Paradise Classic

來到尖咀，入科學館前，要先食飽飽。  看到六八折推廣，就被吸引過來。再向職員查詢，今天星期日都有六八折。如此著數, 馬上入座. 原來早就有多位客人到達了!  下單後, 先去洗手間, 迎接美食到來.  古早魚香老鼠粉煲  小米看到老鼠二字, 真的以為有老鼠。其實是＜師奶鹹濕疹＞鮮蝦銀針粉的新加坡版本 ~ 加了桔仔水和鹹魚。已經聯想到：這鍋老鼠粉應該有鹹味和酸味。職員將所有配料都放在鍋內攪呀攪, 攪到全部都混在一起.  小米表示這鍋澱粉質有微微的酸味. 就因為桔仔水囉!  一家三口點小鍋份量, 已經很足夠.家鄉滷元蹄  深啡色滷水料, 元蹄肉質似大滷肉. 豬皮煮得軟綿綿, 一篤即破. 豬肉容易分件, 無需太大手力, 就可以把每組肌肉拆下來. 豬腿肉要跟皮一同品嚐，以豬皮的油潤來潤澤肉質纖維的乾爭爭. 其實豬皮＝骨膠原，美容補品. 假如在家中煮豬手, 一定會加白蘿蔔來中和豬手的油膩. 金銀蛋浸時蔬  嚐過多款美食, 就要來一份青菜, 扮健康. 香酥南乳豬五花肉  橙色的南乳跟五花肉, 是真正的五花肉, 肉和脂肪相間, 真是邪惡之物. 散點小菜六八折, 再以原價加一 = 68% + 10% = 78%茶位= HKD 10 + 10%  如以原價計總金額= HKD 557  現在盛惠HKD410有找.  平左一舊水, 抵左! …查看更多

與友飯聚，選了加拿芬廣場2樓的「樂天經典」飽吃一餐。「樂天經典」對我來説並不陌生，之前也來過吃晚飯。廣場2樓會看到「樂天皇朝」與「樂天經典」，它們同屬一個集團。兩者比較，前者主打滬菜，後者主打經典南洋中菜式。八式皇朝小籠包下次再會吧！餐廳裝潢洋溢中式古雅的風格，座處舒適。是日的餐單由饕食的好友安排，當然我十分放心可坐享其成！不過打開餐牌真係好多選擇，冷盤 、熱炒、中菜、主食、粉都、甜品和廚師推介菜。首樣來的招牌扣肉包$23/件，雖然只是一人量的扣肉包但它都是人氣之選。熱辣辣的包子，猶如饅頭的外表，質感幼軟軟熟，夾上超大片的五花扣肉，邪惡正式燃燒，厚厚的脂肪層令整片肉更甘香和邪惡，瘦肉的部份富帶嚼勁，加上生菜，又不怎覺肥膩，醬汁又不會死鹹過濃，愛這個包子唷。 脆醬美人魚 $55看來懷舊南洋菜式還擁特別的，冷盤點了 脆醬美人魚！脆醬美人魚由一尾尾小魚堆起，小魚質感香脆，吸收了甜甜辣辣的醬汁，口感與味道恰似坊間小吃的魚乾，不單開胃，佐酒亦是一流，可惜當天沒喝酒！可惜，可惜。菜香鐵板豆腐 ＄98豆腐都好值得試，豆腐外層焦香、內層滑溜，一聲滑落喉嚨，而且好像玉子豆腐般充滿蛋香。有了蛋香真的會覺得口水直流啊。大廚更為豆腐淋上菜心肉碎特製醬，好像有陣陣蝦醬味，為豆腐增加滋味，吃得不亦樂乎！夠囇惹味！