雲南啊老表黑山羊湯鍋米綫 (觀塘工業中心)

朋友講咗好耐一直都話呢間羊肉麵好好食但早排可能疫情關係路過幾次佢都冇開門今日終於食到喇都幾期待我立刻嗌咗一個細嘅羊肉米線上到嚟熱辣辣都幾香個碗好大碗，米線嘅份量都唔少而且羊肉片嘅份量都幾多仲大大片食落有羊味又唔「蘇」聽朋友講以前有得揀要唔要皮肥定瘦不過而家就冇咗啦但整體來講我覺得個羊肉麵都幾好食個湯都幾好飲個口水雞嚟到我見到都幾大舊入面雖然係凍但係冇冰嘅狀況而且雞肉都幾入味仲食咗個涼拌青瓜呢個我就覺得不過不失唔算太入味下個月佢就搬去鴻圖道喇…Read More

之前朋友帶我黎呢間食羊肉既米線，覺得性價比幾高，於是再同朋友黎食多次🤗🤗🤗  😝羊肉酸辣米線😝 我本身見佢細碗諗住係真係細細地比女仔食，點知佢細碗都大份過人米線勁多男人食都夠飽🤗🤗羊肉真係幾出色，食落完全唔會有騷味，好易入口🤩🤩  😚牛羊雙拼酸辣米線😚 呢間食羊出名既估唔到牛肉都同樣出色🥳🥳羊肉係薄切一片片，牛就好厚實一大舊肉，但完全唔會乾，想食得滿足d可以叫雙拼，個價錢仲要平過淨羊肉🤗🤗  😀蒜泥白肉😀一碟有八片，份量適中白肉點上滿滿既蒜泥真係好正，重口味人士必食😀😀😀  😗口水雞😗  口水雞都正常唔會太辣，雞件都滑身，但有部分會多骨少少，但都可以接受😗😗😗  其實真心幾抵食，可以食到唔騷既羊肉加咁大碗米線都係43-50蚊，食厭左豬牛雞真係可以試試呢度既羊肉米線🤗🤗🤗 …Read More

意想不到地在觀塘發現也有一家雲南啊老表羊肉湯米線, 之前是朋友帶我在佐敦吃過的, 湯底令人印象深刻, 於是立刻入店吃個午餐回味一下。羊肉酸辣細碗米線, 說是細碗, 其實已經足夠一般男士食用, 大碗的更是猶如臉盆, 不是大胃之人可以不用挑戰。酸菜很夠味, 辣味就相對較弱, 配合起來很開胃。羊肉細碗米線, 羊肉清湯底, 可算是招牌了, 同場甚至聽到有人單點羊肉湯要來喝, 羊味明顯但不會騷, 是清甜的肉湯味, 冬天喝會感覺特別滋補。每桌都有一罐辣味菜甫可以任加, 讚。滷海帶, 其實就是普通涼拌海帶, 看名字還誤以為是台式的滷海帶, 不過好在味道也不過不失。口水雞, 份量不少, 多數是雞胸肉, 啖啖肉。最後來杯熱檸蜜清清口腔, 完成滿足的一餐。…Read More

來到觀塘行街天寒地凍 最好有些羊肉食下暖下胃想起呢頭有呢間黑山羊米線便與友人入去醫肚在工廠大廈的地下入口不太起眼2點來到也有不少食客 看來應不錯好彩不用等位睇吓餐牌都幾多選擇我哋都叫左牛羊雙拼米線（細碗）我就加左酸菜 再叫埋口水雞和雞翼小食等左陣食物就熱辣辣送上嚟嘩！ 原來細碗都甘多料羊肉唔騷又入味 加埋酸菜同辣椒醬一齊食就更好味😋調味料都多選擇 試過辣醬都幾推介口水雞都好好有啲麻同辣 易入口配米線亦一流雞翼就比想像中細 唔係好辣朋友怕辣都食到食完呢餐成身暖曬手腳都暖返羊肉果然好補力氣充足可以繼續shopping 了…Read More

