Mammy Pancake

大名鼎鼎的媽咪雞蛋仔，成日聽到但一路未有機會試，今日路經屯門市中心見到，終於有機會試了有好多創新的味道選擇。 作為芝士控，當然立即選了雙重芝士雞蛋仔。 落左order後，店員立即親手整作，成個過程可以透過門面的大大玻璃睇到，見到店員重重地落左好多芝士，已好興奮期待大約5分鐘左右，就收到熱辣辣的芝士雞蛋仔。 粒粒都有芝士，又有蛋味，軟熟又熱辣辣，令人立即食不停口，絕對係好品質的雞蛋仔當食悶左傳統的雞蛋仔時，創新口味的雞蛋仔不妨一試芝士控首推食雙重芝士味啦！…Read More

行經屯門，見到有人手上面拎住一個好特別嘅紙袋喺度食雞蛋仔。跟住我即刻想#開飯啦去搵究竟呢度附近邊度有雞蛋仔食(所以睇吓包裝係幾咁重要😂)。然後，我一搵就搵到附近原來開咗媽咪雞蛋仔。係我屋企附近，以前都有一檔媽咪雞蛋仔，每次行過我都要買一底，仲要係我覺得最好味嘅蜂蜜雞蛋仔，但自從呢間冇做之後，我就好耐都冇食過。我本身勁鍾意食雞蛋仔，一嚟係因為呢個係香港人嘅美食，二來係因為當然佢真係好好食😋所以，今次見返佢就一定要買返一底嚟食。一睇餐牌，佢淨係雞蛋仔都有22款，最後我揀咗一個雙重芝士。一整完熱辣辣就即刻食，不過可能因為我鍾意食芝士，所以就算個皮好甘香鬆軟，我都略嫌佢個芝士味其實唔係好夠重，反而係比個蛋香蓋過咗。如果佢個芝士可以再重手啲就更加好，下次如果再嚟，我會買伯爵茶味或者鹹蛋黃味，又或者會來試一試佢個夾餅。...#FoodieS #Foodis屯門 #屯門美食 #香港美食 #雞蛋仔 #媽咪雞蛋仔 #eggwaffle …Read More