很適合拌飯吃。四大天王，$68一樣簡單的素菜式似的，把秋葵、甜豆、四季豆及茄子跟醬汁一起炒，菜式亦混入了細膩的醬，更可享受濃濃滋味。整體而言，微微辣，十分惹味。古早魚香老鼠粉煲 $108 （小）心儀老鼠粉，雖然只是一道粉煲 ，但擺盤賣相也算細緻，菜式的亮點是採用了魚香老鼠粉入饌。古早魚香老鼠粉煲以瓦鍋盛上，面層可看到、鮮蝦、冬菇、青蔥和椰菜花等食材。材料勁多其實佢似湯羹粉，加上滑蛋，鹹魚碎味道一流洋溢著鹹魚的濃厚味道，撈埋個汁好正，檸檬鹹魚醬汁，採用南洋流行的桔仔汁，所以食落你可能會細味到一點酸味。奇異得來又幾好食，鹹酸的味兒足令老鼠粉昇華，變得香濃惹味。整體感覺蠻舒暢的，怪不得是招牌推介！叫左最細煲都感覺上好多啊！可以3-4個人食都得。.三色桂花斑蘭凍，$38女生嘅胃異於常人，幾飽都可以食到甜品把斑蘭、桂花及椰汁糕結合做成嘅三色糕，一客6件，清甜帶椰香，但桂花味會比較出眾。賣$38，屬抵食吧。「樂天經典」予我有不俗的印象，跟住推介的經典菜式去吃也能為我帶來新鮮感，懷舊南洋菜式味道真不錯，大集團來說且價錢合理，而我最欣賞其大部份菜式也設有小、中、大份量的選擇！無論什麼經合，均可選取合適的份量，貼心可取的做法！讚啊！…查看更多

要同友人食牛一飯，唔一定要食西餐/日本菜，佢選擇黎呢間主打新加坡菜嘅餐館雖則話係新加坡菜，但望落亦有廣東菜食，照顧唔同客人口味設有卡位及圓枱，適合幾個至大班親友黎開餐，今晚可以有卡位坐，舒服寬敞，飲啖茶，食下小食，慢慢睇下有咩岩食先!未開始食飯時，先食呢客蒜香紅海蜇頭 ($75)作為前菜海蜇頭口感相當爽脆，浸於香蒜粒加醋汁當中，味道酸中帶甜，又夠清涼，整體效果相當好，好開人胃口呀!呢客薑蔥爆鱸魚片 ($108)就岩晒想食魚但又想啖啖肉嘅友人鱸魚片肉質都幾滑，配以大量薑蔥一齊炒，有助去走腥味之餘仲多一份惹味!平時湯水少，一有機會都想飲番碗湯，呢度有多款靚湯，呢煲係淮山杞子螺頭湯 ($178)，原煲上用火爐保持熱度，唔怕飲到尾時變凍!  讚!湯清唔油膩，飲落味道充滿螺頭香味，熱辣辣好好飲，飲完一碗感覺舒服!睇下幾足料，鷄腳骨都煲到腍晒，咁啖湯點會唔正呢?!生日飯又點少得鷄呢?!  呢客金牌脆皮鷄 (半隻/$168)係牛一人話要食，半隻份量都幾對眼，仲要有埋炸蝦片伴碟，童年回憶返晒黎!燒鷄披上一身金黃色戰衣，皮炸至香脆又唔多肥膏，食多片都無咁罪惡; 而鷄肉都幾滑，配埋個燒鷄汁食，又確係好味喎!腐乳炒空心菜 ($68)，即係腐乳炒通菜，有幾條椒絲但無辣度，放心食!  腐乳份量幾重手，通菜入口無渣!呢客古早魚香老鼠粉煲 ($108)，可算係飯麵類中嘅代表作，原煲上保持熱度，食時侍應會幫忙加入桔仔油及咸魚茸再撈均煲中有隻蛋，能增加香滑度; 老鼠粉即係銀針粉，入口滑溜; 其他配料有蝦，椰菜，肉碎，菇碎等，味道濃郁又有唔同口感食一碗又點會夠喉?!侍應細心待客又有禮，仲要無限時交枱，難怪差唔多全場爆滿…查看更多

