蝦肉質爽彈有蝦味蒜蓉帶子就略嫌細粒，食落唔夠惹味肉類就推介蜜汁叉燒燒完肉質好鬆化同好Juicy雞翼同雞扒一樣好惹味三寶丸就有魚蛋、龍蝦丸同墨魚丸台式脆皮腸燒脆左好好食迷你甜薯用黎燒烤都好夾整體食物質素中上環境都幾乾淨企理嗌套餐唔洗煩又可以免租爐費如果想輕鬆BBQ既朋友可以一試…Read More

最近嘅家庭聚會去左馬鞍山白石燒烤場，烏溪沙集合，坐免費接駁車，好快就落車，交通都算方便。燒烤場環境好大，除左有唔同嘅燒烤區域，仲有麻雀、飛鏢、扭蛋機、夾公仔機、跳彈床、扑傻瓜等大人細路都啱玩嘅遊樂設施，對住靚靚海景燒野食，吹下海風，真係好嘆！呢日有唔少人燒乳豬～我哋點左5人海鮮套餐（$1188）+古法吊燒雞 （$148）套餐有齊肉類，海鮮，蔬菜，丸類，飲品，仲包埋所有燒烤用具，開爐費，炭2包，毛巾，蜜糖，好豐富！肉類：雞中翼，豬扒，蜜汁叉燒，雞扒肉類有唔同味道，香茅/蒜蓉/咖喱，連泰式都有，當中黑椒雞扒，燒好香而唔辣，啖啖肉～蜜汁叉燒甜甜地，好有港式風味！😋海鮮：海中蝦蒜蓉粉絲帶子紐西蘭半殼青口海鮮簡單放在燒烤網上面就可以，很快燒熟海蝦燒好後彈牙香口，沾上自備的燒汁食，很快食晒😋丸類：芝土腸，雞肉腸，台式脆皮腸墨魚丸，龍蝦丸，魚蛋燒嘢食又點少得丸仔，腸仔，腸仔燒一陣就塗蜜糖，鹹鹹甜甜幾好食，芝士腸燒至爆開，一口流心芝士😆古法吊燒雞 $148（提前預訂）燒雞真係必點，燒至外皮金黃香脆，好有成功感！爐架可固定/轉動，慢火細烤下，雞油緩緩流出，皮脆肉嫩多汁！雞油，用來撈蒜蓉粉絲食，勁香！🌙月光太太…Read More

很久沒去燒烤場，不是不想去，而是很難和朋友夾到時間及地點，因此這次難得就到，便和太太及朋友一起來到久違的白石燒烤場😄✏️位置（7/10）：烏溪沙站有專車接送，十多分鐘就可抵達，尚算方便✏️環境（9/10）：少有無敵海景的燒烤場，推擁有廣闊空間，人多更可預定包廂，另外設有大量遊樂設施，一家老少也可盡興✏️服務（8/10）：店員主動幫忙開爐，點燒雞等會幫忙安裝鐵架。廁所算整潔，有大量水龍頭供客人清洗✏️食物（8/10）：套餐抵食，海鮮肉類蔬菜都包辦，食物醃得入味，味道不錯🌟5人海鮮套餐 - 成人$1,188 (平日 $1,038)我們點了5人套餐，包括兩包炭、一個燒烤網、一樽燒烤蜜糖、一個鐵夾、兩款剪刀、五支燒烤叉、五罐汽水、五支蒸餾水、一盒紙巾、一條白手巾、五份塑膠盤及餐具。入座後店員會送上以上工具及套餐的食物，同時會即場幫忙用Gas及炭精等開爐，過程相當快🥰食物則包括以下多款：🍴彈牙海中蝦(6隻) ～ 大大隻亦爽口🍴蒜茸半殼帶子(5隻) ～帶子嫩滑，伴上香甜的蒜茸粉絲🍴紐西蘭半殼青口(6隻) ～算大隻，味道不錯🍴蜜汁叉燒(2包) ～醬汁香甜，啖啖肉香🍴蒜茸/香茅/泰式雞扒～三款口味，個人最喜歡香而不辣的泰式雞扒🍴蒜茸/咖哩/黑椒豬扒～豬扒還是配蒜茸最香🍴蒜茸/蜜汁珍寶雞中翼～燒雞翼我鍾意食，蜜汁味真心正🍴海鮮三寶丸～魚蛋、龍蝦丸及墨魚丸三款，口感味道都不差🍴爆汁芝味芝士腸～芝士味香濃，口能亦夠香脆🍴雞肉腸～廚師牌腸永遠唔會輸🍴台式脆皮腸～台式口味的古早味一口腸，口感獨特🍴迷你日本甜薯～超甜，細細粒容易食🍴香甜粟米～香甜新鮮，BBQ必備🌟古法吊燒雞 - $148/隻我們另外追加一隻古法吊燒雞，店只會幫忙置上鐵架，並用一包炭去固定位置，同時會奉上一個錫紙盆給我們放燒好的雞肉。不算難燒，外皮香脆，雞肉亦夠鮮嫩，食得出很新鮮😍總結這間白石燒烤食物質素不錯，又有無敵大海景，遊樂設施兼備，真的適合一家大小來享燒烤家庭樂🤩🏠白石燒烤📬地址：馬鞍山馬鞍山白石第1950號…Read More