今天又有機會吃羊， 朋友介紹這間食店有地道嘅雲南黑山羊米線～ 非常期待！店舖在觀塘工業中心內地舖， 餐廳牆壁都掛滿黑山羊和大草原圖畫， 有雲南少數民族感覺。當然要試羊肉米線， 這款是細碗但係個湯碗都幾大。要試原汁原味梗係揀清湯底。 先嘗湯底， 清甜無比又不失羊嘅鮮味， 店員介紹湯底係用羊骨，羊肉和一些中藥材料熬製而成， 充滿羊的香味而非羶味， 回家後也不覺口渴， 絕無添加～！ 羊肉切成薄片，連皮，嫩滑， 份量足。 湯底也放上韭菜粒，青蔥翠綠令湯底更添香氣。 米線彈牙，唔易斷， 好吃極了！檯面也放上一瓶醃菜莆， 放些入汤更提升味道。菜脯會唔會好辣或過咸嘅調味， 甜甜哋😋👍👍重點係勁·爽·脆！ 好吃嘅菜譜不容易遇上😋牛腩湯鍋米線（细）$50牛腩味道也不錯 ，牛腩帶著少少肥真太合心意。補充每款米線都放上幾塊燒豬皮， 增添口感但浸耐咗已經唔脆。自家製豬手$25， 豬手皮好似燒過皮比較乾身冇曬油份， 口感和味道都唔錯。口水雞$32 賣相唔係咁靚仔不過很惹味， 口水雞嘅醬汁夠辣夠入，雞皮夠爽脆肉嫩滑， 價錢平實覺得好抵食！仲試佢嘅鮮製豆漿（凍）， 幼滑香甜豆味濃， 配合米線實在冇得輸。超滿意呀！😍吃了一頓美味的雲南風味黑山羊米線。…Read More

今日一個出席活動，所以先醫飽肚皮，一個點了大碗米線同口水雞，的確份量超多，兩人分享也夠食，建議女仔點小碗配小食。前陣子都好受歡迎的羊肉米線，食店跟店名一樣，明顯是主打賣羊肉米線，湯底有清湯或酸辣，以黑山羊米線最受歡迎，當中還分帶皮及淨肉，前者必叫的，還有雲南風味麻辣小食，也是不可缺少的。【帶皮黑山羊肉酸辣米線】（大）$58羊肉好香好嫩，肉同湯都有少少羊羶味，配酸菜加微辣，更加酥香惹味。特別喜歡帶皮，因為皮係另外炸至鬆脆，放湯同食，吸湯汁之餘，又有酥脆油香口感，超正。米線亦好滑溜有彈性，吸埋羊肉湯味，份量也很足，好飽肚。【口水雞】 $30個辣汁超吸引，麻辣香有齊，越食辣味越刺激，亦停唔到口。雞肉唔鞋，又夠入味，連雞皮都夠爽滑不膩。…Read More

上次去完APM配眼鏡，今晚就拉埋朋友一齊去攞貨順便食飯。因為都無咩想食就食米線啦，附近又無食開嗰間，見呢度有羊腩食咁得意，就同朋友入去一食。羊肉唔係個個接受到主要原因係佢嘅羶味。尤其係成年左嘅羊，因為體脂高所以羶味相對地濃烈。不過呢間店嘅羊肉就無呢個問題，因為採用年輕放養黑山羊，羊脂較少令到食落無咁令人抗拒。酸辣羊肉湯米線(大碗)。羊肉入口滑嫩，雖然係瘦肉部分但都唔覺柴口，好腍身。酸辣湯底好清，又唔會因為太辣而搶過羊肉嘅滋味，整體幾唔錯。米線偏硬身彈牙，腍返少少會好啲。如果點清湯就應該食到最原始嘅香甜。清湯牛肉米線。唔知係唔係個湯都係共用關係，朋友嘅牛肉湯都有微微嘅羊肉味。不過係接受到嘅。牛肉比羊肉更腍啲，牛脂煮到化晒。所以食落完全唔使咬就化開左，真係入口即溶，正。米線都羊嘅唔多，但個湯就再清甜啲，口水雞。雞肉結實，吸收左麻辣醬汁之後好惹味。最鐘意係佢嘅花生，原粒炸得香口酥脆，配上醬汁及雞肉一齊食，口感同味道都好正。酸辣豆芽。豆芽夠嫩所以食完無渣，加上少少酸辣味道，開胃之餘又健康，話晒食左咁多肉，食返啲蔬菜平衡返，係應該嘅。估唔到羊肉米線嘅效果都幾唔錯，亦都留意到尖沙咀頭都有分店，下次放LUNCH都可以再食過了。…Read More