樂天皇朝食得多，樂天經典就未黎過。今日就等男友收工一齊黎開餐，真係好多人食。✨佢個小食真係好好味，平時我真係好少食花生呢d 配角，但佢呢個花生係炆到勁腍入晒味，而且粒粒都好飽滿。栗子都好清甜，絕對加分。✨淮山杞子螺頭湯： 呢個湯超正，螺頭鮮味十足，味道好清甜。天氣咁凍飲番個滋補靚湯，感覺真係好幸福♥️✨湯渣有我最愛：煲到腍晒既淮山，螺頭食落都好有鮮味，一盅有五碗，兩個人飲都真係好飽。✨招牌扣肉包： 叫左一個，因為怕太飽，結果又係搶住黎食。🤣個包好鬆軟，扣肉好入味肥瘦適中，開頭話食一啖。。。最後當然。。係唔止啦。。唔知點解真係好鍾意搶人d 野黎食，感覺特別好味🤣不過我對面條友既眼神係充滿敵意✨檸檬薏米水：微微酸帶少甜，感覺幾清新同健康，仲可以去水美白。✨古早魚香老鼠粉煲：估唔到呢煲細size 都咁大，絕對係無可能食得晒，我地本身已經飲湯飲到成肚水🙈。食前侍應會淋上青檸汁拌特製鹹魚醬，再撈一撈先食。入面有椰菜花，東菇粒，大蝦，肉碎，蔥花，菜甫等等，感覺有d 似食狗仔粉，不過佢個湯底帶點咸魚香味又幾過癮，最好多兩個人叫，因為放放下會更加杰～非常飽肚。✨花雕雞油蒸蟹：好貼心地有埋手套，濕紙巾，圍巾。第一次食咁大隻蟹😍超好肉仲勁鮮，點埋碟底d 花雕雞油食真係好香，又唔會搶左蟹既鮮味。呢隻蟹確係令人回味，配埋個螺湯係perfect match.✨酸柑香茅凍：其實本身想食湯丸，但要等15分鐘所以轉左呔食呢個，不過好彩最後選擇係無錯。😍😍😍因為賣相真係好靚，柑味既jelly 配香茅味估唔到又幾特別，好開胃同清新，呢個一定要試，有驚喜。…查看更多

早幾日同朋友去咗尖沙咀樂天經典食晚飯, 提早過節。 樂天經典係以南洋中菜做主題嘅餐廳, 菜式帶有南洋的風味, 如馬來西亞泰國新加坡等地, 最啱就係過節前嚟食番一餐做團年飯.餐廳裝修明亮整潔, 坐得舒服, 唔會坐得迫迫夾夾。由於友人鍾意食海鮮，於是就整咗龍虎燴（海鮮煲）同埋其他款式嘅南洋中菜龍虎燴龍虎會喺一度傳統嘅宴客菜， 馬來西亞啲蟹喺稱為海老虎， 而蝦就叫海龍， 所以龍虎會呢度菜有蝦有蟹， 除此之外仲有石斑魚，墨魚，花甲等等， 用料十分豐富， 而且過海鮮湯係用豬骨花雕等等熬製了六個鐘而成嘅， 鮮甜好吃。 而且入面仲有啲米線， 每條米線都吸滿龍虎燴的海鮮湯， 非常濃郁又飽足。古早魚香老鼠粉煲老鼠粉即是銀針粉， 貪其形狀似老鼠於是就改了名做老鼠粉。 呢度菜最特別之處係用咗特製嘅鹹魚柑桔醬， 店員會喺老鼠粉上菜之後，隨即揭起起煲蓋，然後倒入醬汁。 