天氣凍除左打邊爐，BBQ都是一個好選擇，曾幾何時一提起BBQ就要好大陣仗，媽媽級的會預先去街市買扒醃，又會煲定涼茶雪凍，年輕一輩就會預早約埋到街市一齊買已預先醃製的扒呀、丸呀、飲品等，才一齊搭車去燒烤場，還要霸爐呢！不過近十年BBQ場越開越多之後，已經方便很多，一個價錢可以任燒，兩手空空就可以，基本上唔怕燒得夜，放工之後去燒返轉都可以。但BBQ場雖多，質素亦越來越參差，尤其是任食的BBQ場，除了價錢便宜外，都沒有甚麼可以要求了。而白石燒烤是我個人認為質素較高的BBQ場之一，由十年前剛開業不久已經開始光顧，睇住佢越來越多元化，由以前純BBQ，到現在場內有多款娛樂設施，但重點的燒烤食物仍然唯持高水準，雖然不是任食，但有套餐供應，除返開都是比任食BBQ場貴一點，當係用錢買質素。＊＊＊＊＊＊＊＊＊＊＊白石燒烤場原本在馬鞍山和沙田都有免費穿梳巴士前往，但1年沒有來，原來這兩條巴士線已經取消，現在要到烏溪沙站才有免費穿梳打士。烏溪沙站B出口，直行左轉見到美聯，站在美聯前面等巴士就可以(沒有站牌)。巴士每半小時一班，一般15分和45分都會有巴士。甫進BBQ場，首先可以到這個接待處點餐，燒烤食物可以單點，亦有五人和十人餐提供。除了現金，亦可用八達通，非常方便。燒烤場地方非常大，基本上都不用訂座。絕大部份燒烤爐都是有蓋，即使日頭來都不怕曬。另外場內亦有空內冷氣房，天氣熱時都可以租用。我們一行六人，就點了一個五人海鮮套餐(1,090)，再另點一隻古法吊燒雞($138)。五人海鮮餐包括雞扒、豬扒、雞翼、三寶丸、海鮮、腸、蕃薯和粟米，另外每人有一枝水和一罐飲料。飲料有多款選擇，如果事後想換其他口味也可以。五人餐還包括餐具、膠手套、燒烤叉、炭、燒烤網、紙巾、蜜糖和調味料，非常照顧周到。食物全部都獨立包裝，一袋一款食物，包裝袋上亦有註明食物名稱。雞肉腸正正常常，比較特別是另有豚肉腸。三款腸中我最喜歡爆汁芝味芝士腸，因為咬開真是有很多芝士。海鮮三寶丸有龍蝦丸、墨魚丸和魚蛋，全部都很彈。紐西蘭半殼青口青口一袋有近十隻，建議不要燒太久，我們燒太久令青口肉都過乾黏著青口殼。蒜蓉半殼帶子帶子有五隻，每隻都份量十足，帶子很厚肉。彈牙海中蝦海中蝦都大隻，雖然是雪藏，但蝦肉都結實彈牙，不過同樣不宜燒太久，否則蝦殼黏著蝦肉很難剝。香甜粟米粟米的確幾甜，簡單塗點牛油燒已經很好味。蜜汁叉燒蜜汁叉燒醃得入味，肉質軟嫩又juicy。香茅豬扒/咖哩豬扒/咖哩雞扒豬扒和雞扒同樣醃得夠味又不過鹹，肉質軟腍不會太韌太鞋口，好味。甜心蕃薯蕃薯不太甜，味道普通。原本燒雞一直掛在燒烤爐上燒，燒至尾昇，如果燒雞還未熟，可以著職員幫助燒熟。燒雞燒至金黃色，睇見都口水流。職員把燒雞燒熟讓我們拍照後，會幫我們切開並放膠盒內。雞皮帶點微脆，但一定要盡快吃，因為天氣凍，雞件凍得快，放久了皮就會不脆。不過燒雞都幾多油，但肉質都算滑，６個人食每人兩三件剛剛好。總結，食物質素比任食燒烤場好，燒烤包紙巾手套餐具樣樣齊，真是兩手空空入去就可以，另外值得一讚是場內有多個獨立廁格，不用排隊之餘又乾淨，加上多款娛樂設施，無論跟一大伙朋友或一家大細來燒烤都適合。…Read More

今日父親節，難得全家放假，決定揸車去馬鞍山「白石燒烤」bbq慶祝！六點去到，燒烤場人流未算太多，我們先把車泊好！（凡惠顧燒烤場的顧客，可免費泊車兩小時，其後一小時$10）直行轉右去到收銀處揀選燒烤套餐。最後揀選了5人海鮮套餐$959，另外再加添一隻古法吊燒雞$138。五人海鮮套餐食物款式非常多，例如有彈牙海中蝦、蒜蓉半殼帶子、紐西蘭半殼青口等。根據單號入坐後，先到換領處領取餐具、飲品和食物；再找工作人員幫手開爐！燒烤的配套非常充足，細心為顧客預備較剪和燒烤網等，還有「白石燒烤教室」，提供bbq烹調小貼士，很窩心呢！排列好食物可以開動啦！燒烤網絕對是為懶人而設。我最喜歡塗上蜜糖的雞翼，外皮蜜味逼人，咬下肉質嫩滑！燒烤場環境寬敞，而且有上蓋覆蓋，即使下雨亦無損燒烤心情！混合了蒜蓉和牛油的青口和帶子，帶蒜香，非常惹味，肉質結實。最後是重頭戲，古法吊燒雞$138。燒雞外皮烤至金黃香脆，肉質嫩滑多汁，口感有點像炸子雞！…Read More