上星期我地去左佐敦行街，行完國貨公司，就去左寶靈街，一黎可以係鐵皮屋度逛狂逛，二黎又可以揾下有咩啱食，行下行下，見到呢間老表黑山羊，米線係大部分香港人嘅飛彿，但食黎食去都係麻辣、酸辣，好無新意姐而呢度主打羊湯肉米線，又真係未試過喎，一於試下先內在環境同典型米線鋪差唔多，係比較簡樸嘅除左主角羊肉湯米線之外，佢仲有豬骨湯米線，無論食羊愛好者，定係唔鐘意食羊嘅，呢度都滿足到哂除咗米線，小食都有不少選擇，而且價錢偏平，絕對係經濟之選我就當然要食羊肉米線，仲要食大碗添，上枱嘅時候真係嚇左一跳，成個臉盆咁大碗，都係講梗$60。而味道方面，真係很不錯，羊湯底味道香濃而不羶，仲帶啲清甜羊肉外表雖然望落鞋鞋地，但食落係兩回事，羊肉新鮮鬆軟，羊味濃以呢個價錢真係好👌🏼而我朋友就叫左碗豬骨濃湯雞肉米線，湯底係同樣的清甜濃郁，大碗$48堅扺又正我哋另外仲叫咗兩個小食，第一個係口水雞,估唔到以＄30嘅價錢，可以食到咁嫩滑嘅雞，而口水汁調味十分好，小小辣得來又充滿着四川風味，幾好而第二個小食係麻辣豬耳，豬耳爽脆，正啊估唔到以呢個價錢，可以食到咁好味嘅樣湯肉米線，黑山羊老表，果然好嘢，要俾個like呢度…Read More

唔知點解次次聽到呢間個名，都會諗起: 老表您好野😂😂 其實呢間鋪頭都真係幾好野，開左無幾耐，openrice 已經好高分，宜家仲要分店都開埋👍🏻.受歡迎既原因無他，因為佢羊肉味夠香夠濃，仲要夠晒大碗，好抵食。羊肉味有幾香，您一入去佢鋪頭隨便呼吸下都一定會聞到👃🏻________________________🔹羊肉米線 (大碗) $57羊有得叫有皮或剩瘦肉，個人覺得有皮會有羊味啲，所以揀左有皮😂怕肥的朋友都唔洗怕，雖然係皮，但一啲都唔肥，仲帶一點爽勁，睇得出隻羊成日都有運動😜.叫得做大碗都真係幾大下，細食啲既朋友應該夠兩個食，份量類似譚仔叫全餸咁。.頭先講過羊肉湯好香，原本以為好濃，但食落又幾清，清得黎又有羊鮮味，加埋葱粒，真係就咁飲個湯底都得！最重要係佢應該無放咩味精，飲完一啲都無口乾！羊肉幾嫩口，份量都適中，食落唔係好羶👍🏻.🔹口水雞 $28口水雞好驚喜，雖然個樣唔太靚仔，但個辣汁辣中帶少少麻，好重花椒味，雞肉又幾嫩滑，好好食！.🔹涼拌青瓜 $19青瓜汁酸得好開胃，仲好香麻油同蒜香，只係略微切得大件左少少，唔係個話就會再入味啲再好食啲.中意食酸酸辣辣涼拌青瓜既朋友仔，可以好似我咁將啲青瓜浸落口水雞啲汁度，omg, 仲好食啲囉！…Read More

今日同老公去觀塘行街街，經過呢間雲南啊老表黑山羊湯鍋米線，係門口已經聞到好香嘅氣味，所以走入去食。我們叫咗羊肉湯鍋米線我選了有皮，牛腩湯鍋米線，口水雞和避風塘麻辣雞翼，仲有凍檸樂和凍檸七。先講羊肉湯鍋米線啲羊肉好多，好有羊穌味，米線都好多好彈牙，份量好足，湯底好鮮甜。牛腩湯鍋米線，啲牛腩勁林，入口即溶，真係勁正，我加咗酸菜，酸酸辣辣食咗好開胃，牛腩嘅湯底比羊肉湯底更濃味。口水雞又麻又辣，好刺激。避風塘麻辣雞翼都係好好食，同埋20元有5隻雞翼勁抵食。佢係係工業大廈開，所有好大地方，坐得都幾舒服，都好多人食，坐到爆曬。…Read More

雲南啊老表黑羊湯鍋米綫 - 餐廳名好長但深刻，餐廳都算大間，座位夠多。點餐，先叫了羊肉米線有帶皮，細碗的($45)。 初時以為會好肥，原來皮剛黏住肉，肥膏唔多，皮質爽口，羊肉稔身，唔算羶易入口，而且羊肉味香，夠稔。湯底以羊肉味為主，鮮甜，湯底用了好多羊加秘製配料料熬足 3小時而成，羊湯味醇兼且濃郁，聽店員講每碗米線會先加半茶匙羊油，才下羊湯，羊味沒法擋；米線夠稔身大碗飽肚。加了酸菜更惹味。另外點了豬𦟌米線$37，肉質夠滑，唔鞋，豬皮爽口，湯底鮮甜。小食叫了口水雞 ($25) 之前都驚會好辣，好在唔會，雞皮爽脆，雞肉滲透秒製辣汁入味。再叫多個小食，避風台麻辣雞翼$20，微辣，帶芝麻香，好抵呢個價錢有5隻，濕濕地的醬汁，唔會烤至極乾身，入味。叫埋兩個餐飲加$6@，奶茶夠滑，咖啡，好滿足。…Read More