鹹魚味芬香撲鼻。 而且老鼠粉用料也十分多， 有蝦、蔥、椰菜花、雞蛋等等， 整個老鼠粉也洋溢著鹹魚的龍口味道， 香濃惹味。金牌脆皮燒雞燒雞係必食菜式之一， 燒雞外皮燒得非常香脆， 雞肉嫩滑而且肉汁也很多， 配上特製嘅醬汁同吃，帶點微辣，但又非常惹味。三色桂花班蘭糕最後我哋叫咗一份三色桂花班蘭糕做甜品， 白色的部分是椰汁味，中間呈綠色的是班蘭味， 而最後是杞子桂花糕， 這道甜品功夫甚多，價錢不貴好食又好睇…查看更多

第一次到來樂天經典用餐，沒想到這裡的食物是這麼好吃，不但款式多，而且用料、製作都一絲不苟平日晚6點半入座，這時人流不多，可以清楚看到餐廳的內部裝修、環境。餐廳光猛，環境舒適。我跟爸爸被安排坐於卡座。一坐下便有服務員為我們送上茶及花生這裡的花生是腍腍的，很入味，跟一般於酒樓吃到的脆花生口味不同，呢款花生都不錯看過餐牌，很多菜式都很想一試，最後幾經辛苦挑選了數款來吃先來一碟前菜，星洲辣鳳爪好滋味跟爽口，愈食愈正，真的停不了口，好惹味，微酸微辣的汁醬浸入了鳳爪之中呢款扣肉包每片23元，會跟一件扣包加一份包我們兩個人所以點了兩份這個扣肉包超滋味，扣肉肥而不膩，肉質入口即融，真是好滋味放到包中間夾著扣肉，一啖一滋味。包甜甜的跟扣肉好夾，味道很好，令人好想再來多一片呢呢走麥皮蝦，賣相是以超多麥片堆著蝦球麥片脆卜卜，令蝦球啖啖肉又爽口，口感十分有趣，又脆又爽口彈牙，呢款菜式都十分惹味、香口，堆麥片仲可以就咁當小食咁食，不錯不錯呢款古早味魚香老鼠粉煲好惹味，服務員一送上去，砂鍋熱辣辣，店員為我們即拌勻，香氣四溢，好正。感覺好像在吃碗仔翅般的質感，但味道超好，而且入面既食材又不少，啖啖滋味，大大隻蝦球，仲有超多又爽又彈牙細細條既老鼠粉最後食埋個名貴既花菇海參鍋，食材很多，海參同花菇都超多，海參炆得好腍，好入味。花菇又大隻，一流呢度食飯，所有食物都有分細、中、大碼，可以因應自己的人數而點選不同份量，咁就可以又試多點款，又唔怕太飽了…查看更多

今天來到尖沙咀加拿芬廣場做facial，晚上約老公於附近一起吃晚飯，美容屋經理介紹我們去樂天經典，有多款美食選擇。店內環境十分舒適，裝修很別緻，店員很友善，樂意介紹不同菜式。得兩個人以為不能叫太多款菜，原來大部份菜式都有大中小份量，選擇小的可以試多些不同種類，太好了!我們點了一個"每日靚湯"，其實是幾款燉湯的其中一款，由廚師揀選，今天是藥材燉走地雞湯，材料包括雞、玉竹、當歸、杞子、淮山、黨參、北芪……，非常足料，好香好好飲。菜香鐵板豆腐(微辣)，熱騰騰鐵板上枱，豆腐好大塊好滑，底部是一層薄薄的蛋皮，醬汁冬菇肉碎十分可口，配白飯更正！金牌脆皮燒雞(半隻)，果真皮脆肉香，雞肉嫩滑可口，配秘製醬汁，酸酸辣辣好醒胃。苦瓜排骨，經典中菜，苦瓜甘甜，排骨唔韌，炒得好香。薑蔥爆爐魚片，大大塊鱸魚，有好多塊， 薑蔥炒得非常可口。馬來風光(馬拉盞炒通菜)，一上枱已經聞到好香馬拉盞味，通菜炒得卜卜脆，越食越惹味。古早魚香老鼠粉煲，上枱時店員會把金桔咸魚蓉加入砂鍋中，熱辣辣，還有一隻生雞蛋即時攪拌，銀針粉配豐富材料(蝦仁、冬菇、肉碎、椰菜花等等)，老少咸宜的一個湯羹。其實每個菜都揀了細份量，但都足夠三至四個人吃，尤其是個老鼠粉，好大窩，吃完都已經好飽，下次先有空間吃甜品了，相信凍茶也值得一試。…查看更多

放假與好朋友一起去尖沙咀逛街，順便在附近吃飯。樂天經典旁邊就是樂天皇朝，原來是同一集團，而且在樂天經典便可以點樂天皇朝的小籠包，十分方便！餐廳裝潢大方簡潔，座位安排也十分靈活，有卡位、圓台或多人座位。翻開餐牌，茶位$8/位，食物多元化，有不同的湯品、冷盤小吃、豆腐、肉類、海鮮、麵粉、甜品等，特別之處是菜式分為大和小的份量，不怕浪費食物！⭐️白胡椒排骨豬肚湯$168我們點了一鍋豬肚湯，材料有豬肚、玉竹、胡椒粒、排骨、赤肉、老雞、雞腳等，有提神補氣、活血強身、抗風濕的功效，天氣轉涼，正適合我們飲用。聞起來已經有陣陣白胡椒的香味，入口白胡椒味道突出，餘韻有微微的辛辣。⭐️蒜香紅海蜇頭$75海蜇頭入口清爽脆口，配搭蒜粒，清新開胃。⭐️招牌扣肉包$23麵包皮綿密細滑，夾上肥厚的豬肉，再加上菜，咬一口，豬肉腌得相當入味，入口肉質鬆軟，搭上包皮一起吃，能中和肉的鹹味，很棒呢！⭐️聚寶海鮮豆腐鍋（s）$118最有驚喜是這道豆腐！聽職員介紹，豆腐是由廚師買豆漿親自製成，經過烹煮，再灑上肉鬆。吃一口，豆腐呈金黃色，吃起來微脆，裡面的豆腐滑而不散，入口豆味濃郁，配搭肉鬆、海蔘粒和蝦仁，口感很豐富，令我忍不住一吃再吃！ ⭐️古早魚香老鼠粉煲$108老鼠粉即銀針粉，我覺得稱呼它做銀針粉比較開胃，哈哈！配椰菜花、蘑菇粒、蛋花、蝦仁和蔥花 等材料，感覺很健康！銀針粉色澤透明，嚼起來軟軟的，本身沒有什麼味道，因為它以米磨製而成，但配上芡汁和配料，很飽腹呢！⭐️三色桂花斑斕糕$38最後少不了甜品，這道甜品很特別，由椰汁、斑斕汁和桂花糕製成，構成白色、綠色和黃色。吃起來味道融為一體，椰汁的奶香和桂花的味道較突出。⭐️椰子西米露湯圓$36湯圓是芝麻湯圓，外皮薄而軟糯，一咬而破，芝麻隨即流出來，配上西米露實在是人間美味！▫️這裡的中菜融合了新加坡、馬拉西亞的特色，所以吃起來很有新鮮感！…查看更多