早排坐巴士經過官塘道發現食店在這裡重新開業，雖然沒有大大個招牌，但黑山羊照片依舊。新舖比位於官塘廣場舊舖大上數倍，不用再坐到背貼背，也不用費時等位。雖然新舖不在人流旺之地，但依舊食客不絕，尤其我這類之前光顧過感覺不錯的粉絲。黑山羊湯鍋米線 $57（大）/$45（細）細碗份量都不少。可配公仔麵、米粉或湯飯，仲可以選擇有皮或淨瘦。我既羊肉係淨瘦，肉嫩沒有羊羶味，湯也好喝，不錯。牛腩湯鍋米線 $54（大）/$45（細）另一主打，牛腩鬆軟入口即溶，有濃郁牛味，味道也不俗！口水雞 $28啖啖肉，又嫩滑。口水醬小辣中帶酸，開胃！另外仲有一特別飲品：茶蜜 跟餐$6 冷熱同價，係茶加蜜糖，第一次飲，原來味道很夾，很潤很好喝！總體來說，如牆上一幅描述食羊肉對身體的好處，好味又有益，正是我喜愛的原因。:…Read More

平時譚氏就食得多了，今日就試下食其他米線。*羊肉細碗($45)雖說是細碗，但其實份量非常大；點了走皮的羊肉，真的很瘦，所以肉質無疑一定會「鞋」少少；羊的羶味濃；米線亦夠彈牙。*牛腩湯鍋米線細碗($45)媽媽點的吃過一舊牛腩，很淋，煮得入味。*口水雞($28)對於不吃辣的我來說，辣度是可以接受的。不過個人覺得雞肉不夠嫩滑，但是這碟口水雞真的啖啖肉。*涼拌木耳($20)帶有少少辣的木耳很爽口，又有少少醋的酸味。…Read More

呢度啲粉麵係有分大同細,朋友就叫咗碗大嘅帶皮羊肉米粉,拎到嚟都真係好大碗.我就叫咗細碗嘅淨瘦羊肉米粉,同埋加咗酸菜,拎到嚟嗰陣又嚇咗一嚇,乜原來細碗都咁大碗嘅?目測之下容器同大碗分別唔大,只係矮身少少.呢度話係用黑山羊肉,佢俾嘅份量都唔少,同埋用咗最基本,冇咩調味嘅方法去煮,食落羶味突出,但都可以接受.另外佢個湯飲落好似冇乜味,主要係靠我額外加嘅酸菜提味.我哋仲叫咗口水雞,唔算好辣,不過啲雞肉都幾滑.可能係我本身對羊肉嘅愛好唔係太強,同埋佢哋係食羊嘅原味,所以對我嚟講感覺唔算好吸引,不過講份量嘅話又真係算對得住個價錢.…Read More

搬新店後都未食過, 今日帶係觀塘工作嘅朋友黎一嚐朋友先到步, 入去等住等, 無諗過佢第一句說話竟然係:-'嘩!一入到黎陣味,umm~一定好好食'結果, 心有靈犀地叫左4樣食物 (好朋友的口味太相同)大碗有皮羊肉米線, 清湯底 ($49)之前有食過酸辣, 但略帶辣味, 而酸味都蓋過羊肉所以要享受羊肉味道, 一定揀清湯底羊是有點羶, 但不是很濃烈的那種而清湯有點羊味, 一啖又一啖, 差唔多飲晒口水雞 ($25)雖然外觀的確有點不討好, 但味道確是香而不辣, 同出面用辣油浸的完全不同黃油雞皮好厚, 雞件大而肉多, 好嫩滑水餃 ($29)/10隻像住家水餃, 外皮厚薄適中, 內涵是豬肉,配醋共嚐, 不錯。但2個人食10隻, 有點多涼拌土豆絲($16)看到涼拌還怕自己點錯, 因為自己都幾怕食凍野, 但原來是常溫麻味搶先領先, 輕輕酸味, 而不辣. 好滿意嘅一餐, 雖然新店無舊店就腳, 但會繼續支持…Read More