和家人食冬節飯，爸爸話一定要食中菜，我就想了一想就決食樂天經典~樂天經典主打南洋中菜，有別於我地平時食開的中菜注入特色風味喔💕環境好闊落，燈光又有光猛，啱晒一家大細來👨‍👩‍👧‍👦前菜就點了冰鎮苦瓜拌桂花蜂蜜和蒜香紅海蜇。冰鎮苦瓜拌桂花蜂蜜呢道冰鎮苦瓜完全係好考刀功呀，師傅要將苦瓜切到好薄，幾乎接近透明咁。食落好薄好爽，配上特製既桂花蜂蜜甜甜的好清涼𝒻𝑒𝑒𝓁🥳蒜香紅海蜇頭呢個有香醋、蒜頭和辣椒🌶️，酸酸辣辣令人好開胃😆而且海蜇頭好爽口～～ 白胡椒排骨豬肚湯成個湯煲送上來😍店員還會幫我們分湯~有豬肚、玉竹、排骨、雞腳...看到湯渣十分足料呀👍🏽胡椒的味道突出砂煲花菇西蘭花扣海參花茹份量多而且都好大舊，底下仲有西蘭花🥦吸收曬都花茹和海參既精華，入矖味呀！古早魚香老鼠粉煲甚麼是老鼠粉❓就是銀針粉喔🤓古早魚香老鼠粉煲以瓦鍋送上來，有生雞蛋、鮮蝦、青蔥、冬茹碎和椰菜花等....另外有一碟檸檬鹹魚醬汁，好特別又惹味，之前都食過老鼠粉但從未試過用呢個醬。…查看更多

樂天皇朝就食過幾次，這間樂天經典則是其姊妹公司，不過走的路線卻大有不同，是以南洋菜為主。招牌扣肉包：一層一層的半肥瘦豬腩肉，炆至入口溶化，而白色的中式包帶點香甜，吸收了豬膏油脂，有陣陣油脂甘香，完全不油膩。金牌脆皮燒雞半隻：燒雞表皮燒至帶脆，肉質嫩滑且保留肉汁，十分香口。黃金蝦球：蝦球表面以咸蛋王完全包裹，外面香脆帶有咸蛋王油香，蝦肉爽彈大隻。古早魚香老鼠粉煲：老鼠粉吃前先伴入咸魚碎及檸檬汁增添味道且減輕飽膩感，除了有淡淡蛋王香味外，還有咸魚鮮香味道，老鼠粉伴入蛋王後更爽滑。家常燒素豆腐：豆腐表面帶點煎香的韌性，裏面軟滑，還有些茶樹菇等雜菌作配菜，健康又美味。…查看更多

樂天經典有驚喜尖沙咀新開咗間樂天經典，見到佢有胡椒蟹，梗係要試啦！先叫咗幾個頭盤同小菜，再叫個古早魚香老鼠粉煲同星洲黑胡椒蟹。先嚟個泰式鳳爪，去骨嘅鳳爪一入口係酸酸甜甜嘅，個酸味唔係其他地方食到嘅醋嘅酸味，似係果酸嘅酸味，唔會好刺激，入口係好舒服嘅，再有少少甜，之後個辣味就出嚟喇，味道好有層次，都不錯呀。馬拉盞空心菜食落幾有鑊氣呀，有馬拉盞嘅香同微辣，空心菜又好爽脆。到老鼠粉喇！一嚟到就已經好香，見到粉嘅中間有一個生蛋黃，侍應幫忙將少少嘅咸魚同檸檬汁拌勻再加入個煲度，撈勻就食得喇！加咗咸魚之後真係好香，但係又唔會太搶喎，入面材料都好豐富，有菜脯，蝦仁同椰菜花。老鼠粉熟度剛剛好，再加埋菜脯嘅口感，又有蛋花同咸魚香，唔錯。蝦仁又好爽口，加入檸檬汁令到個粉唔會好膩，再食多碗都得。另一主角胡椒蟹登場喇！見到都流口水，隻肉蟹都幾大隻。急不及待攞個蟹鉗食，一開個殼見到肥美嘅蟹肉，好juicy，食落去食到胡椒嘅香辣惹味之外，仲食到蟹肉嘅鮮甜。胡椒嘅香唔單單喺表面，食到個蟹肉都入晒味架。個黑胡椒蟹真係不錯，食咗半隻仲想再食呀！…查看更多

「樂天經典」是新加坡著名的樂天餐飲集團 (Paradise Group) 旗下的一員，主打正宗南洋中菜。最近於尖沙咀加拿芬廣場增設了分店。許是地點及消費模式的關係，尖沙咀分店的營業時間，竟至凌晨1點，夜貓子們又多一個選擇了。完成遊戲，將遊戲結果截圖上傳Facebook，再Tag 三個朋友，於餐廳消費時出示分享截圖，即可享半價優惠，一嚐「古早魚香老鼠粉煲」或「龍虎燴海鮮湯」！冰鎮苦瓜（拌桂花蜂蜜）～我這吃不得苦之人每見此物當選擇把它忽略，然這個片得透薄的冰鎮苦瓜配上清甜婉約的桂花蜜，卻令我吃出了甜中帶甘的滋味來！星洲黑胡椒螃蟹～重約1.4斤的肉感型菲律賓蟹，配上辛香惹味的黑胡椒，化學作用盡顯，那麼鮮、那麼香，那有人能抗拒得了！龍虎燴(香辣湯～2-4人份)~馬來西亞的傳統宴客佳餚，螃蟹俗稱海中老虎、蝦代表龍，因而得名。融合了中式、泰式與印尼風味，陣容鼎盛，包括：螃蟹、蝦、石斑魚、墨魚...等等。湯底有海鮮或香辣兩種口味可供選擇，當夜點了香辣，經四個多小時熬煮，再以辣醬、中藥材、鹹魚、椰奶....等等入味，每一口也鮮香味濃，朋友，要試；當試難得一試的吧？菜香鐵板豆腐(無辣)～大、中、細任選(＄196、＄147、＄98)，自家製豆腐外酥內嫩，澆上肉碎醬汁，白飯！你在何方！古早魚香老鼠粉煲～各處地方都有不同叫法，在港則稱作銀針粉，兒時跟父母上酒樓飲茶，很喜歡吃那個「太空飛船銀針粉」，以半圓形玻璃兜蓋著盛於碟上，以蛋絲、冬菇絲、紅蘿蔔絲、肉絲、芽菜等伴炒；香噴噴，肥嘟嘟滑溜溜的，好吃得很！今勻喜見已不多現的兒時之味，鍋上放湯，特製鹹魚醬是這味菜的靈魂，侍者把砂煲蓋揭起時，將巳備用的鹹魚醬加之入內，鹹香四溢，刺激食慾！三色桂花班蘭糕（冷）用上桂花、斑蘭及椰子做成三色糕點，清甜帶椰香，爽而不膩，正好作為完美的收結！樂天皇朝地址: 尖沙咀加拿分道20號加拿芬廣場2樓電話: 28823313…查看更多

中國人無處不在，越洋過海移民東南亞始於20年代，就地取材混合南洋風味的中國菜別富特色，香辛濃郁，惹味非常。 我喜歡不時轉轉口味，今日來到尖沙咀樂天經典，為的是一嚐從未吃過的龍虎燴及老鼠粉，而且仲有遊戲玩，上傳更享有其中一款菜的半價優惠，一舉三得！ 環境配合，模仿南洋大宅風格，密密麻麻的圓形拱窗就是主要裝飾。 似乎主力推蟹，打開餐牌第一頁就是蟹之誘惑，星洲黑椒螃蟹及花雕雞油蒸蟹皆非常吸引，只是今日心已有所屬。 值得一提這些栗子花生，非常腍軟入味，好好吃。 脆醬美人魚 $55 冷盤小吃中，第一款就是脆醬美人魚，既然是招牌，當然必選。 本以為是一般的香脆甜辣魚仔，入口之後怱然湧出生紅辣椒、芫茜及青蒽的強烈香辛，層次分明，成功吊出南洋料理之風味，非常欣賞這細心及精明的做法！ 菜香鐵板豆腐 （微辣）$98 鐵板豆腐本來已經香口，淋上香噴噴的菜心肉碎特製醬更加錦上添花，尤其欣賞豆腐外脆、但內心非常滑溜，因為醬汁非常濃郁，底部仲有蛋，佐飯吃一流。 招牌扣肉包 $23 點一個試試，腍嫩味濃、入口快化的扣肉沒有令我失望， 雪白包包香軟，細心的配片生菜，增添爽脆口感蠻不錯。 龍虎燴－海鮮湯 $468 主角出場，果然是龍虎大會，大蝦、魷魚、花蛤、鱸魚片、青蟹、米線、京蔥、香芹及花菇絲的組合，陣容頂盛。 尤其有全只青蟹，新鮮肉彈，我亦喜歡米線，質感軟腍，非常掛汁，連同海鮮湯一齊吃，非常美味，好吃至停不了口！ 古早魚香老鼠粉煲 $108 老鼠粉即是銀針粉，尾部尖尖因而相似得各；古早風味可能是用鹹魚醬煮的原因。 特色的鹹魚醬，據說做法是先要把鹹魚蒸熟後壓成蓉，然後淋上熱油而成，怪不得鹹香四溢，其他材料亦相當豐富，包括有多隻中蝦、蛋黃、肉碎、冬菇絲、椰菜花及生雞蛋，與一般湯粉不同，杰身如羹，而且配上一碟檸檬醬汁，令湯頭帶點酸味，正好平衡鹹魚的鹹香。 三色桂花班蘭糕 $38 集三種特性於一身，人口即溶的水瑩椰汁糕、香甜的桂花糕配合黏韌的班蘭，口感及外觀都得分。 楊枝甘露 $36 湯頭比一般的杰，冰涼可口，味道唔錯。 山莓與薄荷 $28 山莓與薄荷的組合特別，記得攪勻才飲，甜甜酸酸又有清新的薄荷香，層次討好。非常滿足滿意的一餐，值得再訪。…查看更多

「樂天皇朝」與「樂天經典」同屬一個集團，在加拿芬廣場更是兩舖同場出現。兩者比較，前者主打滬菜，後者主打經典菜式。「蒜香紅海蜇頭」是爽脆香口的頭盤小碟，醋香酸汁當中引入了辣椒粒，為菜式加入一份明顯的辛辣感。「菜香鐵板豆腐」以菜心及肉碎拌勻秘製蛋汁醬料而成，在鐵板不斷的加熱下，香氣撲鼻。豆腐經過炸煮處理，外觀金黃，外層微脆，內裡軟滑。「荔枝咕嚕肉」評價中等，除菠蘿換上茘枝外，未予小編特別驚喜。 「龍虎燴」其實是一個雜錦海鮮湯，以青蟹 (虎)、蝦 (龍)、蜆、班塊、京蔥、香芹等配合豬骨肴煮而成，最後再加入米線作主食。因海鮮投放量多，湯汁特別甜美，並輕泛花彫酒香，而惹味的京蔥及香芹亦搶佔一定注意力。細味主角青蟹，雖然基本上沒有蟹羔，但肉實結實鮮甜。海蝦海蜆的發揮則恰如其份，主力吸海鮮湯給味。米線經過長時間浸煮難免會變腍，但用以掛汁品味亦未嘗不是一個好方案。「古早魚香老鼠粉煲」是另一款經典菜式，它擁老鼠粉之名，很大程度因為類近銀針粉的粉條外觀與老鼠尾有點相像。菜式上桌後店員會混入鹹魚桔仔醬汁，以致粉煲味道鹹中帶酸，奇異得來又幾好食。再加上冬菇、肉碎、菜脯等佐料，令味道更為豐富。 「馬來風光」洋溢南洋風味，實而不華。最後是「海鮮皇炒飯」，以鮮蝦、小柱及蟹籽炒製，味道 OK，個人覺得濕身了少許，同事則覺得剛好。 首次造訪「樂天經典」予小編不俗的印象，兩道店員推介的經典菜式「龍虎燴」及「古早魚香老鼠粉煲」亦為小編帶來新鮮感，讚！…查看更多